丼瀛 (已搬遷) 新店位置

本身睇食評睇落都幾高正評，所以上去試下佢地嘅丼。可惜期望愈大，失望愈大！食物方面 ： 吞拿魚完全無口感，海膽少少苦，飯就太乾。服務方面 ： 服務生太沒有禮貌，毫無服務可言。可一不可再

⠀⠀⠀⠀⠀⠀⠀⠀⠀⠀觀塘其實有好多餐廳都唔會做晚市，皆因大部分打工仔，放工就四散，無咗中午既人流保證，好多餐廳都寧願唔做😢⠀⠀⠀⠀⠀⠀⠀⠀⠀⠀⠀⠀⠀⠀⠀因此，夜晚重燈火通明既食店，一喺就已經名聞遐邇，回頭客眾多一喺就對自己信心十足，準備大展拳腳⠀⠀⠀⠀⠀⠀⠀⠀⠀⠀⠀⠀⠀⠀⠀而丼瀛，就屬後者😝⠀⠀⠀⠀⠀⠀⠀⠀⠀⠀⠀⠀⠀⠀⠀💘💘💘快人快語💘💘💘 ⠀⠀⠀⠀⠀⠀⠀⠀⠀⠀⠀⠀⠀⠀⠀⠀*️⃣丼瀛於觀塘新開張，老闆樂師傅常有各種創新煮意，海膽杯更是其招牌菜式。雖然以丼為名，但其菜式豐富，有丼物，刺身，燒烤，創意壽司及特色卷物，選擇豐富。⠀⠀⠀⠀⠀⠀⠀⠀⠀⠀⠀⠀⠀⠀⠀💘💘💘慢慢品，快快評💘💘💘⠀⠀⠀⠀⠀⠀⠀⠀⠀⠀⠀⠀⠀⠀1⃣北極光海膽杯💲198💭總共9層，先有黑魚子及白帆魚乾😍💭然後有加拿大海膽，海葡萄😍😍💭三文魚子，海膽豆腐，鱈場蟹😱💭底層就係蟹膏豆腐及紫薯蓉💭每層都配合得剛好🤤🤤💭能夠好好發揮海膽既鮮味😍😍💭最中意佢地既白帆魚乾，好香脆⠀⠀⠀⠀⠀⠀⠀⠀⠀⠀⠀⠀⠀⠀⠀2⃣丼瀛龍蝦刺身爆丼💲228💭龍蝦起肉做成沙律，好新鮮彈牙😍💭會越食越上癮，且龍蝦頭蝦膏十足💭可以扒出黎拌飯🤤🤤重有幾種刺身拌丼💭仲有隻熟蛋，

一班朋友都係同一區工作,放工後可以搵下附近有咩好野食, 唔使又迫人迫車走出旺區搵到呢間新開的日本餐廳, 前身是一間西餐廳點了一個BBQ 北海道海鮮拼盤, 還送一杯Corona cocktail !, 好大杯, 係mix橙汁想試最出名的北極光海膽杯, 但可惜賣完, 下次要早一點來還點了個丼瀛龍蝦刺身爆丼, 原隻特長鰻魚飯, 7星築地壽司杯丼瀛龍蝦刺身爆丼:原來大龍蝦! 肉質非常彈牙, 而且好多蝦膏, 配上好多刺身, 三文魚, 劍魚, 吞拿魚等等, 還有一隻流心蛋, 非常豐富BBQ 北海道海鮮拼盤:蟹蓋好多鮮味蟹膏, 送飯一流, 兩大隻蟹腳, 肉質厚又多汁, 生蠔同樣新鮮多汁呢個拼盤好抵食重送好大杯既Corona mix orange juice cocktail, 放工Happy hour perfect match.7星築地壽司杯:賣相幾得意, 海膽非常新鮮, 而且好厚, 好creamy, 刺身蝦肉質彈牙, 三文魚刺身肉質豐富美味, 另外吞拿魚碎都係好鮮味好大條, 原隻特大鰻魚, 肉質幼嫩, 配飯一流, 重跟埋一隻流心蛋, 真的非常豐富在這裡附近返工的朋友值得一試!

今晚來試食，大失所望，價錢貴之餘又唔好食，海膽唔新鮮，三文魚冇乜味，飯又硬，百幾蚊食個海膽三文魚飯非常不值，去APM 一田食個自選刺身飯仲好過，串燒牛肉$28串，燒到乾哂，又冇牛味，而且服務員又差，真係唔洗有下次。

見網上寫得呢間嘢咁好食。。今日就同朋友去試啦。。點知!好有驚喜。。我地叫左個魚生飯。D飯又硬。又冇醋味。仲好似隔夜咁既質地。我地就同經理講：D飯好硬。。佢就換過啦!跟住我地再問經理：點解D飯冇醋味既。經理答：因為之前有客人投訴。D飯太濃醋味。所以唔落。。真係難食。串燒到啦！牛舌。唔夠熱加冇味！大怱豚肉。又唔夠香。又係冇味。。。個海膽唔知咩杯。個size。。仲細過香檳杯。。最底原來係紅豆。。。呢個價錢。食D咁既嘢。真係唔抵。。簡直係難食

其實價錢嚟講佢真係好抵呢間工廈有幾間食肆都係呢間最好食如果佢個麵豉湯serve之前可以搞下佢都ok我知日本嘅麵豉湯飲之前應該要自己用筷子搞佢但係呢間係唯一一間我係香港飲嘅係要自己搞服務非常之好個老闆好聰明將唔同嘅人擺喺唔同嘅位置上面你一坐低叫嘢食已經配上麵豉湯同沙律呢個係非常聰明等客人食緊嘅時候一邊可以準備佢嘅主食本身我對工廈嘅餐廳都係冇乜要求但係佢嘅海膽真係令我好意外真係幾好食唔係平嘢但係我麻麻哋佢嗰個蛋唔係好夠流心不過其他嘢都好新鮮呢個價錢午餐算係好抵

觀塘區的工業大廈越來越多上樓食肆，除了避開鋪位貴租外，食客也可遠離繁囂人群，輕輕鬆鬆享用膳食張業不久的丼瀛，主推日本料理和燒烤美食一張menu顯示所有菜式，一目了然丼瀛刺身龍蝦爆丼 $228-HKD原隻大龍蝦加上雜綿刺身，$228超抵試食價，一定要試龍蝦滿載惹味蝦膏，啖啖肉，正!北極光海膽杯 $198一層一層的海膽杯，含有蟹肉、紫薯、魚籽，帶出層次口感築地壽司杯 $148一反傳統方法，以杯子盛載「壽司」，新鮮的食材，食指大動不得不推介店子的惹味串燒，灑上日式醬汁和味粉，超吸引!牛舌香軟肉滑，推介!芝士翠肉瓜、芝士雞翼，芝味無窮!

睇OpenRice 食飯，中哂伏...之前食過幾間工廈餐廳都對版，點知今次咁差。一入餐廳已覺裝修殘舊，待應話無訂位，要我地坐室外，諗住走人，跟住又話室內有位。睇住個餐牌價錢貴過丼丼屋，應該唔會好差，試試照食喇。見到招牌飯係 丼瀛龍蝦刺身爆丼好似好吸引，不過相片𥚃面果隻其實係螯蝦，不是真正龍蝦，要$228，結果無叫。今餐點左：1.三文魚厚切，其實好薄，加多幾件有沙北寄貝，份量少丶爆多白飯，收人$148，好鬼貴2.北海道爆丼，又係刺身份量少，蝦又細隻，白飯勁多又無醋味，盛惠$1083.鹽燒雞翼都可以唔熱4. 串燒雞軟骨，食到走到未到仲有一坐低就有碟前菜放低，原來要收人$10，唔聲唔聲呢間無下次，無一樣食物係好味又對得住價錢，食回轉壽司好過，希望大家唔好中伏

很少踏足觀塘，莫說是該區的工廈地帶。姊妹建議今晚過來這邊開飯，嚴重路痴的我，看著手機地圖兜了一個大圈，最終成功抵達。原來入夜後的觀塘沒想像中清靜，滿街人氣，挺是熱鬧；而餐廳的位置很方便的，如懂得通過商場走捷徑，距港鐵站只是約五分鐘路程。單看餐廳名字，已猜到這裏主打丼飯，果然沒錯，款式有成十多種，包括各式海鮮配料，要選出心頭好也需花點時間。除此之外，刺身和串燒當然不能少。位處工廈之中，餐廳裝修平實簡潔，店內設有私人房間，亦有露天座位，可讓煙民外出「呼吸」。一場來到，當然要試招牌菜啦！龍蝦刺身爆丼($228)陣容鼎盛，食材堆得如小山丘般，幾乎滿瀉。原隻龍蝦巨型厚肉，超級多膏，甘香濃郁；其肉質爽彈，可惜稍欠甜美。刺身包括三文魚、吞拿魚、油甘魚、北寄貝、帶子等，豐富新鮮。墊底的珍珠飯份量慷慨，個人喜歡酸度再重一點。單是丼飯又怎能滿足我這個饞嘴兒？於是點了幾款串燒品嚐。白鱔($38/串)定價實惠，質素卻不俗，性價比高。成品賣相吸引，脹卜卜很厚肉，而且完全無骨，可以放心地大啖吃。魚皮輕脆，肉質嫩滑彈牙，油脂不停滲出，潤澤豐腴。擠些檸檬汁調味，有助解膩。海膽醬燒原隻帆立貝($58/2隻)熱辣辣送到，

在網上看到這間店，人氣不錯，而且離屋企唔遠，本來打算網上訂坐可有積分，但想打電話去問問那裡是否有供應酒類，所以就打電話訂坐順便問問，答案是：無㗎！你如果自己帶酒，我哋冇飲酒嘅嘢供應㗎，即係開瓶器之類嗰啲😓今晚到了現場，原來全場只有一個樓面，佢要聽電話、落單丶傳菜、埋單、執枱.....全場雖然不大，但只有一人handle，覺得真係唔掂，莫非佢老細以為咁樣可以慳到錢？咁樣只會做衰自己，管理不到位、服務不到位...叫了幾款，海膽沙律，海膽雖然是新鮮的，但那股腥味很反胃；築地壽司，敗筆在壽司飯，米沒選好，可惜；牛肉壽喜煱，調味過甜，菜像菜乾；最攪笑是想加單試個鰻魚，但鰻魚要跟飯，因為已經吃了很多飯，想問可否只要鰻魚不要飯，答案是沒有的，只有這個😓那好吧，來個鰻魚飯走飯，答案是：不行的，廚師不會和你這樣做😵值得一讚是沒有漏單，雖然得一個樓面，但如果想在工廈突圍而出，如此的貨色、如此的服務，結果應該將會跟以前做西餐一樣有點不明為何網上如此多好評，感覺中伏

我比較鐘意係工廈覓食，因為感覺性價比高。雖然係工廈，但今次搵到一間係apm附近，超方便。餐廳環境好舒服，而且仲有半露天添。丼瀛龍蝦刺身爆丼，龍蝦原隻好多膏，肉質彈牙，刺身方面有三文魚，帶子，吞拿魚，北寄貝，白拖羅，魷魚等。刺身鮮味絕對有保證，賣相加足分！北極光海膽杯賣相冇得頂，上面有黑魚子同馬糞海膽同三文魚子，下面有松葉蟹，蟹膏豆腐，海膽豆腐，海葡萄和紫薯等。同彩虹一樣。海鮮再加紫薯加埋，直頭冇得頂。松葉蟹甲羅燒蟹膏爆，上面舖滿松蟹，好鮮味，甲羅燒蟹膏好鮮甜仲有丼飯。築地壽司杯，杯杯都整得好精緻！黑魚子海膽，甜蝦，三文魚籽三文魚，蟹子墨魚，薑粒吞拿魚手卷，非常正。Corona Cocktails易入口

觀塘工廈越黎越多野食，今次跟朋友去食呢間丼瀛。地點係近地鐵巧明街，一上樓就有醒目影認招牌。一望 menu 就知多野食 一場黎到就試下呢個北極光海膽杯 一杯 $198 由海膽食到落底紫薯啖啖肉 丼瀛龍蝦刺身爆丼 $228，今次一行其實係為左佢，成隻龍蝦放係碗上面大隻到遮晒下面 D  魚生，份量同質素絕對冇欺場，食到底都仲係滿口魚生，正呀 ！menu 上仲有好多野要試 下次再黎過

即日於openrice訂座 5月5號八點半6位， 一去到男職員態度超差，問我哋係咪openrice訂座，佢話detect唔到，叫我哋喺出面等，但入面係有位，我哋照辦係出面等，等咗一陣叫我哋入去，坐低發現檯面有冷氣機滴水，望向天花板部冷氣機見到有一滴滴水珠準備滴落嚟，跟住同番嗰位男職員講，其實我想叫佢用塊布抹一抹天花部冷氣機啲水珠，佢已經好快答我哋話冇辦法啦，出面有露天開住門，一定有倒汗水， 跟住就行咗去，其實有其他座位可以安排我哋轉過去，但佢完全冇理會我哋，舖頭人唔算太多，但係佢就好似忙到天昏地暗，完全冇服務畀我哋，所以我哋唯有起身走人，因為見到openrice推介所以去試，我諗食物就算有幾好食，價錢有幾抵，職員俾啲咁嘅態度我，請我都唔會去食，我唔知點解一間食肆可以做到咁嘅，如果佢係老闆，我諗佢要反省下，因為係母親節關係想幫媽咪慶祝飯局，就揀選左依間餐廳，結果……，其實每個客人都帶著開心嘅心情去食飯，但就畀佢搞到不歡而散，這樣好嗎？

好少會好想食日本野，但今日真係好想食。每次去觀塘食日本野都會諗起"x 今", 因為我真係覺得幾好食😋?不過朋友提議想試新野，又見openrice book枱可以有分，於是就去試下。book左8:00pm, 上到去都唔係好多人，可能係因為平日。坐低睇menu, 搵唔到有野好想食，於是求其叫左個海膽三文魚丼，鰻魚飯同幾串串燒。先黎前菜-茄子，味道唔錯。跟住有沙律，味道一般，因為都係菜加芝麻醬，好難唔好食。再黎麵豉湯，味道好一般，有齊豆腐同海帶，可以唔飲到正餐部份海膽三文魚丼，份量係不錯，但個樣唔係好新鮮，海膽真係唔好亂咁食D飯好多，不過好似冇左d味，好似食緊普通珍珠米煮既飯最好都係隻半熟蛋，真係半熟，但冇咩味，重點係。。。唔夾而鰻魚飯呢，又有半熟蛋喎，鰻魚都算不錯，可惜個飯冇用珍珠米，只係煮得唔好既白飯全餐飯最好味既就係d串燒，每樣都係1串計，都唔平架，牛舌燒得最好味，夠香口又冇過火，串鱔都ok既，不過串雞皮就冇雞皮味，只有油膩感。呢度雖然唔算貴，但都唔係抵食，只有外賣lunch既價錢係抵，不過晚市黎講，絕對唔係抵以呢個價錢，丼x屋既質素一定比佢好。

上網見到呢間嘢就上網訂位同屋企人去試下，去到先話要坐露天位，出面又暗又熱又多蚊，一路食就一路比蚊咬，入面仲有張枱到我走都無人坐，佢早通知我我就唔去，個仔諗住叫嘢食，見到個女侍應叫佢又無人理，要叫佢第3次先有人嚟落單，一個雞扒烏東要成佰多元，出面食拉麵都唔使咁貴，壽司飯又唔係比其它店特別，刺身又簿又細舊，而且食物無乜特別，最差係燒雞皮，完全唔脆好似食緊炆雞翼咁，而且仲好咸，食完要即刻飲水先得，一家人都話唔會再去，