359
18
15
港鐵尖沙咀/尖東站 L5 出口, 步行約2分鐘 繼續閱讀
電話號碼
24992217
營業時間
今日營業
12:00 - 15:00
18:00 - 23:00
星期一至日
12:00 - 15:00
18:00 - 23:00
付款方式
Visa Master AlipayHK 支付寶 現金 銀聯
其他資料
當面支付
食評 (422)
等級4 2019-01-11
5133 瀏覽
好想好想食日本野, 特別係燒物, 搵到間係TST既日式餐廳, 見佢超多燒物食, 好似好吸引咁就GOGOGO啦~~餐廳係鬧市中, 地點非常方便!6點幾去到早早地唔算多人....到7點幾就差唔多full house咯!餐牌好多選擇!!剌身, 魚生飯, 爐端燒, 炸物, 甜品樣樣有...而且仲有好多日本酒添先來一杯生啤爽爽先 $56好夠凍香味醬油燒鱈場蟹 $198超好味!!! 必食之選!!燒鱈場蟹熱辣辣香噴噴~啖啖肉而且肉質鮮甜, 好味到冇朋友丫 海膽刺身 $108整板海膽, 細細粒好cute cute的!海膽新鮮, 鮮甜, 一D都唔腥豚肉串 $28好香口, 外脆內軟!帆立貝串 $363大粒帆立貝, 燒得剛剛好, 好軟腍明太子牛油燒烏賊 $62每條烏賊都唔會好大條, 好方便食~唔會好靭, 幾有口感!甜瓜冰淇淋小丸子 $52好吸睛好colorful既甜品~分別有2粒哈蜜瓜味雪米糍同2粒蜜桃味雪米糍, 有埋夾心餡好好味!!仲有2大顆蜜瓜味雪糕cream夠稀薄, 食完都冇邪惡感 繼續閱讀
(以上食評乃用戶個人意見 , 並不代表OpenRice之觀點。)
等級4 2018-11-26
7955 瀏覽
同朋友尖沙咀行街街,之後我地想食好啲,朋友強烈推薦呢間人北海道爐端燒!因為食物高質! 餐廳唔算大,坐位比較近,但令感覺真係好似置身日本居酒屋咁!望望餐牌,我地就叫左:煙肉芝士奶油意大利麵意大利麵用上闊條麵,醬汁很多很濃的芝士味,奶油亦很足,煙肉充滿的咸香味,可以將意大利麵的整體味道昇華好幾倍。日本酒蒸大蜆:酒味超級的濃郁,味道好清甜,大蜆+帆立貝MIX and MATCH 幾得意~串燒:大蔥雞肉串:燒製火候控制得宜,肉汁仍然保留在內,雞肉配上大蔥,胃口大開~~明石燒雞蛋卷:蛋味十足,內裡仍然嫩滑,配上店家秘製醬汁,好味~~特大蟶子蒜味牛油燒:蟶子肥美,令人大感滿足。北海道什菇帆立貝牛油燒:帆立貝除充滿濃濃的牛油香味,更帶有淡淡的什菇的清香,令其香氣味道層次更為豐富。磯燒鮑魚:鮑魚新鮮飽滿,肉質彈牙,火候十足。稻草燒安格斯牛扒:份量十足,牛味甚濃,調味用上黑椒為主,令其牛味更為突出,再加埋蒜片不得了!!!鹽燒魷魚鬚:撒上薄薄的鹽,經過燒製,令其香味撲鼻,食時咸香非常,可稱得上佐酒名物之一。總體而言,燒物火候控制得宜,食物質素甚高,調味亦很獨到,全都令人感到滿意,怪不得這裡經常都坐無虛席。 繼續閱讀
(以上食評乃用戶個人意見 , 並不代表OpenRice之觀點。)
等級4 2018-11-15
2873 瀏覽
每次去日本總會光顧居酒屋及爐端燒幾次先安心,可惜在香港食價錢貴得多了。果日朋友同我講佢發現尖沙咀有間爐端燒幾抵食,今晚就同佢黎試下這間餐廳裝修得幾有日本風情,而我地今日被安排坐吧臺。黎到呢d餐廳,除了食物,酒也是非常重要的!!而這間餐廳酒類選擇非常多,價錢又不貴,可以任飲唔心痛我叫左杯柚子梅酒加soda,柚子味很突出,加上梅酒本身的甜度,好好飲!就算加了soda,酒味都頗濃,開心除左酒之外,我地仲叫左七樣嘢日本產生蠔$58生蠔有約半個手掌大,看到它的光澤已知肯定好新鮮,入口果然非常肥美鮮甜,質感又creamy,食完感覺很幸福廣島生蠔燒$62生熟程度剛剛好,入口即融,雖然都好好食,但我個人覺得生的生蠔感覺比較甜,下次再食招牌酥脆雞塊$68異想不到的大碟,有五塊炸雞,塊塊都非常巨大!炸雞炸得很出色,就算點了醬汁或者放久了,外皮依然很脆。炸雞內裏juicy,沒有因為炸得脆而流失肉汁,正帆立貝串燒$36粒粒肉厚肥美,肉汁彈牙鹽燒味增鮭魚腩$58醃漬過的三文魚腩非常入味但不會太鹹,燒脆的外皮加上帶有脂肪的柔軟魚腩,送酒一流神奇炒麵$72不知道神奇之處在哪裡,都是加了豚肉和大量蔬菜,其實就是普通的好吃炒麵。烏賊帶子燒$58原來是沒有椰菜的大阪燒,喜歡這類型食物的人應該覺得好好食。加了大量的醬汁,入口很豐富。食左咁多野又飽到死都係500蚊兩個人,係香港好少有又抵食又好食既居酒屋!一定會再黎 繼續閱讀
(以上食評乃用戶個人意見 , 並不代表OpenRice之觀點。)
等級4 2018-10-24
7652 瀏覽
Family day, 同屋企人去左幾個月前去過既尖沙咀北海道爐端燒食晚飯, 相比起好幾個月前, 呢度既人氣比之前旺了不少。入夜時份已經座無上虛席。呢度提供唔少酒類特飲, 但唔飲酒既都有三款無酒精果汁選擇【桃色吐息】HK$38甜甜地, 桃味梳打, 梳打份量唔多, 底部仲有桃既幼粒喜愛食三文魚既我, 每次黎都定必點: 【三文魚 輕微香煎】HK$78其他餐廳比較少有, 三文魚剌身邊位只稍微煎過, 迫出了少量魚吸油, 亦keep到刺身既口感, 正!!呢度有多款串燒選擇, 價錢平均三十蚊串, 有d偏貴【雞皮串】HK$28 雞皮脆中帶微微焦香, 沒有想像中既油膩感 睇網上食評有唔少人大讚呢款正, 就點黎試試【明太子雞蛋卷】HK$68其實雞蛋卷確實幾滑, 微微蛋香, 不過明太子鹹度幾乎蓋過雞蛋卷, 還好食到甜甜既雞蛋卷啦~【炸明太子雞翼】HK$52表面金黃香脆, 無骨雞翼中釀滿明太子, 稍嫌明太子太多, 令整體味道偏鹹【炸蝦天婦羅】HK$88天婦羅蝦幾大隻, 但炸皮有點厚, 入面隻蝦比較幼細, 唔食到爽既口感【香酥雞軟骨】HK$48雞軟骨炸皮唔厚, 亦不油膩, 軟骨位爽脆, 每粒細細的, 唔錯!【帶子魷魚燒】HK$48原來係平時食開既章魚燒而整成的, 沙律醬、燒汁、紫菜碎、木魚, 惹味! 可惜, 魷魚較少, 而且太細粒, 細粒到連影相對焦都比較難。最期待的就是【煙肉芝士奶油意大利麵】HK$128對上一次黎order呢款意大利麵, 上檯前係會一大磚芝士推上食客面前睇佢撈既步驟. 但原來宜家取消左, 一大磚芝士係餐廳某個唔太顯眼既角落, 無緣欣賞了~ 不過意大利麵味道同樣keep到水準, 好多汁, 個汁杰杰地, 令每條意大利麵都能掛汁, 很creamy...麵質軟硬剛好, 除左蟹柳絲, 果三隻蝦幾爽口ga!!!餐廳人氣很旺, 野食每款份量唔多, 可以多試幾款, 食物質素大致唔錯; 服務方面人手似乎唔太足夠, 某些店員未會耐心為食客落單, 就要趕做傳菜; 用餐時間限兩小時, 無論叫幾多野食, 都要準時交檯。 繼續閱讀
(以上食評乃用戶個人意見 , 並不代表OpenRice之觀點。)
等級4 2018-10-19
6481 瀏覽
每天工作營營役役, 活像一個沒有靈魂的機械人, 加上面對不同的無形壓力, 實在令我透不過氣來。心裏只想完成一天的工作, 可以跟知己朋友傾訴一下, 盡訴心中鬱悶。到這間日式的居酒屋,深木色的裝修陳設讓人置身日本,加上餐廳設有獨立小廂房,譲客人可以盡情享受美食之餘亦可以和朋友靜靜地暢談。枱上還特別設有一個服務按鍵,在有需要才按鍵找侍應,非常貼心。日本蕃薯($28)👍👍👍👍四片的日本蕃薯,紫色的外皮燒至有點煙靱,黃色的蕃薯肉甜美並帶粉糯,食用時可以在熱熱的蕃薯表面搽點牛油,令味道甜中帶點牛油的鹹香。鹽燒味噌漬鮭魚腩($52)👍👍👍👍肥美的鮭魚腩,先用味噌漬過,再撒上鹽花在表皮上。鮭魚的外皮燒至微焦,口感香脆,把魚腩放入口內,第一時間就感受到肥美甘香的口感,卻又不會有肥膩的感覺。牛油醬油燒白子($88)👍👍👍👍第一次吃燒白子, 口感與白子刺身的味道和口感完全不一樣。由於用了牛油和醬油燒,所以味道有點鹹香,而且表面有一種焦香的感覺,但內面仍然保持軟滑,鹹鹹的熱食燒白子最適合佐酒。海鮮丼($128)👍👍👍👍海鮮丼的什錦海鮮會因應當天的不同的新鮮刺身而有所出入,今天的海鮮丼有帶子、吞拿魚、三文魚、三文魚子、蟹腳等等,還有一匙山芋蓉,各款魚生也很新鮮。金目鯛一夜干($148)👍👍👍👍這個是金目鯛一夜干,原條的金目鯛開了邊,中間有一條大骨,沒有太多的小骨。魚肉結實得來又多汁,有一種鹹鮮的味道,亦是佐酒之選。門面內在環境餐牌 繼續閱讀
(以上食評乃用戶個人意見 , 並不代表OpenRice之觀點。)