北海丼 (已結業)

最近，太古城開咗好多新餐廳，見到間日本丼飯店，門口有玻璃 kitchen ，而且海產每日由北海道直送，好似好吸引喎！先嚟前菜，呑拿魚腩黃蘿蔔漬，味道有少少淡。醬油漬吞拿魚伴牛油果，魚生配牛油果，味道出奇地夾，可能因為我好喜歡牛油果啦。白身魚薄切，配上三文魚子，好新鮮，好鮮甜。再嚟個大蝦天婦羅，香脆，唔油。特上火炙魚生丼，可以一次過食四、五款魚生，啱晒貪心想試多幾款嘅人，味道唔錯，火炙魚生都好滑。最愛的蒲燒鰻魚及汁煮海鰻丼，除咗又鮮又滑嘅海鰻，鰻魚汁撈飯都好好味。👍🏻👍🏻赤身呑拿魚伴火炙呑拿魚腩，不虧由北海道直送，勁鮮甜，其實配菜嘅魚仔都好好味。呑拿魚腩丼，雖然有少少貴，不過都喺值得，魚腩油脂分佈極佳，入口即溶。👍🏻👍🏻👍🏻值得一提，每當有人點三文魚子丼，廚師會搖玲，然後大喊 Oisa ，將三文魚子舖滿滿一碗壽司飯，氣氛非常熱鬧，即刻成為全店嘅焦點😊。下次我都要試試。😋