116
1
2
港鐵長沙灣站 A2 出口, 步行約4分鐘 繼續閱讀
電話號碼
26563060
60726529 (Whatsapp 訂座)
營業時間
今日營業
18:00 - 02:00
星期一至日
18:00 - 02:00
付款方式
Visa Master 現金 銀聯
其他資料
深夜營業
電話訂座
食評 (123)
等級4 2018-10-08
1093 瀏覽
我地選擇了8:30 的入座時段,未到8:30餐廳門口已經有很多人在等候!入座後發現全場爆滿,大家有興趣試,記得預先訂位!可自選 8 款生猛海鮮 + 6 款火鍋配料,湯底三選一,價錢$200 - $248 一位,沒有加一,兩位起計!我地選了番茄濃湯底脆米泡飯套餐,每位 $200,好抵食!肉蟹蟹放入湯底之前仲識得郁,非常新鮮!餐廳將蟹清洗得乾淨,沒有沙!蟹肉結實鮮味,正呀!蜆(兩種)兩種蜆都乾淨無沙,蜆肉鮮甜美味,份量亦多! 鮮魷鮮魷爽口彈牙,不錯!蠔蠔飽滿濃郁,非常新鮮,完全沒有腥味!海蝦上菜時,要用蓋蓋住,防止蝦跳出,真的非常生猛!而且不停聽到蝦在碗內跳動的聲音!大家要注意⚠️ 將蝦放入火鍋中,要用鉗夾實,避免蝦將湯底反彈出來,做成危險!蝦肉結實,新鮮甜美!扇貝和鮑魚扇貝同鮑魚都好大隻,而且肉厚鮮味!西班牙梅頭肉脂肪分佈平均,肉味香濃,不錯!美國肥牛賣相不錯,肉質嫩滑!萵筍清甜爽口,打邊爐的良伴!炸魚皮香脆可口,個人喜歡將炸魚皮的一半落入湯底幾秒就食!魚皮餃迷你版的魚皮餃,略嫌皮身過厚。花膠大大塊,充滿骨膠原! 泡飯打完邊爐,店員將白飯加入湯底,白飯完全吸收了湯底的海鮮精華和蕃茄濃湯!之後再加上豬油渣和脆米,令泡飯增加口感及更香口,超讚! 繼續閱讀
(以上食評乃用戶個人意見 , 並不代表OpenRice之觀點。)
等級4 2018-09-24
3131 瀏覽
香港人沒有特別設定那個季節該打邊爐什麼時候想吃、隨時都有得吃除了麻辣鍋、雞煲連帶海鮮的粥底火鍋都頗受歡迎這次來嚐鮮「粥底」火鍋吃完這個就可以籌到火鍋大滿貫了(集火鍋印花的意思)位於長沙灣的六十六十火鍋供應三款火鍋套餐套餐包括湯底、六款自選海鮮兩款貝殼類、六款自選火鍋配料最後按套餐配搭粥底或脆米泡飯人均二百元起調味料方面略顯單調簡單的蔥薑蒜 辣椒加醬油這 就是湯底了很像洗米水🤣不過是個不錯的選擇這樣才可以吃到原材料的鮮味我們選了肉蟹、活蝦、活魚鮮蠔、貴妃蚌還有貝殼類整體都很新鮮大大隻的肉蟹有滿滿的蟹膏鮮味十足、蟹肉厚實火鍋配料共二十九款自由選擇六款有肥牛、梅頭豬、丸類、蔬菜等選了美國肥牛正常水準自家炸響鈴和炸魚皮超級香每一捲的份量也是超實在的活蝦送上來時是有蓋子蓋著的當我打開時著實被嚇到了裡面那隻蝦一直掙扎想要跳出來真的很新鮮呢雖然有點殘忍 每一份都好多連最後精彩的飯加入湯底煮成粥,都已經吃不下了 繼續閱讀
(以上食評乃用戶個人意見 , 並不代表OpenRice之觀點。)
就算是超強颱風來襲🌬,也不會打擊到人妻🐷想要吃的決心😤!整個下午都想食火鍋🍲,老公🍋最後當然不敵語言攻勢💥,最後乖乖的找了一個好地方給我😎。要滿足貪心的人妻🐷,自選套餐再合適不過😏,單看價錢真的是蠻吸引的🤩。店內坐了滿滿的食客😲,看來這家店應該頗受歡迎喔😌~每一枱都放了計時器⏲方便食客煮海鮮用🔥。食法則貼了在座位旁📝,開始前先看一看吧😉。蠔🌊:人妻最愛💖,怎能不點😂?肉厚味鮮😋,份量也頗多😲,二人每人都吃了大概有6-7隻🤤。貝類🐚:分別有兩款✌🏻,蜆的尺寸也不少📏,而且每一隻都很新鮮🤩,配上了蕃茄湯🍅,更覺清甜👍🏻。鮮魷🦑:老公🍋選了的鮮魷,處理得宜💦,口感爽滑😋。金刀貝🐚:含豐富的蛋白質😍,對降低膽固醇有顯著的食療功效👍🏻,加上口感香甜🤤,肉質細嫩,絕對是健康之選✨。蟶子皇🌊:也是具有很高的營養價值的貝類🤩,口感爽脆,肉質厚嫩💯。扇貝🐚:肉質甜美芳香😋,帶着大海的鮮美☺️,令人無法抗拒💘。肉蟹🦀:蟹膏很豐富🤩,蟹肉鮮味爽嫩😋,最慶幸的是有一個為我拆蟹肉的男人😘。美國肥牛🐮:油脂分佈平均👍🏻,輕輕一熝已經可以吃了🔥。娃娃菜🥦:鮮嫩的蔬菜當然不能少😏,清甜的口感,一解之前的油膩感😌。花膠仔🐠:含豐富蛋白質的花膠😍,除了可補充骨膠原😌,對關節和皮膚也是很有益的👍🏻,肉質蠻厚,口感爽脆🤤。午餐肉🐽:老公🍋的最愛,他常就火鍋沒了它就不算完美🔥,久而久之,我也習慣了點它了😅。牛丸🐮:口感彈牙😋,火鍋就是不能少了丸子的位置吧😎。蜂巢豆腐🐝:吸收了湯汁的清甜🤤,令它的味道更好、更有層次感🤩。脆米泡飯🍚:最後加了入白飯及炸米🥄,做成了蕃茄湯泡飯😍,加入了脆米的泡飯🍿,口感更好👍🏻。總結:整體食材非常新鮮😋,加上真材實料煮成的湯底🍅,性價比非常高👍🏻。 繼續閱讀
(以上食評乃用戶個人意見 , 並不代表OpenRice之觀點。)
等級4 2018-09-12
2451 瀏覽
以人頭計算,選邊款湯底就收邊個價錢。如果是第一次去,強烈建議叫$248椰子文昌雞湯底,因為好出色。再去的話,就建議點另外兩款,因為價錢平d之餘,本身8款海鮮加6款火鍋配料都已經好ok。價錢方面最欣賞佢無加一,實收標價!好清晰!醬料唔駛另加錢,仲有特別的生薑蓉。味道幾夾,不錯!椰子文昌雞湯鍋內有大大件椰子肉和竹笙。竹笙超正,好適合呢個湯底,因為竹笙可以充份吸收椰子和雞油味!選擇信任餐廳的專業多於自己(哈哈!)職員話待湯滾後放雞落去,蓋鍋轉大火,水滾後關火焗7分鐘。(有雞雞公仔提醒你)「心諗,雞喎,唔係牛喎,水滾焗7分鐘就夠?」7分鐘過後,夾上黎睇,又真係剛熟,雞肉亦非常之嫩,並帶有淡淡椰味。作為餐點中第一道入口的食物,好高質!8款海鮮包括:奄仔蟹、大蟶子、鮑魚、貴妃蚌、沙白、黃油蜆、流浮山蠔、鮮魷。可以話連最沒有期望的鮮魷都好食,因為好爽口。奄仔蟹好多膏,可能用左椰子清湯煮,令蟹的鮮味更出,奄仔蟹蟹殼較脆,好易開到~真係鮮鮮鮮~第二款要讚的是黃油蜆,可能有之前食過,但平時無咩為意,今次以鮮味為主題,呢款黃油蜆好貼題。因為煮熟之後蜆肉會漲卜卜,一口咬落去D海鮮汁係標出黎!! 正!第三款好味的是流浮山蠔,呢個係驚喜,本身覺得平時都成日食啦,但只要跟住職員指示煮40秒至1分鐘,蠔味好濃,剛好熟肉質好滑。比美國桶蠔出色好多。6款自選火鍋配料中,西班牙梅頭、肥牛最正! 切得夠薄身,但不影響肉質的鮮味,梅頭較有嚼勁,是我最喜歡的。魚皮好脆,少少咸。好後悔無叫響鈴,見到隔離枱個響鈴大大舊,淺黃色好脆咁,偷聽到原來呢度既響鈴係即炸!下次黎一定要點呢個!!!!! 繼續閱讀
(以上食評乃用戶個人意見 , 並不代表OpenRice之觀點。)
等級4 2018-09-06
1705 瀏覽
最近常常打邊爐,但美味的海鮮種類令人百試不厭。今次朋友仔帶咗我去長沙灣新開的店。店內走懷舊風,無論裝修同餐具,都玩味十足。佢哋係用套餐的形式,價錢由湯底區分,二百零蚊不等。我哋揀咗椰子湯底,價錢相對較高,但就跟半隻文昌走地雞,都算幾抵食。海鮮總共有八款,有唔同的種類當中自選。由於海鮮屬於時令食材,每晚都會有少量的調整,當晚就好好彩,能夠食晒我最喜歡的品種。至於其他火鍋配料,套餐當中可以自選六款,都幾足夠。如果比較大食的客人,可以選擇追加配料,價錢都幾相宜。等待湯底滾起之際,可以先自製醬料。有點驚喜的是,佢哋的豉油係自家製,甜甜地,有煮過的香味。椰子雞湯底慢慢發出濃香,吸引我去品嚐。輕輕試一啖,甜甜地,而且椰香味十足,好夠誠意。文昌雞肉質感結實,而且雞味十足。幾款海鮮當中,其實款款都精彩。我就鍾意鮮魷,夠晒彈牙。貝類就好鮮甜。蠔肉軟滑,而且份量十足。呢三款屬於比較矜貴的食材,但套餐中都有得選擇。食完海鮮,已經非常飽足。至於其他食材,唔算十分出色,但整體都新鮮美味。近期多咗好多呢類型的食店,以海鮮同精心炮製的湯底作主打。套餐價錢,就有高級享受。而且更值得欣賞的是,套餐形式令到大家可以淺嘗多種不同的食材,就算兩個人去打邊爐都唔使驚食唔晒啲食物。 繼續閱讀
(以上食評乃用戶個人意見 , 並不代表OpenRice之觀點。)