半島漁港/阿翁火鍋館 (南昌薈)

營業中

休息中

今晚同女女來到南昌薈食晚飯，因為畀佢嘅一蚊優惠吸引，逢星期一至五晚市，可以一蚊超抵價，叫一碟 bb豬，燒鵝或者文昌雞，真係好抵食。餐廳闊落，有空間感，我們6點就到達了。我哋叫咗個一蚊燒鵝，燒鵝好肥美，皮脆肉嫩，咬落爆汁juicy，高質。另外叫咗個拍青瓜，同埋囡囡最鍾意嘅原隻鮑魚扣玉掌。拍青瓜幾大碟，面頭有啲海蜇絲，青瓜爽脆，酸酸甜甜，開胃。鮑魚彈牙，鵝掌炆得夠霖夠入味。食飽飽部長仲送咗兩碗陳皮紅豆沙，唔太甜，好美味，今餐大滿足。

今日係深水埗工作，放工後同女友食飯，大家都想試下中菜，我地網上見到晚市**一蚊優惠**，可以揀bb豬/燒鵝/文昌雞，我地決定試下環境比較高級，而且很清潔我地揀左$328套餐，有魚有肉，配上**一蚊優惠**，要左燒鵝，正蜜汁叉燒皇，大大嚿，肉味香濃，而且唔瘦，啖啖肉，唔錯咕嚕雞蝦球，炸粉唔厚，新解炸，雞肉大大件，蝦球足料新鮮，又醒胃富貴斑 平時係街市買都過百，而家整埋俾你都係差不多，所以好抵，肉質鮮甜細緻，好食最想食既燒鵝終於到，新鮮製作，所以仲熱，皮脆肉香，肉質肥嫩，大飽口福白飯也俾想像中好，算是粒粒分明，有咬口我地食到好飽，食左4樣野埋單先$416，價錢算幾抵，最重要係味道不錯，經過會再黎惠顧

疫情影响下，半年来第一次豁出去和朋友出街聚餐。逛着逛着，见到半岛渔港晚市大优惠，$1元至尊烧鹅赫然在眼前……迫不及待，拿着票同朋友坐下来点餐准备大吃一餐。 环境：第一次感受宽敞舒服的茶楼环境，每桌隔离至少1.5米，服务员热情体贴地在周边端茶倒水。 至尊烧鹅：我给100分，老板太有爱了！份量十足，味道够劲，皮脆肉甜，肥而不腻！下次来继续至尊烧鹅哦！龍躉两味：各有千秋，各有味道。第一次吃龍躉，煎炸式的龍躉，清脆爽口，有嚼劲！陈皮蒸式的龍躉，清香酸口！生汁明虾球：酸酸甜甜，新鲜肉嫩，胃口大开，忍不住多吃几只！下次生日party…朋友聚餐…我再来

<1 蚊乳豬，燒鵝，文昌雞>😍半島漁港 除左打邊爐正外 佢既中菜都十分唔錯 近排仲做緊平日1 蚊優惠 1 蚊就可食到乳豬 燒鵝 或文昌雞 三選一 乳豬即叫即燒 點可以唔試下 😍🍴極品 bb豬 1 蚊🐷三樣1 蚊既野食 我點左 bb豬 都有6 大件 仲要即叫即燒 好抵😍乳豬切得好夠大件 外皮好香脆 中間帶 d豬油香 同豬肥肉 底層既豬肉質嫩滑 整體夠層次感 👍🏻 點埋乳豬醬同白糖夠哂正🍴紅燒野菌豆腐 118 蚊🔥大大碟 有成10 幾舊豆腐 豆腐燒得出面帶少少脆 豆腐入面夠嫩滑 黑菌主要係冬菇 夠爽口 成碟野既茨汁夠黏稠 幾啱要黎撈飯 唔錯🍴海味粉絲雜菜煲 108 蚊🦐勁足料既雜菜煲 小棠菜 芥蘭 西蘭花 菜都好新鮮 仲有好多彈牙既魷魚同煙靭蝦乾🦑🦐令到湯底夠咸香 飲兩啖或要黎撈飯都仲得 而粉絲都夠哂爽口入味 好正😍#中菜 #乳豬 #雜菜煲 #海味 #紅燒豆腐 #豆腐 #燒豬Score 平均分 <7.9/10>Taste 味道：👍🏻👍🏻👍🏻👍🏻Present 外觀：👍🏻👍🏻👍🏻👍🏻Decor&Hygiene 環境衞生：👍🏻👍🏻👍🏻👍🏻Value fo

自從南昌站啟用之後，多了到南昌站上蓋的新商場 V Walk吃飯，連帶 V Walk對面的「南昌匯」，有時也會到訪。而這一天，我就來到「南昌匯」中的這間酒樓，吃了一頓午餐。「沙嗲金錢肚」，醬汁甚濃，十分惹味。「薑蔥牛肉角」：是較特別的點心，口感豐富，值得一試。「香麻叉燒酥」：是及格的出品，都算酥化，但不算特別出色。「叉燒焗餐包」：另一款叉燒點心，還不錯。「鮮蝦脆雲吞」：炸得甚香脆，脆卜卜的炸雲吞，蘸點酸汁，香口，開胃。「蜜糖辣椒脆鱔球」（$58）：份量適中，外脆，有點甜又有點辣，不算很好吃，都算可以和抵食。「脆皮腩仔飯」（$36/碗）： 燒腩仔極靚，皮既脆，脆皮下肥瘦夾雜的豬腩肉也肉汁豐富好味道，是這天的最佳出品。這天雖然吃過多款點心，但我最愛的，還是甚有質素的脆皮燒腩仔。

食物雖不錯，但光顧數次都遇不禮貌對待，有貼錢買難受之感。第一次侍應下錯單仲反屈個客，也不願更正，要客人硬食。第二次下午茶時段，家人先取票入座再等齊人，竟有侍應來要求家人讓三五識七的人先搭抬，人齊再搬我地去另一張枱，全程態度惡劣，理所當然，亦毫不考慮疫情。另有幾次不快經驗也不在此盡錄了。若不是南昌沒有傳統酒樓，絕不會一而再光顧此酒樓。經營者若見此留言，望能虛心改善，其實你們的食物水準不錯。獨市生意不能做永遠，南昌始終有一日會出現競爭者。

最近疫情當道，上班食晏都選擇外賣返公司食。今日揀左公司附近嘅“半島漁港”嘅外賣燒味。比較同區，抵係幾抵，不過抵嘅代價或者係付上健康。幸好是外賣，今日親眼目睹兩個燒味師父無帶口罩斬燒味! 期間都不避忌有談話。我睇到汗都標埋。但係無奈錢俾左，食晏又只有1小時，我手上嘅飯盒都係照食。 不過對依加間酒樓嘅管理非常有保留，衛生意識好差勁。其實，早在疫症前我也曾幫襯堂食飲下茶咁，當時枱上嘅碗筷都已經係油淋淋咁，估唔到外賣其實都係咁。真係無下次了!

新年前時間是多人食飯，我地沒有訂枱，所以很早就去拿位，剛好有一枱位，係臨時加枱，所以比較迫。坐低叫了2只龍蝦+依麵底，盛惠5百幾，龍蝦新鮮，不過粉多左D,個獻打得好差，好漿糊。班仔$489,還可以，不過不失。炒碟菜，上菜速度當然是慢，因為全場滿座，廚房已淋檔，食完2碟海鮮都未黎，服務員話追，追到無晒聲氣，最終取消埋單。服務還可以，加水都好快，材料新鮮，不過廚房功夫唔夠。。。價錢認真唔平，依麵底都$100,食水都好深。

今日午餐賀同事喜慶，約左呢間新開張中菜餐廳，食午市套餐。餐廳喺的剛翻新富昌商場，一樓 ，座位寬闊。我地十二人，套餐份量十足，食才出品不錯。脆皮乳豬，上碟時，仲有熱，皮脆肉嫩每人一隻鮑魚，好霖好入味花枝，白合，帶子，勤菜，全部香甜嫩口，我都滿意菠蘿京都骨，肉嫩，酸甜合適，最重要係唔會炸到柴皮玻璃蝦 芝士伊麵 蝦身好爽伊麵煮得恰到好處唔會太湖狀， 亦都唔會太油膩燕窩羹 喺咁重要嘅場合，個個都食得開心 ， 仲要價錢係大眾化，值！

同家人飲茶，一度掙扎去西九龍定南昌，但由於之前西九龍飲茶有不快經歷，今次決定響南昌薈既半島漁港飲茶。未到2點，已經有好多街坊等位內進，而派位都好識做，58分就放人入去，唔洗大家乾等。入到去，裝修都算幾豪華，響屋邨酒家來講，加上落地玻璃，非常光猛。不過我地被派到廂房入面坐，有少少叫天不應叫地不聞既感覺。。tick好單之後叫左5分鐘都無人應，慘。不過收到單後野食都好快到，味道都不錯。最早來係叉燒穌，燒鴨瀨。不得不讚叉燒穌夠脆，叉燒夠味。燒鴨夠香，瀨粉亦軟硬適中。另外叫左燒賣，雞札，粉果，蝦餃，蘿蔔糕。全部都有傳統茶樓既水準！尤其係雞札，我已經好耐無見到有茶樓用返棉花，芋頭，火腿入雞札，好有兒時味道。粉果亦有沙葛，有少少辣，大家要注意。其他都不錯，大家可以一試！整體都幾好，下次飲茶會再來🤗🤗🤗

今日公司做冬去了附近新開半島酒樓，好多人呀！我地點了咸菜豬肚，個味道也不錯不過豬肚湯欠了少少黑椒粒就會比較好味，還有炸雲吞好脆卜卜裡面包了有一粒蝦也新鮮，再來鹵水豬腳仔好入味豬腳也好軟綿綿，還有臘腸卷，叉燒腸，牛柏葉，蝦滑魚肚，點心拼盤，涼拌海蜇這個要講一下因為個海蜇冇味道少了麻油辣油有點失色，最後來個星洲炒米材料好充足不過味道總係差了一點咖哩味和比較清淡，價錢比較貴但食物質素也可以接受。

早前同朋友到位於南昌嘅半島漁港食晚飯。本身朋友話訂咗枱食半島都嚇親，講吓講吓先知係酒樓。點知啲嘢食質素唔錯。一行七個人叫咗唔少菜式，個個都飽到上心口。一蚊嘅燒鵝份量好多，表面燒得好香又唔燶，肉質嫩滑，完全唔係特價貨嘅貨色。薑蔥鵝腸啲鵝腸去油去得好乾淨，食落好爽口。牛腩煲啲牛腩肥瘦適中，咬落爽滑，加上唐芹同埋芫荽，食落特別惹味，連個湯底都好好飲。雖然我哋叫咗好多特價菜式，但部長同侍應冇黑面之餘仲服務好好。

我們四個人去飲茶 拎左張票。 但係出面等左一個鐘都唔叫4人枱 整係叫其他2人或5-8人枱 🤬🤬其他人啱啱黎到都有得入去。我地問嗰姐姐點解 佢黑哂臉 👩🏿👩🏿👩🏿👩🏿完全唔理人 人群管理非常差 安排冇彈性 態度非常惡劣 😡😡😡最後等左個半鐘先有得入 早晨優惠無哂🙅🏻‍♂️🙅🏻‍♂️食物質素好一般 潮州粉果皮厚左麵包 燒賣做到好鬆散 唔值宜個價錢🤮🤮 等在咁耐 食物麻麻又要受氣無下次 唔再中伏🙅🏻‍♀️💩💩

打邊爐超正，任食放題，食材新鮮，海鮮拼盤、刺身拼盤超豐富，有龍蝦、鮑魚！雞煲都好味，食完仲可以再轉其他湯底，侍應服務熱情，主動向我地介紹優惠，超抵食！！！！！！！

休假，老公相約他老爸吃飯，一搜附近只有這家有檔次的海鮮酒樓，我們晚9點左右到酒樓，咋一看只有一臺顧客，看見環境還乾淨，不錯就坐下，就聽經理介紹點了一隻肉蟹及一條斑魚，味道不錯，蟹肉好鮮甜，老爸喜歡魚看起來賣相不錯，但口感一般，老公説不值這個價格，要38元/兩，這條魚就要差不多800元。整體感覺不錯，不過宵夜時段感覺價格有點高