六合小廚 (已結業)

秋風起，自然想食熱辣辣嘅煲同小菜。係尖沙咀行完街，尖沙咀cafe就多，想搵間食小菜的，其實唔多選擇。係樓下見到佢個雞煲牌，一心唸住試一試。 去到時間尚早，未係好多人。 呢到都算幾企理，有卡位坐，食物選擇都幾多。其中有個秋風滋煲的菜牌，比個滋味醉雞鍋吸引住。仲有羊腩煲同胡椒豬肚雞煲，都有幾個款式。 仲有好多小菜揀，最後揀咗個薑蔥鯇魚腩煲，腐乳通菜同雞煲。雞煲湯底嚟到已聞到陣陣醉雞汁香氣，湯底仲有紅棗，淮山，龍眼肉，十分滋補。雞的份量亦很足料，叫左半隻雞。湯滾後放咗隻雞落去煮，雞肉都很滑，湯很清，可以食到雞的鮮味。仲可以食埋龍眼同淮山等配料。薑蔥鯇魚腩煲係超讚👍好厚肉，好多鯇魚腩 外脆內嫩😍好入味，又唔係好油，仲勁多蔥👍 腐乳通菜唔會炒到好咸，亦唔太油，不錯！ 餐廳仲少有地唔洗加一，兩個人食三個小菜都係三百幾蚊。

係尖沙咀呢個旅遊區想食d平民美食真係好難，起碼都幾百蚊埋單。呢排行開廣東道，見都有唔少樓上小餐廳，價錢都幾合理同多選擇今日就上左呢間樓上餐廳試下可能係閒日既晚上，人流唔算多。幾舒服店員好親切，點菜時都好細心講解。我們點左 胡椒豬肚雞煲 (半隻）$148配料好豐富，足料！煲左大概幾分鐘後，店員就幫我們落隻雞個煲度。不得不說個胡椒豬肚湯好濃郁少少胡椒嘅辣再加上煲過既雞味，兩種味加埋好正另外要再提既係個雞好滑！煲幾耐都唔un配料方面，點左黑椒牛丸，響鈴，唐生菜同墨丸。黑椒牛丸都幾岀色，黑椒味幾重，同時亦唔會蓋過牛丸味其他配料就正常，ok既麵方面，佢有得點辛辣麵抵讚飲品方面，點左金桔百香果。呢個可以話係個火鍋既小清泉少少甜，略帶一點百香果既酸，百香果亦都唔係現成，真係有百香果既籽同肉，好開胃

今日出咗尖沙咀，經過廣東道，以為呢邊唔係好多嘢食，但樓下有人企系到拎住餐牌，先知原來呢面都有嘢食😍。 原來唔係得名店架系廣東道😋位置係係7樓，地方好大，位置好闊落。眼見餐牌好多款式，炒粉麵飯，小菜，就連雞煲都有，我地竟然叫左雞煲。金牌三杯辣辣雞煲，半隻雞 $148雞煲揀咗小辣，出面食嗰啲雞煲好似好少有芽菜，但呢間有我至愛既芽菜，仲要勁多。雞煲一上枱已經聞到陣陣香味，雞件份量多，雞肉嫩滑多汁。欖菜肉碎炒飯 $39D飯好夠鑊氣，飯粒乾身彈牙，唔會太濕。凍奶茶 ☕️ 避風塘茄子 $88好濃既香蒜味，茄子炸得好香脆，外脆內軟。

到尖咀誠品扮完文青後又係醫肚時間，經過廣東道見到有人在派宣傳單張所以停了下來再看看四周，最後決定去《六合廚房》了。 看看餐牌，餐廳提供多元化種類： 有海鮮、川辣、客家私房菜、湯、甜品、車仔麵等 — 實在難選擇！ 薑蔥鯇魚腩煲 HKD 98 到了一會兒，聽到沙的聲音便知來到了！ 有薑又有蔥 — 香噴噴，很有鑊氣、沒有雪藏味！ 講返鯇魚，腩位很大片，固計原條有成斤重？ 哈。 整體也不錯。 臨吃完後，師傅還介紹下次再來吃秋風起最岩食「羊腩煲」噢，但我要帶多幾位朋友同佢地個胃才可以啦

去尖沙咀，既想食好野，但又不想花費太多，於是做了一些資料搜索，發現原來廣東道近apple store 附近的商業大廈原來有不少餐廳，當中有平有貴，於是精挑細選之下，選擇去了六合小廚。午飯時候，餐廳差不多全院滿座，在餐廳安排下坐在一個卡位。餐廳的食物種類多，有燒味、鹵水、車仔麵、小炒等，總有一款啱口味。今次點的有香茅豬扒、避風塘炒茄子，配一個白飯，餐廳製作的速度頗有效率，不到五分鐘，全部菜式都上好了。味道方面，避風塘炒茄子不得不推薦，茄子炸得香脆可口，脆漿薄薄的，沾上炸蒜、乾辣椒、葱、鮮辣椒，味道層次十分豐富，多口都不覺油膩。至於香茅豬扒，味道也不錯，香茅味重。而餐廳亦很貼心，送上一碗粟米紅蘿蔔湯，甚有住家的味道，值得推薦。

今天趁番工前嘅空檔揾海港城工作嘅朋友仔食個lunch吹下水，佢話帶我食平野，我心諗尖沙咀都會有平野食，唔係嘛？一於跟佢去試試，糧尾好窮困呀陰公六合小廚位置就喺海港城對面行前小小嘅商業大廈7樓，非常就腳，尼座商業大廈應該有數間食店，皆因樓下有好多姐姐哥哥派傳單拉客，非常有熱誠而朋友仔選擇尼間六合小廚，一定有原因，信佢，嗯一入到店內，姐姐非常有禮貎咁招呼我地，仲話唔好意思，今日比較多人要搭檯，唔緊要啦！明白嘅其實當時只係中午十二點半，但已經有八九成入坐率，真係旺場坐低睇睇餐牌，終於明白點解咁旺場，因為價錢相宜，而且選擇亦非常多唔想食飯的話仲有車仔麵或茄湯米線選擇，照顧不同客人嘅口味點餐期間姐姐先送上熱辣辣例湯一碗，味道好甜，無味精，非常窩心朋友揀左碗招牌車仔麵，好大碗，餸料整齊咁舖喺米粉面，賣相討好，非常足料，我試左件牛腩，好林好入味，有水準我叫左碗叉燒茄湯米線，鮮茄湯非常濃郁，味道調教得剛剛好，叉燒分量好多，成碟例牌咁多，味道亦好好，好抵食，推介跟餐加7蚊配涷檸茶，算合理，但我無叫，慳番招牌logo幾醒目，名又改得好，六合常中嘛朋友仔話尼度晚市係做小菜的，同樣好多選擇價錢相宜，佢地成班同

位於尖沙咀廣東度的六合小廚，上樓嘅關係，位置唔太顯眼，係有個哥仔喺樓下拎住menu向我揮手先知道佢嘅存在，見到menu有雞煲，秋風起，涼涼地，又去試下先！室內簡單整潔，光線充足，抽風都ok,唔會大浸油煙味睇下D menu , 野食都幾多元化，有車仔麵，配料好多選擇！三餸$39都ok嘅仲有招牌燒味，燒鵝叉燒油雞樣様齊小菜當然小不了，目測價格相宜！大唔大份就餸黎到至知喇！後d果杯係奶茶，唔多介紹啦，前面係柑桔百香果，入面有d百香果核可以飲埋，味道清新香甜帶微酸，食雞煲解渴必備！雞煲來了！香噴噴的呢！半隻雞好足料，雞件好多，雞肉唔鞋，肉質ok, 無雪味，雞煲個汁好和味，係用好多蔥頭同蒜爆香，仲有木耳同超多莞茜，好香口！食到咁上下，加以叫佢加湯，叫配料打埋邊爐！香辣肥腸喇！熱辣辣，d腸炸得好透，咬落去仲有少少脆邊，師傅用大量蔥蒜辣椒去爆香，重口味之選，送飯一流！Close up 下先，肥腸洗得好乾淨，唔算好多肥膏，餸嘅份量多，百鬆d蚊都合理。

情有獨鍾很有家的感覺風味，位於尖沙咀人煙嘈雜地段位置相當易找每到繁忙用膳居高不下，皆因有茶記風味而且皆裏有家潮客家私房菜，經典主打潮州菜/車仔麵/小炒/煲品 每碟小鑊氣水潤光澤很足料 快靚正追求烹調技巧價格相宜便宜卻高水準 對於整體而言不失港式氣派，港式選擇多聚集滿腦海中令我難抉擇！室內光線明亮乾淨上樓店面內與外距離寬敞不嘈雜， 和諧氣氛舒適敞宜，侍應點餐節奏順快單憑多樣化港式茶餐廳已吃到盡飽，不管 中西合璧早或午餐/下午茶/套餐優惠組合或私房菜等………… 隨著茶餐廳日漸普及化可說是隨著社會急速香港人傳播多元文化內外結合就能輕便嘆盡純樸美食，所謂食得是福魅力無法擋， 南山塔附近年輕人都愛來光顧個人美食裏的瘋狂！ 

海港城對面都有中菜食，很多外國遊客幫襯。除了港式燒味、車仔麵，仲有川菜、潮州菜，應有盡有。下午茶抵食，四餸$45。避風塘炒茄子($88)茄子切得很大塊，炸得外脆內軟，水份都鎖在裡面，加了辣椒、葱、炸蒜炒，香辣惹味，很好下飯！蒜蓉炒菜心($58)新鮮。咖喱牛腩飯($56)好多薯仔，牛腩又稔又入味。車仔麵4餸，魚蛋($8)爽彈、蘿蔔($8)清甜、滷水雞翼($14)、墨魚春卷($14)、米粉($14)，胡椒豬肚湯底($8)真材實料。熱蜂蜜青檸柑桔($20)，柑桔酸甜味出色，味道濃郁。

<小炒粉麵川菜打冷一應俱全>💪🏻呢位位於 tst既六合小廚唯餐廳裝修 燈光通明 食物選揀多 有泰菜 茶餐 粉麵 潮州打冷 川菜 小炒等等 有好多選擇 適合唔同人點😃🍴泰式豬頸肉 98 蚊🐷同平時泰菜館既有 d唔同 佢比較煮得冇甘香脆 但勝在肉質彈牙又有帶 d 軟熟 豬肉肥瘦適中 💪🏻 而佢仲有酸辣汁點 開胃得黎又夠惹味 唔錯🐖🍴香煎潮式蠔仔烙 88 蚊 🔥煎得比較薄身既蠔仔烙 口感軟熟 香脆程度比蠔餅少 但更能食到蠔仔軟滑既口感🙂 點埋魚露 都好味😄🍴六合牛四寶麵 78蚊🐮🍜 其實有兩樣野 唔太明點解叫六合但又四寶 😂1. 肥味既牛肚2. 彈牙既牛腩 個人鍾意整淋 d 3. 牛蒡 夠哂吸肉汁4. 牛根 彈牙爽口5. 金錢肚夠哂入味麵係點左粗麵🍜盡吸香濃既腩汁 個味幾正 如果加番兩條生菜 🌿增加番觀賞度會更佳🙂 佢仲有自製辣椒油 幾香辣 撈埋飯麵都好 match 🌶🍴紅豆冰 25 蚊 凍❄幾香滑夠奶味🥛 紅豆都算煲得幾軟林 甜度適中 唔錯#紅豆冰 #豬頸肉 #蠔餅 #牛什 #牛四寶 #粗麵 Score 平均分 <7.4/10>Taste 味道：👍🏻👍

如果話有乜嘢食品會令我起外地都會突然掛住香港嘅話，牛雜絕對排頭幾位，每次路過街邊牛雜/牛雜麵店嘅香味總係吸引着我。但一來衛生問題二來價錢，小小幾件已經要幾十蚊，近來真係食少左好多。尖沙咀海港城對面竟然有餐廳招牌菜做牛雜可能在7樓，客人唔多。啤酒🍻配牛四寶，牛腩，牛根，牛肚，牛腸仲有香甜蘿白，四人份量非常大盤，仲有秘製辣醬佢仲有好多小菜，飯麵類食完牛雜宵夜，乾乾地叫咗個胡椒豬肚湯，份量唔算大，四人各一碗，胡椒味唔算重，不過不失啦！

喺美食嘅世界入邊百花齊放，無論係價錢昂貴的山珍海味或經濟平宜的青菜豆腐都有機會煮出美食，今日就講一下，一碟表面平凡嘅六合午餐肉煎蛋飯，點解會令人趨之若鶩。要練成一碟可達暗然銷魂級別嘅午餐肉煎蛋飯，殊不簡單，當中四大元素都必須要全力以赴。先說最重要嘅午餐肉，午餐肉點知至算係新鮮及少雜質，就要先睇佢入面啲油嘅質素，油嘅味道一定甘香，試嘅方法非常簡單，先攞一件午餐肉落鑊煎，煎出嚟嘅油用塊白方包索左佢，之後成塊白方包放入口食，咁午餐肉油嘅質素就無所遁形。下一步就係要講五餐肉嘅質感，需知道文字影響情感，所以叫得做午餐肉，就一定要有肉嘅感覺，唔可以好似食豆腐花咁，一定要有趙口。之後就要講下午餐肉腳厚薄程度了，太薄的話欠缺趙口，什至一夾就散；太厚的話，食嘅時候會感覺太油膩，所以有經驗嘅師傅會將午餐肉嘅厚度控制得恰到好處。跟住就要講煎塊午餐肉嘅技巧，師傅必須要將火候同時間控制得適宜，先至做到外邊脆嘅一層好似紗咁薄，而入面一定要熱，最好係熱到輕微燙嘴。最後就要講佢嘅色澤....第二、三、四元素係煎蛋、豉油同白飯。

聽朋友介紹，這裡有抵食車仔麵。今天立即同事去試試。這位於樓上店的茶餐廳在午市時份十分熱鬧，坐無虛席。這裡的車仔麵按餸按不同麵底收費，而湯底有清湯、腩汁、沙爹湯同辣汁。三拼車仔麵加餐飮$46牛丸墨丸蘿白米缐腩汁底-這真的是減肥餐，湯底無油，隱約中有少少腩汁味。而牛丸同墨丸是普通貨式，沒有肉汁或特別彈牙，不是翠華的水平；而那蘿白真的令人有點失望，雖然不太硬，但沒有蘿白的清甜味，應該只是烚熟而己。也許我期望太高了。米線份量都幾多幾滑，質地偏稔身，即使是男生也一定夠飽。由於湯底實在太淡，沒有意欲完成碗麵，下次還是食友人推介的沙爹汁湯底好了。不過當作是減肥餐也都ok.無油唔肥淸清地。叉燒羅宋湯米缐加餐飲$46這叉燒風味十足，肥瘦適中，一如燒味店的水準。羅宋湯底材料都幾豐富，有蘿白、蕃茄同薯仔，而且味道濃郁，有著蕃茄的酸味，十分開胃！食下食下，就ko左成碗，又真的幾好味。奶茶：入口香濃滑溜，真有大排檔的水準，不錯。以四十多元在尖沙咀有ok 質數的羅宋湯米缐真的幾好，大份夾抵食，應該會encore 一下。

六合小廚🍴很少放工也在公司附近吃晚餐，但和同事二人都太餓，決定選擇最近的茶記，誰不知有意外驚喜。餐牌上既選擇唔係特別多，見到個豆腐鯪魚球煲好似幾岩胃口，二話不說叫左。啲鯪魚肉好鮮味，豆腐又滑，又多菜，好味。我地想食涼瓜，見到餐牌上得涼瓜豬手，好似好油膩，就問廚房可否轉做涼瓜肉碎，廚師好好，一口話無問題。好惹味，本身好喜歡食洋蔥同青椒，Perfect。兩個菜，一濃一淡，好夾。白飯唔洗另加錢，每人$88。

My iPhone had issue again so I went there to fix it and wait nearby restaurant. I ordered a Russian soup rice noodle with chicken leg. Long time did not have chicken leg, it was so crispy on the skin, and inside was still juicy. The soup was so-so, not thick at all but full of ingredients, seems so healthy and fresh.