丼瀛 (已搬遷) 新店位置

朋友在觀塘上班，約了在觀塘食日本野，在工廈的，叫丼瀛。觀塘的放工時間人多得有點恐怖，五分鐘的路程也要花上雙倍時間。清酒煮大蜆 $78，入口嚐到好濃的清酒味，蜆大大隻，間中一兩隻有沙。串燒點了厚燒玉子$24，蛋味好香，還有一口和牛 $38，肉嫰。串燒即叫即燒，熱烘烘的，不會放到微溫才上枱。北極光海膽杯 $168，裡面有海膽、松葉蟹、海葡萄、黑魚，最底部是紫薯，好特別的配搭。築地壽司杯 $138，壽司以杯上，先來視覺享受，再以味蕾品嚐，壽司沒有冷藏味，但不算很鮮味。龍蝦刺身爆丼 $218，非常吸睛之選，龍蝦拆肉拌以沙律醬，刺身有不同款式的魚，還有配上溏心蛋。

❣️呢一日約左係觀塘既朋友食飯，因為我收得早d，就去觀塘join佢啦。同埋一直都聽人講，觀塘工廈有好多正野食，一於叫朋友帶路啦。📍位置朋友叫我係搭地鐵，話驚收工時候會塞車。我地係觀塘站A2出口會合左，穿過APM，黎到巧明街，右轉，榮昌工業大廈，5樓A，離地鐵站10分鐘路程，都幾方便喎。❣️環境&座位呢度除左有室內座位，仲有outdoor座位架。雖然依家係冬天，但其實outdoor都加哂膠簾，阻擋左9成9既風啦，都見到餐廳係outdoor座位裝埋冷氣機，就算夏天黎，都唔洗怕熱既。❣️Menu 晚市冇set既，以散叫為主。可以留意下牆上既告示牌，會有時令海鮮推介。✨龍蝦刺身爆丼 ($218)造型十分震撼，除左有原隻熟龍蝦、仲有多款不同既白身、紅身魚刺身，塊塊新鮮厚切，2個人share食都好滿足。✨清酒煮大蜆 ($78)大蜆粒粒飽滿，肉質爽口，食落有清酒味，又冇沙。✨築地壽司杯 ($168)有6款壽司，分別係甜蝦、吞拿魚蓉、魷魚、海膽、三文魚，造型精美。海膽同吞拿魚蓉最深得我心，海膽size夠大夠creamy，吞拿魚蓉拌埋蔥一齊食，好香好好味。✨北極光海膽杯 ($138)一層疊一層，顏色鮮豔奪目，

真係未食過日本嘢咁難食🤦🏻‍♀️！經一個app book檯食飯話有半價，因為試過好幾次用呢個app食半價飯品質全都不錯，所以今次照去啦！去到呢間丼瀛佢得一頁雙面餐牌係可以半價，主餐牌得9折，感覺被坤都算啦！照叫佢半價餐牌上嘅刺身壽司同小食每樣幾款試下先啦，諗住唔夠食就叫下主餐牌食物。落完order等咗陣佢先話冇三文魚腩，咁改三文魚算啦，感覺已經唔太好。d刺身嚟到個樣已經唔掂，尤其塊吞拿魚，成塊一岩一忽仲要成舊粉紅色，唔係食開吞拿魚嘅樣，夾落去好似泥膠咁又乾又鞋，一咬係好似d合成肉咁，勁難食！其他𩶘魚乜魚果d全部唔係切到一忽忽明顯下欄位有腥味就一係冇味！只有帶子係正常！然後果d熟食又係難食到不堪！吉列炸蠔係食晒成舊粉漿先見粒蠔屎size嘅所謂蠔！個唐場炸鷄仲恐怖，個粉炸完硬過我條命，牙都咬崩，好啦，撩開晒d粉諗住食下舊鷄，頂，咸到苦，完全唔可以入口，小食得鷄泡魚乾正常！跟手嚟咗6件壽司，原本係叫8件，嚟少兩件仲好！根本唔想再叫，d壽司同刺身一樣腥嘅，個鰻魚壽司d鰻魚汁就咁係唧上舊鰻魚片上，塊鰻魚片係白晒晒嘅，而且一樣腥腥地！埋單都要近$400，講真我情願補多少少錢食放題仲好食過佢！我明白要

以往去觀塘，只懂得在地鐡站連接的商場，但自從知道附近的工廠大厦隱藏了不少跟大商埸內的連鎖食肆有別的餐廳，令我更想去試試尋寶，發掘一些臥虎藏龍的地方。這是我第一次去觀塘工厦吃日本菜，所以都滿心期待，入到店內，地方寛敞開揚，最特別是店內竟然有室外有蓋的用餐區，兩種不同格調，各適其適。香桃蟹子沙律（$78）👍👍👍👍👍沙律用了蘋果和青瓜，並切成幼絲，再加上蟹子和香桃。蘋果絲入口芳香清甜，跟清新爽脆的青瓜絲味道互補，加上爆脆的蟹子和香甜的香桃，整個沙律十分討好，亦為我們的晚餐作一個甜美的開始。龍蝦刺身爆丼（$218）👍👍👍👍👍原隻的龍蝦放在丼飯的正中央，除此之外還有多款時令刺身，有帶子、三文魚、劍魚腩、三文鱼子、北寄貝等等，各款刺身都很鮮甜，上面還有一隻流心蛋。再説丼飯裏的主角，原隻龍蝦 - 龍蝦尾已起肉，並切成丁方狀，配合了沙律醬和蟹子，就是一個美味的龍蝦沙律；巨型的龍蝦㟛，去殻後，肉質鮮嫩多汁；最後龍蝦頭𥚃面的蝦膏，可以拌以白飯放在紫菜上，自製一個龍蝦膏手卷。築地壽司杯 （$138）👍👍👍👍👍這個築地壽司杯既可獨食亦十分適合和朋友分享，每杯壽司杯都放了不同的材料，有海膽、牡丹蝦、蟹子魷魚、拖

丼瀛 (觀塘).⚜️滑蛋鰻魚飯⚜️.分量唔算好多，但勝在個蛋超滑！而且有極多嘅洋蔥，再配上厚厚嘅一舊鰻魚！兩個share都夠！.⚜️燒雞泡魚干⚜️.個雞泡魚干好好食！ ！(⁎⁍̴̛ᴗ⁍̴̛⁎)一上枱嘅時候同我哋平時食嗰啲個顏色有少少唔同，仲以為唔係幾好食，點知食落嘅時候勁香！勁乾身！再配埋個沙律醬好好食！.⚜️珍寶帶子，油甘魚壽司🍣⚜️.油甘魚食落肥美，而珍寶帶子係店員推介我哋食嘅！我哋叫咗一粒佢知道我地share食就好細心咁切開咗一半💕💕.—————————————————————-環境：⭐️⭐️⭐️⭐️味道：⭐️⭐️⭐️⭐️服務：⭐️⭐️⭐️⭐️⭐️價錢：⭐️⭐️⭐️⭐️.📌 丼瀛 (觀塘)觀塘巧明街109號榮昌工業大廈5樓A室

今日學校水運會放半天，所以約左女友去左APM行街。行完街之後，就揾間日本野食。今次第一次黎食，可能早到，可以坐出出面，而且仲有梳化坐，坐得都幾舒服。坐在外面，坐得闊少少，都唔錯壽司杯我見都好多人叫，賣相都幾吸引呀！有海膽，拖羅，侍應仲提醒我地要食紫菜個件先，因為會比較易淋，仲邊食邊同我地傾計，幾體貼。安格斯牛肉壽喜鍋好足料有好多野食，勁多牛肉，仲有金菰、豆腐等。我就成隻生蛋放入去先，感覺好似滑d。不過要快少少食，熱食開心d牛舌串時間燒得剛剛好，肉質唔錯。而且配合不同的味粉，味道更為特出。鹽燒雞翼 + 一口和牛雖然和牛串的牛肉大大粒，但食的時候軟淋淋，而且唔洗好多調味料，都已經好好味雞翼串一向都係我的至愛，燒得金黃色，脆口而且一d 燒焦味都無。有機會下次要其他野食先

一早係app book咗位， book位時寫住主餐牌及午市套餐有半價優惠， 原來所謂嘅午市套餐有半價只係一啲小食同埋壽司。 即以下聲稱為所謂嘅半價餐 其實都相當同預期唔同。餐廳其實已經做緊主食八折優惠，所謂嘅主食其實係丼飯、熟食定食， 主食包餐湯及飲品。根本唔使用eatigo book位都可以享有同等折扣。 因為所謂嘅半價根本就唔係呢啲餐餐廳餐牌選擇都幾多，大概主要食魚生飯亦都有一啲熟食 定食。我叫咗北海海膽三式爆丼，價錢$148，一般丼飯呢個價錢都非常豐富，但都個丼飯望落去賣相一般，冇爆丼感覺，而且份量好少，好老實講飯上嘅唔知白蘿蔔定青瓜絲好多，拎開咗之後刺身唔算好多，吞拿魚蓉只係得一小「pat」三文魚子都係比較細粒嗰種，海膽望落去就有啲睇頭，但係偏暗色同埋唔係太鮮甜除咗刺身份量唔算多，飯都好少。基本上我女仔食都覺得唔夠飽午餐送麵豉湯普普通通，可以接受。另外我哋仲嗌咗黑豚肉生薑燒爆丼，睇落去好似好豐富，但係啲豚肉好鞋，醬汁味好怪，朋友話非常難食叫咗以上嘅嘢八折，其實呢個食物質素都相當之唔抵食而且質素真係有好大進步空間

今日收早無咩野做就係𝕒𝕡𝕞行下街，順便約埋朋友食下飯聚一聚👭朋友係觀塘既地膽，她知道我想食日本野🇯🇵就簡左食丼瀛～位於榮昌工業大廈好近amp果邊店內既環境都好寧靜💕龍蝦刺身爆丼$218這個爆丼好吸睛呀👀有原隻龍仲有三文魚、帶子、油甘魚、三文魚籽等刺身新鮮美味😗糖心蛋都煮得剛剛好又好好味，夠晒流心既效果😻龍蝦🦞超大隻又超鮮甜，龍蝦每個位置都有野食到，龍蝦頭入面有膏，可以撈飯食🍚兩隻龍蝦鉗大大隻，折埋食仲有好多肉係入面，而且食到咸咸地好重海水味👍🏽🌊龍蝦身既肉已經切好了一粒粒，有沙律醬和蟹籽係面，肉質鮮甜彈牙~鍋燒烏冬 $98由於朋友夜晚唔想食咁多飯，所以叫左個烏冬俾她食....有個生蛋係中間，烏冬軟軟的 。炸雞肉浸住個湯，都唔會太冧築地壽司杯 $138很精緻吧😻有7個杯裝著壽司，除左第一個係壽司薑片，其餘果6杯是舖滿了各種不同的刺身，刺身下就是壽司飯，分別是三文魚三文魚籽、魷魚、甜蝦、海膽、吞拿魚、拖羅蓉手卷。海膽食落去好肥美鮮甜，溶係口度🤤刺身好新鮮啲飯既份量岩岩好，一口就食到串燒點了牛舌$38、一口和牛$38、日本蕃薯$16、大蔥燒黑豚肉24，整體燒出黎唔會燒到好乾身，鎖到🔒肉汁🤤，

今日去依度食lunch,2個人，每人叫左個丼，點知等左35分鐘都未到，其實我地叫果d都係魚生，唔洗煮，都唔明點解等咁耐，我見其他枱比我早到都未到，咁會唔會要等成個鐘先有得食？要返公真係唔好黎食

朋友喺觀塘返工，佢話要去工廠區既樓上舖食好西。呢度好近港鐵站，樓上鋪食野價錢相宜，更有私人空間。好，睇吓有咩好食先。香桃蟹子沙律，青瓜絲好新鮮好脆，配埋蟹子更加爽口。築地壽司杯，有海膽、吞拿魚茸、三文魚、三文魚籽、甜蝦，一次過滿足幾個願望。燒物都唔錯，牛舌有咬勁又唔韌，菠蘿唔會乾依然有果汁，日本番薯仔好甜，仲有厚燒玉子同鹽燒雞翼，正！安格斯牛肉壽喜鍋，湯鍋味道適中，好有份量，仲跟碗白飯添。野菜照燒雞扒讚岐烏冬，烏冬爽口彈牙，照燒雞扒大大塊，落足料，啱晒我地呢D大胃王！

丼瀛日本菜位於觀塘工廠區，在工廠區開餐廳好處是租金平，所以會令成本大大降低 ，食物質素提升價錢會便宜一點首先介紹餐廳丼瀛是中環區日本餐廳S2 Kitchen旗下的，師傅自十五歲開始研究鐵板燒，亦曾在松菱、有馬等知名日本料理店工作，中環總店以新鮮刺身作賣點，後來大膽改變風格，專注創作海膽菜式，聽聞餐廳曾創下單日26萬的網上點擊率地址不難找在地鐵站天橋一落直行巧明街轉左邊行一分鐘不用便見到榮昌工廠大廈內有房間，用來公司食飯也滿方便餐牌選擇非常多款香桃蟹子沙律 $68用料：蘋果絲，青瓜絲，蟹子，香桃份量是3-4人份量，真的想不到那麼大份食落味道比較清新，食完還想再食的感覺，沙律醬不會過多，用來清清口腔也可築地壽司杯 $138三文魚魚子/蟹子帶子/甜蝦/黑魚子海膽/吞拿魚壽司杯有7隻杯，其中一個是芥末三文魚比較肥美還配上魚子海膽原本已是一款令人覺得矜貴的刺身，還放上了黑魚子，令到壽司更加凸顯了海膽的身份爐端燒 order了5款日本番薯 $16 燒到外脆內淋，非常香口的蕃薯 一口和牛 $38和牛入口即溶大約5成熟，不會燒太熟鹽燒雞翼$18肉質鮮嫩，雞翼尖濃左燒黑豚肉$26菠蘿燒$28 菠蘿比較酸

2大伏，online app定座9pm 50% off. 首先明明仲有好多人（但冇人等）但係部長已經黎吹埋單。埋單先話俾我知「在主餐牌上的食物冇折，只有在一張本來已經寫到明半價的餐單先有折。」（呢個係同其他餐廳唔同，所以我即刻查返電郵，睇返係咪自己睇漏左t&c; 而apps t&c寫到明餐牌上的單點食物有折,只是飲品沒有, )同部長講，佢話「我地點餐嗰陣時就同左你講」，叫我即時認人係邊一位幫我點餐。我話「我哋落咗幾次單你們有幾位同事都招呼過我地，但係完全冇人同我地講過。」跟住個部長好似比較激動，就話「你依家都食咗啦，講咩都係口同鼻拗。」跟住突然之間又話「你哋訂咗九點，但係你未夠九點就黎到啦，所以冇折」（我哋實情係8:50到, 落單8:58分）其實由始至終我同老公都係心平氣和咁樣講返個事實出嚟，不過其實我真係唔係好明個邏輯，係因為你單方面改冇折所以即使定位時寫有折都冇折，定一話因為我早左2分鐘落單，我使唔使sync埋你收銀機時間...餐飯7xx 跟住我老公話算。我覺得俾人呃唔係幾爽於是我嘗試打電話去app熱線，不過冇人聽，嘗試聯絡期間我哋靜左一陣。跟住個部長又來吹埋單，又講咗句咩最多v

今日又要係觀塘 lunch.. 冇啦啦 豪食！畀佢個龍蝦丼吸引住。先上餐湯同 salad.個龍蝦丼份量好勁, 上台都真係好EYE CATCHING~龍龍原來已經起肉做SALAD.不過只龍蝦真係超級大只, D 配菜蓋過個飯, 食起黎有D 難度...最好羅多個碟將D 野抽起佢,.則邊都有好多刺身.食呢個真係好大件事... 要係咁夾開佢地...食到好粗暴~哈~整體黎講試一次就夠, 唔係太方便食~另外, 個醣心蛋唔係好夾~每個餐都有. 旦我就覺得怪怪地同埋唔係特別出色, 過熟.有D 多此一舉~

無論是魚生，還是熟食也是非常美味。而且因為預先訂位的關係，給了我們獨立空間。坐得很寛躺，舒適。侍應有禮貌，貼心，令我們吃得很愉快。我們吃了壽喜燒，焗金菇，吉烈廣島蠔，芝士年糕，十勝豚肉，牛油果加洲卷，藜麥沙律，壽司。很滿足，而且價錢相宜。下次會再光顧。

觀塘工廈一直都是小弟的飯堂，唔單止選擇種類多，而且食物也不錯。今次來到這家日本餐廳丼瀛，想必這裡主要以丼飯為主。餐廳的裝修以居酒屋和棕色木系為主題，也充滿和風，令人感覺舒適。油甘魚牛油果海膽沙律 油甘魚味道新鮮，份量都很多，反而牛油果太少，牛油果香濃細膩，吃起来口感嫩滑。海膽甘甜軟綿，帶些少海水鹹香，也算鮮甜。而蔬菜為整碟沙律添了幾分清新，食多也不覺油膩。築地壽司杯一共有7個壽司杯，除了第一個是壽司薑片，基本上每款個壽司杯上面舖滿各種不同的刺身，而下面則是壽司米飯。其餘6款壽司杯分別是拖羅蓉手卷、蟹籽帶子、海膽、吞拿魚、三文魚和三文魚籽、甜蝦。海膽同樣甘甜軟綿、肥美鮮甜。三文魚籽晶瑩飽滿，咬下去口腔充斥住鹹鮮！拖羅蓉入口軟滑脂香，細緻滑溜，非常豐富，十分滿足！龍蝦刺身爆丼很精緻的賣相，最吸睛莫過於是龍蝦了，色澤橙紅。而色彩繽紛的刺身鋪砌到滿一滿，幾乎放不下。有龍蝦、三文魚、帶子、油甘魚、八爪魚、希靈魚、糖心蛋等，但我個人就不喜歡希靈魚，其他的都非常新鮮美味。而主角龍蝦刺身亦不令人失望，龍蝦肉已挑出並與蟹籽製成沙律，蝦肉肉質鮮甜彈牙，沙律帶甜而不失原有之龍蝦味，很不錯。而龍蝦鉗肉有很重的