北海丼 (已結業)

呢間喺太古係新開的，報導介紹佢既刺身係日本直送，又係喺日本開過嚟，好係好地道好新鮮，特別約朋友嚟食。可惜訂位已經full, 原來得3分1位置可訂座，其他留比walk in 客人，唯有6點半就嚟搵位，2位人檯就只有門口第一張，仲要好大冷氣風口位，但除了吧檯就沒有其他選擇，唯有照坐。刺身丼，呢度款色真係多，由$148至$298，真係有d選擇困難。最終簡左最平同最貴既平衡吓。角切刺身丼，$148，算新鮮，而且多款。極上刺身丼，$298，最貴，但有齊我想食既海鮮，如原隻鮑魚、松葉蟹蚶，海膽、三文魚籽、牡丹蝦、元貝、三文魚。如所有都日本直送又新鮮既話，呢個價錢都ok既。配既麵豉湯都好飲，唔咸，多料。呢度氣氛幾好，有一檯唔知叫左咩野食，有一班穿日本衫既待應喺佢地面對講日文繞嚷，又有一個即場切原條吞拿魚環節，好多人圍觀，主持既係日本廚師，有待應喺旁邊用咪講解。最後叫左士多啤梨蜜瓜紅豆白玉，都ok既，細份少少。整體都係唔錯既高品刺身丼店，其實都有其他熟食飯類同前菜，唔食生野既人都多選擇。

見新店開張冇耐，抱著一試嘅心態幫襯，只係下午茶時段，但價錢係正餐價錢，都冇所謂啦，咪試吓囉！點知落單之後半個鐘都冇嘢食，見廚房啲師傅企哂响度打牙較，咁我點咗嘅食物呢？再睇睇隔離枱遲過我落單嗰家人都食飽埋單。即刻Call 經理埋嚟問係咪漏單，佢入廚房check咗五分鐘之後出嚟話我知，廚房部機 jam 咗紙。吓！咁隔離枱張單又出到嘅。漏單都算啦，仲要當我儍瓜！即刻起身走，以後都唔使旨意我再嚟，係咁先，blacklisted.

星期四晚經過太古城辦完事情顺便在商場内吃個晚飯，看看這家新開的主打飯丼就諗住試試，一行入去帶位的竟要我坐高凳sushi bar的角位。 我話成間鋪得一枱客其他全吉位點解要咁安排？好啦香港特有嘅串嘴侍應就話甚麽星期四客多有特別安排云云。一共花了數分鐘時間才成功爭取一張普通枱，我亦拍下店內情況以作証明99% 吉枱(請看附圖)我食完埋單成間鋪也只得2枱客。究竟是否近年專制的氣氛蔓延至服務業？竟然俾錢消费簡簡單單坐張枱也如此受氣？要據理力爭先能成事？又或侍應望到嘅“多人” 我地凡人係看不見的？

Passed by this place while walking around Cityplaza. This place serves only rice bowls. They do have snacks and desserts, but the mains are all Japanese rice bowls, which has raw fish and cooked foods. The seafood rice bowls and the salmon roe rice bowls we had were really good. The salmon roe was super fresh and sweet while the raw fish were tasty as well. We also had the gyu don, or beef rice bowl as we wanted to also try their cooked items. It was good too, but we had to wait for about 30 min

近來日式丼飯專門店在香港越開越多，丼飯亦成為潮流大熱，香港人終於有較多選擇。太古城以前美食廣場的位置，近日亦化身為多間新食店。之前介紹過的 Mango Tree Café 旁邊，還有全新登陸的「Hokkaidon 北海丼」。簡約低調的裝潢，看似普通，誰知道內藏不少高質美食？「Hokkaidon 北海丼」邀請來同為 1957 餐飲集團旗下的「權八居酒屋」主廚顏師傅親自坐陣，亦特別聘請日籍顧問廚師石山真夏師傅提供專業意見，共同設計多款前菜與丼飯；更邀請得日本「高橋水產」合作，從札幌市中央卸売市場嚴選時令的北海道水產，即日運送香港。有向來對日本食材質素有堅持的權八作為後盾，可見食物質素絕對有保證。開胃前菜首選，當然是先試試幾款刺身。當日時令是油甘魚，味道清爽甘甜，入口柔軟細滑，帶濃郁油脂香。配以檸檬香醋沙律油，酸酸甜甜，甚是開胃。厚切八爪魚肉咬落柔嫩中帶爽脆，帶有豐富肉汁，感覺很鮮，不似坊間常見的重雪藏味。用餐前一天，剛巧有從日本九州甑島運來、體重五十公斤以上的藍鰭吞拿魚解體表演。我們很幸運，這碟大拖羅是非常非常非常新鮮的！滿佈細密油脂花紋的大拖羅，入口即溶，油份在口中慢慢滲出，實在令人感動

睇雜誌介紹有滿滿的魚子飯，可惜第一次去撞正下午茶時段，menu同午市晚市唔同，只有迷你丼，不過上次太肚餓冇影相。終於星期六晚上可以試到魚子同魚生飯！太古城較多家庭等位，如果2人好快就有位！魚子丼，師傅會拎一大盆魚子係你面前畢到滿瀉，一邊畢一邊會用日文叫，所以其他人都知你點左呢個飯😂魚生丼，當日見到大部分人都點呢個，當然menu其實仲有好多選擇。我覺得海膽比出面的好，鮑魚都唔錯。友人說以上兩個飯都偏咸但我覺得還好，魚子本身帶咸味，係我想像的味道，所以我會推介👍🏼魚生丼魚生油脂比較多，但欠鮮味，總括都唔錯的。如果可以自行配搭魚生就好啦！

太古城中心自開設誠品分店之後，在近期開始很積極向遊客方面發展。不但將三樓的Food Court結業。更為整個太古城中心引入不少中高價錢的食肆。講到底，沒有恆久不變的定律，若說值得慶幸的，就是地下Apita的Food Court仍在。但不能否認，較為平民的 Food Court已漸漸欠缺競爭力。三樓的Food Court，現在成為了幾間餐廳瓜分的大區。而正值近期丼飯熱潮的盛行，理所當然也有人會進駐來分一杯羹，所講到的，正是農曆新年前新上場的北海丼。其實它環境上有點似丼丼屋食堂，裝修商業氣息偏重；刺身吧檯的位置頗為闊落。其實不算很有特色，但就算坐得頗為舒服。是次在星期六的下午前去，人流也幾近爆滿！這裡的刺身是每日由北海道新鮮空運而來，就這點其實某程度上跟海港城的鮨勘有點相似，但它沒有壽司， 而是更專注於丼飯之上。若講到它最特色的，還要數它的三文魚籽丼飯，這裡參考扎幌名店＂海味 Hachikyo＂的侍餐方法：因此若是點這個的話，上檯的時候師傅會先搖玲，然後大喊 ＂Oisa ！＂，並將三文魚籽一羹一羹倒進飯中直到滿瀉為止，氣氛瞬時高漲，更會成為全場焦點所在。不過首次前來，以我的個性還是先叫其招

若，男人的浪漫是豆腐火腩飯；那，北海道海膽飯可說是女人的浪漫吧！每口鮮甜的海膽跟鬆軟的米飯，於舌上一同融化，總令人有飄飄然的幸福感覺。想尋找這份浪漫？可往太古城「北海丼」試試看！ 「磯燒帶子紫菜」師傅把微甜醬汁，塗上肥大肉厚的帶子面層，再燒至半生熟，後與香脆的紫菜包裹著吃，味道鮮甜不單調。 以店名命名的「招牌北海丼」可說是丼飯皇牌！內里包括海膽、帶子、牡丹蝦、蟹鉗、鮫鰈魚、三文魚、三文魚籽、鮑魚，每款食材都很新鮮，小妹最愛帶咸鮮的三文魚籽及爽甜鮑魚，除掉部份蟹殼的蟹鉗，亦顯店家細心。 以成板形式登場的「北海道海膽丼」設兩種食法，既可，以紫菜包著海膽同吃，感受豐富的鮮味與層次；亦可，霸氣的以小勺讓海膽推進於暖暖的米飯里，細味那份軟綿綿的溫柔感。感謝欣賞 KsMeow 小分享！

上網見到有介紹呢間北海丼既報道，所以經過太古決定入去試下。因為價錢偏貴，閒閒地個丼都過百，八點鐘間間都等位，呢間多人食但係唔洗等即入。叫左298既招牌北海丼，好豐富，可以試晒d魚生、海膽、魚籽、鮑魚，冇咩邊樣唔好食。味噌湯都好好飲，唔係平時d頹湯。一餐食左三百蚊，都幾貴，不過都值得，因為真係幾新鮮。

最近，太古城開咗好多新餐廳，見到間日本丼飯店，門口有玻璃 kitchen ，而且海產每日由北海道直送，好似好吸引喎！先嚟前菜，呑拿魚腩黃蘿蔔漬，味道有少少淡。醬油漬吞拿魚伴牛油果，魚生配牛油果，味道出奇地夾，可能因為我好喜歡牛油果啦。白身魚薄切，配上三文魚子，好新鮮，好鮮甜。再嚟個大蝦天婦羅，香脆，唔油。特上火炙魚生丼，可以一次過食四、五款魚生，啱晒貪心想試多幾款嘅人，味道唔錯，火炙魚生都好滑。最愛的蒲燒鰻魚及汁煮海鰻丼，除咗又鮮又滑嘅海鰻，鰻魚汁撈飯都好好味。👍🏻👍🏻赤身呑拿魚伴火炙呑拿魚腩，不虧由北海道直送，勁鮮甜，其實配菜嘅魚仔都好好味。呑拿魚腩丼，雖然有少少貴，不過都喺值得，魚腩油脂分佈極佳，入口即溶。👍🏻👍🏻👍🏻值得一提，每當有人點三文魚子丼，廚師會搖玲，然後大喊 Oisa ，將三文魚子舖滿滿一碗壽司飯，氣氛非常熱鬧，即刻成為全店嘅焦點😊。下次我都要試試。😋