云手工火鍋店

營業中

休息中

📍云手工火鍋📍💡尖沙咀黎呢間打邊爐就係比佢嘅湯底吸引咗，有好多選擇，松茸雞翅冬瓜魚湯鍋、金湯花膠雞鍋、花甲蟹鍋、火焰三椰雞鍋，淨係個湯底都諗左我一陣🐥火焰三椰雞鍋($328)夏天熱辣辣，我就揀咗個感覺上消暑啲既椰子雞湯底🐔店員一嚟會上咗半隻雞，再淋上青酒點火黎炒香隻雞，成個鍋變左火焰鍋，即刻攞手機影相📸️跟住會再加入椰皇椰青椰肉去烹調，一打開個蓋已經聞到陣陣椰香味🥥🥰未飲都覺得甜。店員都提我地滾起個陣，飲咗個湯先再打邊爐，真係清甜到飲咗幾碗，d雞又夠滑 正❤️🥰👍🏻🐥牛胸爽($138)牛胸爽食落好爽口，平時牛肉紅色，呢個竟然係白色🤣口感都幾特別🐥手打黑松露墨魚丸($52)如果中意食黑松露既真係要試下，真係用墨魚打出嚟，一咬會食得出粒粒嘅墨魚🦑，又充滿黑松露味道，幾特別同推介☺️🐥竹笙帶子香菇餃($68)估唔到呢隻餃子咁大隻，餡料好豐富，真係會食到粒粒帶子☺️鮮甜滿意🐥招牌韭菜餃($48)入邊好多韭菜同肉碎大大粒，都幾鮮甜，又比想像中大👍🏻🐥招牌酥炸惹味茄子($68)炸茄子份量好多，新鮮炸起熱辣辣，又唔會話好油，都真係幾惹味🐥炸枝竹($38)枝竹係打邊爐必叫，佢吸晒湯底真係特別正#尖沙咀#尖沙咀

食火鍋最緊要係湯底靚，呢度既湯底有勁多選擇: 金湯花膠雞鍋、松茸雞翅冬瓜魚湯鍋、火焰三椰雞鍋、花甲蟹鍋、款款都想試，最終揀左火焰三椰雞鍋。湯底裡面本身已經有牛油、鮮椰子肉、海底椰肉同約半隻雞，店員會先將湯料炒一炒，然後倒入原個椰皇汁同椰青汁，再加一整壺雞湯做湯底，連埋先前炒好左既椰肉同雞一齊滾，滾緊既同時已經聞到陣陣椰香味。湯底滾起後先飲一碗。嘩! 個湯底真係好鮮甜好好味，忍唔住飲左2碗。九宮格火鍋醬料任你喜歡混醬。火鍋配料點左美國安格斯肥牛(中) 、手打鹹蛋黃蝦丸(半份)、魚皮鮫(半份)、自家製響鈴。所有火鍋配料都好高質素，肥牛鮮味，自家製響鈴即叫即炸，出奇地脆口。最值得一讚係手打鹹蛋黃蝦丸，細細粒但內有乾坤，中間有鹹蛋黃做餡，鹹香美味，蝦丸又夠彈牙。下次一定要再黎，期待試埋其他特式湯底!

大熱天時都仲係人想打邊爐，就試左係尖沙咀既云手工火鍋店，地點位置都好方便，而且內部環境好大同舒服，仲有得包房，見到都有好幾間vip房。首先揀左湯底先，上網見到佢既湯底全部都係好比貨同足料，叫左個火焰三椰雞，黎到之後店員會幫你攪好哂，佢先會煎下啲雞同埋海底椰，雞兩個人份量都有半隻，再落酒去火焰下，好睇又好食，之後再倒椰青同埋椰皇，真正既三椰，再落埋個雞湯，湯底就攪掂哂。咁足料既湯，滾起左真係要飲番兩碗先。食物方面叫左美國安格斯牛肉，中size 兩個人都夠食，切得好薄片同好有牛味。手打芝心牛丸幾得意，好似芝士丸咁，不過係牛丸版。竹笙帶子香菇餃之前都未聽過，估唔到係咁好味，竹笙都大塊，咬開都見到一整塊。鳳城水餃就正常，大蝦雲耳豬肉咁。最後，菜方面叫左皇帝菜，一開始用埋啲雞油黎淥菜好鮮甜。

這天朋友聚會，朋友介紹這間手工火鍋店。位於尖沙咀加連威老道一座並不起眼的酒店內，餐廳設計風格具空間感，枱與枱之間相距甚遠，適合朋友傾計聚會。一坐低，店員已細心地遞上醬油架，湯底選擇夠多，而且都不是常見的特色湯底，最後我們選擇了這個適合大家口味的火焰三椰雞鍋湯底。 火焰三椰雞鍋 $328鍋很快就上桌，店員在我們面前烹調，是打卡的好時候！首先落牛油炒香雞件及椰肉，然後再以火槍起火，很有氣勢！然後再加一整個椰皇同一整個椰青水，再加上雞湯，令整個湯底好香好甜，湯滾後首先一人一碗湯，真係好甜好好飲！正！ 老友鬼鬼 $78油炸鬼加上蝦滑，要掌握時間，不要淥太耐令油炸鬼變淋。餐廳更很細心地預備了甜酸醬，點一點甜酸醬，入口感覺一流，油炸鬼的脆身加上蝦滑的味道再帶點酸酸甜甜的醬汁，好食！ 招牌牛柳粒 $168牛肉肉質新鮮唔會韌到難咬，食落陣牛味好出，一口牛柳粒令人停不到口，淥完一粒又一粒，很快就清空了。 黑松露墨魚丸(半份) $52黑松露愛好者必食，咬落每一口都充滿著很濃烈的黑松露味，值得推介！韓式泡菜牛肉餃(半份) $58一上桌就知足料，望到餃子皮入面的橙色，盛載著滿滿的泡菜加牛肉。泡菜加了少許韓式辣

見到唔少人推介呢度既火鍋湯底高質足料，一試果然係好大鍋好多料，新鮮又好味!!❤️松茸雞翅冬瓜魚鍋 一上菜見到個鍋擺盤靚靚就更加期待，冬瓜上面有半隻雞+冬菇+素翅，影完相職員就幫手將材料浸到，煮滾後再將冬瓜切開～鍋入面有大量好香既松茸，仲有瘦肉粒粒得配料，淨係食個鍋已經飽左大半😋差唔多食完既時候，加粉絲吸晒個湯既甜味，超正!!🧡黑松露芝心蝦丸 爽口彈牙，仲有黑松露香味同流心芝士💛鳳城水餃 水餃好新鮮，皮薄餡料又多又飽滿💚檸檬梳打 微微酸少少甜，清新解渴

位於酒店內嘅火鍋，位置好方便好近The One，幾有空間感坐得舒適!! 🔘松茸雞翅冬瓜魚鍋呢日咁啱係大暑，一於嗌個冬瓜鍋嚟消吓暑😆，個鍋present得幾靚，會拎過嚟俾你影相先，然後店員會幫手切開啲冬瓜，等佢滾一陣就食得喇，非常足料好似食極唔完咁，有半隻雞、素翅、冬菇、松茸、冬瓜，我諗個湯底係用魚熬製所以叫魚鍋，幾鮮甜唔覺得腥!! 🔘美國安格斯牛肉(中)都幾大碟，油花分布均勻，幾有牛味係有質素嘅牛肉，大細厚薄適中，食唔停口!! 🔘手打芝心牛丸(半份）今日特別想食牛，所以嗌埋呢款牛丸，一咬落去有溶咗嘅芝士爆出來，食嘅時候要小心啲!! 🔘極茜豚肉餃(半份）餡料係多多芫荽少少豬肉，芫荽味濃郁，餃子皮似係廣東水餃皮幾滑身!! 其實淨係個湯底啲餸都好豐富，細食嘅朋友唔使嗌太多其他食材都可以，非常推介安格斯牛肉!!

呢度最正一定係松茸雞翅冬瓜魚鍋🍲夏天食冬瓜 消暑一流😎魚湯入面除咗有冬瓜 仲有雞件、松茸、雜菇、豬肉粒 非常足料😍飲落好清甜✨雞嘅份量好多 肉質嫩滑🐔主角冬瓜好軟腍 仲好入味😆

尖沙咀行完街，去搵吃😋係加連威老道最多好野食☀️夏日炎炎嘆冷氣打邊爐最爽😅我哋order咗好多款火鍋菜，重點介紹下幾款👅🦀火焰沙白蟹鍋 $328火焰一陣再落豬骨湯煲一煲，只需幾分鐘，沙白很新鮮，肥大肉厚，揀選既蟹靚同大隻有膏蟹自家製黑松露蟹肉餃（半份）$68🥟材料特別，用黑松露，味道濃郁，啖啖黑松蓉，皮薄料多🐂手打之心牛丸（半份）$52牛丸彈牙，內裏有香噴噴既芝士夾心🥩美國安格斯牛肉（中）$268牛肉新鮮份量適合二人🥟招牌韮菜餃（半份）$48說得招牌菜👍🏻真的好味，粒粒肉碎和韭菜，有口感🌟餐廳設備有VIP房🌟 地方寬敞🌟員工服務有禮

破紀錄嘅高溫都無損🐻一年四季打邊爐嘅決心🤪位於尖沙咀嘅「云手工火鍋」主打真材實料手工湯底，一於約埋朋友上去食餐好😋.🍴松茸雞翅冬瓜魚鍋💰$368炎炎夏日必點湯底，降火消暑一流🌟冬瓜配以松茸、雞翅、雞件、豬肉粒、雜菇於魚湯底下煲滾🔥煲滾後當然先飲番啖靚湯，真材實料下鮮甜無比😚店員亦好細心幫忙將冬瓜切件，冬瓜煲淋後好入味😋雞件應該有半隻雞份量，肉質嫩滑且重肉味，一啲雪藏味都冇👍🏻第一次打邊爐邊湯底多料到咁，就咁食料都好夠🤣.🍴招牌牛肉粒💰$168鮮紅色色澤、油花滿佈嘅牛肉粒一睇就知好好味😋果然烚完後入口好香油脂味，牛味夠重，一啲都唔韌💖.🍴手打鹹蛋黃蝦丸💰$52（半份）蝦丸食得多，鹹蛋黃內餡就第一次食😛蝦丸彈牙爽口👍🏻小心翼翼地咬開，內裏鹹蛋黃即時流出💫鹹蛋黃香與蝦丸味道好夾☺️.🍴自家製黑松露蟹肉餃💰$68（半份）好香黑松露味嘅菌蓉內餡，調返轉蟹肉就唔多覺😅餃子餡份量都幾多，隻隻大大粒🙂餃子皮口感煙韌👍🏻.🍴冰菜💰$68唔多地方有得點，見到有即刻叫😍冰菜新鮮嬌嫩，吸收湯汁後好入味，口感爽脆😚.🍴魚皮餃💰$48（半份）.鍾意飲湯嘅朋友一定要試🥰飲完靚湯後打邊爐，火鍋料吸收湯底精華後更好味😋餐

經過尖沙咀，想食火鍋，剛好路經派宣傳單張，88折優惠兼且有海鮮拼盤送，一於就去試試。火鍋店在酒店樓上，門口唔太顯眼，不過進入餐廳都算寧靜舒服，絕對可以三五知己圍爐取暖，亦都適合一大班朋友相聚傾計，預早book 更可以有VIP 房間包廂。食物質素唔錯，食材都算高質，芫荽皮蛋鍋，非常多芫荽，簡直係芫荽控嘅摯愛，湯底香濃而唔多味精，首先可以飲湯底。炸魚皮非常新鮮，新鮮即炸，令魚皮非常脆口，稍為少見。鵝腸新鮮，而且唔會有臭味。手切牛拼盤更可多品嚐唔同部位的牛肉。絕對必食。海鮮拼盤雖然送的，但質素唔差，海鮮都非常新鮮。

近排喺度減肥, 已經好耐都冇食過打邊爐啦今日突然口痕, 約咗朋友去食手工火鍋云手工嘅火鍋湯底超級正, 滋補健康<松茸雞翅冬瓜魚鍋>松茸雞翅冬瓜魚鍋味道有啲似雞湯, 裏面加咗香香嘅松茸、雜菌、雞肉同一環鮮甜吸味嘅冬瓜, 非常豐富湯底味道尚算濃郁, 食落唔會寡<美國安格斯牛肉>朋友係食肉獸, 嗌左份帶有靚靚油脂嘅美國安格斯牛肉估唔到中間擺咗乾冰, 上枱嘅時候仙氣十足, 大家記得要準備定手機啊安格斯牛肉煮熟咗之後唔算好肥美, 口感爽口<手打黑松露墨魚丸>云手工嘅丸類有少少貴, 但食得出墨魚丸真係用墨魚打出嚟嘅, 食嘅時候會咬到墨魚粒粒黑松露味道亦好突出<雜菜拼盤>雖然話係打邊爐, 但係減肥嘅時候都唔可以食得咁油膩嗌咗一份七彩繽紛嘅雜菜拼盤, 裏面有多款時令蔬菜大食妹最鍾意冰菜, 特別得黎又爽口粟米亦都唔錯, 水份飽滿<稻庭烏冬>咁靚嘅湯底一定唔可以浪費, 最後再碗湯烏冬暖下個胃, 咁就perfect啦<竹蔗茅根>嘢飲方面嗌左竹蔗茅根, 微甜解渴

夏天食火鍋都可以好正，呢度環境唔錯，有空間感，傾計又舒服，唔會覺得好嘈，食物質素當然好👍 火焰3椰雞鍋好有特色火焰湯底，先將新鮮雞煎香，加上白酒燒噴出火焰，再倒入椰青、椰皇、椰子水及秘製雞湯，煲好就可以飲椰子雞湯，椰子鮮甜雞湯味濃，又可以食雞肉 美國安格斯牛肉湯底已經咁正，牛肉又好高質，肉質軟滑味濃🥰，放湯一陣就食得 紐西蘭羊肉片薄薄羊肉片，唔覺有羊羶味，好幼嫩，加左醬料更加美味😋 手打墨魚滑手打自家製墨魚丸果然唔錯，肉質彈牙又爽口 香煎鵝肝墨魚丸墨魚丸嘅鵝肝已經煎香，拾下後食落好香 魚皮餃唔錯嘅魚皮餃，火鍋嘅好選擇 鮮蝦雲吞大粒雲吞，皮薄餡靚 Summer BeerMini Fresh兩款都好清涼款都係透心涼飲品🍹

夏天都可以拾下拾下🫕，云手工火鍋主打高質火鍋，環境舒適，空調冷氣又適合打邊爐🥰 火焰3椰雞鍋餐廳侍應先將新鮮雞放係鍋內煎香，再加白酒燒香噴出火焰，待一下就可以加椰青、椰皇、椰子水，另外加雞湯，由16隻雞餚嘅湯底，煲滾就可以先飲椰雞湯，雞湯鮮甜，好香椰子香味😋 美國安格斯牛肉安格斯牛肉肉質嫩滑，薄切口感唔錯，加上九宮格混合醬料更美味😋 紐西蘭羊肉片幼滑羊肉，好適合拾拾下 香煎鵝肝墨魚丸墨魚丸入面有香煎後嘅鵝肝，入口即溶 手打墨魚滑自家製手打墨魚滑，可以隨自己喜歡份量放入鍋，好新鮮😊鮮蝦雲吞足料大粒雲吞，雲吞皮好薄 魚皮餃好好味又彈牙 Summer BeerMini Fresh夏日下拾下拾下，配杯凍飲透心涼🥳

尖沙咀❣️鬧市中的隱世火鍋店香港寸金尺土，好多高質既餐廳都開始「上樓」，所以要食好西有時都要將目光向上望😎行開尖沙咀，就係見到有個大招牌寫住有手工火鍋店，一直book mark左都未有機會去試…終於有時間去試試🔸火焰三椰雞聽個名就好響但一啲都唔似係湯底名，上到枱更加唔知發生咩事🤔首先見到半隻雞同埋牛油🧈，店員就先係到炒炒炒，炒到半生熟之時就加入清酒，再準備埋火槍😨點一點就🔥嚇死人😂之後等火燒到咁上下就加入椰青水、椰皇水、椰子湯😋直頭係4D體驗個湯底滾起既時候店員叫我地飲左個湯先🤤湯底又香又清又甜，濃濃既三椰（椰子、椰青、椰皇）味👍🏻雞肉又岩岩好，仲保持到肉身好滑🔸自家製響鈴🔸日本廣島蠔🔸美國安格斯牛肉（中）🔸鮮蝦雲吞（半份）🔸鳳城水餃（半份）🔸皇帝菜不得不讚個自家製響鈴，上枱已經係熱辣辣，再浸一浸湯底將精華索哂😋外軟內脆係最高境界！日本廣島蠔同美國安格斯牛肉都好新鮮👍🏻廣島蠔烚完都仲好漲卜卜🦪有個好貼情既位係牛肉會跟埋個牌提示你要烚十秒，咁就唔怕會過生/過熟😎佢所有丸、餃都可以叫半份，岩哂好似我哩啲有選擇困難症同貪心既人🤭雲吞好大粒包住超多蝦肉，水餃做到口感好好，木耳蝦同肉既比例好好👍🏻

唔係朋友帶我去都唔知原來呢間酒店上面有火鍋，而且仲要幾多人食，裏面有多間VIP房，聽到入邊都好熱鬧。「 醬料 每位$28 」首先會拎醬料比客人自己配搭。簡簡單單叫咗一個「 芫荽皮蛋鍋 $128 」好多芫荽皮蛋，芫荽好香，湯底好清唔會咸。因為朋友唔食牛所以就叫咗「 西班牙黑毛豬 $188 」，肉質入口有溶化咁都唔錯。「 新鮮白鱔片 $148 」 好似有啲小貴，不過又幾好食，入口有柔潤感同埋好腍，咀嚼時亦帶爽口。另外在清清地嗌左 「 鴨血$78 」、「 到庭烏冬$48 」、「 皇帝菜$48 」 。雖然有水飲但係熱辣辣特別想飲「 汽水 $18 」 。