338
5
2
港鐵長沙灣站 A2 出口, 步行約4分鐘 繼續閱讀
電話號碼
26563060
60726529 (Whatsapp 訂座)
營業時間
今日營業
18:00 - 02:00
星期一至日
18:00 - 02:00
付款方式
Visa Master 現金 銀聯
其他資料
網上訂座
深夜營業
電話訂座
賞訂座積分
加一服務費
球賽直播
有關獎賞計劃
食評 (354)
等級4 2019-09-06
1407 瀏覽
又係開始打邊爐嘅季節,食完一般嘅港式火鍋又食完麻辣火鍋,今次想食海鮮但係又怕好貴喎,為食同事話我知深水埗區開咗間或一價錢有好多海鮮食嘅火鍋店,佢講到咁玄又話唔貴,我仲有乜理由唔去食呢。原來佢係每一位一個價錢$200或者$245,分別在於個鍋底如果揀粥底或者蕃茄濃湯底就係$200位如果好似我咁想食多啲野就可以揀椰子文昌雞湯底。另外飲品有鴻福堂支裝或者罐裝可以另外加錢。佢最好就係不設加一,又冇啲醬料費用,明碼實價漿料都有好多可以自己揀嚟混合兩個人食就有半隻雞,隻雞都幾大隻,我仲跟咗隻清檸仔俾我哋加入去醬料到跟住就係想海鮮啦,佢有六種紅色海鮮可以揀三款我哋揀咗鮑魚,聖子王,同埋活魚,活魚今日係多寶魚,估唔到又幾大隻喎,平時去酒樓叫一隻聖子皇,最少都要幾十蚊,隻原隻鮑魚都幾大隻㗎。魷魚都幾大碟娃娃菜嘅份量就唔係咁多,兩個人加埋只得一棵二人份量嘅美國肥牛肉,都幾靚唔係出面跌好多肥膏嘅貨色好大兜嘅蠔,雖然大約半隻手指長但係都好鮮味其實佢總共前前後後會有15種食物俾你食到,分量覺得啱啱好,除非好大食啦,附近都係啲街坊起到幫襯,口碑似乎好唔錯。 繼續閱讀
(以上食評乃用戶個人意見 , 並不代表OpenRice之觀點。)
等級4 2019-08-02
1387 瀏覽
六十六十真係好好食,我可以用一句,百食不厭去形容。佢地好味又抵食,二百蚊就有交易。而且會食到好飽好飽👍🏻👍🏻佢地三款湯底都好好味,今次我地食左粥底喎,如果鐘意食湯飯,可以食蕃茄濃湯底。不論選擇咩湯底,都會有8款海鮮加埋六款火鍋配料。佢地啲海鮮都有好多選擇,而且種種海鮮都非常新鮮,隻蟹重識郁👍🏻👍🏻隻蟹好鮮甜好好味,而且啖啖肉,食完都想再加單,如果大家想食多隻蟹,加單都吾算貴👍🏻元貝同貴妃螃都好新鮮,好甜,而且好厚肉,真係啖啖肉😍花甲都好大粒好鮮甜,咁多種海鮮放入湯底,有時真係吾知熟吾熟。店舖枱面會有QR Code,掃一下就可以睇到每一種海鮮要煮幾耐時間,非常細心。😊😊當海鮮食晒既時候,你會發現湯底已經充滿海鮮既鮮甜味,我地再放入其他火鍋湯料。火鍋湯料有牛肉,豚肉,花膠仔,墨魚丸同埋粟米。全部一次過放晒入去湯底,全部火鍋料都吸收晒海鮮既鮮味,非常好味。大家都一定要去呢間六十六到試下,非常好味又抵食👍🏻👍🏻推介指數爆燈⭐️⭐️⭐️⭐️⭐️ 繼續閱讀
(以上食評乃用戶個人意見 , 並不代表OpenRice之觀點。)
等級4 2019-08-02
840 瀏覽
六十六十真係一間令人一試難忘既火鍋店每位都只係$200,唔使加一,食到8款海鮮+6款配料湯底可以揀粥底,蕃茄濃湯同埋椰子文昌雞鍋,好耐冇食過粥底鍋啦,所以最後決定揀粥底等左冇幾耐個粥底就到,嘢食都陸陸續續上枱,首先嚟嘅係海鮮,大家唔使擔心唔知道d海鮮要煮幾耐,因為每一張枱都貼有一個QR code,只要掃一掃就知道每款海鮮需要煮嘅時間,非常貼心我哋叫咗肉蟹,扇貝,象拔蚌仔,鮮魷,油貝同花甲,海鮮全部都洗得好乾淨所有貝殼類食落去都唔會有沙,全部都好飽滿肥美餐廳提供嘅雖然係肉蟹,但都有好多羔呀全部海鮮都好新鮮好鮮甜海鮮差唔多食得7788嘅時候,餐廳就會上埋其他配料,首先落咗南瓜粒,芋頭粒及粟米,呢三樣都係粥嘅配料西班牙梅頭肉係必定試既,佢既肉香好香好濃,食落去好滑,唔似其他豬肉片既口感,牛肉既質素都幾高差唔多食晒啲配料後,就可以叫店員加米粥,加米粥後店員會幫忙將芋頭粒同南瓜粒壓碎,等兩樣配料完全融入於個粥裡面,最後加埋蔥,冬菜,菜甫以及豬油渣就大功告成呢個粥底係成餐飯裏面嘅精華,包括左海鮮嘅鮮味同肉類嘅香味,再加埋脆卜卜嘅豬油渣真係超好味 繼續閱讀
(以上食評乃用戶個人意見 , 並不代表OpenRice之觀點。)
等級4 2019-07-18
824 瀏覽
聽朋友介紹,位於長沙灣青山道156號的火鍋店「六十六十」口碑不錯,便相約家人一試。這裡以湯底選擇決定價格,這次我們點了$248 椰子文昌雞湯底套餐。套餐內括八款自選海鮮加六款自選配料,飲品另點。店內碗碟充滿懷舊復古氣息。餐廳桌上有QR code ,顧客掃描二維碼可獲得餐單及食法資訊。店員會在客人點選湯底後提供醬油配料,讓客人自行調配口味。📍椰子文昌雞湯底店員會提示客人在湯煮滾後的烹煮時間。椰子湯底鮮甜味美,入口清甜,十分滋潤。店員稱店中採用正宗海南文昌雞,也是必點單品,推薦客人品嚐。個人感覺皮厚、肉質較為結實。📍肉蟹非常生猛,肉蟹上桌時蟹足還在顫抖,肉蟹帶膏,頗壯。📍蟶子皇及鮑魚兩款都新鮮,鮑魚肉質略硬。📍蠔這個感覺新鮮度一般般,肉質較稔。📍美國肥牛肉鮮味美,但份量較少,每人只有三片的份量。📍西班牙梅頭肉單是目測已經可見油分過多,非常肥膩。總括而言,服務員態度良好,海鮮新鮮度不俗,但配料品質略有參差,有改善空間。 繼續閱讀
(以上食評乃用戶個人意見 , 並不代表OpenRice之觀點。)
等級4 2019-05-28
1863 瀏覽
雖然依排天氣熱番, 但係間唔中都會有打邊爐既衝動!朋友知我心意, 所以今日就帶左我黎依間六十六十火鍋餐廳地點好近長沙灣站, 非常就腳!6PM入到去, 都已經有唔少人食緊, 估唔到有咁多人同我一樣咁鍾意打邊爐我地揀左一個椰子雞湯底, 再加8款海鮮同6款配料依個湯底有2人份量既雞件, 滾起就放雞落湯, 煲一陣已經聞到好香既椰子味!雞件好新鮮, 口感唔錯, 食落仲有椰香味!海鮮方面有好多款, 我地揀左貝類既比較多! 當中最值得提既一定係鮑魚同蠔!蠔雖然唔大隻, 但就好新鮮, 食落唔會好「梅」,而且蠔味都幾重, 真心推介鮑魚就勝在夠大隻, 而且未落鍋之前仲識得郁, 好生猛! 其他配料都係水準之上, 其中最好食既係美國肥牛! 肥牛雖然叫肥牛, 但就唔會好多肥膏, 岩晒我依D鍾意食瘦既健康人士! 最重要係D肥牛雖然唔太肥, 但就保重住肥牛既香味同口感, 用黎打邊爐真係一流!估唔到過左凍天, 都仲有機會打邊爐, 而且質素仲要係A++, 價錢合理, 下次一定要再黎幫襯! 繼續閱讀
(以上食評乃用戶個人意見 , 並不代表OpenRice之觀點。)