信州日本料理

營業中

休息中

｜刺身五品｜🌟帆立貝：柚子清新嘅香味～🌟真鯛：質感清爽又鮮甜～🌟拖羅：平時我都怕食赤身，但呢件好軟腍無筋無渣～🌟油甘魚：易入口，又充滿魚油香～🌟甜蝦：都偏大隻新鮮無腥味～👍🏻｜火炙壽司二品｜🌟燒左口魚邊：滑溜溜，口腔充斥住個種魚油香超滿足～🌟燒拖羅：超級肥美，一咬融合埋壽司飯食一流～🤩｜天婦羅拼盤｜蝦有三隻，新鮮熱辣炸起，蝦肉夠爽口彈牙另外蕃薯、茄子、菇、南瓜、苦瓜各有一件，炸粉夠薄脆，材料仍然保留到鮮味同肉汁～🥳｜串燒拼盤｜🌟雞腎：爽爽哋有咬口，加椒鹽調味🌟雞軟骨：加檸檬味，清新得嚟又有嚼頭～🌟牛舌：厚肉而定燒出香味，肉汁都好～～🌟雞肉棒：必須要混合蛋汁嚟食，又有軟骨，令口感豐富🌟牛肋骨：雖然話係骨，但其實啖啖肉～唔鞋好腍滑～🌟雞翼：燒得乾身，雞皮有脆脆口感～｜三文魚魚籽冷烏冬｜魚籽晶凝通透好新鮮，咬落口卜卜聲～稻庭烏冬較幼但好爽口煙韌，混合麻醬嚟食基本上係無得輸😁

西環除咗係海邊漫步嘅好地方，更係美食雲集嘅天堂。今晚想食日本嘢，去咗海邊嘅信州日本料理。前菜係刺身拼盤，帆立貝有清新柚子香味，真鯛通透，拖羅爽口，油甘魚肥美，生蝦鮮甜。燒左口魚邊壽司油香味吸引，口感滋味。燒拖羅魚腩壽司，質感豐厚，豐富嘅魚油甘香喺口腔內遊走。天婦羅香脆出色。串燒拼盤有厚厚嘅燒牛舌，雞腎串，燒雞軟骨，燒雞翼。店員建議我們免治雞肉串點生雞蛋伴豉油，令質感更豐富。溫泉蛋魚子凍稻庭烏冬配麻醬係最後嘅彩蛋，粒粒飽滿魚子於咀嚼中爆開，烏冬煙韌彈牙，加入溫泉蛋令烏冬更有層次。餐廳服務質素非常高，店員細心，對食品十分熟悉。

同朋友走到西環海旁影相打卡, 發現咗一間日本料理門面, 曾經係TVB劇集「把關者們 」的拍攝場景, 雖然內裡擺位已有轉變, 但換上新裝的日本料理, 同樣吸引我們入內一試。店內面積不大, 算有居酒屋格調。經店長推介, 點了好幾款試試。【深海池魚薄切】HK$320深海池魚魚質爽滑, 入口鮮香, 配上薑花花粒、辣蘿蔔蓉、蔥粒, 增添魚香。【吞拿魚醬油嘖】HK$156吞拿魚雖不是帶豐富魚油, 但同樣很有魚香。 【左口魚邊壽司】HK$96左口魚邊被火灸過, 迫出了部份魚油, 入口很滑, 魚質偏林。【季節壽司】HK$150呢款招牌壽司絕對要一試! 坊間很少可以食到, 以冇飯嘅軍艦做gimick, 脆紫菜包住了蘿蔔葉、吞拿魚蓉、海膽、蟹籽、三文魚籽。入口整個口都係凍嘅刺身, 吞拿魚蓉魚香濃郁, 層次豐富, 鮮味很重, 冇腥味, 推介!【炸豆腐】HK$50豆腐被拖過油, 表面有層極微脆嘅炸皮, 豆腐內裡keep得很滑, 配上大量鹹甜木魚絲, 惹味。【紙火鍋】HK$180有半熟鮮味帶子、鮮甜蟹腳、較嫩嘅豚肉片, 配上大量蔬菜, 索咗個清甜湯汁, 唔錯…

在西環海旁的這家日本食肆, 也是我和客戶食飯的熱點, 除了附近的的士站外, 也是因為在海旁主打日本菜的餐廳不太多, 這餐廳的菜式選擇不少, 又是從燒物, 串串物, 炸物, 到壽司也有, 價錢也相當豐儉由人, 由百多元到三四百元的午餐也有. 點了其特色的五色丼飯, 五色也是指這刺身丼的五種配料: 海膽, 帶子, 拖羅魚蓉, 三文魚子以及A5和牛, 食材的鮮度是可以的, 海膽沒有腥臭味, 拖羅魚蓉也是入口即化, 和牛油花分佈豐富而且油香與肉香濃烈. 要改善的, 也許是食材的配搭上可以再Luxurious多一點, 例如是有原塊拖羅. 另外和牛經過炙燒後的味道, 應該可以比刺身更為出色.來到初秋的時間, 也是秋之秋刀當做的時間, 原條鹽燒秋刀連魚肝也留下, 肉香而實在, 油香甘甜魚肝同樣甘香. 沒有因為處理時弄穿內臟又或是魚隻在魚網掙扎時留下的腥味, 畢竟它是一種很容易就變壞變腥的魚類呢! 魚皮香脆帶微焦香, 配上魚肉, 不用加上任何調味也可以.

上星期同朋友去左西環打卡，夜晚時段就去左信州日本料理食日本菜。深海池魚：魚鮮味好突出，個人喜歡將香蔥等配料放入酸汁一同食用，酸汁令人更開胃又吾會蓋過魚味。鮮味十足，厚度幾足夠。吾洗點豉油刀已經夠晒味。吞拿魚蓉幾香口，更有吾腥既海膽。另外，加入了蟹籽及飛魚籽，兩種口感夠晒特別啊！海鮮紙鍋：帶子幾爽口，蟹鉗帶少少咸，豚肉完全吾鞋口，當中夾左大量娃娃菜及菇類。湯底帶點咸味。免治雞肉串：雞肉串中帶有少少軟骨粒粒，食落特別有口感，雞肉串調味足夠，帶咸味，配埋蛋黃汁令口感帶滑身。炸豆腐：豆腐中間幾滑口，用醬油浸住可以調味，而外層仲保持到香脆。日式冷烏冬：將芝麻醬加入稻庭烏冬，食起黎可以調味又夠香口。當中更有溫泉蛋、天婦羅碎、飛魚子，讓客人食出多層口感。

如果想係西環附近搵食，相信這裡又係一個唔錯嘅選擇，今晚乘電車遊車河搵住西環朋友，有時間欣賞沿路風景，都有陣旅行感覺！朋友就提議去這裡食飯，當然好啦有最愛系列～日本料理，由朋友發板先上最愛嘅刺身，刺身盛五品，由廚師發板最新鮮嘅刺身，有肉質甜美、脂膏豐腴嘅鰤魚、有天然乳白，粒粒圓大飽滿，肉質柔軟，鮮味濃郁嘅帶子刺身、肉厚肥嫩，魚肉細緻甘甜、滑嫩多膠質嘅油甘魚、顏色粉紅，脂肪比例較高，魚香持而恰到好處的魚油脂嘅中拖來、加埋蝦肉晶瑩剔透，鮮甜爽口甜蝦，五款刺身都十分新味！朋友點了塩焗日本銀杏，剛焗好，外殼脆身，一撳就開，銀杏果仁軟軟糯糯，雖然略帶甘味！另一個十分出色嘅蟹膏鮑魚，係已切開嘅爽口彈牙嘅鮮鮑魚上放滿了濃郁嘅蟹膏，入口陣陣香濃嘅蟹膏味道夾埋鮮味嘅鮮鮑片，真係發揮了互相配合嘅作用！而另一個比較特別就係大根饅頭，朋友因為都係常客，所以識點這個，本身是廚師發板時菜式，但因熟客所以就點了，賣相精緻，一個大根配上蟹鉗，大根入口煙韌爽口，由蘿蔔及白果配合做成，大根入口都十分鮮甜，而伴碟嘅蟹鉗肉質都十分鮮味，感覺清新！而朋友較喜歡燒魚頭鮫，大大份燒魚鮫，魚皮燒得十分香口，而本身魚鮫燒得十分香口之餘，

港鐵通車之後去堅尼地城真係好方便，西環碼頭更加變成打卡熱點。是夜再訪海旁的 信州日本料理，裝修簡約以木材為主調，感覺跟裝潢仍然那麼地道的溫馨日本風格。蟹籽沙律 $75蟹籽青瓜沙律簡單美味，作為前菜顏色吸引，灑上大量蟹籽，口感清新，我的最愛之一，很快便吃光啊！上刺身拼盤 5 種 $268人氣推介之一，賣相華麗的刺身拼盤，滋味無窮。甜蝦：味道不錯，肉質鮮甜而且彈牙。帆立貝：新鮮食材仍保持到海水鮮味，味道鮮甜，肉質爽口！鰤魚背：油分冇咁高，恰到好處的魚脂，肉質鮮甜。油甘魚：魚肉白皙入口有彈性，脂肪含量適中，口感帶甘甜。中拖羅：刺身肉帶淡紅色，肉質柔軟脂肪比例夠，鮮甜而不油膩，飽滿肥美而且色澤粉潤，入口即溶。味道最濃郁所以放最後品嚐！蟹膏鮑魚 $160極品之一，師傅挑選了頂級鮑魚，慢煮保留到鮑魚鮮嫩多汁的口感，拌入濃郁滑口的蟹膏，蟹膏麵豉醬撈鮑魚，層次味道豐富，味道濃郁升級，慢慢咀嚼享受美味變化，很適合佐酒。大根饅頭 $50日本手工菜式，一般要跟 omakase 廚師發板 才會吃到，當天晚上實在很幸運，蟹鉗肉美，蘿蔔蓉清甜美味，大根饅頭 口感 Q彈，做得非常精緻。日式冷烏冬 $98夏天悶熱，稻

同朋友食午飯慶祝生日、甜品上菜用靚靚日本花奔圖案碟、朋友喜出望外、另外見旁邊那檯叫了炸小白蝦、我們也一碟炸小蝦兒🦐、吃得出是日本蝦、朋友叫了鰻魚飯、高質、當然角切魚生飯有亞文魚子是亮點、吞拿魚、三文魚、非常豐富

🎌🎌🎌繼續喺介紹日本嘢最近冇得去日本😭😭多咗人留喺香港食omakase🤭今次就發現咗喺大角咀有一間比較平民價啲嘅omakase🙂午市嘅話每人都係四百零蚊左右😆Total八道菜加一個甜品😍食材高級又好新鮮 海膽魚生都好鮮甜提提大家記住魚生要由最清淡嘅左邊開始食起😛食到最香最濃味嘅右邊🤭令到比較濃嘅味道可以停留係個口到耐一啲☺️🥰成個lunch入面都有唔少好驚喜嘅菜式 其中一味係炸鮑魚 真係冇諗過鮑魚都可以拎黎咁食😂不過份量方面覺得唔太足夠 食完都唔算飽😢

🎌🎌🎌早幾日晏就行開西環海旁就被呢間門口好木系嘅日本餐廳吸引😍睇一睇午市嘅menu 發現都有好多選擇全部套餐都包麵豉湯、沙律、日式蒸蛋仲有甜品今次試咗佢哋其中兩個套餐 柚子角切魚生丼賣相好靚超吸引😍😍 雖然佢哋嘅價錢唔平 但啲食材係又新鮮又優質😳😳特別一讚嘅係佢哋啲飯加左柚子味酸酸地好開胃😝網燒牛扒定食建議大家揀5成熟 😋燒得又嘢味又林 咬落一啲都唔韌😭啲牛扒汁仲可以倒落啲飯度撈飯食🤤

走到西環堅尼地城，大家都係找尋望著海邊嘅咖啡店☕️或者西式餐廳🍴享受一吓🍺.不過原來在盡頭位置都有一間日本🇯🇵料理，店舖其貌不揚，但原來係禾稈冚珍珠😳，試過高質午餐🥣再翻兜食埋晚餐🥣，感覺超級滿足，一齊去片！.🥢柚子角切魚生丼（午市定食）💬多了一份柚子嘅清新，平時都唔會揀角切，怕俾啲頭頭尾尾，但眼見有其他客人叫，驗過貨，幾新鮮幾靚仔，仲有甜蝦🦐夠數吧！😊.🥢帆立貝、甜蝦🦐、海膽丼（午市定食）💬朋友唔喜歡食魚刺身，店長願意將三文魚轉甜蝦🦐，抵讚！海膽都有四排，加埋帆立貝，點會唔滿足😳.🥢特上壽司🍣拼盤💬店員多次推介，最後當然都點咗，確實係高質又好食，當然午市套餐比較划算，但係試過知咩料，點會唔好味先🤣.🥢牛油果🥑軟殼蟹卷🦀💬好多地方都有，要整得好食並不一定，坐在BAR枱，睇住師傅炸蟹再交俾壽司師傅處理卷物，當去咗轉日本🇯🇵.🥢茄子🍆田樂💬塗滿味噌嘅茄子🍆，厚厚的，有別於本時港式川式燒烤嘅躺平，比較有口感，即叫即做超正😋.🥢雜錦天婦羅丼🍤💬的確睇住整感覺好治癒，天婦羅漿超級薄，除了炸蝦🍤、茄子🍆、南瓜🎃、蕃薯🍠、菇🍄之外，仲有一件炸魚🐟，賣相普通但卻有內在美🤤

西環出名有好多高質餐廳！呢間日本料理餐廳一直都想黎食㗎喇😃呢度經常都會有啲當造+特別嘅食材😍就係令我想黎食嘅原因！今次我可以食到「北海道白海膽」嘩！呢舊海膽非常完整無缺🤩肉質好嫩滑，水份好足，非常creamy！無加紫菜咁就可以更直接食到鮮甜味😋「刺身盛五品」「鮑魚牛油燒」鮑魚加左牛油、雜菌、秋葵一齊炒！牛油香令鮑魚更好味！鮑魚切成薄片，食嘅時候更爽口👍🏻「炸豆腐」呢度整嘅炸豆腐好有水準！外脆內滑，雖然醬油浸住左個豆腐，但仍然保留到外層嘅脆度👍🏻食落好有層次感！「鮮魚湯烏冬」魚湯好真材實料！魚香味突出，非常鮮甜😋稻庭烏冬掛湯一流，成碗湯都比我KO哂！真係值得回頭再黎食❤️❤️❤️

我一直都想黎西環覓食，呢度有好多餐廳都好吸引今晚就先黎食呢間日本料理先！字體寫得好靚…哈哈！錯重點呢個係是日時令之選！海葡萄沙律有北海道帶子，口感好爽甜，配上和風沙律汁，味道好清新刺身盛五品醬油鮑魚好好食呀肉質好軟彈，醬油味岩岩好！帶子係刺身級別口感又滑，味道好鮮甜！呢度嘅食材好高質！北海道白海膽壽司我第一次食白海膽咋睇吓舊海膽幾咁肥美肉質比紫海膽更嫩滑，非常creamy！呢度唔加紫菜，咁就可以更直接食到其鮮甜味食完件白海膽壽司，真係好滿足鮑魚牛油燒第一次見咁大隻鮑魚鮑魚切成薄片，加入牛油、雜菌&秋葵一齊炒！牛油嘅香配合爽口嘅鮑魚，味道一啲都唔單調勁好食！炸豆腐眼見非常普通嘅炸豆腐，食落係有驚喜㗎首先外層炸到好脆，而中間嘅豆腐滑到呢！豆腐用醬油浸住左，但仍然保留到外層嘅脆度，實在太神奇面頭加左木魚碎&辣蘿蔔碎，味道更有層次！鮮魚湯烏冬未食已經聞到好香魚味湯底呈奶香色，真材實料！

堅尼地城這個地方真係好少入去行，今次難得天氣不錯，同老婆入去行下，在地鐵站一出，沿海邊行環境真不錯。【脆炸魚鱗】這個炸魚鱗非常薄又香又脆。送酒吹水一流。【大根饅頭】很特別的大根饅頭，用上蘿蔔蓉、木耳絲再加糯米粉蒸成一個饅頭型狀，再加上醬汁同鮮甜蟹鉗，味道不錯。【上刺身拼盤5種】時令五種刺身，非常新鮮，又切得非常厚身，油甘魚：魚脂平均又鮮味較濃。、真鯛：清鮮甜美。、拖羅：油脂甘香，入口即溶。、帶子：肉質細嫩，清甜爽滑。、甜蝦：好新鮮又鮮甜。【蕃茄牛肉稻庭烏冬】鮮甜香濃的蕃茄湯底，非常熱辣辣，入口軟淋的牛肉，再配上稻庭烏冬，濃郁蕃茄湯掛上烏冬，真是不錯，值得推介。

放假日決定港島線一日遊，不知不覺已經玩到差不多6點左右，在海旁處散散步，順便沿海旁一帶找間餐廳晚飯。附近真的有很多餐廳，轉個彎發現了一間日式餐廳，天氣酷熱下我又特別喜愛吃日本菜，感覺個人比較涼快，於是直接入內享用晚餐最適合不過。餐牌選擇都算多，而且仲有好多海鮮菜式。上刺身拼盤五種當日刺身精選有真鯛、拖羅、油甘魚、甜蝦、帆立貝，店員建議先由淡味開始食，真鯛清甜爽嫩，帆立貝加了少許柚子皮，多了一份清新柚子香氣，肉嫩鮮甜，甜蝦爽口彈牙，油甘魚魚肉肥美嫩滑，拖羅入口即溶，油脂豐富。石垣貝入口爽脆鮮甜，而且柚子皮令到鮮味提升，好鮮甜喔！左口魚邊壽司炙燒過的左口魚邊滲出豐富魚油，食落魚肉鮮嫩，味道香濃又有少少焦香味，不錯不錯。燒魷魚串魷魚鮮味十足，肉質爽口彈牙，塗上醬油，味道更加滋味。鮑魚牛油燒鮑魚切片後加上金菇、秋葵、冬菇、本菇等等材料用鐵板炒熟，火候控制得剛剛好，鮑魚彈牙爽嫩，鮮甜香口，其他蔬菜味道新鮮清甜，牛油味香濃，令人一試難忘。