六合小廚 (已結業)

今日約左好久不見嘅朋友食飯吹水朋友推薦左呢間打算食香辣蟹好可惜7點半到達d蟹已經賣哂唯有試下香辣蝦個醬汁係稀嘅 ，同我想像中有d唔同蝦好大隻都好彈牙 幾新鮮！都食得出少許甜味例湯好甜霸王雞好入味，都滑四季豆就普通茶記水準紅豆冰粒粒紅豆都好大粒又稔推薦味道不錯但價錢都偏貴環境黎講不太值

今日同男朋友去尖沙咀行街行左好耐都唔知食咩好尖沙咀雖然好多選擇但係好多都好貴想食下啲小店都真係有啲難搵有時想食下啲港式小炒所以我哋就去咗呢一間六合小廚呢度有好多選擇有蟹食又有家常港式小炒真係好多選擇但係可能因為我哋太遲先上去食嘅關係所以其實選擇都已經冇乜我哋就揀咗一個京都豬扒再叫多兩碗飯就算個京都豬扒個汁調得好好而且豬扒都好夠味而且都好林好好食送飯都係一個幾唔錯嘅選擇所以呢間餐廳係尖沙咀來講都算一個唔錯嘅選擇

朋友聚餐揀左喺六合小廚，地點喺廣東道，收工過嚟食飯非常方便。喺呢度介紹返幾個超級推介畀大家滷水鵝夠入味，而且一啲都唔韌，唔似以前喺某啲地方食過嘅鵝咁， 係韌到扯唔開嘅配菜都冇渣流灘，連啲豆腐都滑過人，我地成班清哂碟！油鹽焗奄仔蟹火候控制得一流，啲蟹膏熟得啱啱好，唔會過老。薑蔥鐵板澳洲鮑魚非常惹味，比起一般煮法(例如清蒸、椒鹽)特別，呢個香口得嚟又唔會太漏。椒鹽大瀨尿蝦呢個冇得輸呀隻隻都超大隻，最重要係啲肉同膏仲係勁juicy，唔會因為走過油嘅關係變得乾噌噌除左以上之外，仲食左下面其他小菜，一樣食得過！

尖沙咀貴為遊客區，食肆雖然好多，但係價錢都唔平，尤其要搵港式抵食嘅食品，更加唔容易。呢間六合小廚係港式嘅茶餐廳，亦都主打海鮮同小菜，價錢公道，可能同佢係樓上鋪，唔使捱貴租有關啦。見佢哋餐牌上食物種類非常多，好似燒味、粉面、小菜、海鮮餐乜都有，今日我就決定叫個二人辣蟹餐試吓啦！見佢哋個Menu餸菜都唔少，有辣蟹、炒菜、霸王雞、明火湯兩碗、白飯兩碗、茶、小食。果然，最終係食到好飽好飽嘅。霸王雞絕對唔係例牌咁簡單，呢度起碼係半隻，值得一讚嘅係，我覺得隻雞非常好味，皆因雞肉非常非常嫩滑，係真係好嫩滑嗰隻，雞有雞味，而且唔肥，連皮都食得，送飯一流。另一樣送飯最佳拍檔就係欖菜肉碎四季豆，欖菜味非常非常香，而且份量好多，四季豆同肉碎又新鮮，我好少食欖菜，今晚有新嘗試了，原來味道都唔錯呢。到主菜啦，就係辣蟹。呢隻蟹都算好大隻，鋪滿晒成隻大碟，啖啖肉，蟹膏都唔少。呢隻蟹係用椒鹽嘅方法去炒，應該有先將隻蟹炸香，因為啲蟹殼脆到係可以食得。而且師傅手勢同鑊氣都好好，隻蟹非常好食，小小辣，好惹味。明火湯係雞湯，飲得出係冇味精，因為好清甜，裏面仲有一絲絲嘅雞肉。小食係花生，好有香港茶樓嘅特色。

同朋友係尖沙咀睇完戲肚仔餓唔知食咩好🤔行經過樓下姨姨熱情推介我地決定上去試試。餐廳位於廣東道Apple Store 隔離海威商業中心7樓，環境寬敞舒服。由於時間尚早不用等位👏🏻👏🏻餐牌上食物種類多元化煲仔菜、車仔麵、小食、碟頭飯等等店員向我地推薦照牌菜--香辣蟹🦀最後決定叫香辣蟹 經濟2人套餐。蟹炸到金黃色好靚😍蟹肉新鮮結實，不會過份乾身，辣得十分惹味🤤🤤但無蓋過蟹的鮮味，蟹鉗已預先敲碎，食起來十分方便👍🏻啖啖肉四季豆炒得剛剛好，唔會過淋過老，加上欖菜同肉碎送飯一流👍🏻店員話霸王雞賣曬，所以改了豉油雞併燒鵝。雞好入味，皮薄脂肪少肉嫩，燒鵝肥美多汁例湯好好喝，足料味又夠🤤套餐份量足夠3個人食，我地兩個人食唔曬捧住個肚走。

行到尖沙咀，全部連鎖店，想同朋友搵間有誠意香式小廚食下～廣東道apple 旁的六合真係有驚喜！唔識寫食評，總之好嘢！海鮮新鮮，夠鑊氣！招呼一流，上菜時間剛好！同經理傾多句，講個煲加埋我鐘意既牛栢葉就好～點之五分鐘後，即到～爆分

小編今日同呀媽岀左尖沙咀行街，去到晚飯時間，就揀左間食中菜既餐廳，因為呀媽中意。我地係睇中左佢個二人辣蟹套餐。除左各式各樣的套餐，餐廳既menu都好豐富，可以叫小菜食又得，真係花多眼亂。🦀香辣蟹套餐 - $668🥣霸王花豬骨湯落足料，湯吾似普通茶記既味精湯，所以最尾小編都飲曬個湯。🐔霸王雞雞十分之嫩滑，肉質鮮味。🦀香辣蟹主角來了！一大隻蟹，用海量嘅蒜粒，辣椒蔥炒成，見到都惹味。因為隻蟹炸咗，所以食起上嚟卜卜脆，好容易就可以咬爛啲殻。入面嘅肉亦都十分鮮甜，餐廳應該係選用新鮮嘅靚蟹。🥬橄欖菜肉碎四季豆鑊氣十足嘅橄欖菜肉碎四季豆，用啲肉碎撈飯食真係好滋味。

今晚和朋友飯局，試了一間在廣東道的港式私房料理，感覺非常驚喜！餸菜方面，小炒夠火喉，蜜椒雞翼夠特別！薑蔥鮑魚煲用上澳洲鮑魚，彈牙又夠味，比一般果皮蒸口氣味更有層次避風塘賴尿蝦炒得又夠香，蝦膏還是啫喱狀又鮮甜，超正！海斑蒸得剛剛好，又滑又有魚味！潮州菜夠傳統，滷水鵝做得尤其出色，鵝肉很嫩滑，好像正宗潮州菜館一樣但性價比高很多甜品來了一個南瓜落，香口得來又傳統！服務周到，值得推介，朋友都說一定要再來～

今日行完海港城突然想食潮州菜, 上Openrice見到呢間樓上店好似幾多菜式, 價錢又合理, 所以就上黎一試, 果然係一流既飯店, 每樣餸都好有驚喜同埋食得出廚師既心機!香辣蟹套餐首先呢個香辣蟹套餐一望到已經好吸引, 所以我地一行四人決定叫一個先! 成個餐有小食, 湯, 霸王雞, 香辣蟹, 炒四季豆同埋飯。湯已經唔係普通味精湯, 係足料既老火湯, 兩碗大大碗就算4個人分都唔會唔夠飲! 霸王雞用左雞胸肉, 驚喜在雞肉好滑唔鞋口, 加埋醬汁味道好夾! 四季豆亦都係有好多肉碎同埋欖菜, 四季豆亦都唔油, 好香同岩送飯既菜! 到左主角香辣蟹, 係好多炸蒜同配料一齊上碟, 蟹已經斬件上, 每件蟹都好入味, 辣辣地超級開胃, 蟹肉亦都好多! 順帶一提小食係花生, 成程都keep住幾粒幾粒咁食!煎蠔餅冇炸既咁熱氣之餘亦都好足料好多粒蠔, 蛋既比例亦都恰到好處, 作為前菜同小食都一流! 記得問店員攞辣醬, 鮮味會再提升!沙拉豬扒豬扒已經切成一件件, 醬汁亦都包圍住每塊豬扒, 少少酸甜既味道亦都好岩送飯, 加上骨少肉多, 啖啖都係肉, 食落好滿足!蜜椒薯仔牛腩呢道菜絕對有驚喜, 平時食開都係牛柳, 但估

家姐係海港城番工，話發現左公司對面有棟大廈D野食好正，於是叫埋我同爸爸媽媽一齊去試下~去到樓下有人派緊宣傳單張，我地已有目標所以直上7樓~坐低左之後睇下MENU，有辣蟹餐又有車仔麵又有小菜，選擇都幾多!我地4個人就揀左個$668既2人辣蟹餐同3個小菜~2人辣蟹餐包括招牌香辣蟹、霸王雞同欖菜肉碎四季豆三個餸，包兩碗飯、茶同花生~招牌香辣蟹用左炸蒜同紅椒呢個絕配去炒，食落夠哂香又有辣勁，蟹夠新鮮大隻有肉又唔霉，難怪係呢度既招牌菜!霸王雞目測有半隻雞，唔多肥膏，肉質好滑~欖菜肉碎四季豆我一向唔喜歡四季豆呢款食物，估唔到呢度既欖菜肉碎四季豆改變左我對佢既睇法，大概係因為欖菜肉碎夠咸又好惹味，炒埋落四季豆度令成道菜變成左道好香口既菜~另外我地加左三味餸:秘製蜜椒土豆牛腩粒呢個超推介~呢道菜特別之處係薯仔同牛腩粒表面都有一層好似蜜糖既東西包住~所以食落係甜甜地~甜既薯仔諗都知好味~但估唔到甜味同牛腩粒都可以咁夾，牛腩大粒又夠林，完全唔痴牙~好好食!秘製沙拉豬扒勁有細個食大排檔既風味~沙拉汁夠杰，全部掛哂係豬扒度，每一件都沾到醬汁，豬扒夠入味又唔乾~香煎潮式蠔仔烙即係煎蠔餅~蠔仔夠大粒，唔駛沾醬汁都

尖沙咀又係一個美食雲集既地方 周圍都有餐廳 想突圍而出都唔係咁易 我地今次就塭到間多元化既港式餐廳食小菜啦🤤呢到食物種類都幾多 不但有車仔麵 燒味飯等快靚正選擇 仲可以食到私房菜😚 係店員推介之下知道呢到海鮮好唔錯 我地就叫左個香辣蟹經濟2人套餐 除左基本既湯同飯之外 主菜有1隻香辣蟹 霸王雞同欖菜肉碎四季豆 好豐富😍佢地既小菜每碟份量都唔細既 霸王雞好入味 肉嫩多滑 加埋甜豉油好惹味🤤 四季豆炒得岩岩好 唔會過淋過老 加上大量欖菜超好送飯👅最後出場既係我地既主角香辣蟹🦀 蟹上舖住滿滿既炸蒜同辣椒🌶️ 我地叫左小辣所以唔會好辣 佢地選用既係新鮮肉蟹 每日供應有限 食落超級新鮮 d蟹肉一梳梳有蟹味仲有d蟹膏 走完油好香口好惹味 非常推薦😋 不過想食記得預先打個電話泥留蟹丫 宜家休魚期蟹量較少 d蟹好快賣哂架🌟

今日帶一個外國朋友黎尖沙咀食野，所以就帶佢去試一D比較貼近本地文化既野食。諗左一陣我就決定帶佢去食小菜，就搵左呢間係附近既六合小廚。睇到佢餐牌都幾多唔同種類既野食，連燒味同茶餐廳既常餐都有。不過因為係同外國朋友食，所以都係決定叫番幾味道地既小菜食飯。蜜椒薯仔牛柳粒私心好想食呢個，因為呢個係我最愛既小菜。估唔到佢呢度都整得好好食，比起深水埗一間出名食呢個菜既餐廳都唔會輸sit。所謂蜜椒，姐係蜜糖同黑椒，呢度做得好好既係佢蜜糖落得好夠，薯仔好脆口。牛柳肉質都控制得非常好。我本人最鐘意既係佢薯仔同肉既比例，因為個人認為，呢碟小菜既靈魂係薯仔度架！連外國朋友試完都話好特別，有小小似一塊牛扒同side dish切開左炒埋黎上，哈哈！胡椒豬肚湯我自己本身其實唔太鐘意飲豬肚湯，好怕佢有陣內臟味。點知外國朋友竟然咁有冒險精神，揀左呢個。好彩佢呢度既豬肚洗得好乾淨，胡椒味都好夠！湯係奶白色既，飲落夠辣，朋友都話豬肚唔似食緊內臟！蠔餅繼續挑戰地道菜式～煎蠔餅，我解比佢聽係Oyster Pancake，佢聽到一頭霧水，好搞笑。呢度用既蠔夠新鮮，又落得重手，每啖都可以食到蠔仔，蠔仔同蛋漿比例控制得非常好。瑤柱

係中港城落船到港，適逢晚飯時間，一於食飽先番屋企😝行到附近有幢商業大廈，被一個派傳單的姐姐吸引左去一間中式餐廳《六合小廚》食晚飯。餐廳位於七樓，環境乾淨，寬敞。原來也有做早餐呢🤗菜單種類有好多🤩，除左各種小炒，更有潮州及客家菜，又有燒味，車仔麵，港式小食，十分多元化。店內亦有免費wifi 提供，上速都快。我地叫左一款二人套餐，有燒味拼盤、蒜蓉開邊蒸蝦🍤、帶子炒西蘭花🥦、兩碗足料大例湯🥣同埋兩碗大飯🍚$388。🎈叉燒拼白切雞🐔叉燒竟然係熱辣辣呀🤩，大多數食店係凍嘅😅，有驚喜👏🏻。叉燒夠入味又淋，白切雞肉嫩滑，感覺係新鮮唔係冰鮮個種，仲要係雞脾、我的摯愛💞🎈帶子炒西籣花🥦帶子真係十分鮮味，粒粒夠彈牙又爽，份量都唔少，翠綠色西蘭花咬落唔硬又爽口 👍🏻🎈蒜蓉蒸海蝦🦐蝦好味又新鮮，配合濃郁金蒜及粉絲墊底非常惹味，好食到停唔到口，食到舔舔脷👅店內提供多款菜式、在尖沙咀能以這個價錢食到呢個質素的食物，係一個好選擇👏🏻

秘制蜜椒土豆牛腩粒🥔🐂🍯 💲108秘制霸王雞飯👑🐔 💲52咖喱厚切豬扒飯 💲56薑蔥鯇魚腩煲🐟 💲98✅ 土豆牛腩用左蜜汁同黑椒黎煮😛 形成左又香又甜又脆既表層🔥 而且反傳統咁用左牛腩 味道意外地好夾😮 呢道菜下次黎到都係必點‼️✅ 霸王雞夠嫩滑 而甜豉油更添滋味🤤✅ 白飯一大碗🍚🍚 份量之多話係兩碗夾埋都唔誇張😯👅Taste：3.75/5💰CP值：3.5/5🙋🏻‍♀Service：3.5/5👁‍🗨Stylishness：3.5/5

每次經過尖沙咀，閑閑地食嘢都要百幾二百元，想不到朋友推介的私房餐廳，會有平價好吃的晚餐😋——————————🔸六合招牌麵 $68這個招牌麵配料有蘿蔔，豬紅，魷魚，菜，豬皮和餃子，份量十足～ 所有食材都很新鮮，蘿蔔稍稍用冰糖浸過，食落完全沒有苦味😋豬紅醃製得非常入味，不錯👍🏼🔹六合牛四寶麵 $78整碗麵同樣份量很多，配料有牛腩，牛根，牛肚，牛腸等，所有食材都有三四件😍 餐廳用了秘製醬料醃製，食落沒有牛羶味，鍾意食牛的朋友不要錯過👅🔸香茅雞扒 $33這個香茅雞扒是餐廳即叫即炸，事先充分醃過，炸後非常香口😋食起來會好有香茅味👅🔹秘制沙拉豬扒 $88所有豬扒都要先炸過，再混合秘製沙拉醬，酸酸甜甜，很刺激食欲，令人有添飯一併進食的衝動😋