515
221
186
港鐵上環站 E1 出口, 步行約6分鐘
繼續閱讀
電話號碼
28505967
開飯介紹
前身為大牌檔，招牌菜是清湯牛腩及咖哩牛腩。其清湯頭加入了藥材，味道獨特；咖哩牛腩則適合搭配伊麵一同享用。
繼續閱讀
獎項殊榮
最優秀中西區開飯熱店 (2008,2011, 2013-14), 最優秀開飯粥粉麵店 (2009-16)
營業時間
今日營業
12:30 - 22:30
星期一至六
12:30 - 22:30
星期日
全日休息
公眾假期
全日休息
招牌菜
食家推介
相關文章
2279 瀏覽
細細個嗰陣，出街食牛腩河，所有港式粥粉麵店必定是柱侯牛腩，另一個選擇就係潮式粉麵店嘅滷水牛腩。大約20幾30年前的某一天，已經去世了的爸爸帶我去到上環一條小街的地舖品嚐人生第一次清湯牛腩，可以用驚為天人去形容，原來牛腩可以這樣烹調，味道更加出色。這一間小店就是歌賦街上的「九記牛腩」。清楚記得，當年一邊食牛腩麵，爸爸一面娓娓道來往昔食牛腩麵的瑣事。1940、50年代嗰陣，爸爸在上環區的南北行工作；上環及西環作為香港開埠初期最早發展的地區之一，四、五十年的上環仍然有很多橫街窄巷，亦有很多鐵皮大排檔，「九記」正是其中一檔名店。老闆九叔非常霸道凶惡，食牛腩河問佢加多點牛腩湯，對方回應：「冇呀！個個都話要加湯！邊夠分呀！」。想用滾水淥淥木筷子（按：那些年當然沒有即棄筷子，竟然較時代進步了的今天更加環保，實在不合理！唉！），對方寸爆：「嫌污糟以後唔好幫襯！」。由於幫襯的客人太多，寸得起！九叔對待客人的態度也遺傳了給他的兒子（現任第二代老闆）；入舖後，甚至蔓延其他在舗內幫手的家人及夥記，網上也有不少評論提及「九記牛腩」夥記態度差劣。講句公道話，香港還有其他這類型歷史悠久嘅小餐廳，同樣一直只主力一兩款菜式，同様一直人氣高企、唔驚冇客人；而且仍然堅持家庭式運作，唔開分店。家庭式運作的小店順理成章就很難有什麼優質服務了（按：香港四大奇食其他三間，「澳牛」、「星座」、「新記」情況大致相同）。事實上，夥記態度未至於差劣趕客，只是太多人幫襯、好多客人又問長問短，自然懶得回應、粗聲粗氣、機械式運作，務求用最短時間及最有效的方式滿足客人落單要求。不過，自從「九記」登上了日本、韓國、歐美國家甚至泰國等地方的旅遊雜誌之後，夥記態度已經有所改善；近十年成為了國內自由行的必食推介，服務態度就更加好了很多。貼在舖面玻璃的餐牌，就甚至有四種文字。上一次幫襯大概六、七年前吧，之後每次經過、或者專程前往，無論什麼時間，都被40、50人的國內自由行長龍嚇退。今日再次經過，雖然店內同樣坐滿客人，但可能因為近月香港的事端，門口排隊的人龍竟然消失了！終於唔使排隊啦！記得第一次幫襯「九記」嘅時候，仍然獨沽一味只賣清湯牛腩，後來才加入咖喱牛筋腩；近年為了迎合市場口味，又加入了肥牛。不過，始終是清湯腩最受歡迎。事實上，作為香港清湯牛腩的始祖名店，一直吸引大量名星光顧；但老闆有風骨，一反香港其他餐廳必然張貼明星合照作為賣點，所有這些照片只貼在通往閣樓座位的小樓梯的兩邊牆壁。親身經驗，十幾年前吧，當年「九記」尚未被國內自由行佔據，同兩位朋友一同在閣樓品嚐牛腩伊麵；突然一位身穿白色汗衣牛仔褲、帶着黑超的男子搭枱，面帶有善笑容 ⋯⋯ 竟然是梁朝偉！必食推介一定是上湯牛腩伊麵（$60），怕肥膩的話可以叫全走（走油走蔥花）。記得以前還可以揀瘦腩、肥腩、或半肥瘦，唔知道現時還可不可以呢？不過，今日就冇提出任何要求。伊麵份量唔係好多，被鋪在表面的幾塊牛腩及上湯遮蓋。港式清湯腩的牛腩上湯表面浮起點點油脂，顏色淺啡帶點渾濁。想起上個月在一間高級意大利餐廳品嚐過的牛肉清湯，金黃清澈、完全見不到一丁點油脂，味道未算濃郁、牛味濃淡得宜。「九記」的牛腩清湯就是另一種風味，賣相粗獷、口味濃郁、帶點適度嘅油膩感，充滿庶民風情；除了牛味之外，還有淡淡中式香料、羅漢果嘅清甜，係不折不扣嘅港式烹調方法。無論如何，不變的事實就是非常好味！伊麵賣相一般，不過淥麵時間控制得相當好，彌補伊麵質素麻麻的問題，仍然有軟身兼帶點點煙韌的口感。爽腩貨源較少，只可單點全爽腩，叫粉麵的話就只有普通上湯牛腩。湯碗內的六小件牛腩中，五件是全瘦腩。肉質雖然鬆軟、但唔夠腍滑，慢慢咀嚼下有點點粗嚡，不過未至於有渣。牛味就非常濃郁，絕對可以滿足嗜牛一族。另外一件，就好似係坑腩最旁邊位置，莫非係爽腩邊緣位?! 質感味道較瘦牛腩更佳，中間的一層薄薄牛腩肉很腍滑，包裹在外圍的筋膜及軟膏，完全沒有肥膩感，而是軟滑如膠質，實在非常好食，只可惜只得一小件。總結一句，就個人口味而言，始終認為「九記」係香港最好食嘅清湯牛腩。離開「九記」，注意到整條歌賦街差不多 90%的地舖都是餐廳食肆，但當中竟然只有「九記牛腩」及「勝香園」係不折不扣嘅港式地道風味，其餘全部都是鬼佬西餐或日本料理；如果「九記」唔係擁有自置地舖、「勝香園」唔係鐵皮檔，相信也難逃因為高䀚租金而被迫結業或搬遷的厄運。作為一個土生土長嘅香港人，唔想見到這些香港老店結業，衷心希望能夠一代一代承傳下去，就好像日本當地的百年歷史以上的老餐廳一樣！
繼續閱讀
I came here the other day shortly before it closed, and dined by myself. You are able to get all sorts of variations of beef noodles, but I opted for 伊麵 and 肥牛. This alone was $60 hkd, though I got an additional side order of vegetable which was $25.The noodles come out extremely quickly. There isn’t a whole lot of food to be honest, but the portion isn’t small either. The soup was actually really salty, and while I was fine with it, I think for most people the soup would probably be too much.Unbelievably, the vegetables were even saltier. I think I would probably avoid this next time, because the quality of the vegetable you get is not worth the amount you pay for it, though it is already fairly cheap. In short, I would eat here again, but I think this place is slightly overrated.
繼續閱讀
自由行及國內遊客盛行了網紅店打卡以後（因為大眾點評和小紅書等的普及），超級討厭排隊的我過去幾年基本上都沒有在店裏吃過，真係好想吃非不得已就打包坐喺車度食。今天經過中環，直行直入坐低點菜，沒有了以前吹你落單跑來跑去的熱鬧。收銀姐姐態度好好，夥計恭恭敬敬，沒有了以前生意多到唔願做的氣焰。見唔到門口個位精通四五國語言的阿姐很是懷念，以前買外賣🥡，站在她旁邊，一打十，說完普通話說英文連韓文日文都琅琅上口，如今遊客沒有了不知道他是否成為首名裁員呢？朋友問我點解張相影得咁衰，其實佢哋已經好慘了實在不忍心光明正大rub it in 風水輪流轉，有誰又會想過我們香港旅遊業有這一天？入返正題，牛爽腩仍然好味但湯就真係喊左啲，晚上不停口渴
繼續閱讀
今日路經九記，見無人排隊就入去試下。入面坐左八成滿，但都要坐到逼逼夾夾。樓面阿叔阿嬸態度差就出晒名，對食客都係呼呼喝喝。入面多數都係遊客或者大陸人。想叫兩碗牛腩米，無米粉，唯有食牛腩河。啲牛腩靭到咬唔開，攝晒入牙罅。究竟好食個位係邊？想加辣椒油，但係枱面無，唯有密密食，又點敢驚動樓面啲燥底阿叔。啲阿叔上菜好似打仗咁，隊碗面比我對面啲客都撞到我個頭兩次！我知你地方逼！都唔代表要比你撞我個頭下嘛！！！食完咀都唔敢抹，即走，坐多陣可能人都比佢撞散真心食唔出同我屋企樓下廿幾蚊碗果啲牛腩河有咩分別。埋單兩碗牛腩河加個油菜$135，尼個價錢我返屋企樓下食到四碗，加個菜，再加碟炸魚皮啦，仲有辣椒油添~~無下次！
繼續閱讀
最难吃的餐厅，态度极！极！极！极差！都不知道为什么那么多人去排队，大家不要在受骗了。牛腩嚼不烂，面汤毫无特色，卫生还极其差，吃个饭像是在监狱，服务人员毫无表情大声呼喊。
繼續閱讀
您可能會有興趣的...