六両三 (已結業)

阿媽話掛住台灣牛肉麵，上openrice check左有間入圍台灣牛肉麵未試過！決定試試龍與鳳.12:30左右來到啱啱好有一兩張空位，唔需要等.桌子唔算闊落，鬼叫tst寸土寸金呢？我用阿媽叫左紅燒半筋半牛麵，同埋三寶麵..本人最愛牛筋，同埋帶筋嘅牛肉，麵一上來聞到陣陣香味，牛肉有3大塊全部係厚切👍🏻！牛筋都有4條，好軟，入口即化！不過我覺得湯底唔夠辣，一開始以為川味會比較辣！麵條我揀粗麵，感覺粗麵比較筋道！阿媽三寶麵多左牛腱子肉，一樣煲的好冧食完唔會塞牙齒！小食叫左溏心蛋，同豆乾！豆乾好入味，下次如果唔好切開感覺會更好味！