六十六十火鍋 (已結業)

住喺長沙灣的同事介紹下，有間新開嘅粥底火鍋，材料新鮮，價錢抵食所以今日帶埋媽咪一齊去試吓。一去到已經有好多花籃圍住了間鋪頭牆上掛着一幅圖畫記特別座位隔離已經貼住海鮮放入煲裏面的時間，同埋點食泡飯的方法，十分之細心我們選擇了番茄濃湯底套餐，酸酸甜甜好開胃😋套餐包含了自選八種海鮮，有聖子、魷魚、蟹、蜆、鮑魚，店員棒來的時候樣樣都好生猛紮紮跳。豪仔碌熟的時候脹卜卜，好鮮甜，鮮魷魚簡單點了辣椒豉油已經好好味好爽口。蟹肉煮熟咗見到好多蟹膏已經好吸引，咬落去啖啖肉，鮮甜無比，食到舔舔脷😋😋😋食完海鮮已經有七成飽，仲有其他配料都未食，腩肉片簿切，一煮就好快熟，肉質鮮嫩食到最後店員把白飯放入今晚所有材料濃湯入面，精華所在，識落香噴噴，好入味，食咗成大碗。今晚簡直超滿足，下次一定會再嚟幫襯

平時同男朋友食開果間Fifty Fifty 西餐廳 ，依間西餐廳平時覺得好抵食 又好食！行經過見到係附近開左間打邊爐鋪 ，呢間餐廳叫六十 六十火鍋 ，個名咁似，一定係抵食啦。鐘意打邊爐既我 當然唔會走寶～！店家既湯底貴精不貴多 ，有3種比我地揀：粥底、椰子文昌雞湯、蕃茄濃湯底今次我地就揀左椰子雞湯套餐 $248入面包左8款海鮮：肉蟹、聖子皇、扇貝、白沙、蜆、蠔、貴妃蚌、鮮魷，同埋6款配料：西班牙梅頭肉、娃娃菜、蜂巢豆腐、花膠仔、蘿蔔、萵筍湯底係超級值得推介，椰子雞湯好多時都比人感覺淡而無味，但六十六十既椰子雞湯絕對唔會店家用左新鮮既椰肉、椰青水、文昌雞（唔係冰鮮雞！）、馬蹄去煲，因為放左馬蹄會比平時飲既就更加清甜。店長仲會從旁指導我地點樣煮先係最岩岩好，店長話：煲滾湯底-放雞-再煲滾-再焗7分鐘。甘樣雞既鮮嫩度剛剛好，建議大家可以揀配料時，揀埋花膠仔同埋蘿白熬湯！依兩樣可以令到個湯帶點膠質同埋更加鮮甜，十足老火湯甘❤本身覺得二百零蚊未必有靚海鮮食到（之前有太多唔好既回憶），六十六十既海鮮絕對係超級新鮮！特別推介大家食聖子皇、肉蟹同埋沙白！聖子皇係新鮮即叫即劏，大約滾到聖子脫離個殻就可以

一要大班人收工打邊爐,我地去左長沙灣,因為見到Fb 朋友仔留言訂位,於是八卦✔入去睇睇,見到呢度D食材全部是海鮮為主,真係好高質素,重點係:抵!!!呢度湯底冇太多選擇,我地叫左個文昌雞鍋,店員好耐心教我地點食,最重要是時間,不可以煮太耐雞肉會變嚡.先飲湯同吃雞,雞肉都幾多,食落啖啖肉,好滑溜,因為個湯夠清, 所以唔會搶左雞既鮮味. 個湯又唔錯,飲左三大碗再落火鍋材料.超多海鮮👍🏻蟹🦀擋開左隻腳仲郁緊,超生猛,蟹肉好鲜味,啖啖肉活魚🐟非常新鮮爽彈,有同事以為係脆鯇添呀 ﹗肥美可口,高質.帶子新鮮即開夠大隻,帶鮮甜味.蛽好多隻,放落鍋到一陣就打開曬蠔細細隻成個碟滿了,食落又幾有蠔味,非常鮮甜魷魚🦑好多片,爽口鮮味估唔到佢地d海鮮每樣都咁新鮮,依家冇邊幾間會比咁新鮮同咁多份量嘅靚海鮮比你吖,2百零蚊真的超值,又一推介

今次同朋友食下近期好興嘅粥底海鮮火鍋，一向食海鮮都講究新鮮，唔新鮮真係幾大碟幾平都無用，當然要揀返間穩陣好食嘅餐廳開飯喇。我都係第一次食不過當然朋友推介話海鮮新鮮先去食，一坐下侍應就好快手俾調味料，另外枱邊放左隻計時雞，說明每樣海鮮最佳烹調時間，非常貼心。點了個椰青水飲下，好大個好甜絕對足夠一餐打邊邊，而且價錢都差不多，好過飲其他野呢。海鮮類只要夠新鮮真係點整都好味道。隻肉蟹同鮑魚都仲郁緊好新鮮，即叫即切。有肉蟹當然放落去個粥底煲下帶出蟹粥鮮味，鮑魚好彈牙煮得剛剛好，而扇貝咁大隻好有口感。仲有兩款貝類跟餐份量都夠兩個人，我認得一款細蜆仔好鮮甜，煮左開蓋要快食，甩左肉都未必揾得返另一款就有口感多啲大隻有咬口，全部一煮完都開哂口就知新鮮。自選材料可以選擇六款，我地都揀素食類為主，但眼見人地枱肥牛幾吸引就叫碟試下，肉味都重而且肥膏位置不算多另一款推介就係黃金魚皮，賣相金黃色又脆又大塊。其實配料就不過不失。自製蟹粥: 我地將所有海鮮都吃光光除了蟹，哈哈，為烹調蟹粥做好準備之後留返湯底會加返白粥仲有南瓜芋頭粟米壓碎晒，再落冬菜，菜莆粒，大頭菜粒，豬油渣粒就完成，煮出來成品金黃色好甜，同埋都好飽肚

最近常常打邊爐，但美味的海鮮種類令人百試不厭。今次朋友仔帶咗我去長沙灣新開的店。店內走懷舊風，無論裝修同餐具，都玩味十足。佢哋係用套餐的形式，價錢由湯底區分，二百零蚊不等。我哋揀咗椰子湯底，價錢相對較高，但就跟半隻文昌走地雞，都算幾抵食。海鮮總共有八款，有唔同的種類當中自選。由於海鮮屬於時令食材，每晚都會有少量的調整，當晚就好好彩，能夠食晒我最喜歡的品種。至於其他火鍋配料，套餐當中可以自選六款，都幾足夠。如果比較大食的客人，可以選擇追加配料，價錢都幾相宜。等待湯底滾起之際，可以先自製醬料。有點驚喜的是，佢哋的豉油係自家製，甜甜地，有煮過的香味。椰子雞湯底慢慢發出濃香，吸引我去品嚐。輕輕試一啖，甜甜地，而且椰香味十足，好夠誠意。文昌雞肉質感結實，而且雞味十足。幾款海鮮當中，其實款款都精彩。我就鍾意鮮魷，夠晒彈牙。貝類就好鮮甜。蠔肉軟滑，而且份量十足。呢三款屬於比較矜貴的食材，但套餐中都有得選擇。食完海鮮，已經非常飽足。至於其他食材，唔算十分出色，但整體都新鮮美味。近期多咗好多呢類型的食店，以海鮮同精心炮製的湯底作主打。套餐價錢，就有高級享受。而且更值得欣賞的是，套餐形式令到大家可以淺嘗多

而家一日365日都可以打邊爐，都無分夏天冬天。200蚊可以有成8樣海鮮，再有得自選6款配料，其實都抵。雖然自選配料唔算多，但該有既都有，又唔洗睇到花多眼亂🤭🤭好貼心，有表話你聽每種海鮮要滾幾耐，仲有埋好得意既計時器提醒你，岩晒完全睇唔出海鮮幾時熟既我🤭🤭叫完野食就會專人送醬料俾你自己調配不得不提 啲碗碟好懷舊😂我地今次就揀左個蕃茄濃湯底，係真正既蕃茄湯底，有勁多蕃茄同薯仔係個煲到。當海鮮都上晒枱既時候，簡直震撼。樣樣望落都好大隻，好肥美，好新鮮！可能我地4個女仔望落都似唔識，員工仲專登走過黎提示我地啲海鮮分別放幾耐就熟啦，或者見我地好耐都無落蟹，都有提醒我地蟹係劏開咗最好廿分鐘內要碌熟佢好味啊，好鮮味，而且啲海鮮都無食到有沙。望住自己食左咁多款海鮮都係200蚊，突然覺得超值肥牛，梅頭肉同響鈴都值得一提，肥牛同梅頭肉都好嫩滑，一啲都唔un。響鈴並唔係平時係百佳惠康都買到個啲，十分爽脆！原來去到最後，店員仲會幫你整呢個脆米粥。用吸收晒海鮮精華既湯底，加入飯，脆米同油渣去煮，就變成左脆米粥，真係好特別～食到個個都捧住個肚走啊，會有下次再黎食

一向喜歡食粥底海鮮，見到長沙灣呢間，價錢好抵食，$200仲不設加一，就約朋友黎食。醬汁配料都是新鮮製，不過食海鮮自己就好少點醬，鍾意食其鮮味。黎到朋友無揀粥底湯底，反而揀左蕃茄濃湯，想試試蕃茄配海鮮，應該都幾夾，呢個蕃茄味都幾自然，裡面有蕃茄同薯仔，似屋企自己煲既湯。海鮮有8款，今晚有蜆、沙白、魷魚、蠔仔、鮑魚、貴妃蚌，帶子、蟹，全部洗到乾乾淨淨，處理好左。蜆同沙白份量好多，好似食極仲有，開左口就食，都幾鮮。貴妃蚌同帶子十分大隻，味道都不錯，幾鮮，鮑魚就只有一隻是活的，那隻較好食，其餘就普通。最靚一定係隻蟹，大大隻，又多膏，煮5分鐘左右就得，食得出好新鮮，肉鮮甜，一流！食完開鮮，就食自己揀既六款配料，配料份量足夠，蜂巢豆腐較特別，窩筍都幾甜，食完已十分飽。$200食到質素不錯份量又多的海鮮，都幾抵食。不過可能價錢平，服務就普通，職員無主動介紹怎樣煮海鮮，第一次黎食唔熟手，到最後湯底應該有脆米泡飯，但無人留意到我地食到尾聲，無主動提供，而我們見食飽都算了，也不要了。

海鮮火鍋都食過幾次，今次來講都真係算係最滿意。今日放工同一班舊同學一齊去食飯，搵到呢間新開嘅海鮮火鍋。湯底海鮮同埋配料嘅選擇都非常多，我哋最後揀咗番茄湯底，係老闆推介嘅，於是就試吓啦！海鮮方便真係每一樣都好新鮮好鮮甜，而且餐牌上例晒每樣海鮮需要煮嘅時間，跟足佢嘅時間就真的啱啱好，唔會太老亦都唔會生😆除咗海鮮好食佢啲肥牛都非常之值得一讚，好新鮮，而且厚度啱啱好唔會太厚又唔會太薄，食落去好有牛肉味。即使用緊蕃茄湯底都唔會蓋時本身嘅牛肉味。打完邊爐之後，老闆幫我地加咗啲脆米同埋飯落去個湯底度，呢個叫做脆米泡飯，成個飯充滿着海鮮嘅香味，而且脆卜卜，好香口，好好味❤️咁近我屋企，又咁好味，下次一定會帶屋企人嚟！

是日晚餐揀左六十六十火鍋，呢間火鍋店新開無耐，好鍾意佢d碗碟，好有舊香港感覺😍唔睇Menu都唔知，原來呢度冇收加一服務費，超抵讚，都未食一間火鍋店係唔使收加一，未食已經覺得抵🤣個湯底嚟㗎，好正😍，好多竹苼重有馬蹄，一直喪食都無罪惡感同埋佢Menu都算細心，有列明每樣海鮮煮嘅時間仲俾埋timer，一定好食啦😌個豉油揸左d青檸汁落去，成件事好味好多👍🏻Sorry我地會食哂你，唔會浪費你架🙏🏻🐔海鮮係勁新鮮，好彩有timer同menu教你煮幾耐，如果唔係，煮耐左真係浪費晒咁新鮮嘅海鮮，好好味呀😋登登登登，係海🦐，用個蓋cup住係因為啲蝦上枱嘅時候，仲係跳下跳下未死嘅，不過下一秒既佢地就⋯⋯花膠又係我覺得必點嘅，呢間火鍋店，真係足料唔係hea，個花膠好厚，食落有口感，真係好正，一定要試下見唔見到啲蝦膏😍仲有呢幾樣，都係每次打邊爐必食😋呢個係追加既menu，可以比大家參考吓，其實個人認為佢一個餐已經好夠食好飽，大家可以食到7788 ，先至再考慮追唔追加，無為浪費食物呀麻

今日約左班姊妹食飯，而打邊爐一向係我地reu首選！今次簡左呢間海鮮打邊爐！我地都覺得好滿意好好食！我地叫左個蕃茄濃湯湯底！海鮮方面，自選8種海鮮！我地要左鮑魚，勝子，花甲，蜆，蠔，魷魚，肉蟹，貴妃蚌！每款海鮮都好新鮮！花甲，蜆，隻隻都食到！正牙！而且無沙！蠔份量好多，抵食！勝子貴妃蚌，大大隻！好爽口！肉蟹勁多膏！肉質好實！蟹夾仲啖啖肉！！真心正！店鋪仲好細心，會教你每樣海鮮碌幾耐！而員工都周不時會行過黎幫你睇下d海鮮煮成點服務一流！除了海鮮，還可以自選6個配料，我地要左肥牛，梅頭肉，生菜，娃娃菜，嚮鈴同芝士腸！估五到個肥牛同梅頭肉都好好味！響鈴似自己炸！推！打完邊爐，仲有！！泡飯！！好香！而且飯吸哂海鮮的精華，真係100分！每人大約2百頭！不用加一！認真抵食！

今日路過長沙灣青山道 ，見到有間新開無耐既火鍋店，大大隻字寫住六十六十，咁就入去試下新野啦。見到有粥底鍋，本來就想試下，但佢竟然有我最愛既蕃茄湯底，所以就諗都唔諗啦，就試佢個香茄濃湯脆米泡飯火鍋啦本人最愛就係食海鮮，特別係蟹，呢個真係要讚，隻蟹好大隻好多膏，非常鮮甜，而佢個魚又夠爽口，蛤同扇貝都好大隻。食海鮮火鍋最緊要咩？當然除左電磁爐同個煲好重要之外，最緊要就係夠唔夠新鮮啦，佢個海鮮我比好高分另外，火鍋其中一樣必要食既野就係肥牛啦，個肥牛又係抵讚，脂肪均勻唔會太大片肥膏，我個人口感係入口即溶，只係份量如果可以多返啲就好啦最尾講講個湯底啦，我呢個蕃茄怪覺得好濃好夠味，唔洗點豉油都好好味，下次再食就試下個粥底啦

而家海鮮火鍋開到周圍都係,今日就試下呢間六十六十,貪佢個名幾得意,淥熟淥熟佢有3款湯底,點左個蕃茄湯夠開胃,唔知同海鮮夾唔夾,上台就見到入面好足料,好多切塊既蕃茄係入面一齊熬,好濃好香既蕃茄味,仲有D薯仔,食到尾可以食埋,好林好入味。首先上台既係蜆,大大粒 ,一野就倒晒入湯等佢開口就食得啦,粒粒都好飽滿好鮮甜,抵食!再上就係扇貝,肉蟹,鮮魚,貝,蠔同鮮魷,隻蟹好多膏,落去用個雞仔計時6-10分鐘,就食得,牆上都有教你唔同海鮮要烚幾耐,跟返實無死,有D唔多肯定既,都可以問職員,即刻就答到我,大蚌開殼,扇貝離殼就食得,耐左少少都唔怕,唔同急凍果D一耐左就變到勁硬,我淥耐左都係咁好口感,食到果種鮮甜!最推介係隻蟹,膏多之餘,肉都好厚實,隻鉗入面啖啖肉,又易拆,用個蟹鉗,夾爆層殼就可以成舊肉起出黎,咩都唔洗加就咁食已經好甜蟹味,回味無窮!全部海鮮都好新鮮,食到半飽就開始就揀好既火鍋配料,我叫左肥牛,唐生菜,炸魚皮,花膠仔,響玲同蜂巢豆腐,六款野差D飽到食唔晒.

有日搭車見到車站後面開左間打邊爐，係門口睇到佢$200零蚊到就全包宴。好似幾抵食甘～所以放工就捉左個同事同我一齊挑戰下！個人鐘意清甜類既湯，所以就叫左個椰仔文昌雞套餐$248試下。 一個餐已經包左8款海鮮，6款配料，仲要係大大份...咪話唔抵食。仲要海鮮係新鮮買番番來～絕對唔係死晒比你食果種！佢個椰仔雞湯好別出心裁，落左大量既馬蹄、刮埋椰肉、倒埋D椰青水去煲。好清甜下～未放其他料已經好好飲，之後個餐仲會包半隻新鮮文昌雞你歎！好重本...街市買半隻雞都$60-70啦。夾埋個其他料個湯都成舊水！而我同同事仔就大讚個肉蟹，又多膏又肥美。成個蟹蓋都係膏 多到連蟹脾都有！店家仲要貼心到一早比齊晒工具你劏蟹！我另一個心頭好就係貴妃蚌。係北寄貝既朋友 但就大粒D 更肥更厚身。但千奇唔好煮太耐 佢甩開個殻就要食。甘先食到佢最鮮甜既一瞬間！而朋友就鐘意鮮魷，大約烚20秒到就要起。點少少碌油～又嫩又甜！配料方面，我就推介萵筍，萵筍好多人都唔知係咩。其實係芹菜個莖，口感同我地成日食到既油麥菜係有點似。但就比較嫩D同埋爽D，所以打邊爐一流！另外我個人好鐘意食蜂巢豆腐，特別係打邊爐既時候，蜂巢既Lone可以吸晒

上次朋友帶完我去長沙灣搵食，整個大改觀，今晚搵左呢間幾靚仔既打邊爐試下先。地點都係ＭＴＲ行去附近，方便易搵。坐底就睇下點食法先🧐以前有試過蒸既粥底食法，今次就直接試下粥底邊爐，包咁多款海鮮，都好期待個粥底😍！火鍋配料有人會拎黎你位，唔洗行黎行去。揀好哂食乜同落完配料，就上左鍋粥水。望下d海鮮😍😍，肉蟹雖俾人切開左，但仲識郁🙈，唔洗我形容，你都明白到幾新鮮！鮑魚洗刷得勁乾淨，連殼放入去打邊爐都唔怕！煮海鮮唔同煮肥牛，識睇既人，就知幾耐食得，但如你我唔識煮飯既人，係度食海鮮，唔洗怕監介要問職員，因為...人地每張枱，放隻雞同餐牌，寫明哂每款需要時間同次序😆，好細心！除左頭先未死既肉蟹同沖到勁乾淨涼既鮑魚外，所有貝殼類都無食到沙，仲食到鮮味！不過記得開口就食，煮得太耐，變得勁細粒會搵唔番😂！隻肉蟹睇得又食得，個身同對手，勁多肉，係勁多肉，煮左咁耐，仲係有甜好好食🤤！其他配料揀左呢d，魚皮夠脆👍🏻我揀左飲椰青，唔知大家有無發現，有時飲椰青，食唔到入面d肉，我曾經問過一間泰國餐廳職員，佢話椰青老，就食唔入面d肉，如果真係咁，呢個椰青係少女，入面d肉好容易食到，仲好嫩滑🤤🤤！呢碟係湯底配料，等你食

第一次寫食評！請大大多多指教！和朋友本來想食雞煲，經過見到新開又$200食海鮮，幾個男仔諗住叫支啤酒求其一餐吹水已滿足。入去有人講解海鮮點配法，我地要左文昌雞湯底。海鮮黎到，隻蝦會跳出黎，碟貝類面盤咁大，肉蟹更加係精彩，d 膏份量剛剛好，蟹肉結實有口感。我地即刻問人d海鮮點解咁新鮮，跟住有位有d鬍鬚，個樣應該係老闆的朋友同我地打招呼。原來佢話自己做開飲食，出面攞海鮮批發都會睇你地餐廳識唔識貨俾海鮮你，幾條佬聽完都配服佢。食完最後每人都唔駛300蚊！仲唔驚喜呀！