半島漁港/阿翁火鍋館 (南昌薈)

營業中

休息中

嚟到南昌站v walk，若果想飲茶，只有小富臨和半島漁港可選擇，屋企人最後選擇了半島漁港，等咗一陣位就好快入座。一坐低即刻叫點心，枱上只有兩款點心紙，眼見點心只有10幾款，以為呢間酒樓只有咁多點心，之後問職員仲有冇其他點心紙，她回答沒有🙄，之後自己出面搵咗另一張點心紙，呢張就正常好多，有多款點心俾我揀！叫咗幾款點心，每龍都熱熱辣辣，算唔錯，味道亦都幾好味，鳳爪比出面平時食開嘅瘦咗啲，蟲草花鮮竹卷裏面有芹菜西芹，個人覺得幾好味，流沙奶皇包，要有流沙嘅感覺，但都係熱辣辣的😂仲有牛肉腸粉，賣相和味道都唔錯😋潮州粉果，你便沒有仗着嘅感覺，呢個平時我不是太喜愛，今次都覺得唔錯

這間酒樓不設派飛，形式有如food court 自行搶位，早上經常出現一班無所事事老人衝門搶位非常失禮，3人霸12人枱，呼喝搭枱食客，因搶位口角經常發生，自從滙壐起好後，v walk 商場多了食店，可惜就係欠一間酒樓，如果貴酒樓再不改政策，再以低消費力老人作為目標的話，比果幾十蚊人頭坐足成朝，一有新競爭加入你就自求多福了，如果附近居民早上想食點心外賣，實在只止一間無可奈何，如果有時間想慢慢飲茶，坐十幾分鐘的士去moko 商場坐得舒服又多選擇

同屋企人嚟呢間茶樓慶祝生日，蛋糕可以預先雪起，我哋三個大人一個小朋友，叫咗優惠四寶同埋¼隻燒鵝，食到飽晒，泡泡龍躉真係唔錯，羊腩煲都係啖啖肉，完全唔馬虎，小炒王都好有火候，燒鵝皮脆肉滑。值得一讚嘅係服務員譚小姐超好，主動過嚟加水，有求必應，笑容好好，因為佢親切出色的服務，我哋下次會試吓火鍋👍🏻

♨️任食火鍋♨️富昌邨南昌薈~阿翁火鍋館酒樓格局坐位有些少擠迫，但可接受枱面較細，好多火鍋配料未能放上枱面先來一份刺身(時令)再來一份炆鮑魚鵝掌雞煲任食麻辣湯底有辣味但無麻❌6⭐️滿分服務⭐️⭐️⭐️⭐️價錢⭐️⭐️⭐️⭐️環境⭐️⭐️⭐️⭐️食物⭐️⭐️⭐️⭐️地點⭐️⭐️⭐️整潔⭐️⭐️⭐️⭐️回頭⭐️⭐️⭐️⭐️我哋8人一枱，每人埋單$287-價錢合理🥃免開瓶費🥃適合三五知己，大伙人聚會(以上內容只供參考)

於南昌邨分店外賣買了半隻貴妃雞，原價$98，有8折，最後折實$80， 雞事前師傅原來已斬好，斬得太細，容易有碎骨，還界損了嘴雞好瘦，無咩肉，食完根本唔知食咗咩落肚，而且薑蔥竟然是變了味，食到‘縮’咗嘅味道，立即吐出，如果你問我雞好唔好味，真係講唔出，唔知道唔會再幫襯呢間酒樓，感覺很差，還擔心食用後會否身體不適，實在令人失望以前有試過堂食，質素較好，唔知係唔係張價就貨，但賣食物至少唔可以係變壞，食壞人

今日03-08-21𦁤住3號風球大風大雨費事帶2位老人家去上次2星期前食過幾好酒家，3人食個398餐，都0k既，加1蚊仲有燒鵝食，飲吓啤酒茶芥埋單638好合理好抵食，咁今次試吓外賣特價2個小菜,半隻燒鵝食飯送啤酒，（1）2個小菜加埋150蚊,咁抵都冇要求（2）我要半隻燒鵝正價198,你外賣8拆，唔好連半隻鵝都8拆比客，鴛鴦色，切切埋埋半隻比客，上莊唔見舊，下莊唔見2舊，見到都想食好似切番條屍出嚟，燒鵝背D肥膏多到勁過五花腩。我想問加1蚊堂食例牌就ok,買半隻198外賣就執屍鵝，咩生意手法咩宣傳，外賣客唔係客！唔使埋單㗎，仲要搭車去買ㄧ來ㄧ回，有相為証，以前在太子彌敦道醉翁同ㄧ集團，做生意咁唔老實，唔怪得執得咁快，再幫襯都難，寧願幫襯下邊燒味阿伯，起碼睇住佢斬明買明賣

和親戚興祝生日，叫左個餐，不過不失。個壽包幾好食😋，都幾靚有女綠葉裝飾。蒸魚啱啱熟，時間控制得唔錯，唔會蒸到啲肉霉晒。乳豬一啲都唔肥，瘦肉嘅部位比肥肉多，皮脆。

這裡平日來都坐得挺滿的，但是服務上，也不好說什麼，碰著好的，一舉手沒耐就來招呼您，運氣差的，舉半天了，一直走來走去的，都像突然忙起來似的，您不到她面前遞比佢，佢都似有事忙不完似的.......說回食物方面了，可說是對得起這"價格"了十塊多的燒賣跟排骨飯，燒賣彈牙，飯也不至於軟爛，且配餸也挺多。而鮮竹卷跟咖喱魷魚，一個漫湯鮮甜，一個魷魚爽口，也沒什麼好彈，都正常不錯的。如果在附近想飲個早茶，是一個不錯的選擇。😁

今晚又過黎南昌村食飯，今次擇左2-3位晚飯優惠套餐$398 ，價錢實惠，白飯白粥任裝🍚🤭咁抵食唔怪之得坐滿晒人，可想而知幾受街坊歡迎！🥢小食一款 🥢是日老火靚湯或竹笙海皇羹🥢燒味單拼或雙拼🥢小菜兩款🥢糖水是日老火靚湯係雞骨草湯，飲落有微微苦味，湯渣用另一隻碟裝住，有唔少雞骨草同肥豬肉，真材實料，有清熱解毒功效。燒味當然擇雙拼，可以食到兩款。燒腩仔皮脆肉嫩，偏咸。豉油雞斬到細細件挺入味 。第一款小菜擇魚香茄子煲上枱時仲炸炸聲，醬汁輕微帶辣，調教得好惹味，撈飯一流。第二款小菜擇芥蘭炒牛肉非常腍身，芥蘭口感爽無渣。小食擇沙薑雞腳，開頭以為漏左單，員工話因為要焗所以耐啲，隻隻雞腳都好大隻，肉多，撈埋沙薑醬簡單又好食糖水係紅豆沙，甜度剛剛好，好滿足嘅晚餐😋

排隊等拎位排左2個鐘，但見其他人都係自己行入去坐，冇其他員工理，以為係行入去搵人，但見佢地入去就坐空枱，熟客就可以打橫行？生客就練佢地耐性？入到去，搵個人黎落單都扮睇唔到咁，掂行掂過，落完張單仲要同隔離枱夾埋一齊，係想我幫佢埋單定係怕佢食唔晒等我食埋？落錯單搵人改，又等，改完拎返張正常單黎都唔知等左幾耐，9點諗住同屋企人飲個早茶，搞到直接食lunch,服務態度又差，個個都冇禮貌。係呢間嘢到想搵個優點都難，想幫襯之前諗諗先啦，有大把時間可以磨，可以考慮一下呢到，可能夠你早餐磨到食晚餐。

今日去到南昌匯呢個翻新咗嘅商場，2樓有間酒樓叫「半島」，睇真d，原來叫「半島漁港」先岩🤣究竟佢食物水平同價錢如何？平日大約12點鬆d入座，叫咗個點心拼盤同鳳梨叉燒酥！每款有2粒，燒賣蝦餃大大粒，加埋只係68蚊！ 超抵👍平時酒樓都係叉燒酥，今次加上鳳梨，咬落去有一粒粒的鳳梨，層次感十足，最緊要係入口仲暖笠笠，即叫即做，加分😁2個人計埋茶錢等等，都係130蚊左右，味道同份量都係中上水平😎 果然係「半島」水準～

下午茶茶市價格普遍貴過其他酒樓，衛生設施也屬一般可以，但待應員工服務態度劣質，禮貌相當差，而點心款式沒有特色，但出品也很快到達，最重要在疫情之下沒有改善枱與枱之間距離，太近距離真的會產生有些危險，環境人多比較太糟吵，應該希望管理階層能多加注意及改善！每個人清潔衛生是很重要，客人希望能見有多D有質素食市酒樓，如果是集團式管理，更加要多D注要管理質素！評語是多D改善，下午茶質素真是一般，多謝各位光臨！哈哈！

今日同女友行街，行完大家都肚餓搵野食，係網上搵到一間中式酒樓，做緊1蚊燒鵝/文昌雞優惠，好吸引，我地決定試下好多燒鵝裝修新淨，夠晒光猛。店內環境清潔散叫又有，套餐又有，款式多又抵食，最重要緊係1蚊優惠，只限星期一至五晚市。沙拉脆蝦球，新鮮熱辣，炸粉薄而且不油，蝦大大隻夠彈牙幾好食魚香茄子煲，熱辣辣，茄子大大件唔會碎晒，肉碎&汁都很惹味，餸飯一流主角燒鵝出場，皮脆肉滑，油脂肉味豐富，，2人份量黎講很多很抵食！最後仲有免費甜品紅豆沙，落左陳皮調味，帶一股果皮香，酒樓黎講算唔錯最後埋單$348，我地食到好飽，價錢上唔平但有質素，而且地方大坐得舒服，同平時既屋邨酒樓不同

秋風起真係好想食中菜，咁岩有朋友左我黎食，今次我地一行二人，分別左個竹笙海皇龍躉羹同鮑魚雞煲。兩個人食飲一煲湯，真係好飽，個芡岩岩好，唔會太稠太稀，鮮甜，又有切成細塊的竹笙竹笙，帶啲脆脆口感。鮑魚雞煲，好香薑蔥味，佢唔係我地食個啲辣雞煲，唔辣，但醬油味好正，鮑魚都易咬。重點係佢有一蚊雞，我地兩個人半隻，叫左文昌雞，好滑，雞味濃。好建議大家黎試下，佢仲有個玻璃位，放滿風乾緊的鵝，你又可以睇到佢燒😋。

**半島漁港-南昌店**同老公甚少係屋企附近搵嘢食，呢日就超級難求其搵間野坐低醫包個肚就算，見到半島酒家三百幾蚊有魚有肉，仲可以加一蚊有燒味。就一於入去試吓佢酒樓好大坐得都好闊落，枱同枱之間都唔會太迫。我地要左$328 三寶套餐，仲加咗一蚊要燒鵝！雖然成個餐都好多肉，但係真係物超所值。每樣野都有90分，絕對唔係求其交行貨。兩個人食咁多肉其實真係好多，三個人食就應該啱啱好。不過若然當中如果有一道係菜嘅話就更加好啦