八幡屋日本料理 (已結業)

兆萬係放題既集中地，黎到見到咁多間，都唔知揀邊間好。 上網碌一碌，見到八幡屋好似幾抵食，就不如試下           七點上到去，都滿哂人，得返多人卡位reserve左，所以未有人住。而大型卡位裝修到好有日式風格，又幾靚第一round刺身，三文魚切得厚身，甜蝦爽口，整體新鮮。天婦羅叫左蕃薯，南瓜仲有大蝦 粉漿有少少厚，不過可以接受 蕃薯同南瓜呢啲蔬菜，都好甜 蝦既肉質仲保持到彈性而將軍沙律原來就係加左隻生蛋撈沙律 見到好多次，今次第一次食，長知識了，而用蛋漿做沙律醬汁味道又幾夾燒物係我最推薦 燒魷魚雖然唔係一大條，但一啖食得哂都幾有快感 而且加上燒汁，燒得好香又有淡淡甜味                      而芝士燒蠔就脹卜卜 入面係蠔汁，外面係沙律醬黃金大蝦船就係搭配沙律醬 酸酸甜甜幾惹味而鯖魚係意料之外既驚喜 肉汁完全無流失，魚肉仲好軟 鹽味剛好的說另外仲叫左少少壽司飽住個肚 飯唔會太大舊，比例正常 上面既主角鰻魚配返燒鰻魚汁，又係一個無得輸既配搭甜品有細細粒糯米滋，又有泡芺 泡芺入面既CREAM質感輕盈又順滑，超正!而且一啖一個，唔會太有罪惡感

呢間放題係我同朋友行街時，有人派宣傳單張發掘到，見價錢相宜，又有我地鍾意既日式燒物，就上去食下。入到去餐廳已經坐滿晒人，我地等左大概15分鐘先有位，職員預先問我地會唔會加50蚊升級就可以食到多款特別既刺身燒物，我地見現場咁多客人，又既然黎到，就同意升級了。雖然有好多客人坐滿，但位置都好寬闊，唔會好逼夾，枱面放住一疊落單紙，當然，我地先向升級食物埋手先啦！我食完覺得火灸柚子和牛壽司好值得推介，和牛表面燒到小小焦香，入口濃厚和牛味道，保留到點點生肉既嫩滑。 而珍寶帶子同赤蝦刺身絕不欺場，帶子大隻新鮮又夠甜，蝦刺身又係好大隻，我分幾次先食得晒一隻蝦，如果食多兩三隻，我諗好快就飽，所以我都忍忍口。生蠔就大大隻，爽甜冰涼，我覺得升級最抵就係可以食到咁多貴價野，值回票價。 汁燒豚小排，炭燒羊架同椒鹽炸蟹仔都同樣出色，豚小排同羊架都燒得十分香，肉汁又夠多，而蟹仔又夠脆口，炸粉適量，唔會食完成口炸粉。 另外，日式蒸蛋都好有蛋香又夠滑，細細碗夠精緻！食完升級食物我地就點番d普通燒物，我地食左好多次燒雞翼，翠玉瓜，多春魚，呢幾樣我覺得燒得最好味，烤得夠香，朋友傾偈當小食最適合不過！刺身我地都有點三文魚，鮑

個人對放題不嬲都無咩興趣，但因為朋友生日，約咗去八幡屋慶祝!!朋友係八幡屋常客，品質應該有保證吧…好，就等我去試下!我地BOOK左8點，7:45去到餐廳都好爆場，等咗15分鐘倒就可入坐。我地加咗$50升級無限任食各款出面放題較小有嘅貴價食材!先來生蠔，生蠔喺廚房已經拆咗殼，連埋佢地秘製嘅醋汁一齊食，非常醒胃，蠔味好濃，淨係食蠔，都值回票價!另外，因為有朋友唔食生蠔，我地亦柯打咗芝士焗蠔，上枱時熱辣辣，是即叫即焗的!芝士焗蠔份量十足，蠔肉亦十分鮮甜，加上咸香嘅次芝士，食落好有層次。油甘魚剌生、珍寶帶子刺身同埋手掌咁大嘅赤蝦刺身!真係好希驚喜!!!!加$50就可以食到咁高質嘅刺身?!出面是但食其中一款都唔止$50啦!仲要份量十足，刺身亦十分新鮮!另一必食推介就係燒味淋河豚干!可能因為即叫即燒，所以等候時間比較耐，但份量十足，熱辣辣，食落香帶甜，當小食一路吹水一路食一流~而加河豚干亦屬高級食材，好少係放題食到。凍稻庭烏冬餐廳係用稻庭烏冬，食落更有口感，我叫咗個凍稻庭烏冬同日式溫泉蛋，加埋一齊就成為日式溫泉蛋凍烏冬!甜品嘅款式亦非常多!但最驚喜就係焦糖菠蘿!新鮮菠蘿上加上糖，再燒至微焦! 焦糖

總評：明明寫著7：30前埋單有折，但店家又不守信用，實在很糟，應該不會來了餐點口味還算可以接受生魚片吃的出來是冷凍的，肉質中能感到水份的凍味，燒烤的鯖魚肉還算好吃、蝦子也滿大的，可惜有隻蝦不新鮮（點了五隻）

叫左既野等好耐都未有， 得刺身較快， 其他熟食等好耐， 係就係比你食到1500, 但中間等咁耐， 真係唔抵囉， 唔怪之得中午咁少人， 總之唔會再黎， 係食過咁多間午市放題最差一間

其實旺角食肆林立選擇太多， 往往諗食咩菜式都頭痛，所以食放題係比較好。因為放題選擇多， 款式又可以根據個人口味點菜。最重要係一個價錢可以試到不同佳餚美食 。 經朋友介紹話八幡日本料理唔錯， 所以同朋友一齊品嚐。 入到餐廳環境和空間都較寬躺唔會有侷促嘅感覺，可以同朋友好好食一餐飯。 放題餐牌有分升級版本， 加50蚊就可以試到10款比較優質的食品我地都覺得價錢公道！ 揀咗升級當然要點哂咩都要試！先黎珍寶帶子刺身，珍實果然係比普通嘅帶子較大， 入口味道同樣鮮甜，外表色澤光鮮。而赤蝦刺身體積有一隻手指咁長咁大，入口肉質不但爽口而且亦十分甜美，同普通細細隻甜蝦刺身完全唔同，口感十足。生蠔上台用匙羹盛裝加上醬汁可以一啖一隻，生蠔飽滿，肥美鮮甜。然後是火焰柚子和牛壽司， 呢個菜真係最愛！牛肉經過火焰燒到半生熟， 和牛入口即溶冇渣，牛味又濃，我地持續encore左4次，好彩係任食。椒鹽炸蟹仔表面又脆又香， 最岩係送酒一流，朋友傾偈時食最岩。 燒汁豚小排， 燒完後肉汁保留到所以好好食，呢個都好惹味，我地又encore啦！除咗食升級菜單外， 其他刺身都要一試 ， 基本刺身都好新鮮如果鍾意食牛可以試吓蒜片牛

與大胃王朋友飯聚，最好就是任飲任食。以前曾光顧過八幡屋日本料理，今晚一於再encore。刺身頭盤刺身當然走唔甩！點了三文魚刺身、有頭甜蝦刺身、榮螺片刺身、虎蝦刺身、馬刀貝刺身、黑烏貝，質素不錯，每款都算新鮮。升級體驗另外，我們亦加了錢，享用升級體驗。點了赤蝦刺身、汁燒豚小排及日式蒸蛋。赤蝦刺身：超級大隻，肉質偏腍，帶微甜，不過個人還是喜歡吃細隻的有頭甜蝦刺身，貪其口感較爽口。燒味淋河豚乾：令人不斷encore的小食。河豚乾肉質實淨，嚼落有韌度，而且愈嚼愈香，至於旁邊的沙律醬則可有可無。日式蒸蛋：蒸蛋滑嫩無比，加入冬菇後，更添菇香。壽司只點了幾款壽司，包括鰻魚壽司、火灸柚子和牛壽司、玻璃蝦壽司及軟殼蟹手卷，飯粒黏糯，質素未有下跌。前菜中華沙律及蟹籽沙律，穩陣之選。燒物汁燒翠玉瓜：翠玉瓜燒得未算熟透，吃落雖然爽脆，但始終較「生」。菠蘿：試過不少放題店，好少會像這間一樣，面上有焦糖。酸酸的果肉配上焦糖，出奇地合襯。燒日本蕃薯仔：燒日本蕃薯仔每次去吃放題的必點燒物，非蕃薯仔莫屬。香甜軟糯，一粒一口，令人不知不覺吃了很多。鹽燒虎蝦： 是我其中一款至愛。由於蝦面撒有少少鹽去燒，吃落咸香鮮美，肉質爽

近期，身邊好友、同事，喜事連連，BeautySearch 接連收到『紅色炸彈』，最強的炸彈更將在四季爆發...... 為了他們的好事，BeautySearch 不得不節儉起來。但饞嘴的 BeautySearch，經過一天辛勞的工作後，忽然又很想以食物來填補心靈的缺口，於是，便與好友來到旺角《八幡屋日本料理》享用放題。為何選這裡，因為這兒是小資女的樂園喔！ 雖然窮困，但也選了加 HK$50 享用升級放題，因為升級放題有更多高級食材製作的食物可選，而 BeautySearch 喜愛的食物，多半也是來自升級放題的。 這個「火炙柚子和牛壽司」就是其中一款，和牛鮮嫩幼滑，經輕烤過，充滿油脂，牛味更為濃郁。 這「炭燒紐西蘭羊架」上桌時的賣相真的不太吸睛，而且，可吃的肉又不多，不過，羊味濃郁，加上獨有香料配製，味道蠻不錯。 「花之戀」蠻有份量，而且三文魚的質素很不錯；「鰻魚壽司」則較薄身，肉質較為乾，而且欠缺滋味的鰻魚汁；BeautySearch 私心推介「火灸胡麻三文魚壽司」，三文魚經輕燒後，感覺半熟，吃下去充滿魚油香氣，與麻醬搭配，十分惹味。 刺身當然不可少！這次，我們點選了三文魚刺身、八爪魚

慶祝朋友生日，突登黎八幡屋日本料理食放題，見到加$50升級有生蠔食，wow好似好抵，就義不容辭升級放題吧！！一入去好多好多人，差唔多滿座，比人安排左坐近雪櫃位。朋友好口渴，見到雪櫃有好多飲品，就打開雪櫃拎飲品，就比職員叫停左，原來呢度既飲品係要落紙。（笑左朋友好耐，嘻嘻）不過，呢度太多台空間細，少左人行黎行去，都系一件好事。講左升級體驗有咩先 ^^{生蠔}生蠔大大件，每次落單都上齊，新鮮甜美，生蠔本身已經落左香醋。{赤蝦刺身}赤蝦好大隻，真系啖啖肉{珍寶帶子刺身}好大顆，忍唔住叫做好多顆{燒味淋河豚干}味道就似豬肉干，甜甜地，沒有特別燒物{黃金焗蠔}有好多水，有濃濃芝士味，焗完的蠔變得好細隻{蒜片牛柳粒}沒有蒜味，牛柳粒難咬開{鹽燒牛舌}好厚身，質感柔軟{日式味噌煮蜆}  {地獄汁煮螺}呢俩款，我好推薦。味道甜甜，地獄汁煮螺好入味，啖啖肉。每次叫都系細細碗，可以叫多幾碗，正！ 以放題來說，食物質量算好。但系上

完成係一次性價比唔高的午市放題，入來就聞到陣怪味，等仲多過食，食物質量尚可但冇驚喜畀到你，就只有兩個侍應，服務唔太主動，放點菜紙多數要叫佢，，我地等左勁奈，無奈加單都係等好耐

太耐冇食過放題，不太喜歡，因為近年實在搵唔到高水準放題。今次係陪男朋友，大學同學聚會所以來冇乜期望一來到，哇門口已人山人海，好多人等位!一行10人，安排了8人位，迫到不過見佢咁忙，都可以理解，畢業香港租太貴嘛..土地問題..刺身和壽司麻麻...不算新鮮..個八爪魚好難咬意外地溫泉蛋好食!食左2粒。燒鯖魚，炸芝士年糕，和芝士薯餅都唔錯。嗌左Qoo新出既香蕉味豆奶，伏伏地...香蕉味假可能冇乜期望，都冇失望，整體食物水般一準，勝在價錢平,一位$218(另收加一)

Restaurant is located near MK Exit E2.. Good food but the first thing you smell upon getting out of the lift is the rubbish smell.. its bearable, but wouldnt recommend if youre really a hygeinic person and would get turned off at the smell..The food seemes to be handled in a hygienic manner though, because you can see the sushi chefs preparing your food..in terms of the food quality of the sushi, its very good Lots of choices to choose from too, but the fried food tastes pukey if you eat way too

每逢有朋友想吃放題，我都會推介八幡屋~ 原因無他，任吃的生蠔跟大量甜品已經夠划算啦！不解釋！ 四~六人可以安排卡位，桌面較闊瘋狂下單也放得下 XD A-J的點菜紙提供多款選擇，這次來還發現加了一些新食品，對我這種吃過幾次的人來說確實很有驚喜！！ 飲品新加入了Qoo香蕉豆奶，清甜蕉香味不會有胞滯感蠻不錯的！朋友點的凍清酒來得很快，中途追加過幾次也沒有漏單，單是喝酒也值回票價了吧？ 升級menu 的任吃生蠔一直是我覺得最划算的部分，生蠔加上特調醬汁能去掉蠔腥味，一口吃掉夠暢快，不知不覺就把四隻生蠔都獨吞了，朋友又追加了六隻吃個夠兼大呼「抵吃！」 加錢升級的放題menu還有幾款較高級的刺身，油甘魚鮮味十足、珍寶帶子滑溜大件、巨形赤蝦把碗都佔滿了，啖啖蝦肉很爽口，令人滿足！ 升級menu上另一最愛便是汁燒豚小排，每次來吃都能保持肉質軟稔又有肉汁，以放題食物來說很高質！ 一般放題的刺身menu選擇也有12款之多，大大片三文魚長身厚切賣大包XD 啖啖肉夠過癮、吞拿魚口感實在完全無筋、劍魚腩魚脂味道濃厚甘香、馬刀貝口感爽脆仍有海水鮮味、鮑片、甜蝦各有各的鮮甜甘香，單一份刺身味道口感已經極豐富。

今日同朋友聚舊,之前聽朋友講話想食放題，但一直搵唔到咩時間去食，於是襯住黎旺角就去食下，食放題當然要去兆萬喇，所以就揀左呢間去開飯喇。一入去都令人覺得都幾大，地方俾人感覺都算寬敞。仲要望埋個街景，真係幾舒服架各種刺身呢個絕對值得讚下架，三文魚都幾肥美，感覺好鮮味，都真係好耐無食放題，感覺都真係唔錯。升級刺身升左級嘅刺身，可以任食蠔、帶子、大頭蝦等等，餐廳用酸汁拌蠔入口都算順滑，仲要任食，而且大頭蝦入口鮮甜，大大隻份量真係十足天婦羅你無睇錯呢度嘅天婦羅真係卜卜脆架，夠有晒熱，又唔會太厚粉，特別係天婦羅蝦肉質都算彈牙又脆卜卜各種壽司壽司呢度真係都算多款式，重點係連海膽壽司呢度都可以任食架，仲要每件壽司嘅海膽份量都唔小烤牛舌餐廳有提供不少嘅燒物，特別係牛舌，牛舌烤得岩岩好，肉質都算嫩而且口感厚實炸翠玉瓜食左咁多肉，緊係要食番啲菜中和下喇，翠玉瓜烤到都幾惹味下，又唔會太咸溫泉蛋呢度嘅小食仲可以唔提下呢個溫泉蛋，一隻溫泉蛋放入口或者加入烏冬再食，都可以令呢個放題更多樣化。甜品最後呢度嘅甜品都有好多選擇，就唔可以唔提焦糖菠蘿，菠蘿表面加一層焦糖，真係甜到入心，而且真係好小地方有得食。估唔到兆萬嘅放

前排同完朋友黎食，話咁快又有另位朋友生日，為左唔好咁快破產，所以今次又揀返呢間性價比出眾既放題。上次好似無講到，呢間餐廳同其他放題餐廳有少少唔同，飲品係要落紙，由店員拎比你，唔係自己隨便拎，減低顧客行嚟行去嘅機會，咁就可以輕輕鬆鬆咁坐抵同朋友慢慢傾。飲品除左汽水，仲有熱茶同清酒。生日當然要食好D，就同朋友額外升級，可以叫多啲特色料理。生蠔有半隻手大小，肥美鮮甜，值得一試！赤蝦刺身有手指公咁粗，啖啖肉，珍寶帶子則比較薄身，但仍算新鮮。燒味淋河豚干則較少餐廳有提供，味道偏向甜味，質感比魷絲更煙UN。燒物方面，鹽燒多春魚唔會煎到過火，沒有𤓓味，配上檸檬汁，效果會更佳。黃金炸蠔，蠔如其名，炸至金黃色，香口美味。汁燒魷魚仔，燒汁香味形與魷魚是良配。芝士大蝦金龍船，大蝦配上芝士味道更濃郁。佐酒小食方面， 日式味噌煮蜆，味道甜甜，而蜆清洗乾淨，沒有沙，這點很加分。地獄汁煮螺，辣味香濃，十分入味。甜品方面，除左基本既杯裝雪糕，仲有粒裝雪米滋同外形吸引既水信玄餅。每樣都是細細粒，很適合女生。整體而言，餐廳放題性價比較高，而店員亦有幫忙處理我們的問題，服務態度不錯。希望短期內唔好再有朋友生日拉>.