北海丼 (已結業)

標榜食品從北海道回來，一試果然新鮮美味和隔離的mango tree 同group，記得join member ，每次要show member card 的，無咭就沒有分儲了。午餐有八款選擇，有三色丼、海鮮丼、牛肉丼、滑蛋、吉列豬扒等。當中呑拿魚、甜嘏、帶子、海膽、飛魚子、油甘魚、鯖魚等，非常鮮甜美味什至沙律菜都好爽脆可口。因為價錢比較貴，$108-$198，所以易於搵位，以招牌呑拿魚三色丼至出色每個午餐都有前菜和味噌湯送的。

好日都唔行太古城 一行就甘岩見到開左一間食丼飯的日本餐廳。我抱住試下個心態就入去試下。第一的感覺係，店面裝修得好 而侍應都幾有禮貌。總算黎到正題 打開menu，丼既選擇都唔少，而我就點左一個招牌北海丼。雖然係最貴，但勝左有不同種類的海鮮，而最令人驚訝的係每一款海鮮都非常新鮮！由於同行另一位不食生野就點了一個熟食三色丼。一個丼分成三個不同風味的細丼。睇落去細細地一碗但實質每一碗都好有份量，食得特別滿足！至於點左另一個炸雞就不過不失！大大舊咬落幾彈口，不過當你食完個丼飯基本已經食唔落了。總結，雖然不算便宜，但勝在夠新鮮！各位喜歡新鮮的朋友不妨黎試下

夜晚約7時到達, 完全唔需要等位, 到食完走時都仲有好多位見到餐牌都有不少選擇，不過今晚一心係黎食魚生, 所以就主要睇魚生既選擇諗完一輪就決定要招牌北海丼同吞拿魚三色丼吞拿魚三色丼 $248, 有吞拿魚腩, 真係勁肥美, 入口即溶， 仲有香蔥吞拿魚蓉同埋吞拿魚片，全部質素都好好其實我本身係唔多食吞拿魚，因為出面多數都係好多筋同腥，而我又怕腥，呢度3碗都完全唔腥, 好新鮮, 好好味, 好出色! 仲有個麵豉湯都不錯!招牌北海丼，好肥美好鮮味，好味，有海膽，帶子，牡丹蝦，三文魚，三文魚籽，鮑魚，蟹鉗等 

趁lunch嘅時候唔太多人去試吓呢個三文魚子飯lunch 其實有lunch set嘅，不過都難以抵擋呢個三文魚子飯所以最後都係決定放棄set lunch 叫呢個三文魚子飯最盞鬼嘅地方就係...有個師傅拎住個白飯同一個大嘅盤過嚟佢呢就會問你準備好未??準備好呢佢就會大聲講一堆日文之後啲同事又會跟住師傅一齊大叫... 師傅手上面個盤就係滿載着三文魚子每一次大叫都會「不一鶴」三文魚子去我碗白飯度「不」到滿寫不特止仲會滿到係連碗下面嗰碟都full晒食完呢餐真係大滿足啦

每一個月老板都會由上海嚟香港，而每次老板都會抽空同我哋下屬食飯team building平時都係食西餐多，今次就轉咗食日本嘢對上次嚟係食晚餐，今次下晝就有set lunchSet lunch有湯有前菜我個丼飯有海膽，松葉蟹，牡丹蝦同蟹子海膽雖然份量唔係好多，但非常新鮮由於menu只係文字發功，所以松葉蟹腳變咗碎上份量雖多，但係口感唔夠原條上咁過引，可惜如果蟹子變咗做三文魚子會更加加分初頭睇前菜外貌以為係笋，但原來係菇菇，有驚喜期待下次再同老板team building

近排天氣又熱又焗，餐餐為咗食嘢而頭痛。咁啱老細今晚約咗朋友吃飯，剩返我同阿仔……一於去太古城揾食。經常聽到朋友提起“北海丼”呢間餐廳，今晚一於就試一試。我哋order咗一份“招牌北海丼”和一份“迷你吞拿魚丼”賣相相當唔錯。甜蝦、牡丹蝦都非常鮮甜、大隻。鮑魚爽脆，大大片三文魚入口即溶。三文魚子鹹味恰到好處，口感一流。海膽超級正（但如果份量可以再增加少少，就更加perfect啦！）值得一提的是一旁的わさび，食落口完全唔攻鼻，仲有山葵本身的香味，我諗應是新鮮磨的吧！另外一份“迷你吞拿魚丼”，原本以為無乜驚喜，點知……無論是未經調味的魚生切片、葱花吞拿魚茸，亦或是豉油味吞拿魚，三種不同層次的口感一次享受。 正啊！香港食丼飯的餐廳越來越多，但呢間餐廳將會作為我日本丼飯的首選！

終於黎到星期五！星期五要食好啲！！依間餐廳食過幾次，次次水準都唔錯，今次亦無例外！今日揀左特上海鮮丼 （我唔要三文魚）賣相：讚食物：新鮮，有6-7款魚生（油甘魚，鯖魚，帶子，甜蝦，蟹子，蛋）飯入面仲有少少中華沙律，薑同魚仔，好味圖中右上係麵豉湯，我就覺得一般一般，印象中之前係蒸蛋⋯⋯唔通我記錯？！服務：不停加茶，讚！埋單仲有一張$50 同一張$30 既gift voucher比我地下次用環境：尚算寬敞，略嫌有點嘈吵太古城中，百幾蚊有咁既質素算非常唔錯啦！

依排日日落雨, 想出街都冇乜選擇唯有要留係商場。加上blue monday, 朋友仔話要食下好西等自己開心下, 於是就揀左黎食想試好耐嘅北海丼!平日晚上黎到, 好彩人都唔算多, 唔需要等位就入到, 好快店員就安排左我地入座。鋪內嘅裝修都充滿住日式嘅味道, 淺色嘅木襯上和式吊燈, 簡單得黎令人覺得好舒服。最近其實都好多新開嘅丼飯選擇, 不過我覺得食新鮮野, 味道黎講真係好直接咁反映左係價錢上, 一份錢一份貨B-)話明要食好西, 我地就揀左佢地嘅招牌北海丼同埋特上魚生丼! 先講下招牌丼真係招牌水準! 一上菜係真嘩一聲, 先唔講d 魚生多到滿晒, 而且樣樣都好新鮮, 一睇就知好好食! 有帶子、三文魚and魚籽、海膽、蟹鉗仲有隻鮑魚…撈左少少醬油, 啖啖鮮味! 加上佢個飯本身都已經有少少調味, 好快就比我清晒成個飯特上魚生丼其實都唔弱, 不過心多多嘅我都係鍾情招牌丼B-)仲叫左個小食炸蟹餅, 一樣冇令我失望! 食落勁有蟹味, 外脆內滑炸得好靚。另外要讚一讚店員都好好服務, 帶位上菜加水都好有禮貌, 我地坐左好耐都冇唔耐煩, 仲好親切tim~飲飽食醉又坐左陣同朋友仔傾下計, 咁又一晚, 依到個環

每當看到ig上的日本食物相片，總令KsMeow掛念當地美食；那天晚上，與友好來到太古城《北海丼》邊品嚐滿足丼飯，邊開懷暢談，歡聚美好時光。「蟹餅」炸得乾爽！內里絲絲蟹肉分明，蘸些沙律醬同吃，更感惹味。 師傅在食客面前，即席為白飯鋪上三層三文魚籽的「三文魚籽丼」滿到瀉的觀感，絕對可以用華麗來形容；當咬破那晶瑩剔透的三文魚籽時，口腔里充斥著咸鮮，質感則是帶黏的，與白飯同吃，剛柔並重。豪華的「招牌北海丼」以北海道直送的海膽、帆立貝、牡丹蝦、三文魚籽、鮑魚、鮫鰈魚、三文魚、松葉蟹共冶一爐，每款個性也不一樣，配上少量即磨山葵同吃，把鮮味提升至極致。 四款日式甜點中，小妹最愛當中的「豆乳白玉伴黑糖」其甜度低而入口香滑富彈性，夏天吃著也不覺膩。感謝欣賞 KsMeow 小分享！

海鮮丼的重點就是要新鮮， 基本上 食材新鮮 就唔會難食得去邊。北海三色丼， 三款主食材甜蝦，松葉蟹和海膽 都是飢詩超喜歡的。 這個三色丼感覺除了新鮮之外， 其他配料也很仔細。 如果只有主食材的海鮮就是太單調了，它的小魚乾為丼增添 甜味， 蟹籽添加了口感。 甜蛋的樣子醜醜的， 但口感很鬆軟 😃。北海的丼， 飯份量是滿滿的， 差點吃不完 😄😄中午的時候，北海丼沒有滿座， 價錢不是很便宜的那種， 但一分錢一分貨，它就是優質吖~ 😃😃飢point : 8/10#hungermarch #非飢詩 #飢詩

自從搬到鰂魚涌上班後，太古城似乎成為我們Team的星期五飯堂。之前在午飯時段吃過北海丼，不過是午餐關係，都是每人一個丼飯，沒有過份的豪華。這次在晚市光臨，吃得可以放肆一點，沒有時間限制，吃得更開懷。 北海丼剛開張時有著滿滿的人龍，而在午餐時候亦是，確實應接不暇。像現在的晚餐時段雖然人流減薄了，才能感受日本餐廳應有的休閒。 韓風醬呑拿魚漬 - 像韓國的生牛肉刺身一樣有雞蛋伴碟，將雞蛋攪匀到呑拿魚後，還可以附上紫菜一起吃，再配上牛油果，帶點清新。可是，調味重手了點，呑拿魚的味道被醬汁蓋過，有點可惜。 北海丼聲名大噪只因這排頭十足的三文魚籽丼。師傅都相當識趣説：「大家準備好了嗎？」每一次師傅用勺子把三文魚籽舀到米飯上，大叫著「Oisa!」時，在場的店員都會跟著和應，呼叫著「Oisa! Oisa!」。每舀一次就來一次「Oisa! Oisa!」，直至滿瀉為止。跟著和應，此起彼落。這個侍餐方法來自於扎幌名店「海味 Hachikyo」，令我們頓時成為全場焦點，充滿氣氛。 對三文魚籽的滿瀉充滿熱切的期待，鮮味也果然不負眾望，配著北海道的七星米，美味程度叫人大舉姆指。不過「嚐味限期」實在太短，很快就覺得

去完一排外國好想食日本野，但行完山都已經兩點幾，完全醒唔起日本野多數會有三至六點嘅休息時間。唯有去太古城嘅日本餐廳睇吓有冇得食。好好彩嚟到呢間北海丼，仲要有下午茶。60幾次90幾蚊就有個丼飯食。雖然唔算多選擇，普遍都係吞拿魚同三文魚。見到有蟹肉嘅所以就叫左一個食。朋友嗰個吞拿魚丼，同我嗰個一樣都有中華沙律薦底。佢哋加左啲味粉響個飯度，個人覺得鹹咗少少。蟹肉比較淡，唔似即開即食嘅蟹肉罐頭咁鹹。朋友加左個小食，雞唔會話炸得太黑。仲有黑芝蔴添！每個丼飯都有面豉湯附送。由於我哋兩個都係諗住坐下食下咁樣，期間餐廳服務員不停幫我地添加茶。細心得黎並沒趕客既感覺。

北海丼因著一碗三文魚子丼，於開業時一炮而紅，成為港人打卡熱點 無他的，晶瑩剔透，滿瀉而下的三文魚子實在惹人垂涎，難怪會大排長龍 一向懶得追趕熱潮，耐心靜候，待事隔數月後稍為降溫，才與友相約齊來一訪 聽聞每週會有三四次即場解魚，可在大門附近透過玻璃觀看，可惜這晚就無緣了 韓風醬吞拿魚漬讓人想起韓國的拌生牛肉，當然生吞拿魚相對地易為人接受 沒有梨肉相伴，轉配牛油果，其獨特香氣及奶潤更能配合主角吞拿魚的甘腴 唯獨調味太濃，鹹得過火，導致魚鮮未能盡情發揮，還是輕手為妙 職員捧來一大盆三文魚子，覆於飯面製作三文魚子丼，參照日本邊舀邊喊おいさー 三文魚子粒粒橙亮，晶瑩剔透，輕抿時溢出的陣陣鹹鮮的確令人難以抗拒 不過飯量不足以平衡其鹹度，就算淨食不沾醬油都會覺得太濃味，與人分享為佳 招牌北海丼豐盛多彩，一碗結集各式海鮮，選材則視乎來貨及時令而定 是晚所嚐一共八款生鮮食材，包括海膽、鮑魚、三文魚子及帶子等 個人較喜歡貝肉的清甜細嫩，而油甘的腍潤亦討喜，食時不加蘸醬油亦無礙 若嫌白飯味淡，丼中亦見魚乾及薑片等，拌進白飯同食，味道多重又不會太搶 迷你吞拿魚三色丼以三種不同方式料理吞拿魚，即魚蓉、

幫襯了此店三次。感覺水準非常穩定。魚生新鮮優質，白米口感甚佳。惟略嫌醬油味太濃。食物預備時間快，order無耐食物就送上來。擺得靚又切得靚。店員通通都很友善，亦帶笑容和正能量。

招牌吞拿魚三色丼🍣 | 吞拿魚腩 醬油漬赤身 香葱吞拿魚 Signature Tuna Don🍣 | Prime Tuna Belly, Marinated Tuna, Chopped Tuna with Spring Onion.北海丼午市一共有八款套餐提供 奉送前茶和味噌湯 我就選擇左最愛食既吞拿魚飯😍 有三種唔同做法既吞拿魚 十分新鮮和肥美😍飯仲有魚仔同海藻配搭😋食既時候唔會好乾身 留意套餐星期一至五先有架☺️.👅 9 / 10💰 HKD 198