半島漁港/阿翁火鍋館 (南昌薈)

營業中

休息中

飲食界有個一年一度既「SEAFOOD LOVES SAKE」既活動，今年已經第4年，參與既餐廳會提供日本清酒與各式菜餚美味配搭既清酒料理菜單。呢間餐廳今年都有參加,所以預先book左試下佢呢個「SEAFOOD LOVES SAKE」限定套餐。套餐入面好多菜式!樣樣都好高質素!其中值得highlight 既有:🥢海皇羹非常足料!!!入面既蝦都好新鮮彈牙,啖啖充滿海鮮鮮味。🥢炒龍躉球魚肉厚實，大大件，份量又多!炒得剛剛好，唔會太老，非常鮮嫰!🥢尖椒燒汁牛柳粒較為香濃既一道菜。牛柳粒牛味濃又軟稔，配埋尖椒惹味! 刺激味蕾，配上清酒，整體感覺更提升另一層次。 🥢龍躉煮時蔬龍躉頭，配炒時蔬，再配清酒，又另一重清新感覺。 清酒方面，呢次「SEAFOOD LOVES SAKE」限定套餐配既清酒係「築水17大吟醸」。大吟釀口感清爽，同時擁有華麗香氣，配襯唔同菜餚，襯托出菜式的精緻，將整體味道昇華至另一層次。必要一試!!

同屋企人 去揾太奶奶食飯俾佢地 d燒鵝排場 嚇一跳我叫左個 Seafood Love Sake 限定套餐入面有海皇羹 老人家好like食 因為唔洗點咬 而且都好有鮮味 好好胃口 食幾 2 碗最happy睇到佢食得行得炒龍躉球d魚唔鞋口 炒得夠鑊氣！尖椒燒汁牛柳粒好惹味 平時黑椒牛柳多再加埋尖椒 不得了最重要牛柳依舊大大粒龍躉煮時蔬魚肉都無鬆開 好完整Seafood Loves Sake. 限定套餐 x 築水17大吟醸擁有華麗香氣與清爽口感的大吟釀才能襯出菜式的精緻。

聖誕天凍想食熱嘢但係又要有聖誕氣氛，搵到好幾間都係有呢個 「SEAFOOD LOVES SAKE」 活動嘅餐廳， 啱曬鍾意食中餐又要有節日氣氛嘅我， 其中一間喺南昌v city附近， 地點非常方便南昌站一落兩分鐘就行到。屋邨商場嘅餐廳， 裝修企理， 乾淨，佢既Seafood Love Sake. 限定套餐包幾多野食，1) 海皇羹 老人家一定要飲個湯或者羹暖一暖個胃先，剛剛好 2) 炒龍躉球分量非常之多， 材料豐富， 魚肉厚實3) 尖椒燒汁牛柳粒牛柳粒牛質嫩滑，唔會咬唔開，尖椒同牛肉 一向都係perfect match4) 龍躉煮時蔬又有魚，我就最鍾意食魚㗎喇，龍躉煮時菜，加返個菜分量剛剛好最重點推介就係個酒，限定套餐個清酒係築水17大吟醸大吟釀口感清爽，聞既時候會有淡淡的香氣，唔會係好濃嘅酒氣 ，襯托返中菜既龍躉，清清既味道，襯托出菜式的精緻，睇得出係有設計過嘅菜單，必要一試。

我知道酒樓係要做熟客，但係呢間酒樓嘅處理絕對係有問題。🤬🤬🤬🤬星期日12點鐘攞飛，等左1個鐘頭10分鐘都仲未有枱。我開始覺得有問題，埋去睇吓先知道，原來個知客一味放熟人，啲號碼叫都唔叫。個知客打晒招呼個啲，行埋黎就有位，飛都唔使攞。埋去問，仲要態度惡劣，串我話「係無枱丫嘛！兩位枱就有，兩位你係咪入丫？要我就即刻比你。」呢間酒樓我最後都唔會入去，因為我預感只會愈食愈嬲，一間咁樣處理排隊嘅酒樓，出菜都只會係混亂。我亦唔會再比機會佢，呢啲經驗無下次。

點心好食蟹籽燒賣皇、黃金流沙包、鮮蝦腸粉好香、好正唔係間間茶樓嘅小籠包好食，呢間嘅南翔小籠包不失望點心上得快。人流多，職員雖在安排坐位上三次未定，但在之後服務也算不錯

仲邊敢幫襯你哋公司呀啲服務咁差，下午約1pm響南昌薈開開心心買盒燒味雙拼外買飯盒，問其外賣部女職員攞薑蓉，她說其中一樣餸不是雞所以唔俾，真係天大奇聞。響今時今日咁嘅服務行業都仲會聽到呢個天大笑話，而且態度十分惡劣，好似我錯咁，我同她說咁我盒飯有燒肉你又唔跟芥茉醬俾我，先不情願地掉一包落我個膠袋度。我幫襯多年你地早午晚市，疫情時期還幫襯你們買外賣飯盒。今次真係第一次如此失望，亦不會再幫襯你們公司任何一間分店。

是次與家人喝下午茶。眼見酒樓大廳環境擠迫，不欲搭枱，便需要再多等時間才有枱。差不多14：35 才被安排進房喝茶，不用搭枱。茶是用茶包沖泡，沖過第一次，第二次便沒甚茶味。1. 京川餃子本以為跟紅油抄手差不多，但其實不一樣。紅油抄手有辣油，但這菜只有很少醬汁偏向甜，材料與皮份量ok, 味道尚可。2. 七彩蛋散一開始好奇七彩是如何七彩呢，原來是指有七件...麥片只有數片放在蛋散上點綴，沒有甚麼特別。3. 潮州粉粿材料85％是馬蹄和少量配料，不太好。4. 濃湯鮮竹卷鮮竹卷的湯有用蟲草有些特別，湯底是清湯，一點也不濃，可以喝。5. 蒜蓉蝦春卷足料的蝦春卷，蒜蓉味十足，非常香和可口！

休假都到他家陪老爺喝早茶，因附近就這一家酒樓可以喝茶吃點心，每次都要排隊等位，雖不習慣搭台但沒辦法了，各款點心質量還是不錯的，環境也不錯，唯一不足就是要搭台，畢竟現在還是疫情期間，有點小害怕，每次一吃完點心馬上結賬離場，時日消費179元，吃得好飽，性價比高

週末肯定要飲茶咯，雖然小雞胃不喜歡，但是我還是會一個月選兩個週末！炸兩也算酥脆不過和海港酒家的紅米腸還差一點！炸蝦春卷不錯！酥脆份量多，豆苗蝦餃比一般蝦餃更好吃！甜薄撐我倆都喜歡，叉燒酥不喜歡，有薑味兒！桂花糕是他吃的，他喜歡

為咗食一蚊豬。六個人可以叫半份，唔算多肉，皮燒得很脆。比某啲婚宴時食的，仲要好食雖然一蚊，但都係有驚喜豉油王鵝腸，鵝腸爽，豉油夠入味。紅燒BB鴿，味道唔錯，不過冇乜肉食金菇粉絲肥牛沙嗲煲，正常，但沙嗲好好食，有少少辣。薑蔥生蠔煲拎上嚟嘅時候，仲係熱辣辣。薑蔥好入味，蠔大隻，配埋啲汁，好野味。好好食粟米雞蓉魚肚羹正常，無特別綠豆沙，送嘅好香，起沙。就算係送都不是稀水。因為叫咗一蚊BB豬，所以唔可以叫特價套餐。小菜要散叫。散叫小菜價錢都唔算貴。我哋六個人食，叫了六樣野，平均每人百五蚊。有幾個阿姐應該係炒散所以問佢哋嘢都唔識。不過負責幫我哋買單嗰個阿姐好好，送糖水俾我哋食，又會推介叫我哋平日來，會少啲人。之前睇食評見到話呢間嘢麻麻哋，本身都冇乜特別期望，但為咗一蚊豬先去試吓，結果俾我哋好有驚喜，比我想像中好食好多，我哋幾個食完都大讚。難怪天水圍嗰間咁多人排隊。

父親節第一擊⚡️，酒樓飲茶☕️大煎堆 - 煎堆面灑滿白芝麻，比出面其它煎堆較薄脆，又不缺乏口感🫠叉燒酥 - 叉燒餡加入左薑汁，特別又鬆化🤩香芋煎薄餅 - 外皮煎到脆卜卜，入面有宇頭香味又夠軟熟，一上檯就清哂😋燒賣 - 新鮮彈牙😬🧄蒜香🍤春卷 - 香脆不油膩，滿滿既蝦肉🍤，蒜味🧄唔係好重😂鹹水角 - 香脆煙靭可口😏牛肉腸、蝦胶、菜苗餃、叉燒包、黃金流沙包、香芋燒腩卷 - 皮薄餡料豐富飽滿🥳鳳爪、金錢肚 - 味道正常，可以再蒸得熱D🤏酥炸魷魚鬚 - 外酥裹嫩🫰呢一餐大大大滿足✌🏻✌🏻✌🏻

下午茶佢食飯，一入去好似個個都欠佢錢咁。想叫人攞單，一講唔該一個二個掉頭走。食食下飯咩都唔Q講就攞走個水壺。叫叉燒蘇叫佢剪開，佢叫你自己用筷子整開。食粽想點下糖叫佢攞d嚟，佢話頭先攞左俾你所以唔俾。邊個嚟就係邊個欠佢幾前萬。下次想食d野佢隔黎M記算把啦，人地快餐店唔收你服務費服務都好佢幾百倍呀。

好咸，乜都咸，飲茶多過食野。乳豬。好so, 如果唔係有碟糖係到都食落。如果要食就叫佢俾多碟糖啦。龍躉雙食，超咸，魚鱗都未打好，成口都係鱗。乳鴿48蚊1隻係抵食，但都係好咸。可能我地窮，冇派利是／錢俾樓面。1805落單叫個芝士龍蝦麵1830隔離枱都食完個龍蝦仲未黎，追單，樓面話有廚房忙叫我地等，但又唔問廚房。1845再追，發現廚房漏單。1900先黎。再同我地講，因為今日母親節，所以出菜慢。著左，唔要埋單走。

真係飲咁多次茶未試過要自己裝外賣 同我講話係優惠套餐要自己裝 問返佢點解你之前唔同我講 如果係咁我唔叫啦 或者叫原價係咪你幫裝返呀之後話唔好意思 簡直唔知咩服務態度 如果真係叫外賣要自己裝嘅我真係唔會叫

超多人排隊，星期一排左二十分鐘才有位，以為係老廣煙火氣濃的茶餐廳！點知寫好紙一個鐘頭後都未有菜上。搭台既遲過我地坐低都已經上菜，催左幾次，仲比人鬧！話：點心即蒸的，無咁快。第二次半個鐘頭後催單，又話點心半個鐘未熟唔得上台！九個字後第三次催，阿姐扎住張紙問係唔係我地張單，無寫台號無入電腦！總之一句話講曬，曬我時間，我都唔食啦，即刻走人！以後唔會幫襯！！！平時咁多人排隊以為有幾好味，點知入去仲要俾人鬧，到最後擺烏龍有無人同我地道歉，下次真係有人請都唔去啊！