六合小廚 (已結業)

環境同普通茶餐廳一樣，但係食炒小菜都唔錯嘅！同埋佢都有好多海鮮同辣嘢食！又有碟頭飯或者米線食！ 好多選擇！————套餐湯佢每碗都好足料，不左好多湯渣！————欖菜四季豆估唔到佢咁套餐都好大碟，仲有肉碎一齊炒添！最緊要係佢好有鑊氣啊！正！———-咖喱牛腩煲話呢個煲真係勁足料！仲要有勁多我最鍾意食嘅薯仔添！正丫！佢嘅咖喱好濃味！但係又唔會好鹹啵！佢嘅牛腩都煲得好琳！———-鹹魚雞粒炒飯好大碟食唔晒！最緊要係佢真係好夠鍋氣！同埋佢個飯入邊都有好多菜！唔錯！

尖沙咀平平哋食個牛腩麵都50 60蚊，仲要份量唔多🤦🏻‍♀️🤦🏻‍♀️🤦🏻‍♀️所以同男朋友決定夜晚食中菜 😋😋😋喺Apple Store隔離有幢大廈，唔講唔知全部都係食肆😗😗😗就揀咗間六合小廚😎😎😎一入去地方唔細，坐得舒服👏🏻👍🏻種類好多👏🏻👏🏻👏🏻小至西多士車仔麵，大至海鮮打冷乜都有 😯😯😯兩個人叫咗個二人套餐 唔洗煩😬😬😬有口水雞，魚香茄子煲，油菜 👍🏻另外老闆推介香煎蠔烙 🙆🏻🙆🏻一上枱先來口水雞例牌😎😎雞肉口感唔差👍🏻冇冰鮮味👍🏻👍🏻口水汁啱啱好唔油膩 😍😍😍食完唔會有種好口乾感覺 😬😬😬之後到魚香茄子煲，上菜個煲燒紅😗😗😗之後先放餸落煲，鑊氣十足😋😋茄子係先炸過再炒好入味 👍🏻👍🏻好食過出面好多連鎖餐廳 👏🏻👏🏻👏🏻最後都期待左好耐嘅蠔烙 😍😍😍材料方面好揼本 😯😯每隻蠔都好大隻 😍😍😍同埋唔似一般打冷食炸粉同芫荽蔥多😗😗用煎既方法煮令個蠔餅唔會比炸粉同蔥味蓋過👏🏻👏🏻👏🏻老闆果然冇介紹錯👍👍❤兩個人食四個菜都係320有找，仲要分量足夠冇味精 👏🏻👏🏻係尖沙咀真係好難搵 👍🏻性價比高，同鍾意中菜朋友不妨考慮吓呢間六合小廚🙆🏻🙆🏻🙆🏻

嚮尖沙咀Apple Store買完手機，嚮正隔離橦大廈就有幾間食物館，唔駛拎住d野四圍騰。呢間店，最抵讚係海鮮小菜的份量，套餐的份通常係例牌，甚至乎會扣番些少，終於套餐價比散叫會平dd。先上個中式眉豆瘦肉湯，好有味，而且唔係勁落味噌嗰隻。叉燒切雞份量雖無特別加大，勝在d雞夠滑夠嫩。西蘭花炒帶子，我數過帶子足足有10粒，而且是完粒，不似一些餐館為慳成本將帶子切細。這是二人套餐，即是話只係預左兩個人食。有圖有真相，我嚮出面食的例牌邊有咁大碟。這裡的套餐都抵食，下次要食吓個香辣蟹先至得。

今日星期六夜晚同朋友總共三個人嚟食飯今晚叫咗個香辣蟹2人套餐$888三個人慢慢食。食到好飽好抵食！朋友都話好好食呀！d餸菜好大碟，香辣蟹十分入味，又辣又香口其他都好有水準最鍾意食佢啲避風塘炸蒜蓉粒好正撈埋闊老炒飯食一流胡椒豬肚湯冇些微胡椒味好入味重！濕氣重嘅天氣食易啲去濕一流帶子炒西蘭花帶子大大粒西蘭花好新鮮初頭以為2人餐唔夠食仲特登叫咗個秘製蜜椒土豆炒牛腩粒啲土豆粒同牛腩粒外面係脆皮加埋啲蜜汁食好正呢度啲嘢真係物超所值！CP值高呀！

最近繼續系尖沙咀探索餐廳行行下廣東道 見到有小菜既牌，小炒賣相好似繼吸引咁，就上左去食下川辣口水雞飯$52口水雞既醬汁好惹味雞髀咬落好滑,佢個自家口水雞醬，口水雞汁香辣得黎令人可以食到好多飯呢個飯幾抵食鮮帶子炒西蘭花$128地道客家風味既炒小菜，上碟帶子超級大粒，咬落幾新鮮，西蘭花個汁，好有鑊氣既小菜招牌闊佬炒飯$108好有鑊氣,好夠味,入面有大蝦,瑤柱,食食下仲有d鮑片,份量都幾大碟,闊老炒飯果然好闊佬,炒出黎既飯都系分開一粒粒

成日經過呢間野樓下比佢個菜單吸引住～心思思同2個FD上左去試下，睇中左個2人香辣蟹套餐好彩無再叫其他野😂碟碟都好多，勁誇張3個人食到捧住個肚走！呢間野真心唔錯，服務態度又好，唔似一般茶記要我地快快翠食完就走！香辣蟹好正蟹肉仲要係嫩口果隻好正～燒味拼盤比左隻鵝脾我地啲帶子大大粒厚肉到一個頂點有驚喜！闊佬炒飯好夠火喉，成碟差唔多比我食哂哈哈我地係叫左香辣蟹2人套餐真係值得推薦呢間六合小廚，下次一定會再黎

想吃個快速的午餐。想起這裡。午餐的選擇價錢相宜，快靚正。晚上的小炒價錢較貴，先試午餐。川辣口水雞雞肉嫩滑，都幾辣，辣得過癮。黯然銷魂叉燒煎蛋飯竟然有黯然銷魂飯！兩隻煎蛋相當漂亮。蛋黃全生，流出來拌飯實在一流。蛋白滑得來又有脆邊。叉燒一般，肉質普通，幸好不嚡不韌不乾，只是欠點嚼勁，欠點燒味的風味，欠點焦香，欠點蜜味。秘製豉油不算特別，淡淡地為白飯調味，不鹹不甜。白飯份量很多，不濕不腍，質感可以但欠飯香。加了碟菜，還好，菜心帶爽。友人的六合招牌麵，十分豐富，都幾抵食。紅豆冰一般，奶香不夠，友人的少冰版較佳。混茶餐廳，車仔麵，小炒於一身，最猜不到的是服務竟然幾好。

餐廳：六合小廚 (尖沙咀)地址：尖沙咀廣東道116-120號海威商業中心7樓尖沙咀廣東道出咗名係遊客聚居嘅地方，尤其是呢度有中港城同港澳碼頭，唔少內地遊客糖過澳門嘅旅客都會經過呢一頭，加上廣東道都有唔少嘅新派菜式同樓上餐廳，亦吸引左唔少附近嘅打工仔食晏食晚飯。廣東道Apple store隔離嘅海威商業中心有唔少嘅樓上餐廳，而今個晚上就去咗7樓嘅六合小廚，呢間中菜館茶餐廳喺網上亦大受好評，所以決定嚟呢度試一試佢哋嘅撚手小菜😎同一般茶餐廳唔同嘅係呢度會有唔同嘅外國遊客同內地旅客，而最神奇嘅係餐廳店員都精通兩文三語，無論講英文定普通話都十分流利，當見到外國遊客都會嚟呢間中菜館，就知道呢間六合小廚應該有唔少嘅知名度🤓由於呢度出名嘅菜式太多，包括辣川菜、海鮮、私房菜等，另外呢度嘅蟹、牛四寶都係好多人推薦同大讚嘅菜，所以我都揀唔落手。當問老闆有咩好推介嘅時候，佢就介紹咗我試下呢度啱啱新出左半個月嘅毛血旺，大廚亦係國內嘅大飯店做過，有相當嘅經驗，所以我就試咗呢一個新菜式。六合毛血旺——辣酒煮大蝦球鍋$188毛血旺入面有大蝦球、豬紅、豬大腸、牛柏葉、墨魚鬚等。辣味可以按個人口味要求小辣大辣，迎合唔同人

行完apple store肚餓搵野食，出門口轉右就有一棟大廈好多餐廳，咁啱手機就快無電，見呢間六合小廚係港式餐廳，可以黎個地道晚餐，最緊要係仲有插頭叉電，就決定上去。呢間野茶餐廳feel，但係食物除左普通茶記食物仲有大排檔小菜，竟然有避風塘炒蟹（呢度叫香辣蟹）！因為好肚餓，見到有二人餐就直接點啦費時煩。我地兩個人點左個無咁貴既2人餐（$668）。個餐有香辣蟹、欖菜肉碎四季豆、霸王雞、例湯、白飯、花生小食。等上菜期間望下其他menu，原來呢度都幾多野食，由早餐到午餐再到下午茶都有自己既餐牌，有碟頭飯，有車仔麵，有小食，都算包羅萬有。首先上菜係霸王雞。薑絲鋪得好靚，雞仲係髀位添，超嫩滑。之後有欖菜肉碎四季豆，好大碟，食咁多肉有蔬菜真係好重要！四季豆炒得夠入味，有咬口。最後主角黎到，超大隻既香辣蟹！呢炸蒜同埋辣椒鋪得好靚好掂，打卡一流！打完卡即刻唔顧儀態動手拆蟹。個蟹鉗有我三隻手指咁大隻，拆完直接擺入口一啖食，真係超滿足。蒜味同埋辣椒味對我來講啱啱好啊，好食到有啲軟啲既位我連殼都食埋，哈哈。今晚好開心，咁嘅價錢同埋質素絕對冇失望呀。

有朋自遠方來，不亦樂乎！當然帶他吃香港最最最本土的這一間---六合小厨，位於廣東道樓上舖，有隱世之味，今日要將鬼厨神功，供諸於世，誓要令世人吃到傳統廣東小菜。我們二人叫了三樣正宗傳統小菜，六合也不止有撚手小菜，也有車仔麵及燒味……多元化給食客去選擇。1.川辣乾扁肥腸: 滿佈川椒的肥腸之上，賣相吸引，肥腸之大及大，似乎誓要拿回主功權，炸過的肥腸好脆口又惹味，辣度剛好，令人一試再試三試，已忘了他的辣，味道一流！2.梅菜扣肉煲: 這個煲絶對是巧手之作，厨師稍一不留神，便過甜，幸好鬼厨一出手，半肥肉再拌均梅菜一起，味道調較剛好，也互相發揮本身味道，送飯一流！梅菜甘香甜，半肥肉也有滋味口感，無得輸！3.番茄薯仔魚尾湯: wooo! 用料十足，好多番茄好多薯仔好好多魚尾，四人來也夠飲，湯因為有番茄的酸味令人食慾大振，可以吃多兩塊半的扣肉，魚尾也新鮮，啖啖肉，魚香滲哂出來了！

係Apple買完野見到格離樓上有幾間餐廳，於是就上去試下，可能樓上鋪唔起眼，所以唔洗等位。我地2個女仔叫左個香辣蟹套餐，3個餸1個炒飯1個湯已經飽到撐住走，份量好夠，好足料。首先個胡椒豬肚湯，飲完一碗真係會上癮黎多碗，而且有好多湯料，料足個湯底先會濃郁。我見到mean有胡椒豬肚湯湯底的車仔麵，鐘意胡椒豬肚湯的人可以試下，幾特別。其次要讚一讚帶子炒西蘭花呢個餸，帶子好大粒好鮮甜，良心推薦。闊佬炒飯D飯粒粒粒分明，證明師傅火候控制得好好，一開始我地就食哂個炒飯。燒味拼盤勝在皮肉夠滑，最後個香辣蟹係我地最期待，夠脆易咬，啱我地兩個懶人，蟹肉唔算好多但味道唔錯，最鍾意個蟹蓋多膏。

今日要上大陸見客，上去前要喺中港城附近搵食。聽朋友講呢一棟大廈上樓有好多餐廳。 果然係大廈下面已經有好多宣傳易拉架擺咗喺度。 當中最吸引我係呢一間所寫嘅免費充電 因為我竟然唔記得帶power bank!!排隊等𨋢，等咗一陣，上到七樓一出𨋢。 估唔到有少少驚喜， 以一般茶餐廳標準來講，呢到光線光猛， 感覺清潔，座位坐上去也頗舒適。 而且餐牌上嘅菜式極為多！！不單有小菜，咖哩， 茶餐廳的粉麵飯，燒味飯，炆牛腩，水餃，連芝士撈丁，車仔面都有！ 晚市就更誇張，又有潮州菜，客家菜，西川菜！！再望一望，早餐時段都好多選擇！ 燒賣，腸粉，水餃，湯麵，生滾粥，鹹肉粽。 係呢區返工嘅人真幸福！叮噹我處於震驚狀態嘅時候，侍應已經好快上咗兩碗例湯，→蓮藕豬骨湯。 估唔到同事都忍唔住我嘅選擇困難症搞咁耐仲未諗掂，但侍應都無催我哋落單最後係同事催促下，終於選擇咗 霸王雞飯，煎蛋叉燒飯，蒜香雞翼同埋加10蚊有一杯嘢飲。上菜好快， 一陣間就所有菜都上齊。即刻食熱辣辣鮮炸嘅蒜香雞翼。 味道唔錯 仲有肉汁喺入面鎖住，鹹味剛剛好， 炸蒜粒唔會太重蒜味，食完都唔驚口臭。煎蛋叉燒飯估唔到係煎雙蛋，撥開就見到好多叉燒，唔瘦又

餐廳裝修雅致，由牆上裝飾點綴，到天花垂落嘅燈，都富有濃厚藝術色彩，當然唔少得揮春炮仗等等嘅飾物，到達餐廳時，已經有唔少人光顧，現場有大圓枱又有卡位，無論三五知己，抑或一家老少，都適合光顧餐廳裏邊有好多中國菜及港式風味都比較有特色，例如蒜蓉炒西蘭花。做到色香味俱全，而且新鮮。口水雞這個菜好特別因為他們的雞肉是非常香滑但係同辣椒一齊炒,可以做到色香味俱全。非常辣但係竟然係好香同埋好甘香。舌頭有小小麻痹因為他們有麻辣的成分

是日返夜開工前黎尖沙咀幫朋友買啲野🙈搞掂正值放飯時間🍴還掂要早餐都未食一於黎食下茶餐醫下肚先🤪位於尖沙咀廣東道既六合小廚喺尖沙咀A1出口經海防道行過黎都尚算方便😆環境裝修簡約設計既樓上茶餐廳☺️充斥住茶記特式風味🤪恰宜抵食既價錢都吸引到唔少上班族午市或下午茶黎幫襯😆蒜蓉蝦蒸腸粉呢度新推出既下午茶餐😆嫩滑口感既腸粉🤤配合濃郁蒜香以及大隻滑嫩既蝦肉更具風味😆🦐灑上芫茜亦增添更多香氣及口感🌿😋惟蒸出黎菜色較為偏油🙉建議先行隔油為佳🙇🏻‍♂️🙇🏻‍♂️凍奶茶奶味濃郁既茶記風味奶茶☺️走甜亦帶出茶既最佳味道😋

整體2個人吃份量是超足夠的！夠3個人吃！價錢在尖沙咀來說不算貴～豬肚冇怪味胡椒味亦唔會過重，十分足料！份量好足～中規中矩～炒得很有鑊氣！帶子鮮不會炒過火！辣度足夠～我喜歡辣所以剛剛好，如果去吃記得選自己的辣度～味道很好有鑊氣蝦仁貝柱蛋白炒飯～蝦肉爽口，調味不會偏淡