六合小廚 (已結業)

去尖咀行街，喺上樓嘅「六合小廚」見到有二人餐都幾啱食！ 其實佢有一般嘅碟頭飯或者車仔麵，但係難得放假梗係要食好啲啦！另外，仲叫咗嘢飲添！一個係鹹檸七，另一個係紅豆沙！啲豆好大粒，而且甜度啱啱好！跟餐會有埋例湯同白飯， 個湯都好足料好濃味！出街食飯梗係要有碟菜啦！咁樣會健康啲嘅 ！另外，有個惹味嘅口水雞！辣度算適中， 雞亦夠香滑， 魚香茄子 熱辣辣，口味都係帶啲微辣， 而且分量算係好大，非常抵食！仲要唔收加一，抵食！ 非常推薦 ！回頭率100％

今次同朋友黎左呢間餐廳食夜晚，本來打算食小菜，但估吾到呢間餐廳的師傅8點半就收工，得返車仔麵食，於是我同朋友就叫左個車仔麵加燒味拼盤。先說車仔麵，係本港地道車仔麵的味道，麵加埋d送一碗都好大碗，夠兩個人食，料也很足夠，而燒味拼盤有齊叉燒油雞腩肉等等，味道也相對不錯整體而言，味道還可以！不過個人都係想試食埋夜晚的小菜，似乎呢到既小炒更加吸引，下次再試！另外，餐廳員工非常友善親切，還很熱情地和客人聊天

返工成日要叫外賣今次叫咗六合嘅下午茶餐。海南雞飯$48淨係睇個樣都覺得乾淨企理，海南雞質感嫩滑，而且有雞味有酸蘿蔔做配菜，酸酸脆脆十分開胃！仲有甜酸醬同姜蓉提供，個人認為唔落醬料都一樣好味仲有例湯送。

今日我喺尖沙咀放工，之後就同我個好學生去食飯。我哋行完Harbour City之後，經過見到呢間餐廳，就去試下喇。我哋睇完個餐牌，發現有太多選擇，我哋兩個人咁啱都有選擇困難，所以就叫咗個二人餐，唔駛煩。個餐有湯、蒜蓉蒸海蝦、帶子炒西蘭花、叉燒拼切雞、跟埋靚仔兩個。個湯都幾好味，有落足料。而個蒜蓉蒸海蝦啲蝦好新鮮，配上蒜蓉以及粉絲底，好惹味。個帶子炒西蘭花亦唔錯，啲帶子都幾大粒，亦唔會有雪藏味。而個叉燒拼切雞都好唔錯，特別啲叉燒半肥瘦啱晒我。整體來說，每個餸嘅份量都足，我哋兩個女仔盡量食，但結果都係食唔晒成個餐。

今日我喺尖沙咀放工，之後就同我個好學生去食飯。我哋行完Harbour City之後，經過見到呢間餐廳，就去試下喇。我哋睇完個餐牌，發現有太多選擇，我哋兩個人咁啱都有選擇困難，所以就叫咗個二人餐，唔駛煩。個餐有湯、蒜蓉蒸海蝦、帶子炒西蘭花、叉燒拼切雞、跟埋靚仔兩個。個湯都幾好味，有落足料。而個蒜蓉蒸海蝦啲蝦好新鮮，配上蒜蓉以及粉絲底，好惹味。個帶子炒西蘭花亦唔錯，啲帶子都幾大粒，亦唔會有雪藏味。而個叉燒拼切雞都好唔錯，特別啲叉燒半肥瘦啱晒我。整體來說，每個餸嘅份量都足，我哋兩個女仔盡量食，但結果都係食唔晒成個餐。

叫咗個兩人餐，set dinner。食中菜必須要飲碗老火湯先🥣木瓜合掌瓜雞腳湯🧂碗內有煲到爛嘅雞腳😍真材實料叉燒好味道😍係我鐘意嘅半肥瘦！但略嫌凍咗啲，感覺熱少少會更加好味啊但白切雞真係麻麻哋，無咩雞味又太柴有啲攝牙😂呢道真係麻麻哋⋯⋯⋯粉絲簡直係呢道菜嘅highlight但都幾失望☹️因爲乾同無咩味啲蝦有啲霉啊，感覺蒸耐咗，唔好食。呢道好食，西蘭花啖啖都juicy好味道。帶子都鮮嫩👌🏻

放工同男友去尖沙咀行街係apple store揀左好耐電話終於扑到搥買完新電話心情大好決定係附近覓食😋行左幾步路就比宣傳姨姨熱情咁帶左樓上鋪—六合小廚一上到去唔駛等位就有店鋪姐姐安排坐卡位環境好闊落 有點似茶餐廳格局👍🏻餐牌上食物品種多元化有得選車仔麵、海鮮小廚、煲物、小食、碟頭等等 總之好多選擇我地一向有選擇困難症 所以選左好耐先落到單🧠本身諗住選二人餐唔想諗 但男友又想食牛腩煲 唯有散叫啦咁 今日叫左三餸兩飯 簡直飽到捧住個肚走人一上菜時份量多到令人哇左一聲白飯（$15）一碗 絕對唔係酒樓食開既碗size 而係中湯碗size我同男友即時淆底左一秒 心諗唔知食唔食得哂 第一味叫左煎蠔餅真係好耐冇食過喇足料到極 有超多蠔仔佢唔似炸到好干咁款 而係好似係台灣夜市食果種內裡淋淋地果種 一個字：正！第二味叫左沙拉豬排🥩沙拉汁係秘制既 好似千島醬淆沙拉醬咁酸酸甜甜 好醒胃配上炸過的豬排 每一片豬排都被沙拉醬包勻哂😋第三味係咖哩牛腩煲份量又係超抵食 好多牛腩同薯仔啲汁可以撈到好多好多碗飯一上碟咖哩味已經撲鼻而來 好香🥰比連鎖店的咖哩牛腩飯更香濃👍🏻最後不得不選店鋪姐姐超好人服務態度好好 見我地冇

喺尖沙咀附近行街，行到肚餓就試網腸下附近有咩食，於是今次就嚟到「六合小廚」。因為今次兩個人食飯所以食唔到太多野，叫3樣餸就夠了。泰式燻蹄因為出面街太熱，所以叫碟泰式燻蹄開開胃。其實都喺平時粵菜嘅冷盤燻蹄咁整法，不過就多咗一碟泰式虎蝦嘅酸辣醬。個酸辣醬夠晒酸夠晒開胃，第一啖以為會好辣，點知喺辣一下跟住就會散晒，非常啱唔食辣嘅朋友。呢道燻蹄喺厚切，非常好咬口感，絕對喺良心店，唔似出面其他店咁薄切切。秘制口水雞呢碟口水雞印象好深刻，因為佢嘅辣好耐都唔散去，食完一舊會不斷有連綿嘅辣滲出嚟。呢碟口水雞，送餸送酒超一流。蜜椒土豆牛腩粒真心推介呢碟蜜椒土豆牛腩粒👍👍。呢道嘅土豆牛腩喺有一層薄薄嘅蜜汁喺表面，所以食落口有食焦糖布甸果種糖烤嘅香味，超超超級好食。因為喺用牛腩，所以食落好軟綿，而且每一舊牛腩都大大舊，性價比蠻高。

一見到"招牌口水雞"即時心心眼！餸未上，睇餐牌彷彿已嚐到口水雞的野味！招牌闊佬炒飯，睇個名，感覺係好多餸嘅！食呢d, 就會覺得要跟可樂飲，gur gur 佢先夠正！招牌闊佬炒飯，好多料呀！蝦，乾瑤柱，帶子，菜粒，炒蛋。。。我覺得呢個炒飯比楊州炒飯或海鮮炒飯嘅料更吸引！招牌口水雞，必食！入味不在話下，仲要好嫩囗。脾，胸，翼有齊洒！汁夠洒味，個人覺得辣度ok, 食到！好野味，餸飯一流！都幾鍾意佢有呢個參考牌，可以睇吓其他食客推介嘅菜式！有心思呀！

一睇餐牌就見到"六合川辣系列"朋友雖然食唔到辣，但都仲有好多其他選擇。有幾款套餐都好吸引！精選湯系列，揀邊款好呢？！最估唔到嘅係有車仔麵，車仔腸粉！！車仔麵嘅選擇又係好多，抵食之選！左揀右揀後，先來個胡椒豬肚湯。胡椒味好香，好鍾意豬肚獨有的口感，湯的鹹濃度適中！再來個招牌闊佬炒飯，好多餸呀！有大隻隻嘅蝦啦，帶子粒，乾瑤柱，炒蛋。炒埋一碟好香及鮮味！凍奶茶，調較得啱啱好！有d似大排檔，好有家鄉的温暖感覺！

今日去左尖沙咀附近行街，諗唔到食咩就求其去左間食小菜既樓上餐廳食飯。 當時時間仲早未係好多人，好彩walkin都有位。驟眼望落是茶餐廳菜式，所以我地叫左個2人餐再加左個店員推介既蜜椒雞翼啦。上菜好快，落啤冇耐，餸菜都陸續送上了。原來呢道菜係餐牌是冇寫的，係將蜜椒薯仔牛柳粒轉左做雞翼，蜜椒雞翼真係好好食，一咬落去個皮是很脆的，但入面d雞肉好嫩滑，而且味道好正，食到甜甜的蜜糖加上黑椒味道，好香好惹味，出乎意料的夾，推介！套餐入面既口水雞亦十分出色，雞肉完全不鞋，好嫩滑，味道好濃好辣好惹味，個種麻麻辣辣既感覺keep住係成個口腔。魚香茄子煲都好入味，好夠咸香味！又一次食到小店既驚喜，菜式價格正常味道不錯，性價比高。

今日早上想到海港城買東西，見到對面這個大廈有不少餐廳，選擇了這家六合小廚，店面座位充足，乾淨，一坐下店員即遞上清水餐廳早餐有粥、腸仔、車仔腸粉、水餃等，我試了車仔腸粉，4餸$40咖啡魷魚🦑爽口彈牙，有咖哩香，不會太辣，惹味豬皮咖哩豬皮，無豬毛夠乾淨，爽滑入味腸粉香滑、蘿蔔清甜無渣、炸魚蛋彈牙、上枱時碗是熱騰騰的，保存到食物溫度，腸粉一定要熱食才香滑，細心位，加分還有蕃茄濃湯麵食、自家製水餃🥟午餐可以試咖哩都不錯燒味飯、海南雞湯都有還有不少招牌菜鄰近海港城，旺中帶靜，下次會試其他食物

一走進去六合，就感覺到它的特色，半開放式的廚房，有點大排檔的風味；而且讓客人放心看到煮食時的衛生情況，是餐廳信心的表現。座位方面，也算是比較寬敞，絕對不會像地鋪一樣，在享受美食的時候，需要和其他人背貼背，這個也是我喜歡光顧樓上鋪的原因；而且樓上鋪不能靠人流和過路客，必須要靠實力和口碑。這次店員向我推薦他們的招牌菜 – 香辣蟹，我們少數服從多數，就落單試一試。蟹一上枱，我們幾位餓男餓女已經見到蟹的鮮金紅色澤，香辣味撲鼻而來。吃進去口裡，發現蟹肉新鮮而且結實，炒出來不會過份乾身，肉汁保存得很好，最難得的是，雖然辣得非常惹味，但辣的程度拿捏得非常準確，不但沒有蓋過蟹的鮮味，更能令到蟹味更加濃郁香口，呢個蟹同外邊那些，用不新鮮蟹加上勁辣味來煮那些，絕對不能比。而且廚師非常細心，蟹鉗已預先敲碎, 吃起來十分方便。唯一美中不足的是（不關廚師事），一隻蟹只有兩隻鉗！我們不夠分啊！！之後老闆過來跟我們打招呼，原來他們的廚師是做鮮辣蟹的高手，早就技癢，想大顯身手，可惜還沒有找到有質素而且穩定的供應商，不敢隨便做，影響口碑，但最近找到有保證的供應商，就放心推廣這個菜式。最後老闆溫馨提示，新鮮的蟹每天供應有

又係一早去係晚飯，正正好避開哂幾大枱訂位的時間，所以是晚上菜都好快！尼晚按個人喜好，叫左兩送一湯，加一碗白飯。就冇跟到餐，雖然餐平返幾十又多碟菜(但兩碗飯真係食唔哂）。1. 胡椒豬肚湯 ($98)🥢胡椒味岩岩入口並唔濃烈，但有後勁！不過喜歡胡椒味𤆥喉的朋友就可能唔夠皮🤷🏻‍♀️🥢湯料好足！一錨起有好多豬肚同埋排骨，如果多啲酸菜就好 😂2. 川辣口水雞 ($108)廣東人食雞成日講「雞有雞味」，尼味口水雞真係食到新鮮雞味，而唔係有時啲連鎖餐廳的冰鮮味（即係冇味/雪味）。雞肉溫度微暖，而且非常滑嫩，似係剛好整熟👍🏻新鮮👍🏻3. 梅菜扣肉煲 ($98)對我黎講，梅菜扣肉唔肥唔好食🐷但「肥」並不是「油膩」！最好味的梅菜扣肉，油脂入口即溶，而且肉嫩唔鞋。同時無論油脂定肉，都炆得好入味。而呢個梅菜扣肉絕對滿足到我🤤加埋碗白飯🥴🥴🥴 冇得輸！4. 白飯 ($15)🥢碗飯好大，可以兩份分🙈P.S. 餐廳位置大概係廣東道Apple隔離，唔算難搵

遊客區餐廳一向較貴， 但這間樓上茶餐廳價格合宜， 份量相當多， 認真抵食。餐廳的餐牌相當多， 主要分為單點小菜類、套餐、車仔麵、茶餐廳特色飯等等，款式包羅萬有， 選擇困難的我點餐要花一點時間。鋪位大， 坐得幾闊落。招牌六合牛四寶飯， 白飯忘記拍照，份量很多， 男生也必定飽。 而主角牛四寶也是滿滿的一大盆， 包括牛腩、牛根、牛肚、牛腸、豬皮和蘿蔔，每樣都炆煮得入味。秘制密椒土豆牛腩粒，牛肉份量多，黑椒味濃。薯仔世界級美味，外皮炸得香脆， 加上甜甜的蜜糖， 裡面的薯仔相當粉。招牌闊佬炒飯，材料有蝦仁、瑤柱、菜粒、鮑片，炒飯唔太油膩， 無咁有罪惡感。另外值得一贊的是服務質素， 相當貼心。