六合小廚 (已結業)

餐廳以懷舊風格為主，充滿大排檔特色，好光猛，地方闊落都坐得好舒服! 我平日夜晚去就唔係好多人，怕晒時間等位既食客不防可以試下黎呢間餐廳！本身見店員個樣好COOL，以為佢地都好惡，點知佢地一開口就好NICE，好有熱心介紹菜式，我哋2個人叫咗4樣嘢，我同表妹的食量不小，最後係超級飽。冬柑桔百香果 - 呢個一定要點，酸酸甜甜味道好，潤喉又生津。川辣口水雞 - 今次真係走溜眼！本來以為52蚊一定好細碟，點知黎到咁大碟，真係唔相信自己眼睛，肉質嬌嫩可口，嫩嫩既雞加紅油花椒既香麻，帶皮吃更加好味，宜家諗返起都流口水！蘿白牛腩飯48蚊左右，蘿白好入味，牛腩㰖菜肉碎四季豆有點貴88蚊（相比起其他菜式既價錢），不過分量超多，我地最後都食唔晒，四季豆一上枱已經散發出陣陣鑊氣，炒得一啲都不老，好惹味。魚香茄子煲，夠鑊氣，排得住大排檔！ 一句講曬 ～ 好味！算下來一個人大概$150，價錢經濟實為，重點係食得暢快!!! 菜式下次一定會再黎。

中午由上環過來找朋友吃午飯，因為平時比較少來尖沙咀吃午飯，所以就等朋友介紹。平時我地都係食茶餐廳為主，今次都唔例外，我朋友就選了他公司對面的這間茶餐廳。 茶餐廳來說選擇都比較多，有精選午餐，約五十元，有招牌美食跟地道美食，一些招牌菜等，甚至車仔面都有。 最後我就選擇了他其中一個招牌菜，六合牛四寶飯，78元，而我朋友就選了黯然消魂叉燒煎蛋飯，50元。套餐不用加一服務費，包餐湯及一杯熱飲。 我的招牌四寶飯的餸有牛腩、牛根、牛肚及牛腸，再加一些蘿蔔。牛腩炆到好腍、牛根夠滑，牛肚入味，蘿蔔吸哂腩汁同埋都夠腍。不過碗白飯實在太大碗，最後都食唔哂。 我朋友的黯然消魂飯都一樣好大碗，兩隻太陽蛋煎到剛好，叉燒不錯，50元連餐飲的一個餐，性價比高。

陪朋友買完iphone，走去食個飯。炸韮菜餃 $44勁炸，脆口到不得了。有8粒，炸得有d熱食。但無計啦要脆口既話。內料菜肉比例1:1啦，炸過既韮菜無左個種辣口濃味，反而淺左個味，中和香口d。香煎潮式蠔仔烙 $88好大塊同價值相當！每塊炸到起少少泡再加每口保證有蠔嫁。記得要點魚露，野味提升。蕃茄濃湯豬扒米線 $45羅宋湯既樣貌，有豐富嘅蕃茄酸味，無咁酸會好d。好多紅蘿蔔，好軟仲吸哂d酸，勁酸！豬扒都大件，淨豬扒都$35，叫麵抵好多。梅菜扣肉煲 $98 配白飯 $15一年食一次夠啦，勁肥口，停唔到口！好彩低有好多生菜，唔係既話一定零纖維！扣肉每有有3件到？肥肉主要在上一層豬皮無毛唔錯！肉有梅菜加碼就咸少少，配飯會好d。順帶一提個飯碗大過一般，有1.5碗飯咁。

轉咗新工一個月，開心嘅係尖沙咀原來比觀塘更加多好嘢食，而且價錢比想像中都要平。同事帶我嚟呢間商業大廈嘅樓上小廚餐廳，價錢真係有驚喜，而且食物有質素😀. 我叫咗個✨咖哩牛腩飯$56，加個時菜$10同埋湯$10；同事叫咗海南雞飯$60，啲飯量多，男士絕對夠飽。先講✨咖哩牛腩飯，配大量嘅薯仔，牛腩用緊牛筋腩，筋嘅部分比較多，啱曬唔鍾意食脂肪嘅我，炆到好腍嘅牛腩入口未算即溶，但係都容易咬開👍；飯真係用一個米線碗裝住，飯量多到我都食唔曬；至於個湯，飲落唔咸，飲完唔頸渴，算係冇味精，又足料，有雞腳同蘿蔔；叫多咗個生菜，加十蚊嚟講唔係得幾條，營養均衡，吸收一人必須要有嘅營養份量😎. 試咗一件同事嘅海南雞，佢加十蚊轉咗雞肶，雞肶好滑，油飯亦都好大碗，唔會真係好油但真係好入味😍。.午餐時間主要做套餐，下午茶有車仔腸粉，睇落好特別，價錢真心唔貴，人均60蚊已經可以好飽。坐電梯期間見到其他樓層都有小廚餐廳，下次可以再試試佢😁

廣東道名店林立，其實想搵一間地道既餐廳選擇都幾少。呢日行完apple之後係隔離棟商廈竟然意外發現左有幾間小炒店！話口未完我地就決定左入黎呢間有潮州小炒既餐廳食飯由於仲未到六點我地叫左個下午茶餐頂住肚先！本身想叫蒜蓉蝦蒸腸粉但竟然賣哂！下午茶餐堅係抵唔好講笑！於是我地就叫左呢碟霸王雞撈粗撈麵有辣椒味，感覺又幾刺激，食落仲有啲沙薑味，麵質好爽好彈牙霸王雞好入到薑蔥味，嫩滑一啲會唔嚡口38蚊成件事性價比超級無敵高！之後我地叫左秘制咖哩牛腩煲加飯，咖喱好香，偏甜，薯仔稔得黎又唔會爛，啲汁送飯一流！如果咖哩可以再辣啲就超正欖菜肉碎四季豆超好送飯，豆好好咬唔太幼，長度岩岩好，非常統一，成件事唔會太咸見到佢有百香果金桔特飲我地又叫左兩杯試下，又ok喎真係有幾粒百香果係度，唔會太甜酸酸地感覺幾天然可惜今日得兩丁友食，希望下次可以多啲人黎食咁就可以叫佢個潮州反沙芋！

早餐選擇吾多，有醒神車仔麵系列（湯底多元化，少見既胡椒豬肚湯，甘凍既天氣就岩哂，夠哂暖身）、獨家既醒神車仔腸粉系列、生滾粥系列、蕃茄濃湯系列、自家水餃同埋其他本地小食早餐，不過基本港式早餐既菜式有齊哂。最近開始減肥，慣左早餐食多啲食飽啲，一個人叫左一碗蕃茄濃湯牛腩麵加$3轉烏冬（$43）同埋一碗自家製水餃（$36）。蕃茄濃湯牛腩烏冬，名副其實，湯底真系濃郁既蕃茄鮮味，酸甜開胃，牛腩軟稔而且吾肥，幾足料，有成5、6舊，配菜有新鮮蕃茄、西芹、椰菜、紅蘿蔔。不過烏冬就好普通，吾夠彈滑。韭菜豬肉水餃6隻，有成6款湯底比你揀。清湯清而不寡，帶點胡椒味，生菜浸入湯汁入哂味。水餃皮薄餡靚，韭菜豬肉比例恰好，多肉汁，有啲肥肉不過接受到。港式茶餐廳當然要嘆返杯奶茶，夠哂絲滑，茶味香醇回甘，吾加糖都好飲。

同朋友去尖沙咀行街街，唔知係咪因為係旅遊區，野食都唔係太平，行行下見到《六合小廚》GE易拉架，研究左一陣，覺得係尖沙咀黎講價錢都理GE，而且D圖都幾吸引咁，於是就同朋友入左去Try Try。同平時去開GE茶餐廳唔一樣，呢間六合小廚GE裝修都幾雅緻，枱與枱之間寛敞，唔會好迫。餐廳侍應都幾好人，見我地煩惱左好耐要食咩，於是走左過黎同我地介紹下，等我地可以縮窄少少範圍，於是我地叫左一個咸魚雞粒炒飯($88)、煎蠔餅($88)、車仔麵淨餸($74)同加左碟油菜($10)。咸魚雞粒炒飯主要用生菜、咸魚、 雞粒、雞蛋等等黎炒，個飯上檯熱辣辣，夠哂鑊氣但又唔會太多油，夠乾身，飯夥粒粒分明，唔會淋，調味亦都咸甜適中，而且份量超多，呢個價錢呢個份量都幾抵食下！煎蠔餅呢個蠔餅ge煮法係有D台式Mix 潮式煎蠔餅。台式蠔餅粉漿同蠔仔份量會比較多，食落口會有D似蠔仔糊咁GE，再加上大量GE醬汁同香菜；潮式蠔餅就主打香煎可口，蛋漿比例會較多。而呢度GE蠔餅就兩者GE口感都有，即叫即整GE蠔餅，所以非常脆卜卜，蠔仔份量夠哂多， 邊邊位都係幾脆，可能因為粉漿比平時食開多，所以無咁重油膩感，我地食落口都無咁內疚，無咁

尖沙咀茶餐廳推介前兩日行去尖沙咀Apple Store買iPhone X Max，買完梗係順便醫下肚啦，但係又唔想去海港城同人迫，見Apple Store附近原來有好多樓上鋪嘅餐廳，見門口有個阿姐派紙仔，d嘢食又好似幾吸引，價錢又唔算太貴，一於上去試吓先。餐廳叫六合小廚，菜式種類好豐富，可謂中西合璧，有傳統港式風味嘅食物例如魚蛋粉,燒味,叉燒飯，亦有好多唔同嘅小菜可以叫，甚至乎連羊腩煲同火鍋都有得order。我哋兩個人最後叫咗三款小菜，分別係咖喱牛腩煲，沙拉排骨，同蒜蓉蒸海蝦。首先上菜嘅就係咖喱牛腩煲，阿姐捧過嚟嗰陣已經聞到香噴噴，咖喱汁熱辣辣好惹味，牛腩又煮得好淋，最正就係啲牛筋，一啲都唔韌！蒜蓉蒸海蝦，呢個平時通常只會去酒樓嗰度先叫，但係朋友話今日想食下，一於試吓依度嘅質素。真係估唔到雖然係茶餐廳風格，但用料同整出嚟嘅質素都拍得住酒樓！值得一讚！沙拉排骨，呢個係我嘅至愛，個甜味整得啱啱好，用嚟送飯簡直一流！最後我哋仲得知原來依度仲有做外賣，雖然餐廳喺中港城呢邊，但原來連The One，美麗華嗰邊都照樣送外賣，我公司就係嗰度附近，下次一於lunch都試吓佢先～!！

這間六合小廚菜單種類非常多，小菜、燒味、海鮮、麵類、快餐飯類這裡也可以品嚐到。天氣開始轉涼，當然要點番個雞煲暖暖胃。這裡的雞煲不是預先炆好的那種。是以火鍋形式，透過高温湯底即時把新鮮切起的雞肉淥熟，放入鍋內大約煮15分鐘後就可進食。這種食法雞肉會比較嫩滑，不用擔心炆得過耐破壞肉質。胡椒豬肚湯底除左豬肚仲放左排骨熬製，所以湯好香豬骨味。豬肚清潔得好乾淨，無異味。胡椒味不辣不咸，味道温和，迎合大眾口味。最後記得把湯喝掉，精華所在🤤。薑蔥鯇魚腩煲，經薑蔥爆香後味道非常惹味。鯇魚肉份量非常足料。每塊魚肉都有半隻手掌✋🏽般大，啖啖肉。魚肉表皮煎到香脆，口感可口。食雞煲一定要點杯蜂蜜青檸柑桔🍊。柑桔味好重，可以潤喉清熱氣。少少甜少少酸非常開胃。

香港被譽為美食天堂，雲集各國菜式，尤其是遊客區，見到好多餐廳都出售西、日、韓等菜式但講到醫肚以及合味道，永遠都係港式風味最好，因為始終係土生土長香港人嘛所以今次去尖沙咀區，幫襯呢間六合小廚，我亦點咗好常見嘅小菜——西蘭花炒帶子即點即炒，熱辣辣夠鑊氣帶子非常新鮮，生熟度剛好，調味恰到好處，唔會太鹹西蘭花翠綠爽脆有口感，好味之餘又健康雖然只係尋常餐廳地道小菜，不過絕不馬虎，有水準下次再有機會，都想試試其他菜式！

今早在海港城附近工作、早左到看看附近有什麼茶餐廳吃早餐、發現了對面街的六合小廚。夜晚食潮洲菜小炒、早上提供各款早餐、生滾粥、蕃茄濃湯麵、燒賣、腸粉、炒米粉、粽、竟然仲有車仔麵！！以茶餐廳來說真的有夠多選擇。蕃茄濃湯雞扒米粉賣相味道唔錯仲好大碗。蕃茄湯幾濃、有蘿蔔同椰菜好似羅宋湯。雞扒有烤過、好大塊、超飽肚。茶餐廳的奶茶都唔會令人失望、非常幼滑。下次來可以試下招牌車仔麵同晚上提供的潮州菜和家常小炒。

平時好少行開中港城個邊，去左apple store睇左陣野，見隔離有幢大廈門口有人派呢間餐廳既傳單，menu.....價錢唔貴，又肚餓，就幾條友盲中中上去食。餐廳定位類似街市熟食中心入面既食店，食小菜為主既。環境同普通茶餐廳差不多，地方寬敞，幾岩一班人上黎食只係平時經過真係未必可以留意到呢幢大廈。😂😂🤣🙂蒜香雞扒飯（$48）😋由遠處拎過黎個刻已經聞到好香既蒜味。份量正常，雞扒外皮香脆，不過食落比想像中淡左啲味。😋沙拉豬扒（$88）😆好好味，個汁一啲都唔膩。酸酸甜甜好開胃，好岩送白飯食！😊魚香茄子煲（$98）😍香噴噴，又一送飯之選。有啲餐廳既魚香茄子煲會偏咸，呢度既魚香茄子就岩岩好🤗。秘製蜜椒土豆牛腩粒（$108）😍😍😍作為一個薯仔加椒味控，一睇到menu已經被呢到菜吸引到我既眼球，而事實都證明我係正確既，哈哈！我地食到個碟一滴汁都無（因為個汁甜辣香，好岩撈飯食）😚薯仔口感特別，有啲似日式既做法，個面應該係用蜜糖烤過黎，咬第一啖時候首先係覺得香甜脆口😋，再繼續食時就開始有黑椒味，唔辣既，純粹香啲。😚呢道菜既特別之處係用左牛腩，平時街邊食牛腩多數都係清湯牛腩或者咖喱牛腩呢類煲出黎既菜式，好

很多人以為尖沙咀好雜好亂, 都唔敢去。雖然我大嶼山長大,卻偏偏喜愛好有香港特色的地方茶餐廳更是香港人集體回憶，於是去食晚飯。餐廳裝修得很整齊。第一道菜就是蒜蓉炒西蘭花帶子。炒得非常翠綠,加上蒜蓉來炒,將美味帶到極點。最後飲到最出名嘅紅豆冰,紅豆好嫩滑。而且分量適中,絕對冇苦劫味。綜合以上分析,我會再邀請其他朋友一齊嚟食晚餐。慶祝自己嘅生日。😘😘😊食完再繼續去打排球。😘😘😊我有個小提議希望茶餐廳可以播一些歌。

當日中午經過廣東道一帶，見到餐廳很多都是西，日，韓國。雖然各有各的特色，但是講到醫肚以及懷舊，永遠都是港式風味，原因始終香港人。第一道菜是蕃茄薯仔鮮魚湯。店主很用心特別帶出火鍋爐，將已煮熟的番茄薯仔以及鮮魚，再用慢火加熱，藉此帶出各種配料的香味。魚肉鮮嫩無比，加上濃郁的番薯湯，簡直跟媽媽煮的菜一樣。第二道菜是西蘭花炒帶子。帶子非常新鮮，生熟度剛好，而且做到非常之貼心，唔會太鹹。西蘭花食得出非常有口感，無論觀感以及整體味道，別出心裁。綜合以上各點，性格必定跟情人再來試一次。下次都想試他們被製的咖喱牛腩。😘😊

今日來到尖沙咀海威商業中心六合小廚食晚飯。餐廳裝修清雅，枱與枱間都比較寛敞。要了個京都豬扒$88。有酸酸甜甜的菠蘿非常惹味，京都豬扒大大件的非常厚肉，份量非常多，茨汁濃度剛剛好沾著京都豬扒，肉質腍中帶肉味，帶著酸甜惹味的茨汁，非常惹味哦。帶子炒西蘭花$128。西蘭花吸收帶子的汁的精華，非常爽口，味道清新。帶子份量也是絕不吝嗇，大大粒啖啖肉的入味又可口，廚師廚藝非常讚，炒得夠鑊氣。咸魚雞粒炒飯$88。炒飯有生菜，咸魚雞粒，雞蛋碎，芫茜蔥等，飯粒帶少少煙靭爽，並不會很油膩，鑊氣夠，非常香口。廚師的廚藝非常不錯，多菜式及最喜歡美味之余份量又多，下次會再來光頋試嚇其他菜式。