182
1
2
港鐵長沙灣站 A2 出口, 步行約4分鐘 繼續閱讀
電話號碼
26563060
60726529 (Whatsapp 訂座)
營業時間
今日營業
18:00 - 02:00
星期一至日
18:00 - 02:00
付款方式
Visa Master 現金 銀聯
其他資料
網上訂座
深夜營業
電話訂座
賞訂座積分
加一服務費
有關獎賞計劃
食評 (189)
等級4 2019-01-13
143 瀏覽
餐廳分3輪時間,我地就book左8:30pm依段時間都幾好,一到8點半就即刻有得入座我地8點3左右去到,門口都幾多人等緊平日晚都可以咁多人,厲害厲害一坐低就有人會拎啲醬料黎牆上面既裝飾又幾特別打邊爐又點可以無可樂!依到既打邊爐用具都幾齊全苦苦等待左一陣,終於都有得食我地今次就揀左椰子雞煲個湯好好飲淡淡既椰子味,又帶點清甜然後就係一輪豐盛既海鮮蜆既份量好多依隻肉蟹上到黎都仲郁緊有少少膏,又幾好食活魚同蟶子都唔錯唷話說上蝦既時候,侍應仲話好生猛,所以要cum住同搵嘢責住啲蝦食落又真係幾鮮甜食完海鮮之後,個湯底吸收晒啲精華用黎食其他火鍋配料真係perfect池肥牛午餐肉同響鈴都係我打邊爐必食既配料真係無得輸仲有個手打墨魚丸,都好味另外仲嗌左菜二百幾蚊一位,又唔使加一依個價錢可以食到咁多款海鮮,都幾抵食雖然唔係任食,但款式同份量都好足夠,可以食到飽飽同滿足另外就係啲侍應都幾熱情同好傾偷聽到隔離枱係熟客仔服務幾好,價錢相宜,難怪啲人會再黎食,同埋平日夜晚都咁多人 繼續閱讀
(以上食評乃用戶個人意見 , 並不代表OpenRice之觀點。)
等級4 2019-01-09
186 瀏覽
入夜天氣微寒,好友兼街坊建議到附近的火鍋店吃晚餐~1。先選了蕃茄濃湯底,富酸甜可口的蕃茄味,加入薯仔更添飽肚感。2。自選擇八款海鮮:肉蟹,原隻肉蟹肥大多肉,充滿鮮味; 活魚,魚香撲鼻,肉質嫩滑,盡索番茄湯底香味,更能提鮮; 貝類x2,肉爽清甜~鮑魚,份量十足,鮮爽彈牙,肥美鮮甜,矜貴味美~蠔,數量頗多,飽脹肥美,柔嫩有致,濃厚的蠔味混着海水的鹹味,鮮味十足!海蝦,新鮮生猛,肉爽彈牙,厚肉鮮甜,鮮香味十足,滋味滿瀉,必點!金刀貝,份量十足,新鮮味美~3。自選六款配料:西班牙梅頭肉,爽口結實,油脂分佈均勻,肉香油香四溢,肉味濃郁,齒頰留香~美國肥牛,色澤紅潤,肥瘦均勻,肉質軟腍,牛味濃厚,簡單加點醬油,風味甚佳~手打墨魚丸,圓潤彈牙,混合墨魚粒豐富口感,鮮香的墨魚味在口中化開,啖啖滋味!娃娃菜,菜爽鮮甜; 花膠仔,彈牙爽口,骨膠原豐富; 蒸雞件,雞肉肥美嫩滑。4。吃過海鮮肉類後,店員將豬油渣及脆米泡飯加入湯底:飯粒酥脆可口,非常入味,盡收豬油及海鮮香味,濃郁惹味! 只需$200/位(沒加一),便可飽嘗海鮮肉類火鍋,最後以特色脆米泡飯作結,性價比高~ 繼續閱讀
(以上食評乃用戶個人意見 , 並不代表OpenRice之觀點。)
等級4 2019-01-01
423 瀏覽
最近天氣凍左咁多,又係去打邊爐既好日子,今日就同老婆去左長沙灣淥一淥暖身先大大個招牌,主打海鮮火鍋海鮮選擇頗多,鮑魚,蟹,蝦等等一應俱全諗起都興奮為左可以食到新鮮海鮮,所以早左到,現場仲未好多人,坐位好寬敞湯底到啦,好足料呀,超多蕃茄,好濃郁既味道緊貼住既係油蜆,沙白同肉蟹2款貝類都漲卜卜的,肉厚無沙,鮮甜十足蟹鉗很大隻啖啖肉,勁正呀!!煮完大量既貝同蟹後,湯底更加鮮甜,忍唔住要飲返碗先《扇貝,貴妃蚌,鮑魚,帶子》其他海鮮都非常高質,見到都開心重點係全部癡殼的,新鮮保證最喜愛扇貝,厚肉兼彈牙《流浮山蠔》睇落細細粒,但蠔味極濃,而且唔腥,強呀《西班牙豬梅肉》《美國肥牛》食完海鮮就到2款肉類啦,估唔到主打海鮮或肉類質素都幾高,肉味很濃,特別肥牛,很稔最後係一d基本火鍋配料好飽一人200蚊,真係超抵食 繼續閱讀
(以上食評乃用戶個人意見 , 並不代表OpenRice之觀點。)
等級4 2018-12-06
1036 瀏覽
凍凍地最岩就係打邊爐,上網見到呢間好似幾吸引,粥底火鍋的話200幾蚊就有幾款海鮮同邊爐配料,雖然唔係任食,不過勝在有海鮮呀嘛!諗諗下我地幾個又想食雞,於是就轉咗個椰子文昌雞鍋黎試下!落完單好快手就陸續上菜~等咗十分鐘左右就齊料,相機食先!每張枱都貼咗煮海鮮嘅貼士,邊款要煮幾耐一目了然,唔使下下問人,可以自己慢慢炮製個海鮮鍋啦~文昌雞上面兜青檸係畀你唧落豉油度。呢度大概係半隻雞,望落去個樣都好靚好新鮮咁,我地食咗海鮮先放落去煮,吸晒又鮮又甜嘅湯底,睇啲雞皮就知隻雞好fit😂雞皮唔會油淋淋,冇過多嘅脂肪,好爽皮。而雞肉食落就好有雞味,唔係得陣冰鮮味,加上keep住煮都唔會好老,肉質仲好有彈性,是文昌雞無誤!海鮮蜆殼類有分花甲同沙白,但我估呢個係沙白,花甲就扁身啲。放落湯底之後好快就食得,今次啲沙白非常新鮮,因為全部都開晒口,食落清甜無沙。扇貝同大蚌啲肉好大粒好飽滿,兩隻味道分別唔太大,都係鮮甜爽口,不過大蚌就多啲肉食😂知道佢係肉蟹就冇期望好多膏,但估唔到肉質係咁鮮甜架!!特別係中間蟹身部份,雖然食落係麻煩啲,但實在太好味,所以我花咗好多時間去食蟹,甜到連啖湯都覺得特別濃咗,推薦愛蟹之人試試佢!生猛到要用蓋cum住嘅蝦,店員放低嘅時候仲提我地小心彈出黎,搞到勁驚😂極速用一秒掉落煲度滾,真係差啲就彈出黎,果然係新鮮~勁多蠔。。。心諗如果係粥底火鍋呢煲就係蠔仔粥了。西班牙梅頭肉其他配料前面食咗勁多海鮮,所以都冇再嗌好多肉食,凈係嗌咗款西班牙海頭肉同埋少少其他料。估唔到係咁飽,一餐食到咁多海鮮都好滿足!! 繼續閱讀
(以上食評乃用戶個人意見 , 並不代表OpenRice之觀點。)
等級4 2018-11-28
1004 瀏覽
朋友好鍾意打邊爐,成日揾唔同既餐廳試,今日食到去長沙灣。由於趕唔切食6點半果長,BOOK 左8點半,但可能FULL BOOKING,未到8點半真係唔入得。睇住餐牌,好特別,有指定既選擇方式。未入座時已經諗好。餐廳用左好多以前既一D食具,保留左以前打邊爐既特式仲有好多調味料可以選擇,但我覺得原味已經足夠,食物夠鮮味我地叫左椰子文昌湯底,都幾特別,第一次用椰子湯底打邊爐餐廳仲有INSTRUCTION 同計時器俾我地用,跟住個時間煲好D雞,真係好滑,唔錯,配埋海南桔仔汁就更加鮮味仲以化解雞既油膩感。雞肉SIZE切得岩岩好,件件都好多肉我地仲叫左鮑魚,肉蟹同活蝦,全部都仲郁緊,D 蝦仲想跳出黎咁好似有少少殘忍,正所謂君子遠炮廚,但又真係好新鮮,肉質都唔同D跟住佢既時間咁煮,熟得黎又唔會太老不得不影,好大舊肉,正當然仲有好多嘢食呢個烚下烚下既價錢都算合理,唯一無咁好既係洗手間唔夠大,唔太舒服 繼續閱讀
(以上食評乃用戶個人意見 , 並不代表OpenRice之觀點。)