九記牛腩

營業中

休息中

上星期五去咗食出名嘅牛腩麵, 係我成世女都未食過咁難食嘅牛腩梘水麵, 我以前都食過幾次, 好多年前第一次食, 真係好好味, 但越食就越差, 今次仲特登帶埋啲未試過嘅朋友去食, 朋友好失望, 啲梘水真係大到無人有, 個個都食唔晒就走, 成$25蚊都唔係平, 但啲麵真係好"壓" 總之我成世女都未食過咁鬼"壓"嘅梘水麵囉. 朋友, 如果你地去食, 最好叫米粉或者河粉比較安全囉...至於牛腩, 我果碗比較肥,同埋"銀"咗啲. 繼續失望...

九記牛腩雖然大名鼎鼎,但未至於所有人都去過,單是這夜身邊兩位朋友,從未去過這間清湯腩名店.晚上八點半到達,門外已有條不算短的人龍,晚市剛開,已經沒有爽腩吃了.在人龍之中,其中一名女子口中唸唸有詞:{爽腩一早比人留起晒啦.}整個牛腩之中,爽腩部位極少,在奇貨可居之下,再一次與她緣慳一面.唯有再與老朋友 - 牛腩伊麵相聚.小弟未算是吃了十多年的老顧客,都吃了六,七年.每一次來九記,從來沒有失望過.牛腩做得軟稔可口,肉質鬆化不黐牙,其湯底更是不得了.每一口盡是牛骨牛腩的精髓所在.老老實實去熬出濃鮮的牛骨湯,實在找不出要下味精的理由.九記的湯底,在香港仍是無出其右.一向偏好其伊麵,沒有惹人討厭,吃到滿口油溢味.爽口煙齦,多年也如一.咖喱牛筋腩又是好吃,鬆化的牛腩盡收咖喱味,而且筋位入口滑溜.沒有牙也會吃得津津有味.很多人批評九記的服務,我有點不明白.九記的伙記很好記性,而且有效率,來過多遍,從未遇上漏單情況.態度欠佳?記住,我們去吃牛腩,不是上那些酒店內的高級餐廳.而且,伙記又未至於去到呼奴喝婢之態度,偶爾粗聲粗氣,也絕對能包容.只怪劉華的一系列"今時今日的服務態度係未夠"

可能去的時候已經3點過了lunch hr，雖然多人，但起碼都仲有位是次點了最有名的爽腩麵，再另加肥牛爽腩麵是舊有水準，牛腩不會出現難咬或者好多筋痴牙的情況同行的2位朋友都大讚好味不過價錢與份量不成正比，$25一碗，但好細碗 (可能出名吧!)女仔食都覺得唔飽，如果男仔食可能仲大獲肥牛就麻麻了，連一般茶餐廳的質素都比不上同樣收$25一碗，但爽腩仲可以比個理由佢係一分錢一分貨但肥牛就.............佢主要衰在肥牛的肉唔夠肥，結果有好"un"的情況出現下次再去就只會淨叫爽腩了~~倒是想再試下咖哩味會點~

久聞「九記牛腩」的大名，今天下午二時許到了上環辦點事，事後順道來一試。二時半後的九記已沒有人龍，不過店內也坐滿了九成，反而對面的「蕃茄麵大排檔」仍然人山人海。還未坐下已立刻點了「腩伊」，小二阿叔問我要不要油菜，要吃靚油菜不用到此店，所以婉拒了，其後發現他對每位客人也會問一次。同檯的有一位大叔、一位大嬸及一對年青情侶，所以坐得頗闊落舒適。「腩伊」送上，小小的黑膠碗內，放了五件牛腩、蔥花、伊麵及清湯，份量一看已知細小。先呷一口清湯，比起灣仔「大利」的來得清甜，再吃一件牛腩，與「大利」的分別不太大，反而伊麵比起「大利」的煙韌，十分彈牙。小小的一碗「腩伊」，在緩慢進食的速度下，也不用五分鐘已連湯不漏全部掃光，埋單成為廿七元。由於工作關係，要吃清湯腩大多會去「大利」，對其味道已沒有太大感覺。而今次初嚐「九記」，對其湯底的印象最深，後者的確是在「湯底」上勝了一仗。期待下次到「華姐」再作一次「全港清湯腩」三強大戰。

星期六下午三時. 本來一心諗住食勝香園的, 奈何望人龍而輕嘆, 只好轉戰對面的九記.向來只聞九記的大名, 卻未層一嚐其滋味. 雖然都要排隊, 但等了十分鐘即有位子. 甫坐下,哥仔即問要吃什麼. 我一向鐘意牛筋多於牛腩, 貪其有口感又唔黏牙, 但望了望餐牌, 發現沒有清湯筋腩, 只有咖哩筋腩. 同行友人說上次試過咖哩的, 有點辣. 我問哥仔: 可否要清湯筋腩? 答案是: 筋腩必定要跟咖哩. 真不知可解. 沒有辦法之下, 只好叫了咖哩筋腩伊麪. 哥仔隨即又問: 跟油菜? (那語氣好像是: 你們不是不叫油菜吧?) 友人說: 不要. 我見哥仔的表情好像說: 不識貨。 等了不用五分鐘, 麪就來了. 麪小小的一碗, 由於是咖哩湯看不見底所以不知筋腩有多少. 先吃一口伊麪. 好吃. 而且咖哩湯香而不辣. 再試牛筋. 也很好, 滑而不硬但有口感. 牛腩很腍但不及牛筋好, 因沒什麼牛味. 雖然麪的份量不多, 但筋也有六七件, 算是交足貨. 反而腩只有兩件, 可能他們知道叫得筋腩的人想必是好筋多於腩吧. 整體感覺頗好, 特別覺得咖哩筋腩伊麪這個組合真的很配. 喜歡牛筋的朋友去試一試吧!

同朋友遊覽完文武廟, 順便黎呢度食下牛腩~~我想叫河粉~~冇~~咁我叫幼面啦~~又冇~~唯有叫牛腩粗面~~一食! 嘩~~咩D面既“簡”水味咁重既~~搞到D湯都有“簡”水味~~食下D牛腩先~~好有牛腩味~~不過幾un下~~朋友叫果碗牛腩伊麵應該會好D~~起碼冇“簡”水味~~

今日下午一點去接女友收工，之後女友話想試九記牛腩，於是行去歌賦街。離遠已經見到勝香園的人龍（約有三十人），心想希望九記會人少D，結果都係差不多，幸好的是九記人龍清得快，可能因為有樓上的關係。以前自己一個人來，通常都係非繁忙時候，所以不用等位之餘，坑腩質素有優質保證。曾幾何時，我覺得這兒的腩伊是全港最正的！我也不記得最近一次來是甚麼時候。排隊期間還發生了小插曲，話說在等候其間，我女朋友遇見了公司同事行過，那位靚女打完招呼之後第二句說話就講：呢間野（九記）麻麻地喎！我未入去食之前，仍然對九記好有信心，幾乎想開口反駁，但我知道九記的名聲實在好壞參半，為顧全女友面子就不作聲，而女友亦回應：都排隊排到中間，點都試食下啦！女友的同事臨走前都不忙再三“提醒”我們，這間麻麻地！排隊約十分鐘左右，已經可以入去。坐底後我和女友立刻叫了腩伊、腩河各一，加油菜（衹得生菜）一碟。由於我們坐在麵檔前，深深明白九記何其繁忙，女友亦對不寫單、侍應哥仔大聲叫喊“暗號”、麵檔師傅極速處理order等情景，嘆為觀止！回到正題，我非常認同樓上某位食家所言，九記的牛腩變得有點平凡，口感雖然還算鬆軟而且不韌，但幾乎全無味道，還幸

Came here after hearing all the hypes and reviews on TVs and website. I felt disappointed, as the food taste just average at best, and given this place isnt easy to get to (it's in a small street in hilly part of Central), I felt it's not worth the effort. In fact, even if it's easily accessible, I am not sure if I would give it a try again. P.S. I didnt get to try the popular 爽腩, so maybe I missed out on the best that they offer. But for the other offerings, they are really just average to me.

九記O既腩肉食過好多次，味道都好正！但上個禮拜再去食個咖喱腩伊，就真系失望啊！碗面細系一直都知，食過幾次，都接受佢呢個細SIZE，塊腩肉“冧”系“冧”啦，“冧”得過候啦，擺落口，完全都唔使咬啊，冇肉O既口感。食碗得個腌料味道系個口，冇曬以前D牛腩味。雖然食過好多次，但今次呢碗咖喱腩伊 真系失水準之作啊！九記似乎以為個個來幫襯O既都系“雀仔胃”O甘，整得細細碗，仲收27蚊

:huffy I went there on Sept 16th around 7pm. The server attitude was so rude, rush you to order immediately. Food was very dispointed, I ordered a bowl of beef brisket noodles but it was really small and taste nothing special. It's not worth $25 at all.Overall Conclusion: I won't go back there anymore.

住係中環廿幾年﹐同九記只不過落山步行十幾分鐘﹐但係偏偏就對佢又愛又恨佢好的就係個無敵湯底+爽腩﹐配伊麵同河粉都係一絕﹐其實除此之外都無咩好唔好的又有好多...七宗罪...1. 星期日唔開2. 晚市七點三到八點半唔開門3. 中午12點半先開門落order4. 爽腩要4﹐5點後先有5. 態度囂張又寸寸貢6. 細圓檯要坐七個人7. 淨爽腩要$62!!!好...講返D野食先...其實佢個牛腩伊真係好好﹐幾乎可以話係天下第一﹐帕肥的朋友唔好叫爽腩﹐想食爽腩但係無的話都唔使驚﹐叫個腩伊要肥腩或者半肥瘦就可以...其實我覺得呢個都好靚千企唔好同佢講話要揀"靚"的﹐實會比人寸...如果唔指定要半肥瘦佢就比D瘦的你到時就唔好complain﹐因為瘦的會好韌爽腩係靚﹐但係超肥﹐湯底本身都肥﹐所以適可而止咖哩腩係將清湯腩淨低頭頭尾尾果D碎腩加牛筋炮製而成﹐想啖啖肉的朋友就注定失望﹐我都唔會推薦﹐因為佢係超級的咸!!!油菜係西生菜﹐無咩特別﹐但係會用清湯底浸住最近佢推出左肥牛麵﹐可以話係一個突破...不過唔會比27蚊試來得呢度就要預左態度唔好﹐所以快D食完走人算數...如果食一碗唔夠的話﹐二人同行可以叫一碗淨

已經好幾年沒來光顧九記了，對上一次該是三、四年前的時候。剛剛吃完了令人"絕望"的所謂牛柳，此刻極需要一些美味的食物來"中和"一o下。眼看九記竟然沒有人排隊，那當然就順水推舟進去來一碗清湯爽腩。好景不常，爽腩竟然在半小時之內賣光了，退而求其次要了一碗清湯腩伊麵好了。不知是何固原因，這次的牛腩來得有點平凡，口感達不到鬆化軟熟，反而有一點點的韌，這亦都可能是因為全腩瘦位的關係吧﹖伊麵依舊有咬口帶點煙韌，是自己喜好的口感。而清湯腩的靈魂 - 湯底，味道依舊是非常之濃烈，不過其牛骨味道仍是有的。整體來說因為牛腩的關係而拉平了評分，或許年紀漸大了，於味道上的喜好有所改變，由原來的濃烈漸漸改為味鮮......

上個星期六，一心去試下佢地d牛腩，咁咪叫左碗腩E囉。但...真係另我地覺得好失望。首先係D牛腩，有一大陣醃料味但就冇牛腩味；一咬落去，又唔"冧"又痴牙。個湯d味精好多，仲幾鹹添。我食左一半就唔想食lu。我一向都知佢好細碗，但真係比我想像中的仲要小，我老公食左幾啖就食晒碗伊麵。所以我地都覺得唔值咁貴。如果剛好經過去食次都冇所謂，但好似我地咁特登黎就唔洗la。

上個禮拜六同家人來試下何謂明星都愛死既九記，上次去勝香園既時候都見到人多到嘔，今次則非常順利，門口等左5分鐘就有位我地三個人，叫左兩碗清湯腩伊，一碗咖喱腩伊。首先我對27蚊一碗咁細既湯麵好有意見，實在太細啦，以前我成日話油痲地橫鋼貴，現在才知道何謂天外有天，人上有人！味道方面，個咖喱既都ok, 不過就同我係澳門食過既無得比較.....至於個清湯腩伊，講起就把鬼兩把火，果個所謂“清湯”根本就係“清一色都係味精既湯”，同華姐果個真係清湯腩完全兩回事！老實講，禮拜日果個姓蔡既電視節目好多時都係只介紹自己friend既餐廳，唔好信曬佢囉！（我已經中左幾次招啦！）坐就仲過分，我地坐係收銀台前既，突然間來多了人，突然就要開左度玻璃門，咩冷氣都無曬！食完我地馬上走，仲一人飲左支750既水先舒服d! blacklist!

睇電視同聽人講得多啦, 終於有機會試左九月一日早上去完聽講座, 下午請左假, 心血來潮, 就去左試九記牛腩~~~終於去到啦(果日大熱天時, 我已經濕晒啦), 可能過左食飯時間, 又唔係太多人, 一入去就有位啦~~~~叫左碗出名的牛腩麵, 牛腩真係好"霖", 個湯又好好飲, 真係名不虛傳~~~不過唔知等幾耐先再去試過啦