丼瀛 (已搬遷) 新店位置

當晚因為湊住個小朋友，而小朋友想食日本野！一搵就搵到依間日本野立即訂位（因為星期五通常好多人出街食飯）當晚上到黎，店員十分之熱情安排座位可能因為有小朋友就安排左我哋坐室內，因為佢哋室外都仲有位置👍Menu好詳細，有壽司，串燒，麵同飯類店員十分熱情推介，好好服務態度就算多人最後叫咗個滑蛋雞扒飯，加串燒同壽司食物速度都幾快，雖然係工業大廈入邊，但總括嚟講、服務態度，嘢食同埋招呼實系好好👍下次可以試吓坐出邊位置

之前見到openrice有好多人話呢間唔錯，同埋見到佢既龍蝦丼都幾吸引,所以就來左呢間同朋友慶生~丼瀛門口掛上了2個日式紅燈籠門口擺放了餐牌餐牌上的食物種類都算多樣化,有沙律,主食,爐端燒,蔬菜類....仲有人氣推介既海膽杯,築地壽司杯和龍蝦刺身爆丼入面已佈置了聖誕裝飾餐廳地方很寬敞，有Indoor也有Outdoor龍蝦刺身爆丼賣相好美呀，色彩繽紛的龍蝦刺身爆丼除左有龍蝦刺身外，仲有帶子，吞拿魚，鱆紅魚和北寄貝刺身再加埋粒糖心蛋和飛魚子粒，真係非常足料龍蝦刺身好好食，大約有5粒龍蝦刺身咁上下，食到龍蝦既鮮味，味道咸咸鮮鮮撈埋d沙律醬食，正呀糖心蛋都好好味，夠晒流心築地壽司杯這個用壽司杯上都幾特別，賣相也不錯~佢有7個壽司杯，其中一個係紫薑，其餘6個壽司杯分別有海膽，甘蝦，帶子，吞拿魚，拖羅紫菜圈同三文魚壽司杯~甘蝦同帶子都幾鮮甜海膽有少許苦苦地其它都正正常常安格斯牛肉壽喜鍋壽喜燒係本人至愛，湯底甜甜的正呀，加埋粒蛋，冇得輸呀牛肉又唔會韌配料還有豆腐，金菇，冬菇，菜等等。。紐西蘭羊架呢個又係冇得輸，羊架好香香草味熱吃又唔so芝士雞翼這個芝士味不太出，但都幾好食，雞翼外層脆口味道咸咸的，雞

收左工，跟2位同事一齊食晚餐🥣，佢推薦一間日本🇯🇵著名料理S2 kitchen 開設餐廳，主廚好有名堂，所以慕名而來，地點都相當方便，我地上到去店員安排左個位比我地坐，太肚餓既關係，我地睇完menu就叫左6款美食，分別有北海道海膽三文魚爆丼，果然係招牌菜式，我地將蟹籽跟飯一齊撈，再將三文魚夾住一齊食，超級甜美，而海膽就夾住紫菜一齊食，海膽入口即溶，真係食到d 蟹籽爆爆下，別有一番風味！😋鹽燒牛舌串肉質好唸，味道岩岩好，唔好太咸！而個鹽燒雞翼同大蔥燒黑豚肉加埋d檸檬🍋汁都好香脆同嫩滑，到個清酒🍶煮大蜆，酒味唔會太濃，而蜆肉都好鮮甜同都幾大隻、凍凍地食番個日式安格斯牛肉鍋，趁熱辣辣將蛋黃倒落去個鍋度再撈一下，牛肉肉質好嫩滑，都幾重牛味但唔會太羶，再配有大菜包小菜同鮮菇做配料，唔錯！最後黎個香桃蟹籽沙律🥗，賣相唔錯，香桃肉切晒一粒粒，再配埋蘋果絲，青瓜絲同蟹籽，口感好爆好爽脆！果然係日本🇯🇵師傅大師級既水準！呢度裝修都好有日本🇯🇵既風格，好岩係觀塘收左工既朋友仔吃飯聊天既好地方！😊+++++++++++++++如果大家喜歡💕我寫既食評，麻煩比個❤️鼓勵一下我，我會寫更多更好既食評比大家！😊

見到連續幾個post 話讚好，即管試下，完全失望。爆丼並不爆，飯極少，魚生唔太新鮮，奶茶檸茶太稀，同飲水沒有分別。 一大堆蘿蔔絲在飯面上已佔唔少位。海膽放在木架上再直接在飯面，感覺唔衛生。一口芝士餐牌寫有四件，但只有三件，因一般時間先發現，口同鼻拗。每件超細，一口可食哂三件。服務態度亦差，食完碗飯夾一口芝士，伙記隔住我隻手收碗，叫佢唔好收住就一路望住我，奇怪。阿伯收錢時一大陣剛食完煙的煙味，不是一般普通餐廳最基本的水準。

聽過唔少朋友都講過呢間丼飯，今次我都要去試下先得，丼瀛位於觀塘apm後面既工業中心區，地理位置上都幾方便架！一上𨋢望左手邊就望到餐廳大大既招牌，非常顯眼亦都好好搵😀今日都幾肚餓嗌左好多野食，有呢個香桃蟹籽沙津同2個主食包括龍蝦刺身爆丼同呢到招牌既築地壽司杯🤤沙津真係絕對好食，青瓜絲同蟹柳絲嘅份量條配得啱啱好加埋酸酸甜甜嘅沙律醬同埋香桃真係一流嘅配搭，以佢嘅蟹籽令到成個沙律都好有口感。到左食今次既主角都係我最中意既龍蝦丼啦，佢連原隻龍蝦都上埋真係誠意十足，餐廳會幫我地起肉之後放返係蝦殼上面，配埋其他刺身令到成個丼飯食得又睇得，佢既龍蝦肉好新鮮同爽甜彈牙。而佢既壽司杯都好特別，佢將唔同既壽司放係杯上面一字排開，真係好壯觀，連隔離枱都忍唔住要問下係乜黎🤭食完之後其實都好飽啦，但係我哋坐咗好耐喺度傾計所以決定嗌啲串燒同天婦羅食，佢嘅天婦羅份量好多，有三隻蝦同埋秋葵冬菇大葱蘿蔔，真係好夠我地一路傾計一路食。而我最鍾意佢嘅燒玉子串燒，3粒細細粒又易入口，外表脆脆地送酒一流💕

聽聞呢間餐廳係S2 kitchen旗下既，朋友話s2 kitchen食物唔錯，想必旗下餐廳都唔差，今晚一於近近地黎觀塘試下啦😄餐廳係工業大廈入面，位置幾易搵。有半室外用餐，幾好feel架，只不過我怕凍所以坐番室內😂🍣北極光海膽杯衝住北極光海膽杯而來的😍面頭有滿滿既海膽每一層分別係松葉蟹，蟹膏豆腐，海膽豆腐，海葡萄，黑魚子，最底層係紫薯😋一食到紫薯味有驚喜🤣估唔到日式海膽杯會加埋紫薯，而味道又幾夾喎🍣築地壽司杯壽司杯有6款，每款個杯仔入面都有不同既刺生同壽司飯。有甜蝦，三文魚+三文魚籽，吞拿魚蓉，黑松露海膽，魷魚，吞拿魚手卷。每一杯大概有平時2件壽司既份量，一人一杯又得，一杯兩個人分亦得，得咗！🍣甜蝦雜錦角切魚生爆丼丼飯份量十足，有流心蛋，卜卜脆既紫菜，角切三文魚、吞拿魚、油甘魚拌蟹籽，仲有2隻甜蝦添。真係食到好飽呀！🍣香桃蟹籽沙律蟹籽沙律份量好大呀😚平時既沙律都係用青瓜絲，呢度就特別d，用左蘋果絲，食落好清爽，配上桃粒味道甜甜的除左刺身壽司，梗係要試埋串燒喇🐮本菇牛肉卷牛肉包住金菇，唔會燒得過熟令到金菇乾爭爭🐮蒜香燒一口和牛一口和牛方便入口，牛肉唔韌🐥月見免治雞肉棒雞肉棒當然要配生雞蛋

因為今日係同老公嘅結婚紀念日😊，所以由下午果一餐開始，我哋就打算食好啲，之前喺網上見到有人話呢一間日本料理好好食，所以今日就同老公去食下，入到去環境非常舒適，除咗室內之外，仲有一個室內嘅位置👍🏻，而且服務員好好禮貌，1）龍蝦刺身爆丼，首先龍蝦🦞加埋青瓜、沙律醬嘅材料撈埋一齊，龍蝦非常新鮮爽口，再加埋兩隻龍蝦鉗，超滿足🤤，而其他刺身有三文魚、帶子、吞拿魚等等......所有刺身都非常新鮮👍🏻，仲要有一隻溫泉蛋，正呀🤤2）十勝豚壽喜鍋，入面嘅豚肉，肉味十足，份量亦都好多，再食埋其他配料，一個人都食唔晒👍🏻，3）吉列廣島蠔，炸到脆卜卜，但又不會太油膩，4）牛肉薯餅，味道剛剛好，亦都不會太油膩👍🏻

大部分隱世美食都係樓上鋪，今次去左觀塘巧明街榮昌工業大廈5樓的丼瀛，超多食物選擇，有串燒、壽司、刺身等等，仲有非常好賣的爆丼，勁吸引。還有串燒也不錯日式豆腐～烏東～芝士年糕北極光海膽杯$198層次分明，食物有用心鋪排，最面層係我最鐘意食既海膽，食落去非常鮮甜無腥苦味，仲有黑魚子、三文魚子、蟹肉、紫薯等等，食物種類多不勝數，但形造出的觀感同味道一流，值得一試。油甘魚海膽爆丼$148食材用料充足，完全冇欺場，油甘魚入口滑溜柔軟，亦不失嚼頭，濃郁鮮甜的魚味在口裹面散發，旁邊仲有一大板鮮甜海膽，加上蔥花襯托，非常美味。

食日本菜，以我個人評價次序，一定以食裁用料，廚師製作，店員服務態度，餐廳座位報置，然後才是價錢是否抵食去衡量！今天去了官塘巧明街昌榮大工業大廈五樓果間丼瀛 日本料理晚飯！地方佈置充滿東洋味，同座位都好舒適！店員亦能積極回應我們的要求，服務態度不錯！兩人食依餐牌點咗個香桃蟹籽沙律$78龍蝦赤身爆丼$218鍋燒烏冬$98燒牛舌$38牛油焗雜菰$48燒黑豚肉$26一口和牛$38燒日本番薯$16燒菠蘿$28先來蟹籽沙律，桃肉、青瓜絲、萍果絲等，混以沙律醬一齊食，好味又開胃！龍蝦海鮮剌身，外觀好靚，龍蝦，刺一身有三文魚、鯛魚，北寄貝，帶子等等，好新鮮！鍋燒烏冬有炸鷄，炸蝦，溫泉蛋，味道都好正！烏冬亦好軟滑！牛油焗金菰，甘香而且夠熱！一口和牛好正，腍滑夠味！燒牛舌畧硬身，但味道好好！燒日本番薯仔甜而不膩！燒菠蘿夠甜不怕酸，飯後甜點就最正！

某天路過，接到傳單，先知原來呢度匿埋咗間日本料理餐廳，主打丼飯，今日午餐就決定嚟試下先～好易搵，出𨋢望左邊就係嘞～簡單裝潢，可以望到師傅即叫即做刺身飯～另外仲有半露天雅座～丼～丼～丼～開飯嘞！丼瀛龍蝦刺身爆丼個friend豪氣地叫咗個龍蝦丼，令我都有機會痴嚟食下上枱嗰刻吸引左右兩枱食客目光係幾吸睛嘅！午餐食龍蝦喎！中間係龍蝦沙律，爽口！鮮甜！好食哦～兩旁有八款不同刺身～好滿足～留待最後，拆蟹鉗，店員見我個friend 雞手鴨腳，主動前來幫忙，Thanks!鮮甜好味～劍魚腩䓤拖羅爆丼好厚嘅劍魚腩，好肥美，肉質軟棉～入口咀嚼，油香滿溢～紫菜包拖羅蓉拌飯，正呀！隨午餐附送溏心蛋醬油漬，拉麵有蛋很常見，刺身飯有蛋就第一次見，個溏心口感唔錯，係熟咗小小，個醬油味再濃啲就更好食。午餐有75折！附送溏心蛋、湯及沙律，免加一！除咗丼飯，仲有串燒、卷物同磯燒海鮮～夜晚同朋友聚聚都唔錯喎～

在APP已經多次訂座，第一次感覺不是真實的折扣優惠，不能與其他優惠同時進行我絕對明白但這張餐牌似是專給50%客人享用在工廈三文魚壽司一件$16？板前都只是$17一客兩件50%後$8一件其實似正價$8一件APP訂位第一次中伏幸好沒有正價加一

北極光海膽杯 ($198)賣相吸精，色彩繽紛。最頂係鮮甜既海膽同黑魚子，之後係爽口既海葡萄同三文魚子，中間有大量蟹肉，杯底係紫薯蓉。成杯野好有層次，一齊食好夾！「招牌龍蝦爆丼」一碗有原隻波士頓龍蝦，配上唔同刺身都只係$268，龍蝦肉質頗結實，而且爽口，不過蟹鉗既肉就鹹左少少。驚喜既係有拆左既龍蝦肉撈左少少芥末沙律醬，好惹味。沙律好驚喜！ 唔係青瓜絲+芒果 係 蘋果絲+黃桃，爽口清甜，配搭清新，加上芥末沙律醬。重點係份量落得啱啱好唔會過多過少，好夾好好食！

就朋友觀塘食飯，穿過Apm就到，地點都方便，地舖租金太貴，近年真係好多工廈食市掛住吹水，今日影得一張相，環境一般，但都坐得舒服，落單有d亂，叫手卷同雞骨肉腸各兩份，上得一份，仲要叫幾次野食唔算貴，但食物質素唔錯2份三文魚刺生$124/8件，唔知點解覺得有煙薰味，但又唔係煙三文魚果隻一格海膽$68，賣相唔太討好，因為深橙啡色，但好同好濃味既，朋友唔慣話有點腥蟹籽手卷就麻麻$24/件，無咩特別，紫菜唔脆囉雞骨肉腸燒得幾香，因為唔係自家原作，公平d唔比評語蟹籽蜜桃沙律好大碟下，都幾清新下最讚係清酒蜆鍋，蜆夠大及鮮甜/無沙，扣分位係個湯，有少少過火，酒精揮發太多兩個人埋單$479都算係不過不失

今日來到觀塘食lunch，為了避免同人迫，就一定要上樓上餐廳，原因是勝在座位寬敞，坐得舒服，進食時都特別開胃。這間丼瀛日本餐廳是朋友推介的，除了價錢適中，味道不錯，加上服務員招呼不錯，食過下次經過可以再幫襯的。來到餐廳差不多下午一點半， 雖然過了午飯高峰期，但也有很多枱客，相信餐廳食物有質素才有咁多捧場客。我們兩個人分別order了蒲燒原條鰻魚飯和丼瀛龍蝦刺身爆丼，加上吉列廣島蠔，滿足哂個胃。蒲燒原條鰻魚飯,整條鰻魚原汁原味，肉質嫩滑不腥，鰻魚醬汁甜甜地，加上半流心蛋，美味！丼瀛龍蝦刺身爆丼，原隻波士頓龍蝦已正到不得了，肉質爽彈，味道鮮甜。配搭多種鮮味魚生刺身，有八爪魚、 三文魚、油甘魚和帶子，兼又有香滑軟熟的流心蛋，此丼果然是店中極品， 食後回味無窮。最後吉列廣島蠔,炸得酥脆的外層，蠔味極佳的廣島蠔,熱辣辣食特別滋味。食咁豐富的,都係三百幾，相信衹有樓上店才咁便宜，下次一次再幫襯。

今日同朋友慶祝生日，朋友想食日本野。因為關係我地楝左哩間公司附近的丼瀛食個晚飯。厚切三文魚 $55三文魚厚切的有6片，非常肥美新鮮！油甘魚牛油果洋風海膽沙律 $98油金魚味道新鮮，份量不少，蔬菜亦很新鮮，很fresh很清新。築地壽司杯$148 有6款小杯子，上面舖滿各種不同的刺身,下面是壽司米飯。有海膽+黑魚籽，甜蝦，三文魚+魚籽，墨魚+蟹籽，吞拿魚茸，吞拿魚卷。我最喜歡的是海膽，很肥美鮮甜！第二喜歡的是墨魚+蟹籽，墨魚很新鮮爽口，蟹籽咬落去卜卜脆！其他各種刺身都很正！満足！北極光海膽杯$198美麗的名字，用香賓杯乘載著很吸引的賣相。有7層的材料，意念特別。分別是：魚乾，海膽和黑魚籽，海葡萄，魚籽，松葉蟹肉，海膽豆腐，紫薯。一層層的吃下去，既滿足又滿心期待。丼瀛龍蝦刺身爆丼 $228很精緻的賣相。鋪滿刺身，有：龍蝦，三文魚，帶子，油甘魚，八爪魚，希靈魚，糖心蛋。龍蝦刺身我最喜歡，因為哩度的超新鮮，mix with 蟹籽加沙律醬勁好味。其他刺身都相當新鮮。因為我的腸胃比較敏感，如果食左唔新鮮的食物會拉肚子。我係哩度食左咁多刺身都無事，可見其新鮮程度，讚！