信州日本料理

營業中

休息中

港島西食評系列 ~關鍵詞：１個人、工作日午餐第14站：爹核士街1號店名：信州日本料理餐廳類型：日本料理提前訂座：有我在爹核士街的第２個午餐，吃我喜歡的壽司，地點是靠西環海旁的信州日本料理。提前訂座，準時到達，安排了壽司吧枱位置，點了午市壽司定食，包括以下的：#野菜沙律：份量不多，蔬菜新鮮，不錯。#日式蒸蛋：質感細滑，挺好。#壽司：手握８貫，食材新鮮，安美味排序為海膽、中拖羅、赤身、甜蝦、池魚、油甘魚、平鯖魚、魷魚。#卷物：鐵火小卷，份量不多，味道不錯。#味噌湯：鹹淡適中，不錯。#甜品：士多啤梨雪米糍，飯後一點甜，very nice！總體感覺：食材新鮮，性價比高，但坐位排得太擠，疫情下是個扣分項。

西環海旁一直成為打卡熱點， 呢間日本料理位於轉彎位置的路旁亦唔例外。地金目鯛可以話係品質最上乘嘅金目鯛，所以二話不說就嗌了一碟，地金目鯛脂肪肥厚、肉質粉嫩，而且油脂分佈均勻，魚味濃厚鮮甜，入口非常美味。Dakon大根饅頭係一度非常有心思自家製的蟹鉗小菜式， 師傅用咗白果和蘿蔔混合而成，入口煙韌， 配合鮮甜嘅芡汁， 再放上一隻大蟹鉗， 賣相非常精緻，蟹肉爽嫩彈牙。之後嘅上刺身拼盤五種分別有: 甜蝦、帆立貝、吞拿魚、真鯛和油甘魚。 店員建議我哋先由淡味開始食，真鯛肉質非常粉嫩， 甜蝦和帆立貝都係非常爽口彈牙 ，吞拿魚魚味豐富， 油甘魚嘅油脂分佈均勻肥美。Ayu鮎之山椒煮可以話係一道非常有特色嘅日本料理， 師傅利用特製醬油、 糖、酒和山椒等材料製作，鮎魚經山椒和甜醬汁煮熟後，令整條魚味道大大提升，未食過鮎魚嘅朋友可以一試。另外，必食推介係杉板紙牛舌， 師傅先選用咗牛舌芯，然後再放在燒好咗的杉木紙上，令燒出嚟嘅牛舌大有一種獨特的杉木香味道， 再配以用清酒煮成嘅醬汁點嚟食，味道更加豐富。

估唔到細細間鋪頭 ，食物質素好掂🤓🤓🤓🤓首先係安排入座，早d過嚟唔洗等位😎😎😎😎坐入面d位置可以自成一角密密斟🤗🤗🤗🤗服務員好熱情！！會細心介紹，想食刺身、海鮮、壽司咩都有⋯亦有麵⋯⋯全部海鮮都非常之新鮮並且乾淨！有d海產⋯生蠔仲帶有清新嘅海水味！超新鮮！見唔見到成隻手掌咁大啊🫣🫣🫣🫣🫣🫣仲有刺身都非常驚人地新鮮好味😋唔需要擔心唔識配搭嚟食⋯因為服務員每上一道就會企喺隔離介紹佢係咩嚟嘅，同埋應該蘸有咩醬汁應該點食⋯🤗🤗🤗

假日去西環海傍打卡時行經信州都一定會見到好爆場，估唔到今次閒日來都好熱鬧。上刺身併盤5種-overall 好新鮮，油甘魚最肥美厚切-帶子十分鮮甜，完全冇雪藏味海膽壽司-超級新鮮, 味道係海膽獨有的甜。冇木味冇chemical 味冇怪味。-份量好多滿滿的，下次一定encore😌左口魚邊壽司-十分肥美，入口即溶，魚油好香脆炸魚鱗-姐人生第一次食魚鱗，師傅刀功好好，魚鱗薄薄的一層好似半透明咁，好脆口，佐酒一流煎原條鰻魚-鰻魚通常都係蒲燒再上汁，今次第一次食煎的，完全係另一番風味。-外脆內嫩，冇加燒汁更特出鰻魚的魚味杉板紙牛舌-最有驚喜的一碟！-牛舌十分厚切淋嫩，有四大塊十分滿足-重點係個白色的味增醬，甜甜的米香再加上少少酒香同Miso 香，令已燒過的牛舌更出色

喺西環經營咗好耐嘅日本餐廳信州，呢次終於有機會去試一下啦！深海池魚薄切 $338池魚魚味較濃，鮮味十足，可以配埋紫蘇花或香蔥等配料，更能突出池魚本身嘅魚味。信州卷 $350 拖羅海膽三文魚籽，開頭以為係拖羅卷啦，點知咬落去原來係啖啖拖羅蓉入面一啲飯都無！上壽司拼盤(8件）$268包括有左口魚邊、甜蝦、帶子、赤鯥、鯛魚、油甘魚、伊佐木同吞拿魚～佢哋用嚟做壽司嘅魚生都好新鮮，左口魚邊油香四溢，口感軟滑，深海池魚肉質鮮嫩肥美，魚味好濃，而最鍾意食就係伊佐木，魚肉味道鮮甜彈牙，正好喺當造嘅月份食到，真係一食上癮。山椒魚 $160魚嘅肉質夠哂嫩滑，一啲腥味都食唔出，而山椒汁嘅辣度亦拿捏得剛剛好，夠哂惹味。大根饅頭 $120係呢度師傳自家製，由蘿蔔及白果配合做成，賣相精緻，用嚟打卡影相一流，一個大根仲配上蟹鉗，大根入口煙韌爽口，十分鮮甜，而蟹鉗嘅肉質十分鮮味，為大根多添一份鮮甜！ 煎原條鰻魚 $200燒鰻魚食得多，煎真係好少見，將魚身煎到金黃香脆，再加啲鰻魚醬同埋柚子鹽，令鰻魚味道更豐富，亦突出鰻魚嘅鮮甜。

西環街坊今次繼續介紹自已地頭有咩好食～今次到介紹打卡coffee shop轉角既呢間信州日本料理 佢地有set 仲有omakase 但今次我就試下散叫先 店員亦都有同我地推薦啲時令菜 咁我地就跟佢發辧啦～深海池魚薄切 $338本身我係幾驚食啲好重魚味嘅魚，例如係池魚，但今次呢個池魚真係幾薄切，再加埋佢係有紫蘇花同香蔥，店員話咁樣卷住食口感味道會更rich!信州卷 $350 呢個餐廳menu無既，店員話係師傅特製～小卷入面係拖羅加海膽同三文魚籽，我以為好似啲拖羅小卷咁～但一入口發現原來入面係無飯，嘩好足料入口就試到滿滿拖羅蓉煎原條鰻魚 $200浦汁燒鰻魚大家應該成日食，今次呢個香煎真係幾特別～ 同平時鰻魚唔同，佢係比較薄身無咁多肉，煎到好乾身我會覺得好似魚乾咁再點啲鰻魚醬黎食 好惹味呢～上壽司拼盤(8件）$268包括有左口魚邊、甜蝦、帶子、赤鯥、鯛魚、油甘魚、伊佐木同吞拿魚～全部既魚都好鮮，左口魚邊火灸過超重油香味，帶子肥美肉厚又係另一個推薦item! 山椒魚 $160魚肉好嫩滑，再加埋山椒汁黎食好惹味大根饅頭 $120用蘿蔔蓉同白果製成入口好綿滑清爽，上面再加個蟹鉗，賣相好可愛～

午市定食蒸蛋滑同清甜，但餡料唔多，得芹菜同冬菇沙律沙律菜都新鮮，有幾滴麻醬，味道正常麵豉湯正常發揮，唔會好鹹三重三包丼 $238有海膽吞拿魚蓉三文魚籽，新鮮好味，唔會腥，但又未至於好驚喜！本來以為係魚生刺身，下次會想試原片刺身多啲！近海濱，食完可以行出去睇下海景！

日本菜應該係香港人其中一個首選今日去咗堅尼地城海旁試一間叫信州日本料理嘅餐廳。距離地鐵站大約7-8分鐘路程，面對住堅尼地城海旁，可以睇到日落，風景好靚有靚景但食物先係重點，叫咗個開胃前菜，沖繩水雲配啲三文魚子加酸汁，酸酸鹹鹹好開胃然後係呢排大熱嘅螢光魷魚，呢款係新鮮冇經過醃製，一啲都唔鹹，配白麵豉醬食，特別食到魷魚嘅鮮味刺身就叫咗真鯛薄切，魚好新鮮，薄切加上蘿蔔酸汁，好食到停唔到口壽司叫咗富山灣百蝦同火炙左口魚邊，前者雖然細隻，但鮮味十足。後者經火炙後迫出咗啲魚油，油脂感爆燈炸雞軟骨用嚟送酒，份量好滿足重頭戲係慢煮牛脷，煮淋後再燒香，因為經過長時間慢煮，個牛脷入口近乎即化，但佢嘅油脂香留係口裏面長時間唔散去，喜歡食牛脷一定唔可以錯過串燒豬腩片肥瘦適中，調味加上少少黑胡椒特別惹味跟住叫咗個用蘿蔔蓉混合麵粉後先炸後蒸，再用高湯燴番，入口有濃濃嘅日式高湯味，口感好似食麻薯，幾特別最後一碗熱焫焫又濃味嘅魚湯作結，超滿足😋

朋友介紹今日去咗堅尼地城信州吃日本菜，餐廳位於西環海旁，出奇地睇到海景，今日早咗嚟仲睇到個日落，心情非常之愉快。回歸正傳前菜有酸汁水雲，有青瓜芝蔴三文魚籽及金箔點綴，入口爽脆，酸汁非常之開胃，其他配菜都幾高級。新鮮嘅螢光魷魚配酸麵豉醬，豉醬帶酒香，冇醃過螢光魷魚特別爽脆，不會過鹹，配菜有木魚絲拌過，十分有心思。刺身係日本真鯛魚，配蘿蔔蓉酸汁及紫蘇花，入口爽脆清甜，油份不重，適合夏天食用。火炙左口魚邊壽司，油分澎湃充滿魚油香。富山灣白蝦壽司，白蝦仲依然爽口有甜味。燒豬腩肉串，好彩經過火燒，過所以油份減半，肥豬肉位入口非常爽口。牛舌經過多功夫處理，先慢煮後燒，入口超級軟林林，充滿牛舌嘅肉香及脂肪感，最緊要有六塊，好夠食，旁邊嘅冬菇南瓜黃椒秋葵，顏色配搭非常吸引。煮物有大根饅頭，大根加木耳攪碎，先蒸後炸再煮入高湯，有菊花及毛豆點綴，整體似一個懷石料理菜色。香濃魚湯用當日嘅魚骨熬煮，所以味道非常之香濃又香，似足食完師傅發板最後上嘅湯。估唔到舖頭細細，但菜式嘅配菜上盤擺碟都做得好高級，充滿夏天氣色，完全帶出日本菜不時不食的特色，果然也是高手在民間。

西環海旁日本料理🤡·🥢柚子角切魚生丼（$178）賣相好靚😍見到都覺得新鮮🤣魚生份量多，加左柚子調味既丼飯，淡香清新·🥢燒鰻魚御膳（$148）朋友點的.試左件～無細骨不過不失😆·套餐除左主食仲包括沙律、味噌湯、茶碗蒸、雪米糍！好豐富❣️·📍信州日本料理西環堅尼地城爹核士街1號裕福大廈地下5號鋪

今日去了上環附近買海味，之後去咗西環堅尼地城一間日本餐廳「信州日本料理」食晚飯，我哋叫了：1️⃣ 深海池魚薄切 $280🐟 深海池魚 切成薄薄的一片片，肉質鮮嫩，入口魚油非常甘香，口感細膩2️⃣ 蟹膏鮑魚 $220鮑魚用慢煮方法烹調，之後配上松葉蟹膏，非常之夾，好味😋3️⃣ 上壽司拼盤 (8件) $258🍣 拼盤包括 牡丹蝦、帶子、鯛魚、左口魚邊、赤鯥、油甘魚、深海池魚、吞拿魚；每一樣食材都好新鮮，鍾意食壽司嘅朋友一定要試下4️⃣ 馬刀貝燒 (2 x $90) $180馬刀貝 大大隻，燒到剛剛好，肉質豐厚、甘甜飽滿5️⃣ 饅頭煮 $120饅頭煮 其實係由大根製成「饅頭」形狀，再加上高湯玻璃芡及蟹鉗，估唔到口感又幾特別6️⃣ 季節鮮魚湯 (2 x $58) $116🥣 鮮魚湯 用上大量白身魚製作而成，飲落去有濃厚魚味，好好飲的魚湯7️⃣ 生葵八爪魚 $50🐙 八爪魚 配上芥末及清瓜，一個開胃的小食

今日同朋友去上環買海味，之後就去咗西環食晚飯，我同朋友都想食日本菜，所以就來了「信州日本料理」試下好唔好食🥢深海池魚薄切 ($280) - 薄切夠精盈通透，魚肉鮮甜🥢生葵八爪魚 ($50) - 濃郁的芥末和鮮味八爪魚，再加上清爽的小青瓜，十分醒胃🥢上壽司拼盤 (8件) ($258) - 包括有左口魚邊、赤鯥、油甘魚、深海池魚、吞拿魚、牡丹蝦、赤貝、鯛魚左口魚邊魚油豐盈，口感軟滑，我對深海池魚的印像特別深刻，肉質鮮嫩肥美，脂厚油香，入口魚油甘香細膩，全部魚生都好新鮮🥢蟹膏鮑魚 ($220) - 是用上松葉蟹膏作為鮑魚醬伴著一起吃。把松葉蟹膏的味道和鮑魚很夾，鮑魚切片之後，再搽上松葉蟹膏，吃上口時，松葉蟹膏咸香味很突出，慢慢開始吃到鮑魚味道，鮑魚肉又很爽口，作為佐酒美食，確實是不二之選。🥢高湯雜菜🥢饅頭煮 ($120) - 是大根加了高湯、葛粉製成了饅頭的形狀，最後加上了玻璃芡🥢馬力貝燒(炒蟶子) (2 x $90) $180 - 大大條馬力貝，由師傅燒至剛熟，鮮甜美味。🥢季節鮮魚湯 (2 x $58) $116 - 用白身魚煲出來既魚湯，十分鮮甜，湯口是奶白色的，十分美味。

The lunch menu is very good deal with salad, soup, chawanmushi and dessert!! The portion is reasonable too! The service is good and the restaurant is clean and tidy although the tables are a bit crowded.

｜刺身五品｜🌟帆立貝：柚子清新嘅香味～🌟真鯛：質感清爽又鮮甜～🌟拖羅：平時我都怕食赤身，但呢件好軟腍無筋無渣～🌟油甘魚：易入口，又充滿魚油香～🌟甜蝦：都偏大隻新鮮無腥味～👍🏻｜火炙壽司二品｜🌟燒左口魚邊：滑溜溜，口腔充斥住個種魚油香超滿足～🌟燒拖羅：超級肥美，一咬融合埋壽司飯食一流～🤩｜天婦羅拼盤｜蝦有三隻，新鮮熱辣炸起，蝦肉夠爽口彈牙另外蕃薯、茄子、菇、南瓜、苦瓜各有一件，炸粉夠薄脆，材料仍然保留到鮮味同肉汁～🥳｜串燒拼盤｜🌟雞腎：爽爽哋有咬口，加椒鹽調味🌟雞軟骨：加檸檬味，清新得嚟又有嚼頭～🌟牛舌：厚肉而定燒出香味，肉汁都好～～🌟雞肉棒：必須要混合蛋汁嚟食，又有軟骨，令口感豐富🌟牛肋骨：雖然話係骨，但其實啖啖肉～唔鞋好腍滑～🌟雞翼：燒得乾身，雞皮有脆脆口感～｜三文魚魚籽冷烏冬｜魚籽晶凝通透好新鮮，咬落口卜卜聲～稻庭烏冬較幼但好爽口煙韌，混合麻醬嚟食基本上係無得輸😁

西環除咗係海邊漫步嘅好地方，更係美食雲集嘅天堂。今晚想食日本嘢，去咗海邊嘅信州日本料理。前菜係刺身拼盤，帆立貝有清新柚子香味，真鯛通透，拖羅爽口，油甘魚肥美，生蝦鮮甜。燒左口魚邊壽司油香味吸引，口感滋味。燒拖羅魚腩壽司，質感豐厚，豐富嘅魚油甘香喺口腔內遊走。天婦羅香脆出色。串燒拼盤有厚厚嘅燒牛舌，雞腎串，燒雞軟骨，燒雞翼。店員建議我們免治雞肉串點生雞蛋伴豉油，令質感更豐富。溫泉蛋魚子凍稻庭烏冬配麻醬係最後嘅彩蛋，粒粒飽滿魚子於咀嚼中爆開，烏冬煙韌彈牙，加入溫泉蛋令烏冬更有層次。餐廳服務質素非常高，店員細心，對食品十分熟悉。