六両三 (已結業)

性價比好高同系尖沙咀一間好抵嘅台灣菜佢招牌就緊系牛肉麵啦 佢個湯底超濃係冇落味精 有小小辣 佢裡面有牛筋牛𦟌 佢啲好系好淋 牛筋雖然淋但佢都有一定嘅彈性10分唔錯 佢有得揀粗麵同埋幼面 我就揀咗粗麵佢啲面係超彈牙 因為我見到佢係有個磅磅着幾多分量 跟住佢個滷肉飯 份量雖然唔多但都一樣好好食佢啲滷肉好淋 啲汁好濃 因為佢份量唔多所以如果你大食一個人都可以食晒一碗牛肉麵同埋個飯 或者如果你同我一樣都係咁細食嘅話係一個滷肉飯就OK啦 另外我都叫咗兩個小菜一個係台式泡菜另一個係青瓜 台式泡菜我就第一次試佢味道好似平時喺酒樓食頭盤嗰啲味咁 酸酸地甜甜地但係佢甜嘅比較多 而青瓜其實佢個味同泡菜一樣只不過佢換左做青瓜嘢飲我就叫咗凍嘅冬瓜茶同埋薑母茶 佢個冬瓜茶係超好飲第一啖你會覺得甜 但係佢甜嘅味道唔會留係個口裏面嘅 所以佢個味道都好特別同埋唔太甜 薑母茶薑味超重我就覺得有少少辣 但係如果你係鍾意薑味嘅話你就一定會好鍾意

川味紅燒牛肉麵 $75 & 川味紅燒牛筋麵 $80第一啖當然係試咗個湯先，湯底濃郁之餘飲左都唔會覺得口乾👍真材實料絕非味精湯😆😆😆紅燒牛肉亦好入味，肉質軟腍🖒 但我最鍾意食嘅嘢都係牛筋，好似入口即溶咁樣😍😍軟淋淋滑捋捋正呀!!!!! 我哋兩碗都揀咗粗麵，鍾意佢比較煙韌有口感🍲滷肉飯 $28食台灣嘢又點少得滷肉飯喎!! 雖然只係賣28蚊但係佢一啲都唔細碗😎 飯嘅軟硬度亦適中滷肉滷得入口即化，滷汁夠多而且鹹香夠味😋😋檸檬冬瓜茶 $13炎炎夏日飲返佢真係透心涼🍹

唔想排隊，5點幾6點已經去到餐廳，有位🌟推介🌟川味紅燒牛肉麵（$75）有粗麵幼麵選擇，我選擇左粗麵，而佢主打無味精湯更加想試！湯望落真係比出面既清，但味道竟然都做到好濃味，再帶小小辣🥰而且牛肉入味，肉質幾嫩，另外麵既口感都唔錯，推介！阿宏蔥油伴麵（$45）👍🏻一樣出色，唔會死咸，蔥油既份量岩岩好撈哂成碗麵，啖啖麵有濃厚既汁包住，而麵算幾有咬口！🥰小食：皮蛋豆腐💓（$38）推介豆腐唔會太軟，食起來唔會散哂，醬汁其實比較咸，所以點小小都夠，整體覺得幾好味，清新👍🏻

呢間台灣菜因爲朋友的推薦，其實已經放左係我bookmark list一段時間，今日經過尖沙咀終於都有時間食到佢啦！星期四晚上7點左右已經有十個人左右係門口排緊隊，我地等左半個鐘左右就入到去。見到周圍的人都係食緊牛肉湯麵，即刻跟人叫。川味紅燒三寶牛肉麵（$88）麵質可以揀粗麵/幼麵，因為我地叫兩碗麵，三寶麵就揀左粗麵，另一碗就揀左幼麵。牛肉湯麵話就話係川味，但其實辣味唔會好重，最欣賞佢係冇咩藥材味，我最驚食牛肉麵湯底有藥材味。三寶：牛腱、牛筋、牛肋條，最鍾意係牛腱，厚厚又大塊的牛腱炆得好淋好入味，肉同薄薄的脂肪間住，食落口唔會覺得好油膩！牛筋就係骨膠原之選，淋得黎仲有少少彈性！川味紅燒半筋半肉牛肉麵（$75）呢個同三寶麵唔同既就係少左牛肋條，湯底其實都係一樣，大家可以因應自己鍾意食既牛部位去揀。加埋隻流心蛋（$16），今餐勁滿足呀！

好彩我哋都算早嚟食，因為早少少冇咁長龍，我哋食完之後走時見到門口排長龍。值得一讃，門口貼左張「歡迎導盲犬進入」，即刻加分！！良心餐廳。另外餐廳好貼心，係枱度竟然放咗比女仔用紮頭髮嘅橡筋，等d長頭髮女士們食嘅時候唔使咁喱咁hea。媽咪叫咗一碗紅燒牛肉麵，大大碗，秘製牛肉好味好香，必食！！我叫另一碗紅燒三寶牛肉麵，有晒所有材料，啱哂三心兩意貪心嘅我，牛腱，牛肋條，牛筋，有齊哂，必食，大大份！！牛腱好味，粗麵夠彈牙。仲叫咗台灣餐廳好興嘅油麥菜，好爽口。價錢抵，質素高，份量多，全部都好好味，食唔停口，值得推介！！

今晚行經六両三附近，心思思又帶另一位朋友嚟食多一次，因為佢哋嘅紅燒牛肉麵仍然係念念不忘😍行完街又熱又口渴，即刻叫嘢飲，朋友揀咗芭樂汁而我就揀咗檸檬冬瓜茶，貪佢可以美白皮膚😉草山炸醬麵個面睇落好似平平無奇，其實所有嘅醬汁材料都係晒底，撈勻之後就食得，麵質非常彈牙，而且炸醬好惹味。甜不辣呢個算係台灣嘅地道風味小吃，質感有啲似炸魚旦，質感好Q好軟，再加埋甜甜嘅醬汁！I like it👍🏻滷水糖心蛋+川味紅燒牛筋條麵呢個我覺得同個湯麵簡直係絕配！糖心蛋滷得好入味，而且蛋黃仲係流心既，而牛筋條筋同肉比例均勻，火候十足，麵質彈牙，湯底濃郁，依然係我嘅最愛之選！兩個人食到飽飽埋單只係$206，平到笑！

經過門口，畀個裝修吸引咗，就入咗去！一入到去，覺得自已番番九份魚丸呀伯🤣🤣好有古早台灣味！一坐低，見到好貼心嘅嘢，有橡筋提供牛肉麵: 竟然唔會過鹹！好少牛肉麵可以咁清爽！食得岀湯底有畀心機，麵煙韌，牛肉都多，唔鞋！鹵肉飯：好大驚喜！之前台灣食過一次覺得係最好味嘅鹵肉飯，係呢度食番果隻味，超懷念！應該會變咗我長期飯堂！皮蛋豆腐： 皮蛋好味，無腥味，豆腐應該係普通豆腐黎，配埋佢d醬，清清的，幾開胃！豆乾： 正正常常，醬汁應該同豆腐一樣！姜茶： 有驚喜！好重姜味，好中意！東瓜茶：正正常常，無其他地方果d咁甜！總括黎講，d嘢好古早台灣味，中意食台灣嘢嘅朋友唔好錯過！一定會再幫襯！

早前同幾個女仔去咗台灣旅行，咁啱已經一周年，大家話想見過面食吓台灣野，有人話尖沙咀呢間六兩三係好出名，所以試吓果然，嗰日星期五晚， 都真係要等位，等咗大概半個鐘先有位，最後我哋叫咗牛肉麵、肉澡青菜、肉澡飯，皮蛋豆腐同埋擔擔麵， 有一位朋友食素，佢就叫咗幾個素食黎齊野發現都幾豐富，因為份量都幾多，味道都唔錯，但又唔算非常特別，我只係覺得普普通通，不過不失不過呢度嘅環境係幾舒服，雖然唔算大，裝修比較簡單但係有風格，同朋友食飯傾吓計都唔錯㗎

阿媽話掛住台灣牛肉麵，上openrice check左有間入圍台灣牛肉麵未試過！決定試試龍與鳳.12:30左右來到啱啱好有一兩張空位，唔需要等.桌子唔算闊落，鬼叫tst寸土寸金呢？我用阿媽叫左紅燒半筋半牛麵，同埋三寶麵..本人最愛牛筋，同埋帶筋嘅牛肉，麵一上來聞到陣陣香味，牛肉有3大塊全部係厚切👍🏻！牛筋都有4條，好軟，入口即化！不過我覺得湯底唔夠辣，一開始以為川味會比較辣！麵條我揀粗麵，感覺粗麵比較筋道！阿媽三寶麵多左牛腱子肉，一樣煲的好冧食完唔會塞牙齒！小食叫左溏心蛋，同豆乾！豆乾好入味，下次如果唔好切開感覺會更好味！

店舖不大但全場爆滿，而且門口排滿人龍，我們都等了十幾分鐘才能入座。這裏主要都要台灣牛肉麵、拌麵及台式小食，款式不算多，但勝在價錢貼地。川味紅燒牛筋粗麵粗麵麵質彈牙有韌性，十分有咬口，牛筋炆至入口溶化，膠質豐富又入味，牛肉湯底充滿牛骨肉香，令帶點微辣。滷肉拌麵滷肉肥而不膩，豬肉皮炆至軟身，入口溶化，有豬肉甘味，滷肉汁加了點辣，跟拌麵十分惹味。盪青菜滷肉油麥菜完全無油，加了滷肉醬已經很夠味，滷肉不油膩。甜不辣甜中帶點辣的甜不辣，煙韌有咬口。

🔎六両三 (尖沙咀)📍尖沙咀宜昌街3號地下-好掛住台灣 間唔中都要搵d台灣菜食下止下癮🔹川味紅燒三寶牛肉麵 $88呢間嘅牛肉麵係主打，保證天然無加味精，有d選擇困難，所以直接嗌個三寶，可以一次過試哂3款，包括牛腱，牛筋和牛肋條。湯底好濃 牛煮得好淋 而且入味，麵底可選粗麵或細麵。🔹滷肉飯 $28唔好睇佢價錢咁平 一樣咁足料 係我鐘意嘅滷肉 肥瘦分明又有好多汁唔怕dry呀 另外仲可以加多一兩款小食試下🔹甜不辣 $22炸嘅甜不辣就食得多 煮嘅好似都係第一次 不過口感好似仲煙韌 配埋個汁甜甜辣辣咁都唔錯🔹百頁豆腐 $25唔知大家鐘意邊種豆腐嘅口感呢？比起滑豆腐我更喜歡硬豆腐百頁豆腐也是其中之一 醬汁和甜不辣的一樣 配豆腐也不錯座位不多 晚餐時間都要等位 不過性價比高 而且無加一收費

香港人氣牛肉麵星期五晚六點半已經去食你以為六點半好早？少年你太年輕了🤭六點半呢個時間已經全店爆滿鋪頭門口仲要已經出現人龍所以大家記得要時間去排隊店員會係你排緊隊嘅時候比定點廳紙你所以可以諗定食乜嘢等左15分鐘多啲關於我哋入去食嘢喇裏面嘅位置唔算多人多一齊食好熱鬧意想不到嘅係呢度竟然貼心到會為客人準備橡筋長頭髮嘅食客可以用橡筋綁起頭髮食牛肉麵嘅時候就可以放心咁大啖大啖咁食川味紅燒三寶牛肉麵三寶包括牛展，牛筋，牛肋條麵底亦都可以自己揀粗麵或者幼麵首先牛展非常入味大塊得來炆得好淋有少少入口即溶嘅感覺牛筋亦都炆得好淋但係林得來不失彈牙口感牛肋條相對上比較煙銀肉質口感相當唔錯至於牛骨湯底可以話係牛肉麵嘅重要靈魂無添加天然熬製嘅牛骨湯無論色香味都充滿牛味將牛肉麵嘅精髓發揮得淋漓盡致糖心蛋隻蛋好似啫喱咁蛋黃仲有少少流心嘅感覺而且整得好入味一隻入味既糖心蛋製作時間一定好耐製作技巧亦都好講功夫滷肉拌麵除咗滷肉之外，麵底亦都有滷肉汁所以撈起嚟嘅時候可以撈得好均勻而且滷肉嘅味道好香濃油脂分布亦都好平均滷豬腳一碟入面有四件鹽源仲會為你提供多一個碟放骨豬腳炆得好淋豬皮上面嘅毛亦都請得好乾淨每一啖都覺得自己吸收緊

呢間台灣餐廳夠晒正宗，由台灣人主理，食物用心製作好有heart呢！係網上見到介紹餐廳老闆堅持用天然食材唔落味精。但係牛肉麵嘅湯底就用上30公斤牛大骨及幾天時間用心熬製！未食麵前，但係見到枱上放有橡筋供女生綁起馬尾，方便食麵，就知老闆多麼細心了！讚喔！👍🏻飲番兩杯具台灣特色既飲品—冬瓜茶&冬瓜檸檬茶，夠哂解渴！川味紅燒三寶牛肉麵，全由湯底而至配料麵係牛牛牛，岩哂貪心又多心既牛控呢！當然唔少得重中之重既湯底喇！呢碗紅燒三寶牛肉麵湯底用心製作，真係有別一般既紅燒牛肉麵。湯底唔會太多油！牛筋係我至愛呢！啖啖都係豐富既骨膠原口感，軟稔中帶嚼勁，口感一流！牛腱&牛肋肉質滑嫩，也不錯喔！麵底係粗麵，麵條彈牙又帶口感，份量又充足，食完碗麵都夠哂飽！炸醬麵可選粗/幼麵，而我就揀了同牛肉麵一樣既粗麵底。粗麵更具嚼勁，我比較喜歡呢！炸醬麵既靈魂當然係炸醬別！ 呢度既炸醬麵以豆干及豆瓣醬製成，味道帶有微辣，很惹味喔！

看過眾多好評本來很期待的六両三，但卻發現味道名過其實。排了約15分鐘後被安排入座，由於店鋪面積少，我和男友需要與其他人搭檯，但可以接受。川味紅燒牛肉麵湯底完全沒有牛肉味，沒有熬過似的，且帶酸宿味，難以入口。皮蛋豆腐只是皮蛋加盒裝豆腐整成的，沒有特別。滷豬腳豬腳是很軟身離骨的那種，但完全沒有滷水的香味。冬瓜茶雖然冬瓜茶本身味道偏甜，但算是整頓飯最滿意的食物。如果你期望的是正宗的台灣菜，並不建議到六両三。

上個禮拜去PMQ食完台灣牛肉麵，突然間今日又好想食。剛剛醒起公司附近都有一間麵店，所以lunch就即刻衝左去。你咁好成日都好多人，但係我一個人去，所以即刻有位。Bar枱位置可以坐到四個人，可以睇到師傅整嘢食。可惜真係坐得唔舒服，張櫈太高，bar枱太矮，搞到我要全程烏底身食。呢間店嘅裝修以木為主，鋪頭好細，所以大家坐得比較密，都係預咗大家快食快走。講返味道，我今次買嘅係川味紅燒牛筋面，湯底一流，非常濃味，我揀咗粗面，好彈牙👍🏻 唯一美中不足嘅係，牛筋唔係好入味，不過佢都炆得好林，酸菜亦都可以自己任加。總括來講我覺得好好味，絕對有下次👍🏻