六十六十火鍋 (已結業)

話說前幾日見到呢間火鍋店開張，當然就第一時間去試新嘢。餐廳地方雖然不大，但枱與枱之間都有相當嘅距離，絕對無好逼狹嘅感覺，而且唔會好似其他火鍋店咁煙霧濔漫，坐得非常舒服，係一班人吹水食飯嘅好地方。坐低就揀湯底，有粥底，蕃茄濃湯脆米或者椰子文昌雞，最後我地揀左椰子文昌雞，貪佢有隻雞可以食。揀完湯底就揀海鮮，海鮮選擇多同埋都係靚嘢，我地揀左肉蟹，鮑魚，大蜆，沙白，蠔，活魚，帶子。揀完海鮮就可以揀多6樣火鍋配料。落完order, 湯底同海鮮配料立刻送上。嘩，隔住個煲蓋都聞到好香嘅椰子味，d海鮮好新鮮，隻沙白仲噴緊水。店員好熱心咁講解點樣煮隻文昌雞，就係等水滾落雞，等大滾後熄火焗7分鐘，餐廳好貼心咁俾埋個計時器我地。對住咁多靚料，呢7分鐘過得特別慢。終於夠時間了，一開蓋二話不說整件雞先。雞肉好滑，烹調時間恰到好處，熟得嚟唔會好老，再配上青檸汁，令味道提升到另一層次，更加清新。食完雞就到海鮮，餐廳提供了烹調海鮮嘅次序同所需時間，令我地唔會因為自己嘅無知而浪費左咁靚嘅食材。隻計時雞又叫啦！食鮑魚時間到啦！鮑魚好鮮甜，爽口，配上火鍋醬料特別好味！肉蟹蟹肉爽實而甜，一咬就知係活蟹，唔係雪藏或者死蟹。魚好

話說上星期日想打邊爐，但又唔知去邊度好， 點知機緣巧合，俾我入左一間叫做六十六十火鍋店， 入面環境都唔錯 ， 唯一唔好嘅就係冷氣唔夠凍， 同服務員反映， 立即幫我開到最大冷氣， 但可能我係近門口位， 所以都唔係好涼， 都算接受到。 講下食材， 佢有三款湯底， 我揀咗椰子鍋底，文昌雞， 椰子湯底好清香， 文昌雞好彈牙， 海鮮好新鮮，真係好好味， 重要價錢唔貴， 好抵食。 環境坐得好舒服。 服務員工作態度好認真， 仲介紹我哋應該要點樣食。 唯一不好就係我個肚唔爭氣擺唔落。 真係可以一去再去

椰子文昌雞湯底夠香，款款海鮮超新鮮，連響鈴都係自家炸一d都唔油，連老人家都食到停唔到口，我媽將個湯底飲清，無諗過呢個街坊價錢可以食到咁高質材料👍🏽👍🏽一定會再食😋

當日覺得好口乾想試一試比較純正嘅火鍋。跟朋友試一試這個馳名的椰子雞火鍋。首先它最吸引之處就是用了獨到。用的是海底椰以及椰子肉做湯底，再加上文昌雞的雞肉非常鮮嫩，大家可以想像鮮味兩個字是怎麼寫。😊😊 我在外面試過很多火鍋，很多時候火鍋湯是有味精。但這家保證沒有，用料新鮮，而且老闆是用心經營。亦想提一提他們用的文昌雞，文昌雞出名是因為他們脂肪比較少，但雞味非常重。而且裏面海鮮非常多有蠔，蟹。蟹是用膏蟹 ，蟹膏非常多。😊

有時候兩個人😒出街食飯好迷惘，想打邊爐但又叫得唔多野食，好快就食飽，所以諗左好耐，都唔知食咩！最後去左長沙灣呢間新開既火鍋，睇到餐牌有3種湯底，粥底$200位、椰子🐔文昌雞$248位、蕃茄🍅泡飯$200位，最後簡左椰子文昌雞，包6種自選🦀🦐海鮮、2種🐚貝類、6種火鍋配料！份量剛剛好，又可以食到唔同種類海鮮，最重要夠新鮮，地方夠大，又坐得好舒服😌！隔離枱話椰青好好飲，一定要叫，我下次一定會試粥底😋同椰青🥥😋

長沙灣食肆林立， 上次等巴士嗰陣見到間新開嘅火鍋店，橫掂食附近食到悶悶到，不如試下新嘢由於前一晚whatsapp訂左位， 一到已經即刻入得唔使點等✌店員推介椰子湯底嘅海南文昌雞套餐， 普通雞就食得多， 文昌雞唔係周圍有得食就 order 左！店員攞咗個湯底黎， 已經聞到好清香嘅椰子味 隨即店員送上雞及海鮮！ 我哋落咗個雞先， 原來文昌雞肉質較有口感而且好有雞味， 同我平時出去食嗰啲雞好唔同， 呢度啲雞好明顯係靚啲新鮮啲同埋重雞味D我哋首先食咗個蟹，好多膏 又大隻之後落埋鮑魚，扇貝， 大蜆 同埋魚， 全部都超新鮮， 仲有個蝦( 一打開個蓋隻蝦跳出嚟 嚇到我哋大叫) 8樣海鮮食完其實都飽飽哋。食完海鮮我哋畢咗個湯嚟飲， 我同朋友每人仲飲咗兩碗， 椰子海鮮湯，超甜套餐包咗嗰6款配料，我哋食咗一半咋， 因為實在太飽，開頭仲驚唔夠食見到隔離枱飲酒我好想飲， 不過冇計我大肚唯有飲住汽水先 飲品主都是罐裝， 可惜冇我最愛嘅凍檸茶總結:環境坐得舒服ga,店員都好nice, 經常走埋嚟睇下食成點， 食物新鮮， 不過如果飲品加多幾款， 有啲即沖飲品就好啦 叫埋嘢飲埋單每人都係$26X， 都幾抵食臨走我朋友

前兩日行過見到他們新開張坐咗好多人，今日我放假專登叫一家人過嚟食！他們位於青山道大街龍寶酒樓百佳附近，所以平時行過一見就見到！他們是屬於套餐形式，門口睇過價錢好抵食一包好多野，所以都不用猶豫入咗去食！他們是人頭收費套餐一開始有三個湯底選擇，$200粥底，$200蕃茄泡飯湯底，$248椰子雞湯底！ 椰子雞見到個價錢真係幾抵食，出邊最少都要$300，所以今次就叫咗椰子雞湯底來試一試！不過套餐形式我都係第一次食，初頭都有啲唔明，不過原來好簡單，等我略略話比大家知!每一張枱有張點菜紙，首先我哋一張枱選擇一個湯底先，之後就係選擇海鮮，紅色同藍色部份各選三款，連埋黃色貝類，一共就包左八款海鮮！ 有蟹有鮑魚有蟶子有元貝！之後下邊有好多款自選配料選擇，再選擇六款！完成！ 因為我哋揀椰子雞湯底，員工介紹我哋要先將全部雞放入湯底煮滾，之後飲湯！不過阿媽好醒目連同蟹一齊放落去，之後先飲湯，碗湯真係特別鮮甜！這裏的雞真係正宗海南雞，雞皮彈牙，雞肉煙銀不是琳琳的，雞味比較重！同平時食嘅廣東的確好大分別！阿媽阿爸食到唔停得口！椰子香味亦都夠！海鮮方面:肉蟹: 超級大隻，肥大肉厚豪仔：超級鮮甜，估唔到同個湯底咁夾元

上fb見佢攪抽獎有半價優惠，咁啱有朋友響附近返工， 咁就梗係要去試下啦我哋訂咗星期一，8:45時段， 我哋早咗到，8:30 就已經入座。跟住睇到佢個餐牌， 總共可以有八樣海鮮， 我哋就揀咗活魚(今晚係多寶魚)鮑魚肉蟹， 藍色嗰邊我哋揀咗海蝦 馬刀貝同 貴妃蚌下面六樣配料，選咗牛豬花膠萵筍魚皮響鈴好啦湯底嚟到海鮮都到，貝類洗得乾淨，蝦是活的，肉蟹有羔份量同質都夠，突然老闆娘推介30蚊2隻扇貝，真係成隻手咁大，洗到白雪雪，正我朋友飽到上心口，所以後上的肉都係我包辦，係個響鈴有點油溢味，其他都ok到今日嘅驚喜出來了，由於無乜肉，個湯底仲好清，叫佢地可以上埋飯，佢就攞咗白飯同脆米(炸咗嘅米)，先撈走Ｄ底料，再落白飯(我朋友話飽，咁我就叫佢落少Ｄ飯，之後後悔了)，之後落埋脆米，果朕飯焦香飄上嚟，我朋友已經攞住個碗話要食，之後仲叫佢比Ｄ豬油渣落埋落去，香到呢……仲要肉蟹Ｄ羔味仲響個湯度我食咗兩碗，我朋友食咗兩碗半，食到個底乾乾淨淨(頂佢，又話飽)總結：正價都抵食，海鮮正，湯底清，泡飯超滿足