北海道爐端燒 (已結業)

煙肉芝士奶油意大利麵 2人份 $128職員將啲熱騰騰嘅意粉放落一個盤咁大嘅芝士到，一路加入啲煙肉一路攪，慢慢將啲芝士溶落意粉到，成個環境都有芝士味。食落好重芝士味，而且仲有啲芝士塊，啱晒芝士控食。不過食到後期可能有啲悶，味道比較單一，所以多人share 就最啱啦。稻草烤鹽鰹刺生 $98泥到呢到當然要食下稻草烤。魚生燒到表皮有啲熟，食落仲保留到魚嘅鮮味。仲配有乾蒜同芥末，食落又有另一番風味，好有刺激感炸白蘿蔔 $48最好食嘅一道小食，師父應該將沾咗炸漿嘅蘿蔔拎去炸，炸到表皮好脆而咬開入面又好林，食落好入味同juicy 👍

無意中係OpenRice 見到衣間餐廳有好多好評，就決定同朋友仔一齊黎試。可惜去到樓下先知道架 𨋢壞左。要行三層樓梯上去。好累日式清酒煮蜆- 清酒湯鮮甜。原全清晒炒面 - 一般。偏淡， 有改善空間海膽 - 鮮甜好味明太子雞翼 - 好味。肉好滑。煮得岩岩好煙肉芝士奶油意大利面- 勁好味，極力推介，不但好味。waiter會即場係我地面前將意份倒落去舊芝士到撈埋一齊。有得睇有得食。另外。waiter唔夠人。應付不下。要等一陣先有人應機。

友人生日適逢是閒日，因為怕很多人，所以就提早訂了位，晚上8點來到，沒想到仍有空桌數張。一般亞士厘道的樓上餐廳都很逼夾、環境又嘈的，但可能剛好是閒日，人流不多，所以環境不算太嘈，也可以和友人聊天。侍應也很有禮貌，期間不時替我們添茶、收碟的，讚！　叫了幾道菜，其中最愛的是明太子玉子燒和燒魚。　玉子燒口感軟綿綿、燒魚也很滑溜，值得一吃！串燒方面，我們點了燒帶子和煙肉燒蝦，燒帶子真心好吃！整體也OK！有機會再來！

同事今日last day, 我就相約佢去食個飯。知道佢中意食日本野就特登訂枱為佢送行！在內環境刀幾大下，令食客坐得舒舒服服。炸八爪魚：八爪魚份量適中，外層炸至金黃色的，正宗外脆內軟。食一粒已上引，配埋飲品一齊食亦不錯！香酥雞軟骨：份量同樣適中，雞軟骨非常香口 吾會過硬 當中帶有點點咸味，幾有咬口的喔！左口魚邊壽司：師傅燒得好香口 可以做到一半入口即溶化既效果。左口魚邊好鮮味 一口一舊實在美味！海老刺身：刺身蝦大隻所以食落非常爽口 帶有鮮甜味。三文魚刺身：驚喜的系餐廳師傅厚切三文魚，入口能夠充份食到三文魚既口感 同樣鮮味 仲有吾少魚油在口中。中意三文魚既朋友必叫！稻草烤醬油三文魚剌身：另一為三文魚腔食三文魚既新食法。師傅烤左三文魚邊位，令到三文魚在半熟半生的狀態。加上醬油可令三文魚鮮味更也色！明太子牛油燒烏賊：利用明太子和牛油去燒令到烏賊不用點其他醬料已經夠咸咸地既味道。加上牛油可令整碟菜餚更為香口，另外烏賊硬度適中。

同朋友放工去咗尖沙咀食日本野，朋友話上網見到呢間餐廳用成個芝士撈意大利麵，見到芝士掛晒喺意大利面上好濃郁， 所以決定試一試一上到餐廳，見到裝修都幾有特色，我哋就梗係嚟到叫咗個芝士意大利麵，有得食仲有得睇，餐廳職員係你面前將熱辣辣嘅意大利粉放係成舊芝士上邊，撈下撈下，勁邪惡另外我仲叫咗成版海膽，味道鮮甜招牌酥脆雞塊炸雞炸到外皮非常鬆脆，咬落去雞汁依然留喺度，非常juicy 仲叫咗明太子雞翼雞翼表面好脆皮，一邊包住滿滿嘅明太子

擂沙：跟阿林心靈相通，我們不約而同都到過這裡。餐廳以爐端燒為名，這裡的串燒熱辣辣 ($18-32/串)，特別是雞串燒得多汁軟熟，蔬菜如小矮瓜也是好吃，不過調味上個人認為可以下得大膽點。不過我和阿林都很愛吃的牛舌串兩次也是不幸燒得過熟。要說讓我們倆也滿意的是明太子玉子燒 ($68)，雖然就我留意有幾層煎得過熟起焦，不過綜合而言，的確是多汁、富蛋香、明太子份量也是給得慷慨，有誰不愛流心效果？阿林：稻草烤醬油三文魚刺身 ($98) 也不錯，充滿草香煙燻味，有點像煙三文魚，肉質軟滑無筋。鵪鶉蛋 ($28)，以醬油燒製，有點像茶葉蛋。一口一顆，咬下去就爆開，實為過口癮之選。煙肉芝士奶油意大利麵 ($128/2人)，特別之處是店員會在客人面前撈芝士，特別在我不知道這樣做有什麼意義。更好笑的是芝士車不能進入靠牆位置，店員指著十呎外的距離問是否可以在那裡撈⋯嗯，你還是在廚房弄好再端出來吧。麵條為闊條麵，奶油味重，但芝士味比我自家製的更淡薄。

早排去左一間餐廳係好有日本居酒屋feel，我食完覺得是一個拍拖好去處呢！依間餐廳我覺得幾舒服又好岩小酌一番，梅酒都係$38-$48一杯，食物都ok！餐牌上有好多種類款式既食物呢，勁爆選擇困難症啊！最後揀左幾款食物再配梅酒啊！全晚我既最愛就係明太子雞蛋卷，蛋卷勁嫩滑，而明太子帶少少辛味，令我食吾停口！份量都OK啊，兩人分仲覺得有啲多添，所以餐廳真係比足料！朋友好愛食炸雞，所以見到招牌酥脆雞塊就忍吾住點左，我本身無乜期望，諗住都係普通炸雞姐。以為平平無奇，但又係極刷嘴，其實幾似鹽酥雞feel，但無甘咸，再配埋炸雞汁，酸酸地平衡番！刺身點左海膽好耐無食海膽啦勁想食，雖然都幾貴，但真係比足貨你，質素吾錯，吾腥又幾鮮甜！梅酒我喜歡柚子味的比較好啊，好爽！之後仲食左串燒牛舌，燒得剛好吾會韌！左口魚邊壽司入口即溶都非常令人回味～下次會再來的，好岩同朋友吹水慢慢食既地方啊！

今日開心星期二，我地幾個人一早巳經約好，就今日放工之後去happy hours 下。同事提議去食日本野，仲特別揾左呢間北海道爐端燒，原因係佢位於尖沙咀阿士厘道， 我地放工由灣仔過去超方便，另外就梗係聴講佢之前响荔枝角分店已經好有江湖地位，今次响尖沙咀開新分店，咁方便無咩理由吾去啦。我地幾個行到樓下，㩒lift上3樓，一出己經好有日本feel, 感覺好似去左日本，仲有位日本人同我打招呼…成間店裝修都好有傳統日式感覺，木嘅間格， 間出幾間好有私人空間嘅房，好正。最入仲有張可以坐好多人嘅榻榻米 ，其餘嘅枱都好大好舒服 。仲有一個開放式廚房，聴講仲係用稻草燒，專門做燒烤串燒。整體上環境勁啱朋友食飯吹水。餐牌好豐富，我地第一輪叫左芥辣八爪魚，吞拿魚刺身， 明太子雞蛋卷。芥辣八爪魚好爽口，厚切吞拿魚刺身口感一流，好新鮮，呢輪唯一嘅熱食係明太子雞蛋卷，明太子用嫩滑嘅蛋包住，味道好夾，個人意見可以用較辣嘅明太子，應該更鮮味。呢個時候開左個胃，大家都覺得想飲少少酒，打開餐牌見到舖頭老板嚴選左好多種日本酒， 我地就選左價錢258$嘅清酒菊水純米大吟釀，價錢係呢間店算係中上價錢。店員將清酒放入一個好靚嘅玻璃

第一次去呢間餐廳，亦係最後一次。好耐未遇過呢D低級服務，睇返Openrice以往食評，原來早有前科，其他用戶評論服務差。先講食物質素，整體算是一般。以為叫得「北海道爐端燒」，串燒一定好出色，點了明太子雞翼、蘆筍豚肉、牛舌、雞軟骨，試完唔會叫第二轉。次次去親串燒店都會點雞軟骨，十間餐廳九間都燒得好味，只能夠講呢間係第十間。壽司算係OK，炙燒左口魚算新鮮。其他食物也不過不失。講返服務，整晚都係同一位waitress服務我地。我點串燒時說「蘆筍豬肉」，她糾正我話係「蘆筍豚肉」(Ok~ 餐牌係寫豚肉嘅，你啱)，我再點「牛舌」，她再說「牛脷」(我今次跟餐牌讀，咁又唔啱？」。我朋友點菜時，指著餐牌給她看，她說反光看不到。朋友讀號碼給她看，她又說唔清楚號碼係咩。響呢間餐廳點菜，真係一門好大學問。由於我地坐靠邊的榻榻米，我地食到一半，佢話幫我地清清D碟，不過要我地幫手傳出來。我地當然話好，即刻幫手傳碟，佢就帶住竊笑話「你地D碟放響中間，我唔知你地要收喎」，怪責係我地問題。是夜人頭消費大約$400，呢個價格唔算太貴，而呢個價錢選擇實在好多，唔值得去受呢D低級服務。結論，一定唔會再去呢間餐廳。

一行八人嚟呢間嘢食晚飯，遇到澳牛水平嘅服務。間嘢就企理乾淨嘅，但侍應真係十分串咀。先旨聲明，故事並無前傳，我哋亦無態度惡劣。首先，我朋友點菜時指住menu話想要呢個，佢嘅回答係：「反晒光，其實我真係睇唔到㗎喎」正常人都唔會咁串串貢嘛... 咁食到咁上下，有侍應嚟問：「埋邊啲碟收得未？」我哋只係好正常咁答：「收得呀」點知佢話：「咁你哋要擺啲碟出嚟喎。你唔唔擺出嚟我哋係唔知要收㗎喎」講到好似我哋做錯嘢咁。星期日一大班朋友出街食飯為求高興，去著呢間餐廳真係貼錢買難受。我本人就絕不再光顧。

諗唔到一間300-400人頭既餐廳，態度可以如此惡劣。當點菜既時候侍應只係企係tatami出面，我地指住個餐牌講埋餐牌號碼，反而話餐牌反光睇唔到，一句唔該都無個樣仲要好不滿咁。又話我地點菜速度太快聽唔到，毫無說話技巧，正常一間餐廳一定唔會遇到咁既服務。又話食完既碗碟放係中間，佢地睇唔到，成晚都無乜收過d碗碟。餐廳尚算乾淨企理，只係唔建議坐tatami，尤其比較高既人。食物整體都ok, 魚生壽司都好食，carbonara 都ok。本人一定不會再光臨

同姑媽收工黎食尖沙咀食北海道炉端燒望到menu 一下就比d串燒吸引左甘多款唔知揀咩好添望到個牆上塊黑板，有個叫做串燒五款分別係雞翼，雞軟骨，番薯仔，燒山芋同燒牛舌食串燒食雞翼點少得啊不過最愛都係番薯仔，勁想encore！但原來Menu上蕃薯仔冇得單點架☹️跟住點左d主食。見到隔離個玉子燒幾吸引，唔執輸點返個先玉子燒大大件，咬落幾滑幾香蛋味濃，不錯不錯最吸晴都係呢個芝士意大利麵，我哋叫咗一至二人份量當店員準備好，就會敲響手上嘅鐘，推架車嚟到你隔離 架車上面有成舊車輪甘大既芝士店員慢慢將芝士加熱，放上意大利麵再煮熱溶咗嘅芝士就會癡晒上意大利麵上面令到每一條意大利麵都充滿芝士味加埋小小既配料，好味道真係有得睇有得食😎另外點左三文魚刺身，油脂分布平均又新鮮又大件肥美之後仲有少少餓，點多咗兩串串燒分別係番薯同埋冬菇因為冇番薯仔，點住番薯代替先啦 哈哈都好好味喎！果然呢度出名係串燒！😎我見呢度好多人都係book位個喎，walk in客店員都冇接😗為免摸門釘 如果想來食飯都係打黎book定位先啦😉

今日我們仨去尖沙咀亞士厘道食日本野，但有個朋友臨時來不到，錯過了一頓美味的大餐，唯有下次再同佢來吃。我地叫左好多唔同既特食居酒屋小食明太子鷄蛋卷鷄蛋煮得剛剛好，嫩滑多汁，包住滿滿的明太子，熱騰騰很滋味。帶子多春魚燒得很酥酥脆脆的，魚籽滿瀉, 魚籽在口中爆開, 好過癮。辛辣蓮藕酸酸辣辣很開胃，燒過後蓮藕仍然保持脆身，在別的餐廳很少機會吃到日式酒蒸大蜆帶子稚貝友人很喜歡這個，湯都全部喝掉，湯很鮮甜因為有不同的貝類，滿滿的一碗，絕不欺場

11月11日星期六晚上，食到咁上下，加單order忌廉薯餅。等咗四個字左右都未到，問waitress有無漏單，如果漏咗就取消。呢個長髮馬尾waitress望都無望過我地，check完手機話落咗㗎喇，之後無再番轉頭交代。再等多十分鐘，舉手無人理，吧台師傅提醒waitress serve我地。另一個頭髮到膊頭嘅waitress 過嚟，我問薯餅幾時到，佢黑哂面：「一分鐘！一分鐘！」走咗。之前跟單嘅長髮馬尾waitress 經過，又係黑哂面，話：「你頭先加單落嘅薯餅吖嘛。整緊㗎喇。我知你幾時落單㗎。」其實唔適合做服務業可以轉行唔做，唔使咁令客人受氣。作為香港人，我慢慣咗侍應做事講嘢好急，但相信大部分人都接受唔到佢地咁無禮貌嘅態度，真係茶餐廳、大排擋都好過佢。食物一般，服務咁差，以後唔會再幫襯。

有時收工，真係好需要食番D好野，飲杯酒慰勞下自己，如果你都有同感，甘呢個地方你應該會中意。日式枝豆 $28，有酒飲就當然唔少得D送酒小食。枝豆當然係首選，呢到D枝豆 粒粒都好飽滿，而且唔會太咸，幾好。明石燒風雞蛋卷 $58，雞蛋卷蛋香幾好，而且一D都唔DRY，好正!海膽 $98，甘平就當然要試試佢。估唔到質素幾好，唔腥，甜得黎又夠CREAMY，真係好抵食~稻草烤安格斯牛扒 $168，望住廚師用稻草黎燒，D火好大，甘就可以鎖住D肉汁。而且好似BBQ既食物甘，用火燒過，肉會有浸好香既燒烤味，比一般煎既牛肉勁好食。估唔到平平地可以食到間甘高質既日本野，大家有機會一定要去試呀!!!