六合小廚 (已結業)

霸王雞飯，有蔥有薑，用油爆過，好香，再加啲辣椒爆過，配合精心爆過的豉油，perfect, 朋友食過下午茶的蔥花滑蛋炒义燒，滑蛋炒牛肉，蘿蔔牛腩撈油面，炒蛋滑，配合特別炮製豉油，用來配白飯，讚，好好食，大家都飽飽，呢間小店，有特色，尖沙咀茶餐廳來說，數一數二，希望質素能持續，比我們打工仔一个吃好嘢的地方

崇光感謝日又開始，星期六就約好戰友，先到尖沙咀開餐，再到崇光血拼。 落車後，在廣東道的一座大廈外，收到一張餐廳傳單，見價位Ok，最後決定試試。 餐廳內的食客非常多，大部分都是內地食客，午飯時間除了有精選午餐，還可以在主餐牌內點選小菜。清湯蘿蔔牛腩飯原以為清湯蘿蔔牛腩與飯是分開，誰知廚師把它們放在一起弄成泡飯，說實，牛腩湯味道清甜，浸泡在白飯內挺鮮味，而牛腩肥瘦適中，不過過份肥膩，肉質嫩滑不韌。 豉椒排骨炒河炒河做得挺夠鑊氣，加上排骨份量足，入口非常惹味，不過，河粉有點碎，不夠完整，這裏就要扣點分了。 富貴黃金蝦大蝦的份量適中，雖然不算很大隻，但入口裏是啖啖肉，味道鮮味，加上廚師落了大量鹹蛋來泡製，令整碟黃金蝦充滿鹹香。

此店鄰近西九龍高鐵車，人來人往，車來車往，地點靜中帶旺，而有各適其適，各式各樣菜式供應，有港式粥粉麵飯，潮州美色，四川麻辣菜，價錢尚算經濟，味道可口，即叫即製，份量比較少，但都足夠味蕾，甜酸苦辣都充滿舌頭，其利好味，餐廳環境企理衛生而清靜！我們點上一個香煎潮式蠔仔，配上泰國魚露，既鮮且咸，味覺飽滿而可口味濃，十分香濃而鮮美怡人，味道特別出色！四川秘制口水雞就既麻又辣，口感非常刺激，軟滑雞肉入口香辣滋味，正宗川菜微辣而夠惹味又香辣非常，最後來個秘制沙拉豬排，肉嫩爽滑，份量比較小，很多就吃完，算是一間方便而有不同風味的菜式供應的食堂！

上次已經來過六合小廚今天趕時間想都不想 就再次登門拜訪・秘制口水雞 ＄108份量比想象中少 感覺像是例牌份量口水雞和我們坊間吃的不太一樣沒有油膩的辣油卻換了秘制的辣醬雞肉不算多肉 但胜在夠滑嫩味道會比較咸一點點和飯一起吃 非常合適・泰式燻蹄 ＄148份量可以廚師先把燻蹄切片而且每一片的厚度差不多溫度能保持符冰冰的口感爽脆 不會油膩感覺就是滿滿的骨膠原吃進肚子裡他所配的醬料並不是平常吃的白醋也是特別・雞油飯 ＄18滿滿的一大碗這裡的雞油飯不是用黃油但是也挺香的不會太油膩

尖沙咀食店多不勝數六合小廚係正APPLE STORE 附近地理位置100分 很方便而且價錢親民,款式多個餐牌太多野影唔晒如果想食少少的話亦可選擇食車仔麵車仔麵是香港一太特色美食今次點了胡椒豬肚湯一大碗的湯足夠4人份量而且材料充足 飲湯之餘亦可食豬肚,排骨等材料湯的味道很好 胡椒味不會太濃 能突出豬肚的香味之後點了一份生菜健康首選, 而且份量很多六合燒味飯由3款燒味配合而成,上檯時仍暖暖的其中燒鵝的味道最出眾

表哥前日喺大陸落嚟左尖沙咀睇下雙11有咩抵買， 尋晚同佢食飯，佢鍾意食茶餐廳所以就求其去左呢間～呢間茶餐廳好多選擇，包括燒味，雞煲，羊腩煲，車仔麵，小菜等等😅茶餐廳嚟講環境算都算ok，有舒服嘅梳化卡位，店員都有禮貌同有求必應👏我哋兩個人叫咗一碟蒜蓉炒芥蘭，京都豬扒，瑤柱蛋白炒飯，仲有一杯柚子蜜個蒜蓉炒芥蘭嘅硬度啱啱好，唔會有太大草青味，又唔會太淋，咸度適中👍京都豬扒份量ok，肉質唔會太鬆散， 唔會覺得落咗好多鬆肉粉， 酸酸甜甜夠開胃😃瑤柱蛋白炒飯嘅色澤金黃，亦唔會油膩，粒粒分明，做得幾出色😁杯柚子蜜好足料， 我最怕啲茶餐廳飲品係落好少材料然之後溝勁多水，搞到成杯飲品好淡無乜味但係又有少少味😖但呢度完全唔會😀總括嚟講係比我預期好， 尖沙咀呢個旺區嚟講價錢都合理👍

全港最貴的廣東道也有較低端的舊式商業大廈，當中亦有價錢較貼地的中式小廚。午市飯麵約$46-$50元左右，尖沙咀來說，是外賣飯堂的價錢吧，亦可點精選小炒。煎蠔烙 ($88): 與台式蚵仔煎差不多，質感偏煙韌，並不是潮式的脆身。整碟蠔烙滿是蠔仔，份量非常多，蠻香口好吃秘製咖喱牛腩煲 ($98): 有牛腩亦有牛筋，炆至非常軟入味，咖喱不辣，薯仔份量也不少，所以相當飽肚，其實應該撈白飯，但當時沒留意，隨隨點炒飯。闊佬炒飯 ($108): 主要用料有蝦仁、肉粒、菜圃等等，炒飯夠鑊氣，飯粒顆顆分明，調味也適中，但稍微油膩。

呢間位於尖沙咀旺區既一間廣東菜 聽閒好有港式風味。身為本地薑緊係要試下啦。👭👭🎏兩個人點左幾樣菜已經食到飽飽啦。川辣干扁肥腸： 食落好酥脆 ，唔會太辣，蒜鹽同辣椒味好夾。大腸迫油迫迫得好 食落唔會好油膩同太乾 鍾意香口野既你 一定要試試。梅菜扣肉：好濃烈的梅菜味。五花梅肥瘦適中。脂肉分怖平均。出面食呢道菜 最怕就係一太太肥無肉 一係太瘦 食落鞋口。呢到完全無問題！招牌闊佬炒飯：有碎菜 蛋白 蝦仁 帶子碎 炒成。呢碟飯看似平凡但食落好有鑊氣，火喉十足，難怪是招牌菜 值得一試。

睇演唱會前當然要醫下肚先，當晚淨係想食下家常小菜，所以就去左係海港城出面的六合小廚，六合小廚係一間樓上鋪，樓下有唔少姐姐派傳單宣傳環境係一般茶餐廳的格局香港茶餐廳的特色就係咩都有得食，今晚的見標好明確，就係叫餸食飯，所以TARGET小菜就好了凍奶茶 ($20)茶餐廳仲有一樣野係唔可以唔飲，就係奶茶，自己係屋企無論點沖都沖唔到呢個效果，呢杯的奶同茶的比例做得不錯蒜蓉西蘭花 ($58)晚餐最唔少得就係蔬菜，西蘭花炒得夠穫氣，份量都唔少瑤柱肉碎蒸蛋 ($88)今晚想食清D，所以就叫個蒸蛋，瑤柱都俾得幾多，蒸蛋用黎送飯一流瑤柱蛋白炒飯 ($98)唔想食白飯，所以就叫左個炒飯，炒得幾乾身，除左瑤柱同蛋白仲落左菜一齊炒當晚的食物真係好清又健康，其實識叫的話，出街食都可以食得健康，又有家庭小菜風味

今日去尖沙咀廣東道間蘋果店維修電話，整完都已經天黑，唔想行咁遠就喺附近搵嘢食，就見到呢間六合小廚。餐廳位於樓上鋪，所以空間感比一般茶餐廳好。餐牌很多選擇有車仔麵、小菜、燒味、潮州客家菜、海鮮等等。天氣開始涼，原本見到個羊腩煲鮮魚套餐好吸引，但係兩個人食好似太多。於是叫左半隻雞煲試吓，加多個招牌牛四寶飯。雞煲來的時候香噴噴，半隻雞既份量都好多，配料有好多芽菜、蒜子、乾蔥，仲有大大塊爽脆木耳同秘製醬汁，非常惹味 依個雞煲的份量其實可以夠三個人食都可以四寶飯都好足料，牛筋煙靭有咬口；牛腩炆得夠腍入味；牛肚軟嫩有彈性；牛腸爽脆帶點肥膏，拌飯食一流特別值得一提的是這裏的員工反應都十分快，而且還會向你推介菜式，值得一讚。係尖沙咀這個地區來說，不論食物質素、服務，價錢都是超值，仲要無加一服務費

今曰同媽咪去左尖沙咀海港城行街買野，行到咁上下就過左對面食晚飯!!我地6點幾到黎到唔算有好多客在，可能時間尚早仲末到食飯時間。坐低左之後睇下menu有咩好食啦，店員極力推薦我地食雞煲,但我就唔想食雞啦，所以只係點左兩個小菜一個飯就算了。如天氣轉涼的話可以試下點雞煲，食完仲可以點火鍋配料打下邊爐！！呢到除左有小菜，仲有車仔麵可點咖哩班腩飯$56班腩炸得好香脆，入口仲熱辣辣,咖哩味又夠濃郁!!蜜椒土豆牛腩粒$108牛腩整得好鬆軟，薯仔咬落香脆可口，食既時候夾雜著黑椒同蜜糖味！！薑蔥鯇魚腩煲$98魚肉肉質鮮甜美味，獲氣十足！份量都幾多下,最後我地都食唔晒

今日帶一個來自廣州的親戚遊尖沙咀，行完K11、Isqure、海港城後，有點累和餓，碰巧見到廣東道旁的商廈有樓上茶餐廳，於是上去帶親戚見識一下香港茶記風味。六合小廚會聚所有香港茶記食物，如魚旦粉麵、車仔麵、小炒、燒味、碟頭飯等，下午飯後時間人數都不少，要由侍應安排才有位，看了看餐牌，最後點了金牌燒味拼盤飯、蒜香雞翼和凍檸茶。金牌燒味拼盤飯有齊各款燒味，包括燒鴨、油雞、叉燒，燒鴨和油雞都用了肶位，十分矜貴，叉燒蜜味濃，肥瘦適中，盡顯廣東燒味的味度。至於蒜香雞翼，炸得香透，蒜味重，為不錯的小食。以尖沙咀的位置來說，這間餐廳的食物和性價比都不俗了。

當日放工經過這間覺得比較隱蔽的餐廳。衛生程度不太好。算是樓上的茶餐廳。這間餐廳位置在海港城入邊。今日有少少凍跟住同事一起吃羊腩煲。分量足夠3-4人份量。思燕姐姐好好人咁介紹幾款拿手小菜，包括羊腩煲。我覺得好夠鑊氣，蘿蔔以及馬蹄都好入味。送飯一流。白飯好好味好鬆軟，應該是用東北大米。😊😊😊問題是餐廳可能裝修比較差，有少少影響食嘅感覺。我相信老闆應該會改良。

經過廣東道 看到樓下的菜單覺得不錯 而且也已經晚了就來到六合小廚用餐.金牌燒味拚盤 $178因為我們來得太晚所以燒鵝都賣完了老闆換了切雞給我們叉燒超好吃 口感爽爽地 是我第一次吃到微甜 但這種甜不止留在表面連裡面也有而且沒有多餘的肥膏燒腩仔很脆 我還以為到這個時間都已經軟了但這個還是溫熱的.海南雞套餐 $60份量足 而雞肉保持冷冷的雞味突出 油脂夠卻不會太過附套餐附上中湯料很多 而且味道清甜喝完不會口渴.咖哩牛腩飯 $56看照片已經覺得很吸引吃下去更勝一籌牛腩悶得很入味有不少都牛筋充滿骨膠原而且口感軟嫩先甜 咖哩的辣味再漸漸地充斥著你的味蕾配飯吃一流

當日在尖沙咀上班，晚餐來講是一個煩惱的問題。首先跟朋友食飯點了一個清炒芥蘭，芥藍入口鮮甜又不過老，還有充足的水分，一般茶餐廳很少做到。然之後來一個羊腩煲，吃了完全沒有後悔，羊腩煲得非常入味道，沒有一般茶餐廳過甜蜜過鹹的老問題。也沒有過多的油膩感，裏邊有馬蹄及青菜。將食物再度提昇。然之後吃一個，海南雞飯。海南雞飯有點像白切雞，雞肉鮮甜嫩滑，配上三款醬汁。有齊辣甜鹹味道。各有特色。餐牌應有盡有，似乎你想的廚師都會做。親切的笑容加上服務態度，賓至如歸的感覺。😊😊