勝香園

營業中

休息中

夏日熱辣辣 但都無阻去勝香園食茄牛通同檸蜜脆脆既心😋星期二大概晏就兩點幾去到 無人排隊即刻坐底叫嘢食 可惜通粉已經賣晒 得返公仔面#1 茄牛面 ($30)食麵最緊要係湯底 好多番茄肉 蕃茄味好濃但可惜既係茄牛通粉既湯會相對再濃一啲 建議可以同朋友一人叫一碗比較一下雖然呢個都好夠蕃茄味面唔會太淋對於我黎講啱啱好鮮牛肉肉質我覺得幾好 唔會太un同多筋 份量都幾多！#2 檸蜜脆脆($18)唔同一般既豬仔包 只有外脆內軟佢係整個都焗到非常脆而家甜甜地有啲檸檬味 好清新 唔會過甜同膩雖然咁熱 但都會想間唔中行上去叫個檸蜜脆脆！講真 而家求其食個茶餐廳都四五十蚊勝香園的確性價比好高 值得再去

勝香園一直深受港人及遊客歡迎，門口長期有大量人潮，即使一人前往也需等一段時間才有位置早前一個下雨天，抱住可能會較少人的心前往試試，果然馬上有位置。蕃茄碎牛炒蛋鮮牛肉麵蕃茄湯明顯非如一般餐廳般用茄膏製作，而是真材實料的以大量蕃茄煮成。只見蕃茄肉多得佔滿了整碗麵，茄湯偏酸，屬自然蕃茄味道，吃起來更開胃。碎牛跟蛋一起炒，蛋香牛肉滑，另外鮮牛肉口感彈牙，味道不錯。牛油檸檬汁蜜糖脆脆以檸檬汁及蜜糖塗滿整個麵包，再把它烘烤至金黃色，咬下去十分脆口。雖沒有醬汁流出，但檸檬汁的酸味和蜜糖的甜味相輔相成，不會過酸也不會太甜而膩，好吃。而且份量不少，兩個麵包分成四件，一個人實在吃不下。剛巧與同桌一外國人及一中國人聊了幾句，他們都是第一次來，於是順便跟他們分享，他們對檸蜜脆脆也是大讚。相比起茄牛麵，檸蜜脆脆更是令我回頭的原因！

第一次黎食條路唔算難搵避過食飯時間 唔洗排隊食物都好快送到大台成日提及嘅茄牛通 令我同朋友慕名而來但茄牛通嘅味道一般般 湯底不太特別 個人而言過濃 通粉也是普通超市所賣 可以唔洗專登去食😂但脆脆非一般的好味 好重檸檬味 好jeng一定要試嘅多士

第一次來食了蕃茄鮮牛通粉覺得非常好食，經常回味，今日終於得閒二次探訪，今次試碎牛炒蛋蕃茄通。可惜没有通粉，只好叫麵，但原來湯底完全不同，没有蕃茄甜味，只有酸味，碎牛炒蛋只有蛋…一粒牛肉都没有，其實如果無牛肉可以講囉，好失望嘛。檸蜜脆脆依舊鬆脆可口，但未必會刻意再來了。

同樣是排隊，同樣是在中環，同樣是遊客必到的食肆，但我一定會選擇勝香園，而不會選他對面的那一家牛腩店，雖然每次都要排隊，但我們都會樂意去排，因為這裏的番茄麵、多士、奶油豬、奶茶咖啡實在做得很出色，我本人較為喜愛這裏的奶油豬、多士和奶茶，因為這裏的多士、奶油豬是即叫即烘的，夠熱又新鮮又好味，這裏的奶茶味道明顯較好，飲得出師傅的手勢，當然番茄麵、番茄通都是很有水準的食物，那個番茄湯底，不是普通番茄湯那麼簡單，是番茄湯再加罐頭蕃茄蓉舖面，所以食落有比較濃烈的蕃茄味，但又不會為了迎合口味而去亂加糖，酸酸的在夏天吃很開胃！

因為在附近工作，今日很湊巧地12點前放飯，決定吃最地道嘅番茄麵。平日12點半後一定大排長龍，今日注定有口福了！我和同事叫了一碗蕃茄碎牛煎蛋鮮牛肉通和番茄豬扒雞翼通粉。蕃茄超濃郁，不足10分鐘就將所有番茄湯喝完。這樣的價錢加這樣的味道在中環實在難得！要繼續支持本地美食！

一直都聽過勝香園嘅名，見過好多介紹香港嘅報導嘅會提及，但身為香港人，都係第一次嚟到旅客區，齊齊排隊去試下啦。因為真係好多遊客一齊排隊，足足等咗20分鐘先有位，好快就會姐姐嚟幫我哋落單啦。我地一共叫咗茄牛麵、蛋牛麵、凍奶茶、鹹檸七。睇圖都知茄牛麵非常吸引，有超級多嘅蕃茄蓉，而且唔會太酸，感覺好fresh啊。另外牛肉亦唔會好un或者太淋，咬感剛剛好。最驚喜係鹹檸七，入口好清涼，好飲過好多茶餐廳～ 喺咁地道香港嘅餐廳又食到好西，所以排咁耐隊都值得嫁。

今日有時間就專登同朋友搭叮叮遊港島，再專誠去埋中上環一向出哂名既勝香園食下野，我聽朋友講一向都好多好多人排隊，我去到之後就發現，真係好多人黎食，唔只香港人，仲有好多內地人或者外國遊客都會黎食，呢到已經變左一個景點！黎到呢到就緊係要食茄牛通！一送上黎就已經聞到好香好濃既蕃茄湯味，通粉質感適中，唔會過硬或過腍，一開始我仲以為無咩牛，但原來全部係哂底，而份量亦算多，牛味亦好重。整茄牛通話難唔難但話易就都唔易，呢碗茄牛通未必係最好，但都已經好好食好難忘。而呢個餐蛋脆脆就真係好名副其實「脆脆」，好香脆，而且同餐蛋既味道都好夾。其實原本係打算食豬扒脆脆，但已經無哂，希望下次有機會黎可以食到啦。因為天氣都有d熱，我仲叫左杯凍檸檳飲，雖然味道就無咩特別，但呢到會幫客人篤檸檬，好細心。

老闆放假又有機會鼠出去食午餐，緊係去遠少少搵好野食，天氣唔太熱去勝香園食茄牛通剛剛好12點幾已經坐滿曬人要等位，但都冇阻我食茄牛通既決心💪🏼～好唔容易終於有位坐拿拿聲叫阿姐落個單先～來到呢度緊係要飲埋呢到最正既鹹檸七啦～飲兩啖，落兩下七喜，再篤兩下鹹檸剛剛好再來個檸檬脆脆～好味得濟食淨一舊先記得影～下次食埋個奶油脆脆先得～我個茄牛通泥喇，貫徹始終既濃茄味湯底再加肥大既通粉，好味又充實，連茄湯都做到掛杯效果就知佢落足料啦，食完happy又去開工嚕～

蕃茄太陽蛋餐肉麵 $3x就算幾熱，無冷氣，有得食呢碗茄麵，就值得。湯底由好多的蕃茄、茄蓉而食，啖啖茄肉配上公仔麵，排山倒海咁款，酸酸甜甜，好開胃，食食下連湯汁都飲完！另外檸檬脆脆、奶油脆脆都好正，蜜糖加上檸檬和煉奶豬扒包🤤香脆可口

一提起香港僅餘嘅合法大排檔，就會諗起勝香園，佢仲保留住香港六、七十年代嘅餐廳特色，冇華麗嘅外觀，冇安全嘅瓦遮頭，冇花肖嘅餐單，有嘅只係一份懷舊，細細地嘅煮食爐，幾張簷縫下嘅摺枱，一張簡單嘅餐單，咁就撐起一個鋪頭同一個家。一講起勝香園，就一定要食佢嘅皇牌──蕃茄湯。今次叫咗蕃茄鮮牛肉蛋通粉($33)，食蕃茄湯最好配通粉，咁就可以一路食通粉一路飲個湯。依到嘅蕃茄湯一上黎就熱辣辣而且香噴噴，鮮紅色酸酸甜甜嘅蕃茄好吸引到食客嘅胃口，有別於只係落蕃茄粉嘅湯底，佢嘅蕃茄湯食得出係用新鮮蕃茄煮出黎，特別濃郁，啖啖都係蕃茄味。仲叫咗兩款脆脆同朋友share，牛油檸檬汁蜜糖脆脆($18)甜甜地，混醬脆脆($19)係混牛油、煉奶、果占、花生醬，值得一讚嘅係啲脆脆真係名符其實，好香脆，就黎有入口即溶嘅感覺。無論係幾時黎食，人流都係好旺，而且好受旅客歡迎，只要等10-15分鐘就有位。有啲人會覺得大排檔唔衛生，不過見佢經營咗咁多年都屹立不倒，就知係有保證嘅餐廳！

因為開會嘅關係同同事去到中上環食中午飯，一想就想起去勝香園感受下懷舊大排檔嘅風味！今日慶幸唔係太多人，所以等左5分鐘左右就有得入坐。勝香園唔可以唔叫就梗係蕃茄牛通同埋檸檬蜜糖脆脆，仲有咸檸七(正確應該係咸檸雪碧)。蕃茄牛通湯底好濃郁，好多蕃茄肉但就唔係太酸，牛肉無咩筋同幾淋，唔錯唔錯。重點係蜜糖脆脆，檸檬蜜糖塗滿左脆豬，咬落去啖啖有檸檬清香同蜜糖香甜，脆豬內外都相當鬆脆，真係值得推介嘅美食！加埋一杯咸檸七，即使當日日頭猛烈，飲一啖立即透心涼！服務黎講，始終太多人，店員唔夠多，落單嘅時候就有啲混亂，同埋最好一早睇定餐牌食咩，一坐低就即叫，就會方便侍應姐姐快速落單！

其實一直都好想嚟試下架啦！只可惜我哋呢啲新界人要出到去港島區食個茶餐嘅話真係太大工程啦😂😂😂😂嗰日咁岩要出港島區工作，見順路就梗係順便去食個勝香園啦中午去到，非常多人，有上班族、有遊客有廣東話、國語、日語😂我當日就叫咗茄牛麵同咸檸七個湯非常湯郁，好正呀😭😭😭咸檸七都係呀！！係一個咁具文化特色嘅地方食嘢，別有一番風味食到真係非常之飽，但一場黎到我唔可能唔買佢嗰啲奶油豬呀或者檸蜜脆脆架嘛結果，我叫咗個檸蜜脆脆外賣重點係！佢凍咗都係脆架！！！！！好振奮人心😭

同男朋友綞過中環,又想試試呢間咁出名既大排檔!我地分別叫左咖央脆脆,茄牛公仔麵 ,蕃茄蛋通粉,檸蜜脆脆,食到勁飽.由其個茄牛公仔麵,真係好香茄味.有別於一般茄湯底.令人一試難忘

今日早收工所以過咗去中環試下勝香園，想食好耐喇，不過可能太出名所以好多遊客喺度排隊叫咗個蕃茄牛肉煎蛋麵，好多蕃茄喺碗面上面呀湯底就係普通公仔麵既湯，牛肉都普通，係蕃茄搭救〜但整體都好食既〜