丼瀛

J-City
194
5
2
港鐵觀塘站 B1 出口, 步行約7分鐘 繼續閱讀
電話號碼
37088705
62004345 (WhatsApp)
開飯介紹
餐廳位於觀塘商廈內,主打各式日本料理,如日式火鍋、壽司、炸物等,當中以刺身丼飯為招牌菜,選料新鮮、份量十足,如藍鰭吞拿魚海膽爆丼、北海道海膽三重爆丼等,打卡一流。 繼續閱讀
營業時間
今日營業
11:45 - 16:00
18:00 - 22:00
星期一至六
11:45 - 16:00
18:00 - 22:00
星期日
全日休息
05月09號
11:30 - 16:00
18:00 - 22:00
付款方式
Visa Master AlipayHK 支付寶 現金 AE 銀聯
座位數目
128
其他資料
網上訂座
賞訂座積分
外賣服務
室外座位
電視播放
當面支付
有關餐廳
OpenRice得奬熱店:<日本菜>+<觀塘區>
感謝大家支持,使我們成為開飯熱店:<日本菜>+<觀塘區>得主。今次搬新店,地方更大環境更靚,我們一定會做得更好。

觀塘罕有爆丼飯!好玩好食串燒摩天輪
足料日本刺身堆出爆丼效果,熱門藍鰭吞拿魚海膽爆丼、龍蝦刺身爆丼和北海道海膽三重爆丼。另有必食築地壽司杯,霸氣一字排開多款刺身丼,自拍一流還可一次過食盡多款迷你丼。全場套餐均附麵豉湯、沙律、3.6奶凍甜品,午餐時段還有抵食大份量便當。
餐廳告示
母親節2021
2021-04-28
母親節2021 詳情
有關獎賞計劃
食評 (212)
等級4 2021-04-08
1066 瀏覽
是日放假一天,決定去觀塘黎個爲食之旅!次站係觀塘既丼瀛。搬舖之後應該第二次黎,仲記得上次試過之後發現搬舖後食物質素更上一層樓,今次黎開呢頭,又黎試試先。餐牌選擇好多,有前菜,沙律,刺身,壽司,主菜,天婦羅等等。今日餐lunch都仲飽緊,今晚想食得清淡d,叫左個沙律,前菜,一份壽司杯同兩份卷物分享。温室番茄豆腐沙律配胡麻 $58 另加一温室番茄豆腐沙律既沙律菜一大兜,仲有車厘茄,粟米粒,上面排左四塊滑豆腐同五塊番茄片,加d爽脆蟹子,非常新鮮健康。胡麻醬一小兜另上,要幾多自己加,正!忌廉蟹肉薯餅 $36 另加一忌廉蟹肉薯餅一客兩件,新鮮熱辣炸起,外脆內滑,入面滿滿忌廉,薯蓉份量適中,食完唔會過飽,雖然蟹肉就唔多覺,但係味道幾好,點唔點沙律醬都食得。築地壽司杯 $188 另加一呢個築地壽司杯呃like正。一條長長壽司架有六杯小小壽司杯加一杯沙律杯。壽司杯有三文魚,海膽,甜蝦,蔥吞拿魚腩,黃金魷魚,松葉蟹肉紫菜卷。三文魚厚切,肥美鮮甜。海膽滑溜,都有好幾小塊,如果更加鮮味會更好,下面墊左少少青瓜絲。甜蝦非常鮮甜,連蝦頭d汁都係。蔥吞拿魚腩超滑,面頭撒上白芝麻粒同香蔥絲。黃金魷魚略鹹,不過魷魚都脆嘅,送飯食ok。紫菜超脆,入面的確有蟹肉。每個細杯都塞滿凍嘅微酸壽司飯,好似食緊超迷你魚生丼。沙律杯上面有wasabi同酸薑片。上菜時服務員仲特別提提紫菜同海膽要食先。叫左兩份卷物一齊上,配wasabi同好多酸薑片,擺盤不俗。碎蔥吞拿魚腩海膽卷 $78 另加一碎蔥吞拿魚腩海膽卷一客四件,飯卷入面係新鮮菜苗,上面放左成座山仔嘅好滑溜碎吞拿魚腩再加creamy海膽同撒上白芝麻粒,海膽質素同築地壽司杯既一樣,呢款卷物有多重味道同口感,都唔錯。忌廉芝士鰻魚卷 $78 另加一忌廉芝士鰻魚卷一客四件。鰻魚彈牙夠味,飯卷入面都係新鮮菜苗,再加上一細舊忌廉芝士,面頭撒上白芝麻粒,無須再點豉油都好好味又唔膩。清新既菜苗同濃味既鰻魚係一個幾好既平衡。我特別鍾意個舊忌廉芝士既滑溜黏牙質感。總括而言,今晚既所有菜式都幾好,刺身卷物全部都幾新鮮,沙律又清新。餐廳地方都幾大,座位正常,裝修光猛,服務快捷。咁嘅裝修就算係觀塘黎講都唔算貴,實有下次。 繼續閱讀
(以上食評乃用戶個人意見 , 並不代表OpenRice之觀點。)
等級4 2021-03-30
687 瀏覽
呢度地方又大,Menu上的選擇非常多,岩晒嘴饞又想試唔同野的我😂🥗溫室蕃茄豆腐沙律🥗配芝麻醬由新鮮豆腐,蕃茄同沙律菜組成配上酸甜芝麻醬,令依個小食添上另一個層次作為前菜,佢份量十足,好滿足☺️🐤雞皮餃子平時真係未必會試🙈但朋友推介嘅就試下啦,估唔到我都覺得唔錯呀~ 唔會有「油膩」感覺,佢既雞皮下脂肪唔會好厚,肉的比例合理,配上醬汁係絕配💜❤️丼瀛特上築地壽司杯💛💚呢個係今晚嘅重頭戲,擺盤好吸引,有赤牡丹蝦,海膽,三文魚籽,松葉蟹二本瓜,帆立貝,三文魚腩... 新鮮同性價比高,不過要同朋友猜贏先揀得😂💜我最鍾意牡丹蝦,佢好鮮甜同乾淨❤️仲有三文魚腩配魚籽,咬落去係豐富的油香,好好食🐟三文魚小卷鍾意清新口感,又鍾意食三文魚嘅你值得一試,會有驚喜㗎🙈三文魚小卷入面夾咗啲青菜,互相中和😌啲刺身、壽司水準都不過不失,相信其他熱食、小食、都唔錯,下次可以再試💛支持小店 繼續閱讀
(以上食評乃用戶個人意見 , 並不代表OpenRice之觀點。)
等級4 2021-03-27
639 瀏覽
朋友食過好多次嘅日本餐廳丼瀛,佢話午市同晚市都好抵食叫我如果出開嚟觀塘一定要試下,所以今晚我就嚟食下佢哋嘅晚市!避開人潮,最好係around 6點左右,如果過7點,真係開始多人要等位架喇。今晚做隻早起嘅鳥兒,落單後唔洗10分鐘啲嘢就到齊,好開心可以影到一張枱面滿滿嘅大合照先起筷~係咪好豐富呢!溫室番茄豆腐沙律配胡麻醬!好靚好新鮮!激多胡麻醬,我成日覺得任何食物配胡麻醬都會好好食(笑)溫室番茄皮特別薄,冇渣,用嚟做沙律唔會出晒水咁,呢個配搭冇得輸!魷魚野菜餅,有啲似大阪燒咁,但佢下面嗰舊係墨魚餅,係煙韌而唔係脆口,我覺得都好食嘅,有啲港式嘅變奏版大阪燒咁樣。流心芝士漢堡扒,非常之流心,非常之多芝士!呢舊超級飽,如果一個人食一塊可能會立即飽咗一半,所以最好係share食,切忌自私~好貼心咁有啲沙律菜解膩,真係諗得好周到啊!!介紹完小食係時候食主食!日本嘢唔少得嘅刺身丼飯-海之幸丼!嗱,我好明白去呢啲帶點港式嘅日本餐廳,最怕嘅係啲刺身唔新鮮。但可能呢度客多,啲嘢去得快,我認真覺得呢度嘅食物好新鮮。刺身新鮮自然鮮甜,冇雪味,交足貨!最勁係連碗飯都好正宗,有啲醋味㗎,我比呢碗海之幸丼滿分!三文魚蟹籽炒飯,份量激大,愛好碳水之友見到好開心。飯炒得好好,乾身,調味唔重手,唔會太鹹,好啱我口味。入面好多三文魚碎,一啲都唔吝嗇!咁樣食法,大概$200位,抵過放題!朋友冇介紹錯! 繼續閱讀
(以上食評乃用戶個人意見 , 並不代表OpenRice之觀點。)
前幾天相約姊妹共聚,最近食西式食店比較多,姊妹想轉下口味食日本菜,為了滿足姊妹的慾望,上網得知「丼瀛」味道很好,使用的食材很新鮮,非常受顧客喜愛,位置在觀塘,地理環境很好,一個談天說地的好地方。環境寛敞很開揚舒適,充滿日式的格調,繁華的背後,能夠停下來暫時忘憂,用餐更輕鬆暢快。 店內特高樓底,人多也不感覺侷促,空間感很好,環境整齊優美,舒適很寫意,乾淨整潔,氣氛輕鬆。坐下後立刻點食物,餐牌選擇很多,分門別類,心思的設計,詳細介紹餐廳美食,上菜速度頗快,享受美食的滿足。丼瀛午市套餐十分抵食,仲會附送沙津、茶碗蒸、麵豉湯及餐飲。沙律蔬菜新鮮爽口,整個沙律口感細膩,滿載的味道清新,別有一番風味。茶碗蒸肉質很嫰滑,蛋味道香,感覺清新,味道不錯。麵豉湯入口濃度剛好,散發著清甜的味道,香氣四溢,味道可口。鰻魚石鍋飯令人期待的鰻魚石鍋飯,肉質嫩滑鮮甜,熱辣辣令味道更昇華,熟度拿捏得很好,十分惹味,啖啖肉咬下去鮮味撲出來,配上醬汁,肉汁豐盈,非常入味,飯很彈牙有口感,整體吃出截然不同的感覺,剛好恰到好處,饞嘴的我很想Encore。雜錦天婦羅冷烏冬豐富的材料,天婦羅來到時香氣撲鼻,鮮嫩剔透,吃起來熱度非常令鮮味提升,肉質甜美爽滑,冷烏冬咀嚼後第一個感覺是彈牙有咬口,爽口的感覺,十分醒胃,壽司新鮮結實,肉質鮮味彈牙,總括來說味道很好,口腔中的香味久久不散,不能抗拒它的誘惑。 炸餃子金黃香脆熱燙燙的炸餃子,非常脆口,肉質香滑,保持新鮮,食落不會太過油膩,齒頰留香。青蘋果梳打及柚子蜜梳打我選擇冰凍的青蘋果梳打,清甜止渴,潤一潤口,食飽後用來消滯,中和之前的濃味食物,味道剛好,令人心曠神怡。 姊妹選擇熱柚子蜜梳打,味道酸酸甜甜,帶出清新的感覺,主餐後把油膩感一掃而空,任何天氣天適合飲的飲品。丼瀛(觀塘)地址:觀塘駿業街56號中海日升中心1樓B號舖             繼續閱讀
(以上食評乃用戶個人意見 , 並不代表OpenRice之觀點。)
今日去左觀塘做野,同事介紹去丼瀛食LUNCH,位於觀塘中海日升中心1樓,主打日本料理,有壽司、炸物等選擇,招牌菜係刺身丼飯,一於試下先!lunch set性價比高,附送麵豉湯、沙津、茶碗蒸仲有餐飲!麵豉湯清甜鮮美,沙律新鮮爽脆,茶碗蒸滑溜富蛋香,入口即化。松葉蟹肉海膽甜蝦丼賣相吸引,夠哂足料好豐富!松葉蟹肉柔嫩富含彈性,海膽鮮甜豐腴,甜蝦咬落粉糯甘甜,仲有清脆蟹籽、玉子伴碟,正~牛肉石鍋飯用石鍋上熱辣辣,可以保持熱度,將半熟香濃流心蛋拌勻,完美融合石鍋飯。牛肉軟嫩多汁,炒過後特別惹味,伴以爽甜洋蔥、蘿蔔絲、蛋絲、泡菜等,底部更有香口焦脆飯焦,令人食唔停口!一口芝士外脆內軟,拉絲芝士口感軟糯。辣味螺肉微辣好開胃,口感濃厚富咬勁。章魚小丸子外酥脆內軟嫩,咬落Q彈唔會軟淋淋。百香果梳打酸酸甜甜好解渴。柚子蜜清香滋潤,仲可以養顏美容。 繼續閱讀
(以上食評乃用戶個人意見 , 並不代表OpenRice之觀點。)