九記牛腩

營業中

休息中

xx-3-2006 xxxx聞名已久的九記牛腩，終於一試，事前都睇過這裡的食評，好既係話牛腩及湯好夠味，唔好就話食完好口渴或牛腩鞋。去到都要等一陣先有得食，坐係收銀的女人惡形惡相，唔關我事，我只係黎食野。叫了肥腩伊麵，果然係肥腩，都係第1次食咁肥既牛腩，飲湯，果然好濃的牛湯，不過真係好鬼肥，而肥牛腩的牛油香亦好濃，下次黎一定要少肥，再配合伊麵，絕對係人間美食。事後都幾口渴，我一定賴味精，但我指味精係由天然食物所釋放出來。味精(MSG) 的化學名稱叫谷氨酸納，谷氨酸納係食物其中一種天然成分，幾乎所有含蛋白質的食物都有，而九記湯底的所用的牛骨，經過長時間熬湯及其份量，亦會產生谷氨酸納，令湯水的味道變得鮮甜好味，所以駛乜係街外買良莠不齊的味精加料呢！埋單24蚊，物有所值(只是食物)，下次一定再黎。以上的解說只是攪清味精係乜一回事，及在九記的真正身份。講埋咁多食物味道以外的事，所以我係不折不扣的唔識食野，用黎做新網名都幾好喎。

男友的表哥對此店牛腩讚不絕口,尤其是牛腩伊,於是決定與男友去一次. 因為對上環的路不太熟悉,九曲十三彎才找到,去到是晚上7:15左右,剛想把腳踏進門,有個男人好粗魯叫著:"小姐,嚟度無野賣!" 原來此店晚上7:15至8:30清潔,為了一嘗牛腩,惟有等到8點幾再來.8:30再來已有人在門外排隊,終於輪到我們入座,馬上叫了牛腩伊麵及牛腩米. 伙計送上兩碗麵時,我們有點看傻了眼,個碗是小朋友食粥碗size,三口便可吃完的麵份量,再加4-5塊牛腩,但賣到$24碗. 牛腩和湯的味道沒有期待中那麼正,勁多油,桌上只有辣椒醬及豉油,辣椒醬又唔夠辣...失望,快快食完,埋單走(兩碗食不飽人的麵收$46).出店才看見門口貼了蔡生的食評,還有粗魯男人(原來是老闆)和蔡生的合影. 間鋪因為蔡生的食評,所以有很多人幫襯,唔休做. 但學劉華話齋:"今時今日咁服務態度點得架." d野好唔好食,見仁見智,有名人讚都不應該太囂張,不求進取.

九記牛腩想試好耐，門口又唔係想像中咁多人排隊，星期六下晝唔洗五分鐘已經有位，環境都幾擠迫。叫咗牛腩伊麵，牛腩河粉，淨咖喱牛筋牛腩，第一啖食時，覺得個湯底真係好正，清湯有咁嘅濃味真係難得。主角牛腩不錯，煮得好稔，唔黏牙，無騷味，但湯底同牛腩都略肥。咖喱香濃，唔係太辣，牛筋有咬口。一路食一路聽到人叫走油，原來湯底可以走油。九記份量比其他粉麵店細碗，肚餓嘅話，一碗可能唔夠飽。

尋晚終於搵到呢間出名食牛腩嘅舖頭係邊…同朋友一齊叫咗肥腩麵、一碗淨爽腩、淨米(因為河粉買晒)。原來肥腩係全件肥膏(無肉夾住)，好似平時街市牛肉檔唔要嘅肥膏一樣…見到都反胃！(尤如垃圾，放棄唔食)諗住爽腩會好啲啦，但係…同樣失望，啲味又唔夠濃+ 超油+ 好韌，有啲仲要連住成舊肥膏，(好似無切乾淨咁)真係好唔掂！！係第一次有好似食垃圾嘅感覺！* 八點幾去食，間舖污糟到爆，衛生級數= 欠佳一定唔會有下次！

第一次去食了清湯腩河，湯底牛味濃郁，油少少都無所謂，好香好正。腩亦不過不失，有時食腩係再睇彩數。第二次食咖哩伊，如果再香辣些就更正。

最近身心皆疲,友儕間出名為食的我連胃口都差了. 昨晚出車去漫遊(漫無目的遊車河也),11時許來到上環附近,決定要去九記---我臨死前其中一處一定要食嘅地方.老規矩,淨腩+淨米走油(老奉又賣晒河粉). 牛腩依然無可挑剔,其實坊間不是沒有更"好味"和更腍的牛腩,但九記的是特別有很濃很純的牛肉鮮味;口感並非冇牙婆婆都食得到的"腍",而是軟滑有咬口的.往日的我,一定再加多個淨米,但今晚真的不復當年勇,盡了力都吃不完,但已是我近期最滿足的一餐了.

由小孩子食到大人, 最好味始終牛依, 面正, 牛腩正, 湯正, 油菜都正, 除了服務態度, 我絕對找不到一間更好的牛腩店.

對上一次差不多兩年前了, 和mimi來的. 但之後次次都係去勝香園, 鍾意食茄野多d嘛. 但今天友人想食呢個, 咁好啦, 又去囉.點了牛腩河, 今次的印象好點, 牛腩頗腍, 入味. 雖然肥的部份不少, (我沒有吃那些) 那肥膏似乎頗香, 見身旁的食客豪不吝嗇, 照單全收, 可見真不賴! 確是不錯, 但要山長水遠來只為此, 又似乎誇張點. 所以吃過這裡再到勝香園, 便滿足得多了!

戴眼鏡哥哥冇做喇T_T大家order野之後最好計計錢……而家D新夥計唔係好熟手………九記晚市比午市好食，主要原因係因為爽腩(不過加價了要$52一碗…)雖則晚市冇河粉，但如果想食正牛腩就一定要試試爽腩啊…如果怕太肥，食牛腩可以叫半肥瘦，麵啊湯啊全部可以叫走油架

睇左九記0既食評都好耐, 一直都好想帶媽子0黎試下(因為媽子鍾意食牛腩).媽子要左牛腩伊, 而我都要左牛腩河, 一0黎到見到賣相都幾好, 但碗太細, 湯唔夠多(可能河粉吸水太快, 食伊面或粗面會較好). 媽子覺得呢度0既牛腩肥糕太多, 令到湯太肥, 而我就覺得牛腩太大有少少硬... so far 不過不失啦~~ 試過便算了

同老公都好鍾意食呢度d腩伊, 每隔一至兩星期就一定會黎, 食了都有9-10年...發覺牛腩時淋時唔淋, 好似昨晚的, 就非常淋, 好味(但其實10次有8次都係唔淋). 雖然係咁, 佢d湯依然係咁好味. 不過覺得昨晚的伊麵的口感比平時差, 同d牛腩一樣, 非常淋, 唔知係煮過龍定係轉了supplier? 但我地都一定會再去o既.

經過九曲十三彎, 終於俾我搵到0刺!叫左個牛腩伊(7), 牛腩不是太林,有d難咬, ok拉會再黎, 試下個咖啡版~~特別一提: 個侍應真係好犀利, 格左一陣都仲可以記得全部人嗌個d咩, 由頭到尾repeat一次

公司餐吃膩了，想起先前朋友推薦的九記牛腩，於是決定當晚去試下。先後點了四樣，花費不足百元不算貴。兩個人點了：清湯牛腩伊面（25元）、清湯牛腩河粉（22元）、時蔬（11元）、咖喱牛筋腩（35元）。清湯牛腩雖湯清味鮮，不過，牛腩欠火候，不夠爛。咖喱牛筋腩，十分入味。牛筋燉得剛剛好，但牛腩又似太爛，全無形可言，吃在嘴裡與吃牛肉絲一樣。估計是店家將牛腩與牛筋一同燉造成的結果。整體評價：沒什麼特別，但值得偶爾換換口味。所謂老店、私家咖喱配方實為店家噱頭，除了咖喱落得重外與自家或別家制得沒有什麼兩樣。食法建議：如果店家有白飯提供，無論與清湯腩還是咖喱配都應是絕配。

中環掃食第一站,艱難地找到九記,入來食馳名的牛腩面,發覺,牛腩挺一般,湯底不錯,但牛腩真的唔"林",很難咬.價錢也比較昂貴.

好耐之前朋友仔向我極力推介, 所以就去試下, 朋友仔話咖哩牛腩粗麵好食, 咁我就跟佢叫啦, d牛腩好腍但超碎喎,唔係一舊舊,係一粒粒咁, 會唔會碎得滯呀>< 而且週圍環境好污糟, 離地鐵站都幾遠