六両三 (已結業)

六兩三，食到台灣家庭既味道，體驗到細心既服務及認真對待食物既態度黎左六兩三三次，兩次食麵，一次食飯每次都好欣賞佢地既食物，湯麵食完吾會覺得口渴，牛肉軟淋香味足店家非常細心，不但每台都放上一盒紙巾更附上橡筋比長髮既客人扎起對呢種細心印象深刻湯底無味精，食完吾會口渴麵條有趙口，吾會話淋曬甘，非常喜歡牛肉淋身、入味，味道不俗單點兩碟小菜，不過不失百頁豆腐熱辣辣上台，雖然同係台灣食到既味道重有一段距離但都尚算ok啦

我在開飯網見到了尖沙咀這家台灣餐廳很多好平，價錢也算合理，就決定試一試。現在也有很多人在排隊喔，但等待時間就不算太長。餐廳的格局有一點古色古香的裝修。餐廳裡的菜式不算太多，只有牛肉麵，少量飯量和小食。所以我們當然要叫一下它最皇牌的牛肉麵嚕。這裡比較特別的是桌上有橡皮筋可以給女士們扎頭髮，也挺貼心的。我們分別叫了三樣東西，川味紅燒牛肉麵，蔥油撈麵，還有滷豬腳。牛肉麵的湯底很濃的牛肉麵，有一點微辣，但我覺得沒太大的紅燒味道，所以我自己是不太喜歡湯底的味道。牛肉就很鬆軟，挺好吃的。麵方面的選擇了粗麵，挺彈牙的。至於蔥油撈麵方面，蔥油是比較少，味道是比較淡喔，如果味道濃一點會較好。然後我們是選擇了幼麵，其實質感跟粗麵差不多，也是挺彈牙的，但就是味道不夠。小食方面，滷豬腳反而有一點驚喜，是挺入味的，吃完感覺充滿骨膠原的感覺。總括而言，我覺得這家小店的價錢算合理吧，但味道就只是一般，沒有想像中那麼好吃。如果大家想試的話就不建議吃蔥油撈麵嚕！

係尖沙咀食拉麵就食得多，今次想試下台灣牛肉麵。網上一search，就推薦左我入呢間麵店，抱住一試無妨的心態，當日叫了一碗紅燒牛肉麵($75)和紅燒牛筋麵($80)，再點左一個滷肉飯($28)同埋溏心蛋($16)。兩碗紅燒牛肉的湯底都是一樣，比起一般的台灣牛肉麵，這店的湯底較淡，食晒成碗麵都唔會口渴，而且有牛骨味，湯底都是真材實料。牛肉是牛展肉，入口鬆軟，而且帶油香。而牛筋比坊間更軟，湯底入味。麵質方面，兩碗都選擇左粗麵，食落粗度似烏冬左右，但更有麵粉味，幾有質感。滷肉飯既滷肉有D似東坡肉既質感，食得入口即溶，配埋個甜甜地既汁，送飯一流。溏心蛋做到流心既效果，蛋外滷得入味，咸甜交融，配麵或飯食都幾正。如果有要批評的地方就可能是店內位置太小，但以這個價錢食到高質素的食物都算值得了。

今日係公司既last day,同最要好既同事相約一齊去食最後一餐。平時食黎食去都係港式飯盒，最後一餐決定行遠少少。門口都幾復古下，陣陣既傳統古早味。入面都陣陣書卷味，其實幾岩文青黎打下卡。等我試試係咪咁古早味先。個小食我點咗糖心蛋，熟度岩岩好，唔會overbooked,醬油味甜甜地好吃哦最令人驚喜係個台式醃青瓜，食落脆脆地，唔會過酸，酸既來源係檸檬🍋仲係有少少蒜香味，酸酸甜甜幾可取，大碟d都清得曬。紅燒牛肉面:重頭戲黎喇，牛肉係用咗牛鍵既部分，燉煮得好林入口即化，個湯既基式係牛骨湯同豆瓣醬，麵條我選咗粗面，食落有彈性，惹味令人一口接一口。同事都叫咗炸醬麵，佢話都可以，但我個牛肉麵對比下好食過了。另外我地都叫咗冬瓜茶唔甜又解渴如果價錢可以平少少就好了，但一次半次可以一試，唔會失望既。

六両三的名字很有武俠片的味道，小店位於尖沙咀宜昌街，短短的一條小街，介乎亞士厘道及漢口道之間，襯上古色古香的裝修，真的很有味道。小店提供牛肉麵滷肉飯及一點小食，似乎很合年輕人口胃，客人亦以年輕人為主。古法烏梅汁烏梅其實是製作酸梅湯的主要材料，所以味道與酸梅湯很近似，當然味道比較簡單。古法烏梅汁黑漆漆的，顏色對板，味道亦酸中帶微甜，開胃解喝。燙青菜+滷肉油麥菜雖然放在小小的細碗內，但份量很多，十分青綠爽脆，將油麥菜浸入牛肉麵湯內更是入味。川味紅燒三寶牛肉麵 川味牛肉麵湯底略帶微辣，顏色清澈未算很深，飲到牛骨熬製湯味。紅燒三寶有牛展、牛肋條及牛筋，全部炆得腍滑，入口即溶。麵條可揀粗麵或幼麵，粗麵質感很像烏冬，煙韌彈牙。

最近尖沙咀開咗間新嘅台灣餐廳，主打食台灣牛肉麵嘅，今日就叫埋我同事一齊過嚟試，我哋又係趁兩鐘呢啲時間冇咁多人去食，好彩唔使排隊，即刻有得坐嘢食嘅選擇唔算多，餐廳應該集中主打係做台灣牛肉麵架，我見到張紙上面有幾個好熟悉嘅字眼有牛腩、牛筋。我哋就叫左兩碗半筋半腩啦，不過一個要粗面一個要幼面，等左一陣間先有得食，我諗佢應該好認真咁煮個面廚房係開放式設計嘅基本上你可以見到個廚師點樣煮面,廚師都幾靚仔，我仲見到個廚房上面有個磅，唔知道同餐廳叫六兩三有冇關係呢，會唔會每碗麵都係比六兩三咁多面呢。終於有得食，睇落去個湯底好似幾好，賣相來講我覺得都唔錯，然後我不左一啖湯來飲，果然啲湯都係好足料，我個面煮得恰到好處，但係最主要都係啲牛筋牛腩，如果比呢個價錢喺呢度食個牛肉麵其實同茶木差唔多，但係我覺得呢啲餐廳比較地道，同埋我真係覺得佢好食過出邊啲餐廳。

唔知大家係咪好似我，我簡唔中就會好懷念去台灣，但無錢又無假情況下，我只可以係香港食台灣嘢回味一下。哈哈！不過當然要揀間最具風人情嫁啦！川味紅燒三寶牛肉麵 $88三寶集合哂牛肋條、牛筋同牛展。超級豐富、而且牛展同牛肋條經過長時間炆後，食落非常淋身，一咬落去已經化開，好入味。滷水溏心蛋 $16半熟嘅流心食落有軟綿口感，蛋白仍然係香Q好入味，反之平日單食滷水會覺得好乾澀，不妨一試！百頁豆腐 $25百頁豆腐算係一種新式豆腐，食落口感好彈、好軟滑，而且食落覺得比較一般豆腐紮實綿密。想講識食真係要食呢隻豆腐。涼拌小黃瓜 $22食落好爽脆，富含水份，而且呢個價錢非常親民。酸甜爽口，作為前菜非常唔錯。冬瓜檸檬茶 $23飲造冰爽解渴又開胃，食慾即刻大增。之前去台灣都會成日叫嚟飲。🍽7/10🔎 六両三 (尖沙咀)尖沙咀宜昌街3號地下

夜晚8點多，來到這間小店，門口排住7枱客人。終於到我有坐下，看到牆上掛畫寫著沒有味精的精神。 食物可能會比較接近食材本身的原味吧？店內小小，還有一排類似日式的吧位，可以看到師傅在煮牛肉麵。一行二人點了兩個主食，兩杯飲料，一份小食。====主食類====魯肉飯忘記了拍照魯肉很少，但十分多汁，香料味濃飯粒煙韌粒粒分明。七除八扣下推薦度:3.8/5分 💖💖💖川味紅燒三寶牛肉麵先試湯底，偏淡。 香料味略略有點搶過牛肉味。味道還好。牛展牛筋牛腩全部都燉得入味鬆軟再試麵條，超Q彈，很像手作的麵條。推薦度4/5分💖💖💖💖====小食類====皮蛋豆腐有4塊皮蛋，上面鋪滿很多木魚片配上濃厚鹹香的醬汁。濃味推薦: 4/5分💖💖💖💖====飲料類====友人點的芭樂汁我們以為是鮮揸的。。。結果$20竟然是罐裝。。。不抵飲味道當然也普普通通推薦度:2/5分冬瓜茶(沒有拍照)味道是溝淡了的冬瓜糖水。冬瓜味不夠。跟台灣喝到的差很遠。推薦度:2/5分總括而言，食物算普普通通。環境算別緻漂亮，座位細小，坐得逼狹。

每次經過都有人龍。今晚經過見唔多人排隊即刻去試。首先講明我完全對台灣牛肉麵無興趣。裝修似日式拉麵店，open kitchen, 有吧枱有普通枱。有齊全部三樣既牛麵。牛肋：perfect, 林得黎還有口感牛腩：林得黎又唔散，入味牛𦟌：肋肉分佈恰到好處，入味好似係無味精，所有味道跟口感正合我口味。但每樣得兩件，唔夠喉😋。它令我喜歡了牛肉麵。烏梅汁係我非常鍾意既飲品。眼見其他飲品為罐裝，唔知係咪自家製，不過可能係一大支䤁出來。餐廳還提供橡筋圈束頭髮。我冇食過其他食物，但我認為只食牛肉麵就夠了，因為其他食物不是主打。

因為男朋友鍾意食台灣牛肉麵，所以我哋都會周圍去試牛肉麵。好耐之前喺六両三入選Openrice 最優秀尖沙咀開飯熱店已經心郁郁想去食，不過見食評話要排成半個鐘，當然要等熱潮過去先去食。難得前兩日有得準時放工，就嚟食嚕！大約六點半嚟到，小店已有八成滿位，好彩我哋早到，如果唔係，可能要排隊！我哋目標好明確-食牛肉麵，所以就算見到其他食客嘅魯肉飯好似好吸引都無改變主意。我叫咗川味紅燒牛筋牛肋條麵(粗麵)。一上枱，就即刻飲啖湯先，果然真係無味精！牛骨湯底有濃郁牛肉同淡淡嘅川辣味，一啲都唔咸，相信真係用咗天然食材！牛筋份量唔少，有成三大舊，腍得嚟仲有少少煙韌，啖啖骨膠原，口感十足！牛肋肉都唔錯，幾鬆化！粗麵同個湯底好夾，因為個麵好有咬口，又掛到湯，所以每啖麵都有牛味！男朋友就食咗川味紅燒半筋半肉麵(細麵)。相比我嘅牛肋肉，男朋友嘅牛腱仲鬆化！我試咗一片，啲筋嘅紋路好均勻，連埋啲肉，完全係入口即化！小食方面，我哋食咗皮蛋豆腐。豆腐整件上，分量十足。個汁都幾特別，有少少似日式大阪燒汁，成個配搭好好味！飲品都有驚喜，我哋叫咗冬瓜檸檬茶。個黑糖味好出，但又唔會好甜。配上檸檬好清新，完全估唔到冬瓜茶同檸檬呢

經過尖沙嘴再試一次呢間得獎台式料理小店，外面以木色裝潢為主，充滿台式小店格調。店舖面積雖然唔算太大但係一望入去就係開放式廚房，煮食過程一目瞭然。滷肉飯$28當然要試下主角滷肉飯啦！一座滷肉山堆滿係飯既上面，份量好足夠。滷肉味道滲透整碗飯，滷肉亦唔會過肥，十分惹味！個人認為滷肉飯除了滷肉外，飯粒都好重要！清楚見到粒粒分明並且飯硬度適中，唔會過軟！切豆干 $12每次去完台灣旅行總會好懷念豆干的味道，而香港並沒有太多台式小店有賣。所以可以係香港都食到台灣豆干的風味真係超開心。豆干切片，淋上熱辣辣的醬汁，送酒菜一流！醃小黃瓜$12小黃瓜的份量超多，已經足夠2-3人食用。味道酸酸辣辣，十分開胃。鹵水溏心蛋$13呢個溏心蛋同樣出色，十分推薦。溏心部分做得完美，又唔會過膩。川味紅燒半筋半肉麵 $85紅燒牛肉麵湯底加入微辣川味，風味十足。湯頭品嚐到滿滿的牛肉味道，今次挑選了半筋半肉，牛肉係非常出色，濃厚牛味，但完全唔硬。麵條則選擇幼麵，吸取湯的精華！熱冬瓜茶 &芭樂汁 $10/ each熱冬瓜茶係自家調製，帶點黑糖口味。芭樂係台灣一種地道特色水果，芭樂汁亦相當清甜，想念台灣味道的朋友不容錯過了！

前排情人節，女朋友話唔好幫襯大財團，所以就揀咗一間位置喺尖沙咀宜昌街小巷的一間台式麵店。當日大概6點9，我收咗工就去到排隊，但係嗰時已經有一條長長嘅人龍。所以我都不敢怠慢即刻去拎飛！🥵🥵遲到雖然係女生嘅專利，女朋友作為一個不折不扣事業型女性嘅代表，佢大概七點半左右就黎到啦（都係比原定時間遲左5分鐘，亦都過咗兩張枱🤫）不過見佢捧住一大個袋，從老遠嘅地鐵站跑過嚟，見面嘅時候我當然雙手放開整合來一個擁抱🤗🥰——-唔講咁多廢話，大概等多10分鐘左右我哋就可以正式入去坐低點餐食嘢。裏頭嘅裝修偏向木調，有少許偏向居酒屋的成份，或是日本屋台，頓然整個氣氛感覺截然不同🤓簡單的點餐紙正反印刷一共兩頁，我哋分別點左「川味紅燒半筋半肉麵」、「川味紅燒牛腱牛肋條麵」，以及「皮蛋豆腐」。飲品，略嫌單調所以放棄了😎✅川味紅燒半筋半肉麵：半斤半肉嘅感覺啱啱好，有好重嘅牛味✅川味紅燒牛腱牛肋條麵：牛腱同牛肋條完美地融入湯底之中✅皮蛋豆腐：皮蛋和豆腐嘅結合感覺很奧妙One more thing，傳說六両三嘅由來係因為店家用上四至五両嘅麵底，然後再加上一両多嘅肉，因而得出！🤔😃🤡（若要考究的話請大家直接問店家）—————

曾經有個茶飲店嘅老闆話過, 人地黎幫襯並不是求健康, 為了令味道更好大可以將化學味道加入飲品. 但當有一個地方喺無添加嘅製作過程下, 都提供到好美味嘅食物, 自會吸引回頭客, 喺尖沙咀海傍道隔離細街, 經過見到咁早(6點幾)就有人門口等位, OP下原來佢就係傳說中唔落味精嘅台灣牛肉麵店了.>皮蛋豆腐(HKD38)一磚林豆腐加上台式醬汁, 皮蛋雖然唔係溏心但皮蛋心味道好好, 連柴魚片一齊食, 清清地又開胃.>川味紅燒三寶牛肉麵 (HKD88)粗麵拼牛腱, 牛筋, 牛肋條, 係飽肚之選, 牛筋同牛肋條煮得非常腍身, 啖啖豐富骨膠原, 最正係牛肋條, d軟骨勁易咬而且好多肉食, 粗麵好有手工做嘅麵嘅口感, 有啲不規則嘅麵條係彈牙的.>川味紅燒牛肉麵 (HKD75)幼麵嘅口感好似食緊拉麵, 𠽌𠽌聲湯底好好味, 用牛大骨熬足三日三夜, 咁足料製作相信食開一定食得出坊間味精湯嘅分別, 完全無口喝嘅感覺, 厚切牛腱口感腍腍的, 每碗有三大件, 油麥菜係bonus, 牛肉味濃而唔肥膩. >蘋果西打 (HKD20)甜甜地嘅蘋果味梳打.

去開尖沙咀又唔係好肚餓, 記得朋友講過呢間台灣野話幾好食, 就行開睇下咩料xd 去到已經要等位, 睇落人氣都幾高, 所以就係門口等左一陣, 入面舖頭比較細, 但係裝修幾骨致, 好有風味~我地三個人都唔係好餓, 所以就叫小食多d, 叫左一個牛肉麵, 滷肉飯, 牛三寶拼盤, 一份豬腳, 糖心蛋同埋台式泡菜!~朋友仲要左一罐沙示, 話係童年回憶咁話喎牛三寶拼盤每樣都大大件, 我最鐘意牛助條, 因為肉質最好, 而且牛味好濃!! 而牛肉麵就係用番牛腱, 可以揀粗麵/幼麵, 我地就揀左粗麵, 餐牌上面話湯底係全天然無加味精, 我地食完又真係無覺得口乾!滷肉飯都好食, 加埋上面幾件羅白真係好有台灣既味道講下其他小食, 糖心蛋唔錯, 泡菜酸酸辣辣好開胃! 係台灣臭豆腐隔黎既泡菜既味道! 又豬腳都幾大份, 有成4-5件, 炆得好淋, 好多骨膠原, 岩晒女仔食!

台式嘢食同飲品真係好食又食極唔厭無得成日飛台灣，咁就唯有lunch過個海食台灣嘢，當自己飛左轉台灣啦依個設計又有少少似日本拉麵店咁一入鋪頭就有陣好濃既牛肉麵味好香會提供埋橡巾，又幾貼心喔依間鋪想人出街食都食到好食既嘢之餘，仲可以食得健康希望佢地可以堅持住依個原則左：冬瓜茶 $10右：薑母茶 $15肉躁飯係我最愛滷肉飯 $28$30唔使有大大碗飯係香港食嚟講，都算係咁啦除左面頭既肉躁外，個底都有好多滷肉汁撈飯食好惹味滷水溏心蛋 $13 川味紅燒三寶牛肉麵 $88最有驚喜既一樣嘢有好多牛肉麵都會有陣我唔鐘意既藥材味/香料味但依個完全無仲係川味，所以辣辣地，令個湯底更惹味三寶入面，我就最鐘意牛筋口感都味道都正滷豬腳 $48我好鐘意個滷水汁個味啱啱好埋單每人一百蚊左右，都幾抵食