八海山

營業中

休息中

幾個月前由一個日本朋友帶來，呢度氣氛唔錯：不太好坐的木椅；略帶陰暗的燈光；掛滿四周的菜牌；當晚的顧客有八成都係日本人，侍應都有日本女仔，加上有點兒煙霧瀰漫，都好有日式居酒屋feel。送酒小食種類很多，燒物、炸物、煮物、鍋物、魚生、壽司都一應俱全，水準亦不差，但製法不是太正宗居酒屋的，反而有少少近乎居食屋的西日式。較有特色的是魷魚麵線，將魷魚切幼條，再加麵汁撈鵪鶉蛋及山葵當soba吃，幾得意。另外有隻雞肉漢堡就夠香口，送酒最適合；魚生睇個樣似幾新鮮，但我就沒有吃過。清酒種類亦不少，由日本啤，燒酎到特級大吟釀都有，如果無心水可選與店名相同的「八海山」，味道偏甜不太澀，幾易飲。我們坐的是tatami房，由麒麟飲到醉心再到上善如水，班飲到醉醉地的日本朋友更在矮檯上唱歌，非常high。有人開公數埋單，唔使俾錢所以唔清楚消費如何，估計是百多元一位，同去魚一丁差唔多。