勝香園

營業中

休息中

特登山長水遠去中環間勝香園食野！冇諗過態度奇差🤨出左名大鬼曬嗎？1）外地遊客唔識完整溝通，舖頭D阿姐就顯得不耐煩，話人地冇清晰落單，連同枱個食客都忍不住喝停個阿姐，出聲幫個遊客。2）更離譜的是唔可以加單叫野！舖頭D阿姐黑曬方話唔俾加單！*今日平日外面冇人排隊*冇清晰指示話唔可以3）蕃茄麵不過不失，沒甚麼特別。4）凍奶茶是Ok的。但態度真是很惡劣。生意好係因為有本地人和遊客幫襯支持。為何對人態度咁差呢？乜野咁巴閉！一世都唔會再去。😡

已經食左好多年係茄牛通套大台劇之前已經有食蕃茄碎牛蛋 加 鮮牛肉 米粉🍅🍅🍅🍅🍅個茄湯真係咁耐都無變一樣咁正不過今次食鮮牛肉 有啲太碎 太細舊唔緊要 個碎牛蛋好味都夠❤️❤️❤️🍋🍞檸檬脆豬真係我all time favourite 😭❤️🍋我成日無啦啦痴起條筋就好想食想自己整黎食 都無辦法做到佢個種鬆脆平時食豬仔包好硬 呢到食係又香又脆酸酸甜甜真係令我停唔到口🤪❤️另外 我坐係到食左咁耐 佢竟然漏單我杯凍奶茶🤦🏻‍♀️我諗住搵個阿姐幫我追單佢竟然好燥底都未聽我講野 就開口鬧我佢話:你唔好講住！我唔聽住我心諗，咁我唔飲囉🙄我知你好生意好忙 但我好好禮貌 唔該你你鬧我？🙄有啲失望真係同埋有好多韓國遊客黎食可能書仔有介紹？我同枱有4pair人都係韓國人

中午一時多到達，本來猜想會有人龍，怎料人龍竟然比對面的九記短一半有多，只等了四、五人便有位子了蕃茄碎牛蛋麵每次到勝香園都不禁讚嘆其足料之舉，湯裡是滿滿的番茄肉，麵質是偏爽口的，喜歡吃冧面的朋友可能下單時要提醒把麵煮久一點，鹹牛肉與炒蛋融合得天衣無縫，美味得很檸蜜脆脆麵都吃光後，還等了一會兒檸蜜脆脆才出爐。脆脆烘得鬆脆，檸檬的酸味稍微中和了蜜糖的甜味，吃下不膩卻滿足總共點了兩碗麵、一個脆脆，一杯飲品，只花了92元，實在是中環區恩物

第一次食呢間野係家姐帶我去食，從此就愛上左❤️勝香園係街邊既排檔，夏天去食會有啲卻步，因為要行上條斜路已經好熱，仲要坐低無冷氣真係食到大汗疊細汗，而家呢個天氣去就岩岩好喇！同埋大部份時間去到都要等位！碎牛炒蛋蕃茄通，睇個色都知個湯夠哂蕃茄，湯底帶酸不過好濃蕃茄味，仲有唔小蕃茄粒。碎牛炒蛋好足料又有蛋香餐肉蛋蕃茄通，餐肉中規中矩，煎蛋都無煎得過老最出名既檸檬脆脆，一定要趁熱食！麵包夠哂脆，檸檬汁同蜜糖滲哂落個包度，酸酸甜甜，食唔停口食過好多唔同餐廳既蕃茄通，都係覺得呢間最好味而且呢類既排檔真係買小見小喇，希望會一直做落去啦！

喺中環食嘢有兩個特色，貴同埋小店/老店多！🤔 小編一直好想試中環其中一間名鋪，鄰近元創方&九記對面，終於有機會經過試到啦！🤗網上極多人推薦脆脆，小編第一次食就梗係嗌啦！🙊 即烘嘅，但好快就食得！👍🏻唔試猶自可，一試心心眼咗！😻豬仔包烘得超級香脆唔死實，加上檸檬酸酸地、蜂蜜甜甜地、牛油香香地嘅關係，完全唔覺膩，真係好好食！🤤 抵佢喺中環禁辟都紅得起嘅！😛-INS:90sfoodie_carman

晏晝去  都好多人 要自己揾位一場黎到梗係食茄通叫左茄腸蛋通茄底好濃 隻蛋仲要係半熟食通粉就可以一路食一路飲湯另加咸檸七 & 檸蜜脆兩者係絕配大排檔冇泠氣 飲杯凍野就透心涼

一直都知道勝香園既茄牛通係十分出名，但位置有d唔方便，所以一直都無去食。今日難得成班同事都咁有興致，就去左食la.唔知係咪我地早得濟，中午11點幾就到左，唔洗等就入得，如果唔係大熱天時等都幾辛苦下。我叫左招牌既茄牛麵加左條廚師腸。好快就送到黎啦。一飲個湯，好勁蕃茄味。我最愛呀！d 牛肉都好淋好入味。蕃茄加牛肉真係perfect match黎。雖然食到好熱但真係好正呀！埋單都係30蚊鬆d咋！抵食，又好食呀！

秋天來了，係食茄通的季節！當然不只是我們本地人旺場，遊人更是不少喔！我們大家當然是點了蕃茄湯加。。。一般車仔面有的餸更要點脆脆！是馳名檸檬蜜糖脆脆！係要等一會兒，不過是值得的，熱！脆！軟！所以一定要叫！不過溫馨提示，始終是露天茶坐，坐位有點迫，而且蕃茄湯熱烘烘，要帶備紙巾喔！

中環向來馳名的勝香園在午飯時間都會大排長龍除了食佢地相當有名氣既蕃茄🍅湯麵之外每次黎到我都一定叫番份牛油檸檬汁蜜糖脆脆無得頂新鮮烘起的豬仔脆脆包，包面烘得夠香脆，包面加上蜜糖🍯和檸檬汁🍋一口咬落去，鬆脆無比，包身吸晒蜜糖和檸檬汁，甜甜的真的好好食！🤤

每過一段時間就會掛住勝香園d野食。尤其個奶油脆脆。呢間勝香園都可以話係一個傳奇，客似雲來嘅大排檔，主要賣d番茄嘅粉麵食。之前食過幾次都好多人大排長龍，今日比較好彩唔駛排隊，好快就有位。嚟到勝香園必然要食翻個番茄牛肉麵，仲有要一杯咸檸七。另外老婆要咗份奶油脆脆，同埋凍奶茶。由於我地兩個人先叫一碗，所以個姐姐好快拎咗個碗俾等地，但只碗個邊明顯有d番茄醬無洗乾淨。其實我本身係唔鐘意食番茄嘅，但通常一年半載先會去食一次。送到嚟，如常都係一遍紅色，好多番茄，d牛肉都幾嫩滑。奶油脆脆，好味如常，好香脆，配d煉奶唔會太乾。兩杯野飲都好唔錯，比外面一般嘅餐廳好。總括嚟講，好食，排隊都值得，但衛生條件比較差。如果係遊客都幾值等一試。

This is one of the best tomato noodle restaurant that you can have in Hong Kong, the tomato beef egg noodles is highly recommended, the toast is also quite good, you can also try the very local reserved lemon with soft drink here. Although the place rather crowded and you needa get seats by yourself, it is worth trying

香港區交收完文件！文件多關係同同事兩個人搬。差不多午飯時間同同事準備回九龍。但公司在中環附近宜家又肚餓！就食完野先囉。大家都唔知食乜好！同事靈機一觸。不如食下上網好多人推薦的勝香園。反正我地都想去九記食牛腩！勝香園就在對面！時間都沒還來到12點 就已經整個高朋滿座囉！真的眼明手快看那枱快吃完了。立即企在後面等阿姐翻桌率還算快枱上的餐牌看得出來已經很殘舊了。勉強可以看啦！有備而來做哂功課！餐牌只是隨便望望！大多數人推薦蕃茄通粉！所以我地於是點左兩碗咸牛肉蛋通粉！同埋一個牛油檸蜜脆脆！果然對哂我們的口味雖然上枱的賣相看起來真的不什麼！但味道挺濃郁的說！整碗番茄超多的。顏色幾乎都是紅通通！很真材實料沒錯。連我的同事平常十分歪嘴的！都覺得還頗美味的啊裡面的牛跟蛋混合，有濃濃的蛋香！通心粉連番茄湯一起吃挺入味的熱呼呼的吃超級感動的！難怪這個番茄系列會這麼多人推薦！這個奶油脆脆烤得超級酥脆！難怪它叫脆脆！上層應該是有先塗了一層牛油烤過！然後再加上蜜糖再烤一次！口感超級棒！二人吃一個有點不夠啊！環境是有點髒亂啦。還是老話一句。來到這裡，我想不只是為了食物。也為了懷念一下舊時的香港特色！

雖然係大熱天時，只有露天的帳篷，冇冷氣嘅環境，但係呢間位於中環嘅勝香園經常食客不斷，趁今日天氣冇咁熱我都去食下。食物選擇唔係好多，主要都係湯麵，三文治，多士，但係可以配搭嘅組合就非常多。🍅🍜蕃茄湯底非常濃郁，略帶少少番茄嘅酸味，而且佢係真材實料用番茄去煮湯底，唔係用番茄醬加工，酸酸甜甜好開胃。而且牛肉整得好嫩滑，一d都唔un。另外叫咗個檸蜜脆脆，真係烤得超級酥脆，加埋檸檬嘅香，比一般塗蜜糖更加搭！

要數懷舊港式食店裡面我最愛的，勝香園必定佔一席位。第一次來至少５年前了吧，久不久就要來懷緬一下。以前還沒那麼紅，最近一次來已經看不到龍尾。如果不用排隊，一定會更常來報到。-蕃茄湯餐肉腸仔蛋通粉大紅色的大碗,裝著鮮血色的蕃茄湯,茄肉多,茄味也十足,酸酸甜甜很開胃。餐肉腸蛋，最平凡最港式早餐的配搭，穩打穩紮，想象得到的味道。-檸蜜脆脆也是我的菜。豬仔包脆到咔咔聲；自家製的檸檬蜜糖加牛油，酸甜的味道滋潤一下香脆的包面，好正。-每次都例必來一杯咸檸七。處理好的咸檸，倒入雪碧已可飲用。集咸酸甜於一杯，好GUR, 外面怎樣找也沒有如此平衡的味道。-簡陋的食店，簡樸的食物，簡單的幸福。滿足了。

如果有朋至遠方來，問我要帶佢地吃咩體驗香港風味﹖首先我唔會去旺角，最主要原因冇特色，間間一係連鎖店，一係就一堆多國菜餐館，什麼日本丼飯、韓燒、扒房等等(但又唔是正宗的)，都食唔到香港地道風味，要我揀必揀中上環/灣仔，貪佢中西混雜，仲保留殖民地色彩，仲有舊式的鐵皮檔、炒檔、港式麵包鋪......，呢D先似香港，是香港本地味! 而呢間鐵皮茶檔係每次我都會帶朋友排隊食的。呢間野冇乜特別野揀，番茄湯麵同多士，一般茶記野，但冇乜人唔識，好簡單但好好味!湯頭好稠，濃濃的番茄味及滿滿的番茄肉，味酸開胃，麵條又好容易沾上番茄蓉，惹味!加上薄牛肉片，唔是滑身但有肉感同牛味，更有咬感。奶油麥多，又一招牌(檸蜜脆脆最多人叫)，真心冇咩特別好講，就係好食! 佢就是脆又唔是乾，醬唔係滿爆但岩岩好!啖啖脆口又甜甜地，好味!加上啖鹹檸七，完勝!其實體驗是一套的，不是單一，要有懷舊環境、地道美食(加多本地人)，那才讓人感受到香港的飲食文化。