丼瀛 (已搬遷) 新店位置

Happy Friday要OT, 好灰好頹呀，不過有兩同事陪我都好dd,放左工，誓要去食下發洩下，不過糧尾嘅情況，又想食日本野，同事話公司附近有間性比價高嘅日食，而且仲有露天位，就去試試佢先!入到去無耐，就見到有間獨立房，如果好食 下次可以叫多d同事黎包起佢張menu好大張好colorful好清晰展示出唔同丼有乜東東配料另外仲有張傳單，有個爐燒嘅海鮮併盤餐$138仲送大大杯corona cocktail,價錢ok bor!有個爐仔，有帶子，菇，蠔，蟹腳，蟹蓋同埋龍蝦⋯杯corona係特飲，入面有淡淡橙味的清香牛油燒帶子龍蝦刺身爆丼賣相幾靚bor,刺身望落去幾新鮮而且件件厚切，足料！食落呢… d 又真係件件新鮮！膏膏膏！隻龍蝦肉爽唔在講，而且仲好多膏添！D膏甘甘香香～花心嘅我叫呢個啱哂喇，肚仔容量裝唔落咁多野，呢個每款細細杯，一共六杯嘅壽司杯，樣樣可以試下！我想話，特別個海膽杯仔真係鮮味呀！巨大鰻魚呀！黎到當真有d surprise!通常menu張圖作大架嘛基本實物size都打八折啦，點知黎到真係好king siZe!肉厚，肉質軟熟肥美，鰻魚大過飯呀！如果多少少鰻魚汁撈飯仲正！平時就咁買

天氣熱，都係想食下清清地既日本野，黎到呢間專門食丼既餐廳。其實之前有食過係佐敦個間，原來menu 係唔同既，不過呢度有呢度好。中午食飯上菜好快，一黎就即刻上沙律同湯，我叫左個海膽三文魚丼，份量唔錯，三文魚都好生鮮，海膽就一般啦，係環境比較嘈雜小小，但係封閉既環境就無辦法。不過可以選擇，我會推薦佐敦個間。

小弟食咁多餐飯，未試過食到一間一定要寫食評既餐廳，因為真心覺得差到離地！好日都唔食一餐好野，又約左個朋友比手信佢，諗住食好小小，上網見依間評語都唔係好差，相又幾吸引，就決定去試下，點知咁就出事.......間餐廳係工廠大廈，地點唔難搵重好近APM，好方便， 上到去個惡夢就開始..........一入到去，貌似經理既人問我地：有冇訂台，電話幾號，全程黑曬口面語氣又差，我心諗，我比錢黎收你氣？依下都算，坐底左一陣，另一位同事就拎左小小前菜比我地，味道唔係差，放得入口果隻囉，到我朋友到左準備點餐，又係個經理幫我落order，都係keep住黑面，語氣差到離曬地，點好曬好似趕關門同一粒聲都冇咁收走我重睇緊既餐牌，個心立即十六字真言出曬黎，依家重有d咁既服務態度，個老闆都好有問題，過左一陣就拎左個味噌湯同沙拉比我地，個沙拉還好，個味噌湯淡到湯唔似湯，水唔似水，咁都叫日本餐廳？重衰過我係超市買返去自己煮！我地叫左個金龍卷同三個丼飯，個光龍卷都唔錯。到個飯黎到，第一啖飯已經食得出依間餐廳點解有咁多好評，日本餐廳拎泰國米煮出黎？你冇野下話，重要差到d飯係難食果種，真係好想問下依間餐廳點會重生存到，d人重

星期日訂左枱下午同屋企人去試下，食物普普通通，除左食丼之外其他野價錢又貴又細，如果你想食刺身同壽司就唔好黎，因為無乜選擇😅除非你好鍾意食飯，差唔多樣樣野都係大大碗飯，串燒都係放題貨色😪果杯海膽唔知咩咩，睇相唔錯黎到就大過枝益力多小小既杯放左幾層野、紫薯、蟹肉、牛油果個面頭加左細細篤海膽$198,另叫魚生都係放題貨色叫飲品都好性格🙄飲品只提供紙包飲品（無可樂、無檸水檸茶），以人頭收費要飲野就每位收$xx好似係任飲，同行6人只係1人想飲佢D野，算把啦唔叫😪無理由1個人飲6個人都陪俾錢，個個都食飯食都反胃唔想再叫。同行6人一老一幼，二男二女埋單$2140以喱個價錢同其他日本料理比較係唔會再黎，最大優點係星期日想唔洗等位食日本野又唔多計較價錢同食物質數咪黎羅。😏

難得放假相約好姊妹去APM shopping，當然要去附近尋找隱世美食，今次選擇了工廈的日本料理。BBQ北海道海鮮拼盤先來一個海鮮拼盤，有蠔、帶子、蟹腳和冬菇，拼盤附送一杯免費Corona cocktail，一半橙汁，一半啤酒，邊燒邊飲邊閒聊，好食又好玩！北極光海膽杯餐廳招牌菜，總共有9層，魚乾、黑魚子、海膽、海葡萄、三文魚子、海膽豆腐、蟹肉、蟹膏豆腐和紫薯蓉，配搭特別，層次豐富，口感一流！築地壽司杯賣相精緻，海鮮份量十足，黑魚子海膽、蟹子墨魚、魚子三文魚、吞拿魚蓉、甜蝦、吞拿魚手卷，最適合貪心而胃口不大的我們。丼瀛龍蝦刺身爆丼餐廳主打丼飯，當然是必試首選，原隻龍蝦肉質爽彈，蝦膏加青瓜配上三文魚、劍魚、吞拿魚等刺身，口味清新！

係樓下見倒個易拉架廣告，見倒啲相唔差！上去真係食倒著火！1.人差一入去有個後生仔問我地幾多位，我回答完兩位，佢叫我等等，之後有個老的侍應問有冇訂位，我話無，佢勁無禮貌叫等等啦，不過間店有一半空枱，有幾張差唔多收舖都無人坐啲留枱，之後老侍應扮睇預約紙，睇完做下自己野要我地等下，就有點唔耐煩啲語氣叫我地坐底！之後仲搞笑，我食咁耐就聽咁耐個老侍應勁大聲呼喝個後生侍應，但我眼見個後生仔好勤力同好有禮貌，成晚聽倒佢把聲，好煩！最黑人憎每當有人叫落單，好似啲客欠左個老侍應咁，勁無禮貌，等等先得唔得吖，啲客又無話唔等你，最搞笑老侍應拿野過去比客倒左啲汁落個客隻手倒濕哂都唔知，之前個客好好叫佢比啲野抹手，佢先知，仲要話因為啲汁透明所以唔知倒左落個客倒！老侍應真係好差！2.食物貴又小兩個人食左兩個好mini啲丼呢個勁細碗啲128元呢個148最離譜呢個，切幾條蘋果絲加幾粒罐頭蜜桃，加小小蟹子，收人78仲要一入去比左碟野唔知咩來，又無話要收錢，到比錢原來要10蚊，我地仲有兩隻芝士雞翼，不過係無芝士啲，相都唔想影！魚生又普通又麻麻新鮮！兩人埋單433元！🤦‍♀️🤦‍♀️🤦‍♀️3.環境差地方好窄同有臭氣味！個位又係

11:30am打去book 3位, 本來book 12:00noon, 但朋友原來未訓醒, 要改1:00pm, 好彩接線既哥哥都好好肯幫我地改上到去原來都幾滿, 好彩book咗位. 好大張好厚既餐牌食物種類好多! 杯裝又有~ 爆丼都好幾款~  好有特色~ 唔係一般日式餐廳見到的~ 可見餐廳有花心設計食物~ 未正式叫嘢食就已送上沙律同麵豉湯, 好好哦~ 我叫咗個海鮮爆丼 , D料好齊! 有三文魚, 吞拿魚, 鮮蝦~劍魚腩~ 仲有兩片up唔出但都好鮮味既魚~ 仲有隻溫泉旦! 四眼哥仔待應上菜快手~ 筷子一掉即刻比對新既我~ 服務好細心喎! 午巿仲要75折~ 本來個丼$11X, 折咗只係$8X, 好抵食!!! 同區第二D日式餐廳一定唔係咁既價! 見到餐牌寫外賣既都只係$4X! 朋友唔介紹都唔知有間咁正既餐廳~ 加油哦~ 繼續支持您地!

公司在觀塘，通常和同事每月出糧後去試新野，剛好早前樓下派傳單，相片賣相OK，便決定去試。12:15PM去到，剛好還有一張近廚房的桌子，我們本想坐入一些(因坐位在一份大門的位置)，但經理說其他已訂了位，那沒所謂，食物才是重點吧。點餐後先奉上沙律、湯等了10min左右上小食-炸蠔(同事說正常，都熱，我沒吃)、芝士年糕(即叫即炸，味道與平時吃開放題的一樣，不錯)、銀雪魚干(其實與超市賣的$7左右一包魚干一樣味，但因在此加配也不是很貴，所以可接受)可能因客太多關係，魚生飯遲遲未到，所以我便周圍望打發時間，此時我便發現全店面一共有4位員工，1男1女負責整食物，一位男經理，一位女待應1. 2位負責整壽司的員工: 沒帶口罩 及 手套整食物，女的離開食物枱，返回時也沒洗手2. 女待應: 負責樓面、處理沙律、給茶客人，非常忙碌，但不知道為何她不停咳，但她也沒戴口罩我點了的三文魚海膽飯終於都到，結果...飯: 普遍飯，沒味道三文魚: 不夠凍，亦沒有三文魚味，質素一般，但肉質仍算結實海膽: 味道不夠，質素一般紫菜: "林"了蛋: 只睇外表已知失敗，吃後，無話可說，失敗總結: 以我點的飯為例，原價$128，L

又係OT嘅日子，收工後同事話帶我食魚生飯。餐廳就喺觀塘工業區，過條馬路就到，啱晒餓到就嚟行唔郁嘅我。餐廳裝潢簡單，最大賣點係出面有個露台位，啱晒一大班人收工嚟飲飲食食，不過今日太熱，都係室內嘆冷氣食。【築地壽司杯$148】七種不同的壽司杯 一字排開(嚴格嚟講應該係S字)，陣容鼎盛。兩款吞拿魚蓉配生洋蔥，吞拿魚味濃又香口。三文魚肥美厚切，裡面裝住一堆三文魚籽，鮮美十足。海膽新鮮冇異味，一大啖放入口，爽。【北極光海膽杯$198】餐廳招牌菜之一，一隻杯裝晒多層美味。最頂係白飯魚脆片+海膽+三文魚籽，用脆片兜嚟食，又脆又軟，鮮味十足。下面係三文魚籽，滿載成隻匙更放入口，鮮味爆發。再下層係橙色豆腐狀物體，原來係海膽豆腐，不過可能上層三文魚籽味道濃，所以食唔出豆腐有海膽味道。海膽豆腐下面係松葉蟹肉，啱晒我嗜蟹之人。最後兩層係豆腐+紫薯，甜蜜收尾。【BBQ北海道海鮮拼盤$138】估唔到餐廳仲提供濱燒，有我最愛(之一)嘅甲羅燒、燒蠔、冬菇、扇貝同蟹件，仲送特飲。甲羅燒蟹羔味濃郁，仲有微微嘅烤味，味道更上一層樓，不過配料只有蟹肉，如果加少少蛋汁、香蔥就更香更滑。燒蠔同扇貝都幾鮮甜，如果再大隻啲就perf

剛從廣州回來，十分肚餓。上 Openrice 搵食。見到這鋪有位可訂，沒有理會食評。照訂位......咁就中獎。丼飯生米缸，叫換過那些飯，個廚師完全沒有試就只是再裝過一碗飯。另外一碗角切魚生飯 仲奇怪，連魚血的位置都切埋放進去。這位日式廚師都好有問題。最仲要是位老闆，可能現時還太好生意。沒理會食物品質，只知有投訴就覺得客人生事。但佢唔記得客人是要比錢的，冇話投訴完就唔洗比錢 。唉～一句到尾 難食。奉勸要到這店，吃飯的人要三思。

今日專程到觀塘工廈覓食，喜愛日本菜，但又不想吃一般連鎖式日食，於是「捐窿捐罅」，找到距離地鐵站不遠的丼瀛。一入店，店面不大，燈光昏黃，有日式小酒館的感覺。丼瀛龍蝦刺身爆丼龍蝦原隻送上，當中肉身部份沾上日式沙拉醬，肉味紥實而有彈性，帶著淡淡的海鹽味，龍蝦本來的鮮味突出。此丼還有不少魚生，有針魚、三文魚、虎蝦、劍魚、魷魚等，用料豐富，一次滿足多個願望，魚生鮮美。原隻龍蝦，附帶鉗子，龍蝦鉗肉厚有彈性，龍蝦身有豐富的龍蝦膏，吃得人食指大動。北極光海膽杯，如同fusion般，一層一層，最頂層是厚厚的兩片加拿大海膽、海葡萄、三文魚子、蟹膏豆腐、松葉蟹柳、紫薯等，層層花款，創意之餘，為你帶來視覺上的賞心悅目，以及的味蕾舌尖上的刺激。Bbq北海道海鮮拼盤，甲羅燒蟹膏混和松葉蟹肉，膏香甜美，加上松葉蟹肉的口感，一流。燒帆立貝，肉質爽口，帶清麗的海風味。蟹腳肉質札實，不用任何調，只需把點帶海鹽味的肉烤得微焦，已經教人垂涎。築地壽司杯，一共6杯，送上時樣貌精緻吸引，刺身新鮮，絕不欺場。加拿大海膽厚身味道豐腴，吞拿魚腩蓉有脂香，甜蝦粗身肉厚，三文魚鮮美。加拿大海膽大大片，質感厚滑，入口海膽的Creamy味四溢

同依個朋友雖然少見但每次見都講唔停今次我地約左係觀塘食方便收工就可以見嘛香桃蟹籽沙律 $ 78一條條既蘋果絲加埋香桃上面放左蟹籽，即賣相靚又可以令沙律再多啲口感牛油果金龍卷 $ 98賣相都真係幾似條龍入面有炸蝦做餡料連同卷上面的沙律醬一齊食，好味丼瀛龍蝦刺身爆丼 $ 228 隻龍蝦仲大過個丼旁邊仲有帶子魷魚等剌身食既時候要將龍蝦放在一旁先可以食到個丼剌身好新鮮，龍蝦都好鮮味而且份量都幾多BBQ 北海道海鮮拼盤 $ 138見面每檯檯面都有個爐燒緊海鮮所以我地都點左除左拼盤外仲有杯啤酒特飲送拼盤有蟹蓋、蟹腳、生蠔、扇貝再將每一件放上爐燒一邊傾計一邊燒都幾寫意整體估唔到觀塘工廈入面會有依種餐廳下次黎觀塘搵朋友食飯又有多個新地方啦

同男友諗住揀日本餐廳食 又唔想食放題同集團公司既鋪 就搵下啦 原本以為好評都幾多應該唔會太差 去到同另外其他評價一樣 無服務 入到去話兩份 服務員一號 對望左就直接行開 無諗住招呼人 見到佢咁都呆左 然後就等另一個帶入座（二號）一坐低比完茶就比左個豉油碟size既中華沙律 無理就照食 然後原本想點龍蝦丼 不過好似聽到隔離台有意義退回就打消念頭 叫左一碗三文魚海膽丼 同吞拿魚丼 但一號又係落唔到單 又係等二號先得 其實話大唔大 話細唔細 但都有十幾台 得二號一個人打位 落單 聽電話 上菜 我都聽到二號講左「頂」一聲 心諗應該好極有限 上到菜 我碗三文魚有5塊 海膽2舊 林左既紫菜一塊 幾粒青瓜 仲帶有蛋殼既熟雞蛋一隻 唔值128$ 好快食飽就想走 但埋單見到個個豉油碟既中華沙律原來收費10$ 我覺得佢應該事先講明 我想食我會點 但無諗過佢同茶樓一樣咁收費

在觀塘返工, 確實有幾多個胃都唔夠。最近觀塘又有新餐廳, 今次是以爆丼作主提的日式丼飯餐廳，而且還是中環著名日本餐廳S2的分店！作為S2忠實粉絲的我當然不會錯過，今天約埋同事放工一起去食好西丼瀛位於觀塘榮昌工業大廈5樓，一出lift門轉左就會見到大大個招牌MENU是一塊大大的雙面pop, 簡單清晰又易明這裡除了丼飯, 還有串燒和日式小食等等餐廳露天位置還可以ＢＢＱ丼瀛龍蝦刺身爆丼　＄２２８非常大推頭的一個丼飯，內裡刺身有北寄貝，劍魚，帆立貝，吞拿魚，三文魚，還有一隻流心蛋，拍照厄like 一流📸龍蝦打開超多羔！肉質爽嫩鮮甜築地壽司杯　＄１４８有６款不同的壽司飯，細細杯，岩曬什麼都想試的朋友！分別有呑拿魚茸壽司飯，海膽壽司飯，甜蝦壽司飯，紫菜卷，魷魚壽司飯。款款都新鮮又美味ＢＢＱ北海道海鮮拼盤子$138套餐有蟹甲羅，長腳蟹腳，帆立貝，生蠔和冬菇事不宜遲，立即放上烤爐燒一會海鮮已香氣撲鼻！蟹肉沒有縮水，蟹甲羅有濃郁的蟹羔味道，生蠔新鮮又夠咸香，帆立貝爽彈鮮甜，yummyCorona cocktail（跟餐）🍹BBQ餐有Cocktail送，一個字”抵”！入口清甜帶有一點點橙味🍊蒲燒原條鰻魚飯

觀塘工具一向係香港人搵食之選，平平凡凡既工具入面，經常有性價比高既小店，今日就同朋友揀左試下港人最愛既丼飯！餐廳位置非常方便，係正APM後面既工廈！上到餐廳諗住平日去無咁多人，但一入到鋪竟然差不多坐滿，仲有戶外區，不似乎秋冬坐會比較適合同浪漫，哈哈。黎到當然要試下招牌丼飯，有成10幾款丼飯揀，每款既組合好吸引，價錢竟然係尖沙咀既一半，真係心大心細。最後揀左可以一次過滿足哂慾望既龍蝦爆丼！入面有超過8款既刺生，最喜歡是龍蝦肉，師傅把龍蝦肉切成粒粒，混合蛋黃醬同玉子，龍蝦肉爽口鮮甜，每食一粒也很幸福，其次是三文魚腩，好鮮美，魚油香溢滿口腔。一個丼飯絕對不夠足滿我們想吃刺生的慾望，於是再點了賣相超吸晴的極光杯同築地壽司杯。築地壽司杯十分精緻，每一個小杯也有不同的刺生，有大甜蝦、三文魚子三文魚、魷魚、吞拿魚腩蓉同超多的海膽！海膽是我們十分期待的，果然沒有令人失望！小小一杯有四大塊肥美鮮甜的海膽，很足本！另外好值得介紹的是三文魚子，平日吃的三文魚子多數是很咸很腥，但這裡的三文魚子超鮮甜，一點也不咸同腥，連平日不吃魚子的朋友也吃了不少！其他刺生也是水準之上，與築地吃的不相伯仲！接著到北極光海膽杯，