六両三 (已結業)

之前經過尖沙咀六両三，原已對它古色古香木門的店面裝潢頗感興趣，後來在網上見到有不少人推薦，而且介紹它的湯底是沒有味精，適逢今晚在附近shopping，一於試一試它的龍與鳳。由於是平日和夜晚食飯時段的關係，店外有不少人排隊等入坐，但幸好店外有張長椅給等候的人客坐著等。我們等待了大概10分鐘就有位置，等候時間不算太耐。我們各點了個川味牛肉麵，另外再點了一份百葉豆腐。等了10分鐘邊有野食，上餐速度都算快。湯底紅噹噹的，光看真的有點害怕會很辣，但真吃下去，只覺湯底非常香但辣味不重。麵條幾爽口而且口感幾滑嘟嘟，食落好過癮。牛肉都好腍身入味的。白葉豆腐口感幾得意，裏面皺皺的，但咬落去又滑滑地。

有一天晚上我朋友到尖沙咀吃飯，看到網上有人推介這間鋪頭，便來一試。我六點半左右到達，店內不是太多人的，亦不需要排隊。店員說要齊人才可入座我，我便在門外等待。之後陸續有很多人來等位，開始取票，但店員一直沒有提醒我取票也沒有安排我拿飛。只讓我在出邊等。到我們一齊的時候我再通知店員，她卻說要重新攞飛。我卻要重新等待，那為什麼之前不讓我取票？再之後我等了20多分鐘才安排入座。店內的位置不多，環境狹窄。難怪等候的時間那麼長。牛肉麵湯底偏淡，不過不失。但是匙羹竟然有一點酸縮的味道。是木匙羹，但味道強烈完全影響食慾。滷肉飯偏油，油的份量大過醬汁

慢慢慢慢慢慢！沒兩小時午飯時間不用來了。閒日午飯來，先在門口等十分鐘，合理！落單後，碗牛肉麵半小時都未黎，只得一杯凍檸樂。唔單只係我地，其他人客都冇野食，原來廚師在做外賣，呢半個中基本上沒出過餐比堂食既食客咁滯，唔怪之得門口大排長龍............半個中過後，終於有麵到，不過已餓過飢，食乜都冇味了。溫馨提示，lunch 時間得一粒中或個半中既朋友，諗都唔駛諗，野食到又要趕頭趕命咁食，食完搭的士返去都未必趕得切。

1️⃣川味紅燒半筋半肉麵HKD$85中意食辣既記得加牛骨髓！佢唔係傳統台灣牛肉麵有小小花椒的感覺 香香辣辣牛筋煮得非常腍但我中意食有咬口既呢隻太入口即溶骨膠原勁豐富牛肉肉味勁濃郁口感勁軟勁腍粗麵勁彈牙湯勁濃郁但凍左會有小小油所以要熱熱地快D食哂佢.2️⃣牛三寶拼盤HKD$88有金錢腱，牛筋，牛肋條全部都好入味但覺得熱食好食過冷盤金錢腱有少少咬口牛筋入口即溶牛肋條好鬆軟勁腍.3️⃣牛大骨清湯HKD$22好清 佢同韓國的牛骨湯唔同佢既清係真係清湯有小小牛味但唔算好出.4️⃣滷肉飯HKD$28滷肉都幾肥有油香滷得好入味滷肉汁撈飯一流但係多D滷肉汁會好D食到最後唔夠汁.

We walked passes this restaurant a few times and there are always a queue outside the restaurant. The queue moves very quickly so it’s worth waiting. We ordered the noodles in soup because it’s more it’s more popular but everything on the menu seems delicious. Braised beef and shank thick noodles($85) The soup was served at its best, steaming hot. It was rich in flavour but smooth in the mouth. It worked perfectly with the thick noodles ordered. The noodles was cooked to the point that it wasn’

聽聞係尖沙咀有間幾出名嘅台式台，抱住「台灣！我來喇！」嘅旅行心情嚟試下「六両三」。川味紅燒牛助條麵（$80）呢個好好食。個湯，應該話佢係一個醬汁，多過似一個湯，因為好黏，好濃香嘅醬油味，天氣涼涼地或者凍果陣食就非常啱啦。麵條係我鍾意果種扁寬嘅刀削麵，好適合呢個黏嘅醬汁，真真正正嘅「掛麵」。值得一試！👍👍👍滷肉飯($28)滷肉飯就一般香港食到嘅水準，雖然話正常嘅滷肉飯入面嘅肥豬肉嘅份量都算多，但香港做嘅滷肉飯入面嘅肥豬肉好大粒，大粒到有小小膩感。所以，我覺得個飯無咩得別。不過話晒係係台灣嘅常見食品，都值得嚟試一下比較下。台式泡菜（$25）「清、甜、爽、酸酸地又開胃」，😂😂完完全全中晒上面嘅味道同口感。不過$25得好醬碟，我就覺得有d貴啦，因為真係好細碟。

去到已經好多人排緊隊，好彩朋友幫我拎定飛所以好快就有得入去，裝修的確唔錯，但係就略嫌有啲逼同埋都要搭枱。叫咗個紅燒半筋半肉面，朋友就叫咗個紅燒牛肋條麵。湯底濃度適中，唔會過於油膩，牛筋同埋牛肉唔會好難咬，牛味濃郁，唯一美中不足係份量唔太多，價錢比較貴，但都值回票價。另外再追加糖心蛋，非常出色。朋友個牛肋條原來係冇骨嘅，非常之易咬，亦唔會好似出邊其他鋪的牛肉咁黐住晒啲牙。去埋單嗰陣原來AE卡可以減$20，唔錯唔錯。

我已經去過依間餐廳食好多次，即使每次要等好耐位，我都會好有耐性咁樣等，因為我好鍾意間餐廳嘅裝修，我覺得勁靚，有啲台灣感覺又有啲日本感覺，好岩feel，同埋自己都好鍾意食台灣菜，特別係台灣牛肉麵。.沒有味精的堅持，堅持係一件好難嘅事！所以今次呢就唔係同之前嗰個男朋友去啦，今次就同新男朋友去食，佢都話好食！.我哋就叫咗牛筋面，同埋牛腱牛肋條麵。牛筋就爽口彈牙非常豐富嘅膠質，聽啲老人家講話佢同豬皮性質類似，係平價嘅花膠。我就覺得湯底濃郁而冇味精，值得一讚！之後我就食埋男朋友嗰個，牛腱同牛肋條，我個人就比較喜歡食牛腱，因為肉質比較腍身，易入口。我哋有一個叫做粗麵，另一個就叫咗幼麵。粗麵個質感好似我哋食開嘅上海麵，非常有口感！

朋友去左一年日本，出發前係相約食拉麵，然而一年後返黎就決定都係去食碗麵，不過就改左牛肉麵🤪 事關之前食過覺得可以encore我地大約七點四到，係最旺嘅時間，所以要拎飛排隊，幸好唔洗等太耐，大概十五分鐘就入得川味紅燒牛肉麵（$75）牛肉食落唔會過腍同過硬，係岩岩好。而麵條方面就揀左粗麵，係較扁身，軟硬度適中。至於湯底係牛骨湯底，牛味十分濃郁，而且不油膩，重點係無味精，食得出係真材實料。阿宏葱油拌麵（$45）麵條方面揀左幼麵，食落好Q彈，而上枱時係未撈勻，然而葱油會喺底，所以一定要撈左先食，不然味道就會有出入不得不說，廚房係開放式，所以見到店員會量好重量先煮，以確保每碗麵都係一樣份量紅燒牛肋條（$80）份量幾多下，每啖都有好豐富嘅骨膠原，配上青瓜食就更fresh🥰總結係同上次食嘅水準一樣，值得一讚

之前有路过过这家台湾餐厅，从外面看感觉是一家不错的小店，于是昨天特意跑到尖沙咀来打卡这家店，结果非常失望。晚市的价格高而且食物质量很一般。牛肉面卖相不错但是味道非常普通，而且比较寡淡。卤猪脚味道偏咸而且味道十分家常，卤肉烫青菜基本没有什么味道。白饭似乎是水放的太少，非常硬还有些没有完全熟。甜不辣的口感很差，感觉像是在吃面粉团团。20元的芭乐汁上桌后发现是一罐听装饮料。整体而言性价比很低，不建议特意去吃

好早期已經見到呢間餐廳比人哋介紹得如火如荼已經好想幫襯不過一直未有機會於是今日專登約咗朋友嚟呢度食晚飯點知一食就覺得好失望！當日七點鐘嘅時候餐廳已經差唔多坐滿，我仲一心期待呢一間餐廳應該會幾好食啦。不過呢一間餐廳嘅裝修就真係麻麻地啲枱好迫好窄，同隔離嘅人好近距離，坐得唔係咁舒服由於我同我朋友都好肚餓嘅關係所以我哋每人嗌左一碗麵仲有兩個小食先講下個皮蛋豆腐好鹹好鹹皮蛋真係得好少而且又冇乜味但係個汁就咸得太誇張呀！但係冇諗到汁嘅豆腐嘅位置就好似冇味嘅豆腐一樣都唔知自己食緊乜嘢個湯青菜係油麥菜嚟嘅，呢一樣野應該都好難整得難食。佢只不過係烚完啲菜上面加少少肉粒，呢一個我都可以接受嘅面嗰度我哋就叫咗一個紅燒牛肉麵同埋紅燒半筋半肉面。真係未試過咁難食嘅面個湯底好清淡，冇味嘅，唔好見佢油琳琳咁嘅樣之後個面完全做唔到掛湯嘅效果又係好似食緊淨面一樣。啲牛肉都係無牛味嘅，仲好似用鬆肉粉打到佢好鬆軟就算啦。啲湯，面同肉完全冇融合到一齊成餐飯都唔知自己食緊啲乜嘢，完全唔明白點解咁多人幫襯我會覺得唔需要嚟排隊時囉

在網上看到店主去台灣陽明山學師 ，用30公斤牛大骨 + 72小時，落足料、俾足心機熬製湯底，全店採用天然食材，不含味精。這些資料已經令我很想去試，加上每次路過都看到有人排隊，今天終於趁沒有人排隊，入去吃個午餐。川味紅燒半筋半牛肉麵$85，一半牛筋一半牛肉，牛筋軟腍而入味，牛肉味濃而鮮甜，湯頭的牛骨味十足，果然是用真材實料熬製而成。川味紅燒三寶牛肉麵$88，內有金錢𦟌、牛筋、牛肋條，全部已經炆煮得很腍，其中以牛肋條的味道是最愛的。麵條夠粗又有嚼勁，配合牛骨湯的清甜就更佳。

見到呢度咁多好評，咁啱經過附近就去試一試。 入面間舖應該得 二百幾呎大家都坐得好迫， 只係有一個人嘅走廊位。睇返以前嗰啲貼文 ，應該係加咗價，本來個三寶牛肉麵已經 由80蚊加到88蚊。 難得過到嚟附近就試下啦。 另外見佢冇跟餐飲所以自己叫咗杯冬瓜茶。 呢個三寶麵其實湯底同埋牛肉質素都好，係好濃沃嘅牛肉味，再加上少少辣味，更加引起人嘅食慾。 飲埋個冬瓜茶清清哋就啱啱好。 不過價錢就貴咗少少囉， 埋單盛惠98。 如果細心去搵呢個價錢喺附近應該有更加多選擇。

門口成日都有條長龍，聽聞呢間台灣料理幾正宗。一到去舖頭好細，而且座位相對近，木系裝修充滿台式風味餐牌食物主打都係牛肉麵為主，小食有幾款，而且仲有少量台式飲品 價錢唔算貴。知道呢度主打牛湯底，係新鮮淆製好多個鐘，所以牛味會比較清香我就叫咗牛筋面幼面 ，黎到湯非常之香，麵比較林，湯底牛味清甜幾香，但係唔係濃湯嗰種，係清清甜甜嗰種， 帶點辣味食得出係無添加，而且牛筋分量都幾多，煮到煙煙韌韌。另外仲叫咗蔥油拌麵，蔥油夠多，食落去面比較滑口。有蔥油香味小食叫咗甜不辣及百頁豆腐，甜不辣醬汁酸酸地，而且甜不辣味道富有台式風味，好似日式魚蛋咁。百頁豆腐醬汁都係酸酸哋，食落幾開胃。尖沙咀區嚟講算係價格相宜嘅台灣料理

今日途經尖沙咀，又正值正膳時間，於是去一家我十分喜歡的台灣牛肉麵小店－六両三。喜歡它的原因是軟腍入味的牛肉和濃郁的牛骨湯底，令人恍如置身台灣，吃碗永康牛肉麵一樣。今日點了川味紅燒牛肉麵、葱油拌麵和牛三寶拼盤。川味紅燒牛肉麵不用多說，牛肉三大塊，肥瘦比例好，帶少少肥肉，入口即溶，牛肉味突出，湯底濃而不鹹，會有種想飲掉的衝動。葱油拌麵方面，葱多、醬油香，別以為無餸好dry，葱和醬油足以令人爬哂整碗拼麵，配上一碟淨叫的牛三寶拼盤，有金錢展、牛筋、牛肋條，三款牛，三種不同的口感、味道，簡直完滿到不得了。