八海山

營業中

休息中

一行二人在晚飯時間不太肚餓, 最好找間居酒屋來點小吃, 飲酒吹水. 人在老尖, 記得看過openrice的食評, 這家水準不差又價錢不算貴, 便來一試.先點了三款小食: 鹽漬魷魚、芥辣八爪魚及明太子沙律. 前兩者都是一般居酒屋常見的送酒小吃, 這裡做得也不錯. 後者則比較港式, 亦無甚特別. 不過以小食來說, 三款的份量都算大, 開了一枝比較平易近人的八海山(720ml), 邊吃邊喝邊談, 過多個多小時也未吃完.後來再點了雜錦串燒及海鰻壽司, 前者熱辣香口, 食得過; 後者則普通.服務方面, waitresses都笑容可掬, 但問到開瓶費時, 其中一位卻含糊其詞, 答非所問, 又沒有打算替我們問其他人, 以致我們後來要直接問經理.埋單比想像中貴, 不過一開酒就無可避免......

和老朋友來個對酒當歌的聚會,一行二人約九時半入座.環境和氣份已十分高.因有幾檯客人正高談闊論,飲得不亦樂乎.我們也開了枝1.8L的清酒.初初諗住飲唔晒可以寄酒,下次再飲.先叫了什錦刺身,有7種,用料非常新鮮,尤其是甘蝦,連我怕食的都食了2隻.刺身的伴碟是一架水車,很可愛,日本菜是食心思的,一點不錯!!試完冷品,要食Ｄ熱品暖暖身.叫了日式牛肉火煱(sukiyaki),侍應問我們在廚房煮好送出來,還是在堂面煮.當然在堂面諗住自己”拾下拾下”啦. 在堂面煮的意思是在我們面前煮.見到老板娘先用牛油起鍋,再加醬汁,然後放菜細火慢煮一會,才送上給我們自己動手.醬油湯底甜而不膩,味道剛好,不會過濃.蔬菜也有4種,但份量好似少了點,不能不提牛肉,滿滿一碟,很有肉香.”正呀”很久無食過如此好味的sukiyaki了.期間一路望住無得食,只聞到很香的醬油味,唯有飲多兩杯,到最後不知不覺整枝酒給我們清了.後話:好彩飲的是吟嚷,如是本釀做一定頭痛到暈!!

幾近一年多沒有再到八海山了, 趁星期日午餐時間, 又來開開1.8公升的清酒, 先來了燒雞腎串, 燒雞蒜頭串作下酒之物, 燒雞腎串質感爽口有彈性, 燒雞蒜頭串雞肉軟滑而蒜頭香口; 三色手卷分別有章虹魚, 吞拿魚和三交魚, 份量十足但味道一般; 池魚刺生, 池魚比想像中小, 只片出了一點肉碎, 混上蔥和調味料味道不錯, 池魚頭尾部份再來一個香炸上碟, 香脆野味; 飲了一小瓶上善如水清酒吟釀味道清爽偏向辛口, 再來一個牛肉火鍋定食暖暖胃氣, 牛肉火鍋定食份量不小, 味道討好但湯料偏濃味.悠閒的午餐後已接近下午四時, 兩口子逛逛商店, 看看日落又過了一整個下午.參考資料:三色手卷$68池魚刺生$100燒雞腎串$28燒雞蒜頭串$38牛肉火鍋定食$48日本清酒上善如水清酒吟釀1.8L $460 因餐廳代客留清酒, 這次只飲了一小瓶, 所以總數沒計算在內.

外層香脆內裡三文魚好似就快溶咁再配埋d蔥同豉油~<br />嘩~!! 實在要講句"太美味喇" *O*

中午時間叫左幾過經常點的食品, 仍保持水準, 不過雜錦剌生d蝦頭黑左dd, 另外?無池魚剌生, 改叫左池魚王剌生. 價錢好似$130, 不過得6件. 味道果然比一般池魚鮮濃~

三文魚刺身ok~ 秋刀魚刺身幾好味, 不過$160一條好貴, 食池魚好過(唔食得腥唔好叫秋刀魚呀)~ 章紅魚薄切唔錯, 幾鮮甜~ 明太子茄子係凍食o既, 唔掂, 一pat o野咁~ 日式牛肉扒唔好味, 牛肉幾乾~ 魚餅豬肉卷只係一般~ 飯後老闆送o既豆腐雪糕好香, 好立克雪糕都唔錯~

秋刀魚刺生唔錯, 加埋D彊絲同蔥都幾好味, 食完刺生之後, 會再上秋刀魚骨, 幾野味.另外試左一個刺生, 除左海膽痳痳地之外, 其他都算OK. 份量都唔細, 差D食唔晒.服務態度幾好~

試過午餐,吞拿魚深薯(應該係yam,山芋之類)飯,實在好難食,根本入唔到落口,另有個蕎麥麵反為口感幾ok下,雖然都係味道麻麻

幾個月前由一個日本朋友帶來，呢度氣氛唔錯：不太好坐的木椅；略帶陰暗的燈光；掛滿四周的菜牌；當晚的顧客有八成都係日本人，侍應都有日本女仔，加上有點兒煙霧瀰漫，都好有日式居酒屋feel。送酒小食種類很多，燒物、炸物、煮物、鍋物、魚生、壽司都一應俱全，水準亦不差，但製法不是太正宗居酒屋的，反而有少少近乎居食屋的西日式。較有特色的是魷魚麵線，將魷魚切幼條，再加麵汁撈鵪鶉蛋及山葵當soba吃，幾得意。另外有隻雞肉漢堡就夠香口，送酒最適合；魚生睇個樣似幾新鮮，但我就沒有吃過。清酒種類亦不少，由日本啤，燒酎到特級大吟釀都有，如果無心水可選與店名相同的「八海山」，味道偏甜不太澀，幾易飲。我們坐的是tatami房，由麒麟飲到醉心再到上善如水，班飲到醉醉地的日本朋友更在矮檯上唱歌，非常high。有人開公數埋單，唔使俾錢所以唔清楚消費如何，估計是百多元一位，同去魚一丁差唔多。

迎客小食- 火腿酸菜....好行喎.......又唔好食......鴨胸他他- 醬汁味道唔錯~池魚刺身- 刺身幾鮮甜, 食完仲會將個骨架拎去炸脆, 好香口, 送酒一流~日本燒汁煮五花腩- 好入味, 味道唔錯, 雖然咁大層肥膏, 但唔漏喎~牛油果軟殼蟹卷- ok~ 依樣o野無咩難度~炸露筍同心卷- 話係必食喎, 一般咋喎~醉心(細) 上善如水1.8L - 特價$360, 仲可以留酒o係舖入面~sorry, 唔記得每樣幾錢, 以上咁多埋單$9XX, 唔計支1.8L上善如水, 其實係around $500~ (加一嘛)總結: 食物唔錯, 難怪咁多日本人去~ (加上老闆娘係日本人) 服務都唔錯~ 環境就似港式日本菜館囉~