六合小廚 (已結業)

友人小林相约往尖沙咀逛街及晚飯，他很愛吃家庭式小炒，公司同事推介往尖沙咀六合小厨，他說此小炒好味及很地道！我们逛街後，便往~六合小厨晚飯蜜椒土豆牛腩粒~此是出色的做法，土豆脆香，牛腩淋香及入味，配上黑椒，甜香好味，特別惹味！蕃茄薯仔魚尾湯，此湯濃濃，又有營養，份量也大，用料新鮮，魚尾也好吃，我們將此湯來個大清場！而此帶有如媽媽在家中的湯感覺！冇味精及唔口渴！正的！豉油雞，調教的豉油味道刚好！雞肉鲜美及嫩滑，我們向來爱吃雞的，這也是值高分的鼓油雞！六合小厨~看得出厨師的厨藝，用心！地方環境雅潔而也舒服，而食店內待應服務態度也殷勤，招呼週到也，多款菜式可選擇！價錢合理！友小林說這顿晚飯吃得開心又滿意！我們都叫好啊！

跟朋友在尖沙咀廣東道購物後，便一袋二袋的走到六合小廚食晚飯。店內環境寬敞，有卡位亦有圓枱，坐下時舒適又無壓迫感。另設貼心的免費充電服務，可於食飯期間為電話充電。店內提供港式燒味、地道車仔麵、文昌海南雞、風味小炒、煲仔菜等，款式應有盡有，總有一款啱心水。我倆食量不大，所以叫了魚煲、菜跟炒飯一齊食。【薑蔥鯇魚腩煲】(HKD98)魚腩煲送到時熱辣辣，薑蔥香氣滿溢，鯇魚大大塊，肉質鮮嫩；雖有細骨，不過只要細嚼便可，整體味道不錯！【菜心】(HKD28)【招牌闊佬炒飯】(HKD108)因飯名很吸引，所以忍不住叫來食，炒飯夠大碟，有大大隻彈牙鮮蝦、炒蛋、菜粒、帶子粒，口感豐富，略嫌帶子粒切得有點薄，如大粒點口感會更佳。(左) 柑檸百香果 (HKD22)(右) 蜂蜜青檸柑桔 (HKD22)我飲的這杯柑檸百香果，酸酸甜甜，味道清新、透心涼，好飲。

因為工作關係今日呢到中港城呢邊買啲嘢 就誤打誤撞上咗嚟呢間餐廳 唔食由至可 一食就發現呢間係一間隱世小菜餐廳 - 六合小廚🍚✨✨秘製蜜椒土豆牛腩粒 🐂($108)可以話係呢間餐廳嘅招牌菜 有別於其他餐廳 六合小廚唔用牛柳粒而係用上 比較貴價同味道更好嘅牛腩粒 誠意十足🤤🤤味道方面 每一嚿薯仔同牛腩都沾滿著蜜糖醬汁 加上餐廳廚房嘅熊熊烈火 將薯仔,牛腩, 蜜糖三者融合 形成咗呢道技驚四座嘅小菜，正！👍🏻👍🏻香煎潮式蠔餅 🐚($88)蠔餅一上碟嘅時候餐廳就已經好細心咁幫我哋切開四份 味道值得一讚就係份蠔餅真係煎到脆卜卜 係新鮮同即叫即做嘅蠔餅 👍🏻餐廳重提供咗魚露畀我哋點 但係我就覺得蠔餅本身嘅味道已經好好食唔使點 😋😋蠔餅當然唔少得嘅就係主角 - 蠔😃 雖然啲蠔仔細細粒 但係就偏佈住成份蠔餅 每一啖都充滿蠔嘅鮮味🤗🤗椒絲腐乳通菜🌿 ($58)腐乳味道好香 通菜亦都係新鮮同埋嫩嘅 廚師亦都好有鑊氣🔥 炒得好好味整體而言 價格非常合理 埋單都係每人一百四十幾蚊 食物質素簡直超班 係適合一班人傾心事聚會嘅好地方👍🏻👍🏻

食過返尋味指數：🌕🌕🌕🌘🌑位於尖沙咀海港城對面，Apple專賣店旁邊的商廈7樓，非常容易找。一進電梯就見到各種特色小炒的照片，非常吸引。餐廳選擇非常多，感覺是能想到的特色都能找到。由於只有兩個人，抱著不能浪費的宗旨，最終克制了對美食的慾望，只點了3個菜。首先，最值得關注的是蠔餅，一上菜就知道質素不錯。店家毫不吝嗇地給了很多蠔仔，而且粒粒蠔仔都很飽滿，肥肥胖胖。水煮魚腩比較滑，調味也不錯，而且店家還會根據客人的口味調調辣味，不能吃辣的朋友第一次吃水煮魚吃得好開心。炒青菜也清淡得來還不會沒味道。對凍百香果十分滿意！

平時都有叫呢間小廚外賣, 味道唔錯, 特別是湯飯做得很好, 份量足材料夠! 今日諗住幾個同事放假前一齊去開餐, 諗住過節飯食好少少😅叫了個香辣蟹套餐再加散叫小菜, 估唔到堂食仲加分! 香辣蟹好有驚喜, 用的是大隻新鮮肉蟹, 唔食得辣落單時一定要減辣，總之惹味剌激👍🏼😋燒味拼盤內义燒不過不失, 但燒鴨皮脆肉軟, 值得一試! 套餐入面那個胡椒豬肚湯, 胡椒味濃兼好多材料，真心講好飲過出面好多中式餐館👍🏼另外, 散叫小菜蜜椒鷄翼及蜜椒牛腩, 阿姐極力推介，望落去諗住兩碟差唔多味道, 確實是同一個味但完全兩種口感, 鷄翼是脆口的, 而牛腩軟林入味, 看得出用心之作. 讚👍🏼！

平時日日都帶飯，食到口淡淡，所以今日難得出街同同事食好啲，3個人叫左招牌香辣蟹套餐$688晏就食蟹真係好招積1.）招牌香辣蟹2.）霸王雞3.）欖菜肉碎炒4季豆胡椒豬肚湯、白飯因為太餓個湯唔記得影相勁好飲夠晒胡椒味辣度可以同老闆溝通、霸王雞蔥油味香、欖菜肉碎送飯一流、足足一人食左一大碗白飯除左小菜，仲有車仔麵、粥、連腸粉都有！真係好多其他選擇最緊要價錢合理、味道不錯，以後食lunch多個好地點環境亦不錯，乾淨企理

係尖沙咀海港城附近想搵間炒小菜又要合理價錢食晚飯，上openrice 搵左呢間六合小廚。小菜選擇好多，有海鮮辣蟹避風塘煮法 ，又有車仔麵，炒粉麵飯樣樣有，我今晚叫左個二人餐加多個薑蔥鯇魚腩煲都係每人108蚊，抵爆。咖哩牛腩煲港式咖哩，香辣撲鼻，牛腩薯仔都夠稔，份量大。欖菜肉鬆四季豆欖菜肉碎份量比出面一定多，份量夠大碟，夠鑊氣又抵食。薑葱鯇魚腩煲超多薑葱超惹味，鯇魚大件油泡到外脆內軟，鮮嫩好味，正。仲包兩杯餐飲品，同行朋友一致讚抵食。

今天辰咁早上來到這街道, 本想在工作前, 來一個早餐.   反正附近有很多以餐飲為主的大樓, 看看有什麼早餐新主意.   易拉架大大個招牌, 圖文並茂, 就試試這家. 一早來到, 大量座位, 任君選擇. 下單後, 就快快脆連接店內的WIFI ~ 看新聞!  韮菜豬肉餃子(五件) 在各款早餐之中, 找到亮點 : 是喜歡的餃子!! 又特別喜歡韮菜, 所以選擇韮菜豬肉餃子.    特地要求不放湯, 即是餃子煮好後, 撈起直接放在碗內,  無需擔心餃子掉下而濺出水花, 可保枱面乾爽, 保証有儀態.    加上没有放湯, 可以嚐到韮菜豬肉餃子的原味. 幸好, 職員肯接受這種改法.   韮菜豬肉餃子, 我來也! 黃色餃子皮, 有雲吞皮的影子. 果然, 餃皮有微微的鹼口味. 都是面皮包著餡料的結構. 來到韮菜豬肉餡, 韮菜和豬肉比例約五五開. 豬肉肉質纖維明顯, 令韮菜獨特的香味相對較弱, 反而讓人覺得, 豬肉多左, 好似著數左! 消滅了五件餃子, 還有墊底的生菜. 這餃子早餐真健康!  再來一杯港式熱奶茶, 除了要色香味之外, 它還有另一個重要的存在價值.  剛才碗內一大堆生菜, 係唔夠的!  熱

星期六早上一個人有事要在尖沙咀要辦，於是便聽從朋友介紹先到位於海威商業中心7樓的六合小廚進食早餐。由於餐廳不是位於地舖，所以難免容易被人忽略這間隠世餐廳，幸好樓下有人派傳單宣傳引領客人到餐廳。一進去發現餐廳地方企理，乾淨衛生，坐在卡位附近，還可以清楚見到兩部大電視。早餐偏向中式，有腸粉、粥、車仔麵、水餃、粉麵類等，我選了蕃茄濃湯系列湯粉。蕃茄雞扒湯米粉$39:一上枱份量頗大份，湯底有椰菜、紅蘿蔔、芹菜等，還有蕃茄、薯仔，真材實料，湯底飲得出沒有味精，較為清淡健康。雞扒夠大份，仲好嫰滑，整碗湯米粉難得吃得到母親家中味道﹗跟餐所點的熱奶茶香濃幼滑，不需要加糖都足夠，坐下來慢慢嘆一杯熱奶茶，清晰頭腦。餐廳有wifi，可以支援支付寶、微信付錢，方便遊客。吃完早餐之後相當醒神，可以有力氣繼續接下來的行程。晚市招牌菜單午市菜單

去開尖沙咀黎黎去去都係食日本野或者西餐，有時候真係會食到悶，行過名牌林立既廣東道，諗緊食咩既時候，突然間有個姐姐係我地耳邊講7樓有好野食呀，跟住我地就聽左姐姐講，搭𨋢上左7樓。一打開𨋢門同去慣既尖沙咀好唔同，或者慣左商場既熱鬧，街道上既熙來攘往，可以有一個地方可以有種與世隔絕既感覺其實都幾好。打開個menu，見到都係熟悉既廣東菜名，亦有好多潮洲菜式，睇左幾次之後，最後決定左叫秘製蜜椒薯仔牛腩粒、香煎潮式蠔仔烙同避風塘炒茄子，首先黎到既蠔餅好吸引，半煎炸到好脆，啲蠔肉都有鮮味並無腥味；而蜜椒薯仔牛腩粒就係一道味道好有趣既菜，因為味道又甜又鹹又有少少辣，配埋炸得脆脆地既薯仔粒同軟淋既牛腩粒有種好對抗既味道同感覺；最後既避風塘炒茄子簡直令我地既味蕾投降，估唔到啲辣味可以攻擊到要叫汽水飲（汽水其實唔解辣），相信愛辣之人必定要試，而茄子都炸得好脆好乾爽，份量都唔惹小，辣得好過癮。每次都會透過以下6大方面評分(滿分:30分)味道 : 3.5 / 5環境 : 3.5 / 5外觀 : 3.5 / 5價錢 : 3.5 / 5服務 : 4 / 5 回頭率 : 3.5 / 5總分 : 21.5 / 30性價

同朋友行過廣東道，諗住搵嘢食，經過呢座大廈樓下，見有個阿姐推介呢間小厨，於是就上去試呀上到去除咗見到好多套餐之外，亦都有唔少小菜選擇我哋四個人，就點都5款小菜，避風塘茄子，避風塘嘅煮法唔係到到都有，而且佢亦煮得唔錯，去面脆卜卜，入面熱辣辣，而且好滋味沙拉豬扒，呢個同普通茶餐廳差唔多，唔算太特別，但都好味嘅欖菜肉碎四季豆，份量都唔少，而且欖菜夠晒香蜜椒土豆牛腩粒，加入蜜糖嘅煮法，色香味俱全薑蔥鯇魚腩煲，呢個我認為係必食推介，魚腩非常之新鮮，一啲腥味都冇最後我哋加咗個鹹魚雞粒炒飯，呢間餐廳我覺得最出色嘅一樣嘢就係，佢每一樣餸都非常之熱，值得表揚

平時返工都成日食呢一間嘅外賣, 有時亦都會上去食lunch 不過次次喺晏晝嘅時候都好多人, 成日都要等位,但從來都冇嚟食個晚飯, 今日行咗成日街, 晏晝又食咗西餐,夜晚想食中餐, 居然諗起佢亦都係食咗咁多次lunch之後第一次食佢嘅晚飯 同我預想嘅一樣 , 一樣咁好食因為平時晏晝都已經碟頭飯好出色 ,夜晚就更加厲害, 我哋四個人嗌咗五個餸一個炒飯,啲份量係尖沙咀少見嘅大, 又夠鑊氣 ,樣樣送一上枱熱到不得了!!避風塘炒 茄子 少少辣又十分之野味好香口炒四季豆直頭好似個廚師喺你隔離炒完就交畀你食熱辣辣香噴噴沙拉豬扒酸酸地好開胃 蜜糖薯仔牛腩 魚腩煲上枱嘅時候仲滋滋聲咸魚雞粒炒飯畀晏晝食嘅時候大碟

嗰日喺尖沙咀買完野，想快食求其食，搵下有無茶記小炒，所以就搵咗呢間六合小厨。 接近8點幾，上到黎已經無乜人，原來快要last order。我地快快手叫咗個蒜蓉蒸開邊蝦同西蘭花炒帶子。蒜蓉蒸開邊蝦嘅蒜蓉好香，似乎仲係炒過處理過嘅蒜。啲蝦實肉嘅。份量都幾多下。西蘭花炒帶子嘅帶子超大粒。份量好夠夠。西蘭花爽脆，帶子彈牙。呢度仲有炒蟹食架，不過賣晒。呢度仲有啲餐架，不過我地都係小胃口，無叫到。呢度份量夠多，最岩一大班人食。

放工要和夫君到apple店維修iPhone📱，但是在尖沙咀如果要入商場吃晚飯就很貴💰及多人。我們周圍走走看看，便來到這幢商業大廈，被一個在樓下派傳單的姐姐吸引了到一間中式餐廳食晚飯。😅我們七點左右就到了餐廳，可能是平日沒有太多人，我們自由的選擇了卡位位置。看看餐牌，這裏有很多不同種類的菜，有粉麵🍜，潮洲茶，亦有麻辣川菜🌶，應有盡有！我們就輕輕點了三個餸菜嘗一嘗。😉避風塘辣炒茄子 - 茄子🍆炸得香脆，經過爆炒之後都不會太腍。值得一提的是那個辣味，辣味剛吃進口不會太辣，但是在口中時間長了辣味就開始出來，我們也算吃得辣也覺得這味菜很辣，但是惹味！送飯一流👍🏻香煎潮式蠔仔烙 - 味道不錯，蠔仔也很多很飽滿。蠔餅煎得金黃香口，不會燶，很開胃！店員上前關心餸菜合不合胃口的時候，順便介紹師父用了半煎炸的形式烹調，所以便有這個效果。用心製作！👏🏻秘製蜜椒土豆牛腩粒 - 與其他餐廳的黑椒薯仔牛柳粒🥩相比，特別的地方是這裏用了牛腩粒而不是牛柳粒，口感更加鬆化，牛味更濃😋。薯仔🥔煎得香脆，十分惹味。黑椒和蜜汁的比例也調得剛剛好。⁉️總括而言，在尖沙咀能以這個價錢吃到這種質素的食物，也是除了在商場內餐廳以外的一

嚟到呢度，一睇個格局就知道係食小菜。呢度有唔同嘅套餐，有辣蟹套餐、其他唔同套餐，同埋川辣嘅嘢食。兩個人利息，所以決定那一個二人套餐，再加一個川辣干扁肥腸（淨係聽個名都覺得惹味）。個餐有例湯，欖菜肉碎四季豆，咖喱牛腩煲，油菜，份量好粥，味道不錯。個肥腸好惹味，總括成餐質量不錯。依間餐廳好啱男人嚟食，因為份量好大好充足，再加埋白飯，一定唔會唔夠飽。喺尖沙咀裏面，類似嘅選擇比較少，所以如果想食依類型嘅餐廳真係可以考慮下六合。