六十六十火鍋 (已結業)

第一次寫comment.....前晚食完「窩心」，琴晚食完「6060」。可能60 60未紅，暫時唔使等位。價錢同埋材料選擇同窩心差不多，但係食物質素及數量都比窩心優勝。我會介紹朋友去食。（相片係6個大人份量）（單張係有日路過拎的 2018年8月中）

六十六十呢間新開嘅火鍋店，睇個名應該食個諧音，淥同烚，即係打邊爐咁解啦。呢度呢其實主要係食粥底火鍋，同其他嘅同類食肆一樣，按位計，但二佰元正，有六、七款嘅海鮮再加埋自選幾款配料，食完之後加配個粥膽或者泡飯，飽飽的，非常化算湯底係蕃茄薯仔，我地點咗嘅海鮮有蟹、鮑魚、貴妃蚌、刀貝、沙白、多寶魚同埋魷魚。其實仲有鮮蝦、元貝同蠔等等可供選擇。奄仔蟹每人半隻，雖然唔算大隻，但有少量糕，而且幾鮮味。貴妃蚌同刀貝都新鮮爽口，好食。鮑魚仲識郁郁吓，烚5分鐘剛好，唔un 諗身，正！總括嚟講海鮮夠新鮮，已經值回票價，性價比頗高另點火鍋配料中，特品喜歡西班牙梅頭豬肉，厚身有口感，有肉味，不錯吃。仲有篙筍夠清甜，豬肉丸幾香，菜亦新鮮。最後加埋個泡飯，由於個湯已經吸收晒啲海鮮精華，尤其以蟹嘅鮮味最為突出，同蕃茄亦好配合，變得十分香濃，飯裡面加入咗少量爆米同油渣，增加口感，建議大家食火鍋時盡量唔好加水，因為會影響湯底濃度及鮮味，不過食得耐而乾水就無辦法喇。食完覺得幾滿足，加上價錢實惠，可以回頭

平時食粥底火鍋，我地多數去某一間，比較有名。今日就試下呢間位於長沙灣嘅六十六十，上次喺附近食野見仲裝修緊，原來已經開業。餐廳位置唔算十分之多，座位整齊，一邊卡位，一邊梳化位，中間係大枱。落雨絲濕都好好生意，相必質素唔錯呢度主打火鍋，分三款，可以揀(1)粥底火鍋、(2)蕃茄湯底、脆米泡飯、(3)椰子文昌雞湯底，前面兩款價錢係200蚊位，無加一；椰子雞湯底套餐係248蚊位。揀完湯底就可以揀海鮮，十款入面揀8款 (6款海鮮+2款貝類)、然後再自選6款火鍋配料，一個價錢，全包宴，十分抵食。蕃茄湯底都好認真，雖然質地唔係好濃，但用黎煮海鮮就啱啱好，唔會蓋過海鮮鮮味，而最後煮泡飯亦都唔會太濃，裡面仲有幾件薯仔自選六款海鮮+兩款貝類：揀左肉蟹、鮑魚、活魚、鮮魷、貴妃蚌、金刀貝；沙白有大有細食粥底火鍋/泡飯，講求海鮮新鮮程度，海鮮夠鮮，粥底先會夠甜。食過好幾間粥底火鍋，價錢大家都差不多，但以新鮮程度而言，呢間都數一數二。肉蟹夠大隻，仲有膏，啖啖肉，成為湯底主要味道來源鮑魚仲識郁，淥5分鐘就食得，爽口彈牙，已經去腸貴妃蚌清洗乾淨，鮮甜多汁，淥幾十秒食得；金刀貝每人兩隻，開口就食得。沙白有兩款，大、小都有

一直喜歡食海鮮嘅我，生日飯朋友幫我挑左間海鮮火鍋 「六十六十火煱」, 店名有趣。好友點了椰子文昌雞湯底, 配有六款海鮮肉蟹，扇貝，鮑魚，大蚌,海蝦, 睇到都流口水!老闆熱情推介必食配菜,不得不讚自製嚮鈴同炸魚皮, 仲有致愛萵荀同准山。一煱清香椰子文昌雞湯, 店員話先放入鮮雞, 大火後收火, 再焗7分鐘。超幼嫩滑雞, 記得飲多幾碗椰子雞湯先開始食海鮮。最後我加了粥底, 以原有雞湯精華加粥再煮, 粥味多了分清香椰子味 。每位$248六款海鮮, 兩款貝類再加六款配菜, 免收加一, 值回票價!已預定了下星期再來一嘗其他湯底, 聽聞蕃茄窩巴都是另一推介。

長沙灣特別多火鍋店，係宇宙商場唱完k, 行向深水埗方向見到一間新開的火鍋店，入面高朋滿座，門庭若市,全部都坐滿了客人，下雨天不想行太多，就試試這間吧！剛好有一枱二人枱起身埋單,我們才可以立刻入座。坐下首先見到一張點菜單,因為他很喜歡吃椰子雞,所以今晚就成為我們的湯底。此外，我們可以選擇八款海鮮，六款不同的配料和飲品。點完菜，四周望一望，看到每台都有一隻雞。正想上它的用途是什麼，店員就前來講解。首先要將椰子湯滾起，之後他們把新鮮嘅雞件放入去,大滾之後熄火,把雞鬧鐘較至6-7分鐘，原理是熱湯把鮮雞慢慢浸熟，雞肉就會嫩滑一點,飲啖靚湯先。海鮮總共有八款,因為我哋八點去到,她已經沒有貨了,所以我沒有得揀生蠔同海蝦,海鮮都由餐廳提供。貝類很新鮮又肥美，沙白，花甲，帶子跟住他烹煮時間表就不用怕煮不熟了！特別喜歡他的大帶子，很久沒有食到這麼大的帶子了！可能因為近街市貨源特別新鮮。肉蟹打邊爐除了屋企很少在外邊會點蟹來做火鍋配料，這次的肉蟹很新鮮，蟹膏不算很多，但蟹肉好結實。吃埋其他火鍋配料，分量是剛剛好，不像任點任食火鍋，多點了會浪費。落雨天遇上優質火鍋，是一個好緣份呢！滿分為10分(1分最低，10分

剛剛行過見到間新開火鍋店，價錢又唔貴，一個套餐有8款海鮮同6款火鍋配料可選擇我選擇左椰子文昌雞湯底，服務員好快就拎到嚟，好細心咁教我一滾就關火等7分鐘D雞肉就會剛剛好時間一到一打開超級香的椰子味，D雞肉好嫩滑，又唔肥，食完D雞重飲左兩啖湯😋D竹笙重吸哂D湯，D椰子肉煲完湯又軟又滑又香，食完開始入正題了， 萬眾期待嘅海鮮新鮮活魚， 啱曬我呢啲唔識食嘢嘅人，魚骨少，啖啖肉，一啲都唔腥D蝦上枱時重會跳，所以要用個碗蓋住蠔仔份量超多 清洗得又乾淨 一粒蠔殼都冇㗎 粒粒都夠肥美 蠔味勁香D蜆重識開口呼吸 是餐廳指定的海鮮款式鮑魚，元貝肥美鮮甜 款款都好新鮮配料方面都唔馬虎， 可以自選六款 每碟分量都充足，食完已經有10成10飽，火鍋套餐嚟講，真係頂級推介

係市區返工想食新鮮海鮮，如果唔想去到咁遠，喺市區一樣可以滿足你的要求！六十六十火鍋店係長沙灣新開嘅海鮮火鍋店～～今次揀左椰子文昌雞湯底，黎到之後俾我想像中既清甜，湯頭鮮味十足～～食晒湯底雞肉後，就可以轉戰食海鮮，以呢個價錢可以食到新鮮鮑魚，帶子等等，絕對物超所值～～仲有唔可以唔提既海蝦，上枱仲係超級生猛，真係生蝦咁跳～每隻蝦Size 適中，不算細呢！火鍋用既醬油亦夠特別，加左青檸汁作調味比一般火鍋店提供的豉油已經很不同，可見餐廳的用心～～蜆亦都值得一讚，食落完全無沙，爽口彈牙！鮮味十足！蠔係必選配料，雖然蠔仔細細，但係鮮味搭夠～比起海鮮，魚就相對顯得一般～～看似係餐廳自家製作既響鈴，炸得十分香脆，吸收埋湯底既精華之後，簡直不得了。以一個如此優惠的價錢，就可以係一個方便就腳既旺區食到如此高質素既海鮮火鍋，唯一挑剔的是餐廳飲品種類唔算多選擇，但撇除呢樣，絕對值得推介喜歡海鮮的朋友仔去試試～～

聽聞左好耐六十六十火鍋個椰子湯式好好味，今日同啲朋友黎試下先個湯底望落去好清，飲落去個個味係又濃又香，試左一啖之後，忍唔住飲左幾碗，一啲都唔覺口乾，冇咩味精咁喎，正!個雞睇落好新鮮，侍應講解左淥熟啲雞既方法有埋計時器， 焗七分鐘食得了，教埋我地用青檸汁黎點雞食，果然特別鮮味卜卜蜆好新鮮，上到枱都旭緊唔點豉油食落都好味 一開就食得 海水味好重蝦上枱時係要搵個碗吸住，因為新鮮到彈來彈去，所以食落去肉質又鮮甜又彈牙海鮮種類多，而且全部海鮮都好新鮮，冇一款令我失望 扇貝鮮嫩 吃得出非常新鮮食完椰子雞 再食埋咁多款海鮮 已經飽咗九成好耐未食過咁新鮮既魚，肉質又滑又鮮甜，加上個湯底，已經有好濃既海鮮味，勁夾蠔仔隻隻肥美飽滿 建議選擇粥底火鍋會比較適合食曬全部海鮮之後， 還有自選六款的打邊爐配料個湯底海鮮味勁濃郁， 所以揀咗吸湯名物響鈴，好好味， 完全不會浪費湯底嘅精華一個價錢滿足曬你，超抵食湯底三選一 ，8款自選生猛海鮮及6款自選火鍋配料

好朋友新居入夥 上去佢屋企參觀完 我哋就喺附近嘅餐廳吃晚飯晚飯時間入座率超高的 幸好朋友有訂位 不然一定冇位 而且要等位餐廳湯底選擇只有三種 包括粥底$200,椰子文昌雞$248及 蕃茄濃湯底配脆米泡飯$200(每位)海鮮方面有十一種選擇咁多 自選八款火鍋配料自選六款飲品及酒類需額外付費額外追加配料 收費價目表我哋完全冇追加過任何食物 食完成個套餐已經好鬼飽今日我哋點咗文昌椰子雞鍋湯底 超香椰子味 清香撲鼻 湯底中有大量竹笙職員細心教導我們使用計時器 將雞件放入湯底之中 等待湯底大滾之後 熄火焗7分鐘 就食得啦飲返碗頭啖湯先 湯底非常清甜 原來仲有馬蹄椰肉 等清潤食材 焗熟嘅雞件特別嫩滑 唔鞋口 而醬汁方面自己調配個人口味 正宗海南口味食法 加入鮮檸汁這裏是五人份量 非常豐富海鮮我哋揀咗 鮑魚，扇貝，活魚，蠔，海蝦 及金刀貝 還有餐廳指定的貝類x2整體全部海鮮是非常新鮮的 特別係扇貝 必需要點 大隻又肥美 除咗用鮮甜味形容 冇其他可以取代最重要嘅係貝類產品 一粒沙都冇 清洗得非常乾淨另外火鍋配料自選六款 竟然有花膠提供選擇 花膠重要夠大件 又厚身淥完咁多款海鮮之後 湯底已經變得更加鮮甜

我住長沙灣附近，都經常出街食飯，附近幾間火鍋店都試過，呢間新開張大膽一試，裝修就唔係好特色，但係食物OK喎，叫咗文昌雞鍋，雞肉QQ彈牙，耶水湯底甜甜地，加埋啲海鮮落去味道更鮮☺️😋都幾多海鮮可以揀，生蝦扎扎跳，元貝好大隻，又有平時街市好少見嘅（金刀貝），鮑魚來講都叫幾大隻，我去嗰日咁岩冇聖子（不過有象拔䂜仔補數），隻蚧有黃色蟹膏（夠哂肉）我本人唔係好食菜架但萵筍爽甜好味仲有好多選項未試，下星期再去試吓

今日呢間餐廳係由朋友介紹見到佢食既海鮮非常吸引一問之下原來就係呢間新開既食店雖然開業無耐但係好多人光顧相信食物質素一定有返咁上下好期待呢眼見好多人都係選左椰子文昌雞湯於是我地都一樣！食物選擇都好多！花多眼亂 咩都想食湯底滾起就可以落雞喇湯底本身已經有椰子肉 竹笙等等椰子味亦都非常濃郁雞肉好滑郁郁食哂啲文昌雞就到海鮮時間肉蟹同埋扇貝每種海鮮都有參考時間唔洗驚會煮過龍啲湯加埋蟹味不得了！蟹膏好滋味除左係屋企好少機會係出面食到咁鮮味！扇貝都超大粒！唔痴牙架！其他配料就有花膠/唐生菜等都幾大棵！花膠亦都別於平時出去食開個啲呢啲好厚身唐生菜同花膠都吸哂之前文昌雞同海鮮既精華好好味食兩舊都幾飽下而且食緊既時候會感覺到膠質張住個咀。大大舊，好爽滑！太幸福了吧食到呢到已經好飽好滿足！成晚都無用過醬汁本身食物夠新鮮食鮮味已經好夠！真係唔錯呀！

火鍋基本上香港人一年365日都打唔知由幾時開始連夏天都會打邊爐今次搵下搵下就見到呢一個餐廳個名都幾得意而且新開有折一於就黎試下喇！門口有呢個射燈非常搶眼海報亦都設計得好靚三款鍋底入面我地最後決定食椰子文昌雞湯底餐具全部有寫住「六十六十」呢個係計時器 比大家計住煮海鮮既時間放殻既桶都非常有味道椰子味非常重而且椰子細細條食落唔會細硬唔怕消化唔到雞都幾多而且大細切得剛好忍唔住拎d湯黎飲好清甜雞肉好嫰滑海鮮方面每一款海鮮都有指引比你跟住要煮幾耐咁就可以保證食材唔會煮耐左或者煮得太耐蜆雖然唔係超大粒但係勝在夠鮮無沙貴妃蚌 係送到黎既時候都仲會噴水未試過煮咁短時間但係食落係非一般鮮甜好耐無試過食落口會「嘩😍🤤」除左貝類 我地仲有鮮魷同樣地要煮既時間比我地想像中短一直都以為要煮耐啲先會熟咬落去 前所未有有爽口！以後都要改變下煮魷魚既時間呢一刻既雞湯係充滿海鮮味強烈推薦大家飲幾碗先再落其他食物光係海鮮既鮮已經值回票價！最後我地就叫左啲菜啲菜吸哂啲湯既精華超級好味好滿足既一晚！

與友人本來想去另外一間餐廳，點知行過見到六十六十新開將，我又勁鐘意食火鍋，一於試試！我同朋友叫左$248 椰子文昌鷄湯，湯頭好甜，有椰肉和竹笙，包左8 款海鮮 +6 款配料任揀牛肉及其他，海鮮類我㨂左飽魚和肉蟹都好新鮮好味！蟹大只多肉有鮮味👍🏻冷氣好足，食住唔覺得熱！下月朋友生日，打算試下$200 一位的蕃茄泡飯或粥㡳，成班人book間包廂大房，方便傾計，講真！我平時食開火鍋叫埋海鮮都唔止呢個價，長沙灣好味火鍋店推介！

約左朋友食飯，原本打算去食開的「fifty fifty」西餐廳，皆因朋友收工夜左，西餐廳full 左要等位，肚一直打鼓，我地唯有食第二間，居然咁搞笑，在隔離街見到間鋪名為「六十六十火鍋」...🤔仲要正好有人埋單出來先有位！望左一眼價錢200零蚊一位海鮮邊爐，二話不說，我地決定來個happy Friday 火鍋之夜！三種鍋底可揀，我地揀左最貴的椰子文昌雞湯底也就只系248蚊（仲要冇加一服務費），我地揀左肉蟹，活魚，扇貝，鮑魚，仲有貴妃蚌，蠔，極豐富，另外仲有六款配料任揀。勁抵食！水滚之後開蓋椰子香味勁濃郁，極吸引！迎面撲來的椰子香味令人食欲大開！呢個湯底由椰青，椰皇，老椰三種椰子加上馬蹄，竹苼等煲成，湯底清甜，椰肉香滑，加上脆嚓嚓的馬蹄。店員送上可愛小雞報時器又一邊講解介紹，十分nice,同每一枱食客都有說有笑，氣氛好融合。落晒d新鮮雞塊，待湯大滚之後就熄火七分鐘，好快有得食。記得要用備好的青檸做調料，椰香味雞肉即刻更惹味鮮嫩。各式海鮮質素極高亦十分新鮮，用料上絕對體現左店家的誠意。鮮炸響鈴驚喜十足，只需在湯滚一兩秒即可食，十分爽脆！亦不似出面食果d咁油，隨住入口那一刻鬆脆可口即溶在嘴里

星期六晚，想打邊爐但又沒有訂位，都較難找到一間好吃的！於是便搜尋一下有沒有一間還有位，結果找到間新開的，看食評看相片好像不錯的店。我們選了$200位的粥底火鍋，有8款海鮮，還有6款其他配料。飲品方面需要另加錢。海鮮我們點了肉蟹、蠔、蟶子、鮑魚、鮮魷及刀貝，兩款蜆則是指定的。海鮮整體也很新鮮👍🏻肉蟹很鮮甜😋其他6款配料，西班牙梅頭豬很爽口，另外店員說響鈴是他們即炸的，也好吃！另外菜的份量也不少。粥底的配料，豬油渣、蔥、芫茜、蔥菜等，豬油渣有少許油益味！這碟也是粥底的精華，原來要早一點煮🤦🏻‍♀️我們太遲煮，所以要加一點水落湯底。完成品，好好味，我們全部消滅了😋整體也好好，尤其店員很有禮貌，唯一是可以再加點窩心位，如列明每款海鮮需要的烹調時間及煮粥前可先隔一隔湯底，隔走海鮮的殻。原來新張期內還有8折！會再來啊！