丼瀛 (已搬遷) 新店位置

觀塘工廈有不少驚喜又經濟的食物，地點又十分之方便.套餐十分之經濟，但大家小心星期一至四及日都可享受這經濟set.至於公眾假期同樣不適用.溫度玉子松葉蟹沙律十分之開胃.牛肉野菜鍋牛肉分量十足味道又夠濃送飯一流.木魚炸豆腐令豆腐的鮮味提升.魚生十分肥美又夠新鮮.大快朵頤的海膽.手握壽司十分之有水準.吞拿魚蓉也是必要之選.串燒的赤蝦十分新鮮加上大大隻肥美的蠔.有半隻手臂長的鰻魚加上熱熱的飯十分之吸引.觀塘工廈真是一個臥虎藏龍之地，價錢有經濟份量有十足性價比十分之高.

🙆🏻‍♀️講個秘密俾你地知…其實我同其他港女一樣都咁鍾意食日本嘢，雖然中女唔應該食咁多生冷嘢🤣 但係我都唔會忍到口，所以決定之後要post返多啲日本嘢至得🤪😄 今餐超級豐富食左好多嘢，師傅仲整左啲sercet menu俾我地食🤗🤗-☆ 碎蔥吞拿魚米通 & 三文魚子米通 sercet menu兩舊米通個樣的的骰骰，樣子平平無奇，但原來超好味！米通鹹鹹地又甜甜地，味道好特別💕 上面既吞拿魚同三文魚子同米通好夾，如果成日有得當零食食就好啦~-☆ 鮮蟹肉溫泉玉子沙律 HKD$58沙律撈埋個秘製醬汁一齊食，酸酸地十分醒胃，加上鮮蟹肉味道鮮甜，溝埋啖啖索索聲蟹籽就齊食，超級美味，口感超爽🤤-☆ 清蒸茶碗海鮮湯 HKD$68好特別係用含日系風茶壺上，海鮮湯顏色清晰，材料十分豐富，包括蜆、蝦、帶子、魷魚、魚肉及菇等，因此海鮮湯十分鮮甜味美🤤 用茶杯飲特別又可愛🤩-鍋燒烏冬 HKD$98用上濃濃豚骨湯底，烏冬唔會太腍亦口感彈牙，配料超級豐盛，多到鋪滿成個鍋見唔到烏冬😌 有炸蝦天婦羅、炸雞件、蔬菜、蟹柳、鳴門卷、冬菇、海帶及流心溫泉蛋等，份量多到2個人都食唔哂！-☆ 北海道海膽三文魚爆丼 HKD$

昨晚勁難得得返我同爸爸沒有節目,想起剛剛的父親節也沒有機會同佢慶祝,就搵吓屋企附近有咩食。爸爸平時無咩節目,好小出街食。就一於食日本野,見到丼瀛呢間餐廳評語唔錯,即刻打電話留枱出發!觀塘工廈向來是尋寶的地方,小店約有30坐位,露台位置亦封好,冷氣充足。坐下來看餐牌的時候,店員隨即向我們介紹平日限定的二人套餐。餐牌用料高級,有海膽,燒蠔,赤蝦今日主角係爸爸,盡可能比佢試多D不同種類食物。一於唔好煩,食set其實呢個二人套餐份量都唔簡單。先黎溫泉蛋松葉蟹肉野菜沙津滿滿的松葉蟹肉配上蟹籽,日式沙津汁,留心蛋黃果種感覺真係不能夠形容。間中加入香桃,車厘茄,開胃清新。此店的主打是海鮮丼,刺身壽司絕對係佢地拿手本戲。上到枱時,先說貌相,擺碟~ 果然無令我失望壽司:油金魚,及蔥吞拿魚腩蓉(我至愛)時令刺身:甜蝦,三文魚(勁厚切),海膽(份量多,超鮮味),金目調(出面較小有),深海池魚其實淨係呢個排陣,在外面餐廳早已超過300蚊。所有魚生新鮮,壽司手握大小完美燒物類:鮮蠔沙津燒,鹽燒赤蝦鹽燒赤蝦,鮮味十足,連穀食埋都無問題!!! 鮮蠔沙津燒,勁creamy! 鍋物:潮鮮風牛肉野菜鍋雖然我唔明白咩係潮鮮

今日係觀塘收工，本來約咗朋友食飯近排成日食西餐真係好想食返啲凍嘅嘢最終揀咗喺觀塘工業區嘅一間日式餐廳Order左一人前餐 $268包括了3款刺身、2件壽司、湯、串燒及飯刺身包括三款：甘蝦、海膽及火炙吞拿魚海膽色澤金黃，食落甘香冇腥味。甘蝦沒有雪藏味，蝦肉爽口彈牙火炙吞拿魚油脂豐盈，燒完之後依然好香油香。時令壽司🍣油甘魚魚肉比較偏乾身，壽司飯有點散清蒸茶碗海鮮湯好香海鮮及蜆肉味，超級鮮甜味美，仲要用上清酒杯黎飲，特別有風味雞腎串燒一串大約有六舊雞腎，性價比高。咬落爽口彈牙，而且沒有雪味和牛鵝肝飯鵝肝縱然未做到入口即溶，但依然煎得很香口外層做到焦香化，口感尚算嫩滑甘香和牛這個做法略嫌不能優化這個食材，食落唔似和牛。

之前係佐敦食過 覺得好正 但一直都冇時間再去觀塘都開左分店就好喇 終於可以去食雖然開左係工廈入面 但一樣好易搵估唔到9點幾都仲有好多人係度食飯吹水傾計個環境幾好幾舒服 唔會好迫嗌左個精選二人前 B 連埋加一 都係五百蚊落樓 仲要飽到捧住個肚走溫度玉子松葉蟹肉野菜沙律好多蟹肉蟹子😍😍😍將隻溫泉蛋撈埋一齊食 再加少少醋 正如果係柚子醋 酸酸地仲開胃個蟹肉好甜 淨係個頭盤已經好大碟時令魚刺身盛 (三文魚2切, 時令魚薄切4片, 海膽2件, 甜蝦2件)時令魚好新鮮 掛住食都冇問到係咩魚不過個魚嘅口感好特別 咬落有彈性 不錯用紫菜夾住海膽 一啖放落口 正刺身係好新鮮 好肥美油甘魚壽司, 碎蔥呑拿魚腩壽司食完刺身再有壽司油甘魚好好食好肥好厚 個陣魚味係個口度好耐都唔散吞拿魚腩好多蔥 我中意 我係食蔥怪😂😂朝鮮風牛肉野菜鍋基本上食日本野 食牛肉鍋係唔少得我唔中意牛肉鍋入面加隻蛋 但呢個冇岩晒我牛肉份量好多 唔會好肥啲金菇同菜索曬啲湯 好入味佢仲有粉絲係入面 隻粉絲應該唔係平時食開個啲粉絲 粗小小好爽口木魚花炸豆腐我唔中意食木魚 因為好似鉛筆刨碎😂😂同埋有陣味 但炸木魚都係第一次食原來幾好食冇左我講個

真係估唔到官塘區都有咁正嘅日本🇯🇵料理，而且價錢經濟實惠，可以因為廠廈租金比較平，變相益返食客👍🏻經過工廠走廊，入到餐廳別有洞天，裝修設計甚具東洋風，而且客人不少，個個識途老馬🤗而且餐廳有不同優惠，呢個二人餐，只需$398，便已經有齊大部分日本料理食材，一睇個價錢就已經知道係經濟實惠，不過提提大家只係星期日至星期四先至適用😬溫室蕃茄豆腐沙律🥗，超甜嘅蕃茄和軟滑的豆腐，一層一層互相交替，豆腐好滑，番茄超甜，開胃前菜😋 赤蝦🦐三點盛，大大隻赤蝦，鮮甜味美，珍寶帆立貝和厚切三文魚，入口冰凍，加埋碎三文魚松葉蟹肉卷，除咗賣相精美之外，新鮮程度亦相當高😋清酒煮蜆，呢個時候奉上， 正好暖暖胃部，蜆肉香氣四溢，飽滿多汁！野菜天婦羅，新鮮即炸，香酥可口👍🏻一口和牛，免治雞肉棒，香口惹味，一人一串，唔使爭😬冷麵稻庭烏冬，自己加上適量蔥花和鵪鶉蛋，真係好味到你唔信，食嘅時候自然發出「𠽌𠽌」聲，一試難忘👍🏻食咗咁多嘢連買甜品都係$400左右，真係有佢咁靚都冇佢咁平，抵👍🏻

一個人上完yoga揾食。晚上8點幾上到樓已經好嘈吵，侍應聽到1位之後，有空枱都唔肯俾我坐。攪左陣最後又坐得。點知10分鐘後又話又我轉枱。張枱係喺入口嗰條走廊度開一張摺枱俾我🙄叫左個時令飛機魚爆丼$188再加一，等左40分鐘都未到。。。追完單後，侍應都有跟返，送左杯grape soda話唔好意思等咁耐。時令飛機魚係金目鯛魚有4片，另外係蟹籽同小量蟹肉。魚生算厚切既，新鮮順口，無腥味，只係上菜既時候一啲爆丼既感覺都無😂黎到個丼比我想像中細，因為比起上次喺旺角爆丼屋既細好多😅呢個價錢，我諗我唔會再黎，因為嗰度既枱好迫同勁嘈，環境同招呼已經扣曬分

喺觀塘附近行完街有啲肚餓, 就同朋友黎左呢間工廈日本餐點食午餐。呢間餐廳嘅店員都幾有禮貌,餐廳環境唔錯,唔會有好焗促嘅感覺。叫左個極上海之幸爆丼,刺身都新鮮,足料。

星期六難得放假，就同朋友去觀塘工廈附近食lunch。呢間日本餐廳喺apm附近嘅工廈樓上舖，去到樓下就見到有店員派緊傳單，原來午餐指定餐牌有5折。餐廳環境唔錯，有幾枱客人，環境都十分安靜，啱哂我地，可以靜靜地食餐飯。店員服務好好，有禮貌。我同朋友分別叫左個海膽油甘魚爆丼同埋極上海之幸丼。午餐仲送埋麵豉湯同餐飲。兩個爆丼都好足料，海膽油甘魚爆丼，海膽都新鮮；極上海之幸丼嘅吞拿魚都好大塊，蝦刺身好新鮮好食，總括黎講係唔錯嘅一餐。

近排出差經過觀塘咁岩撞到舊同學 見太耐冇見就諗住放工後搵間餐 吹下水聚下舊因為觀塘我唔太熟 見佢係觀塘返工就叫佢介紹d 隱世餐廳黎食吓間餐廳雖然唔係話特別大 但非常有格局 一入去有個大嘅刺身Bar 可以見到師傅好專心咁製作料理 地方亦都好乾淨企理 呢間餐廳質素應該有保證我地一坐低睇左份menu 見到有好多野食 有刺身、壽司同燒物 咁最後我地就求其點左築地壽司杯、北海道海膽油甘魚爆丼、油甘魚牛油果海膽沙律同少量串燒 全部都好新鮮好好食 而令我最印象深刻嘅係築地壽司杯 雖然份量唔多 但係每一口都令我淡淡難忘餐廳整體食品水準 尚算出色 最令人滿意 為餐廳環境 適合 三兩知己 小聚談心

日本餐廳S2 Kitchen旗下日本料理 “丼瀛” 由曾在松菱、有馬等知名日本料理店工作的師傅主理。主理人自十五歲開始研究鐵板燒，早於中環開設的日本餐廳S2 Kitchen，以新鮮刺身作賣點，後來大膽改變風格，專注創作海膽菜式，推出「海膽杯」而聲名大噪，餐廳曾創下單日26萬的網上點擊率。今次試了位於觀塘的“丼瀛”。除了是S2 Kitchen的滋味延續，餐廳更以半露天式風格作為賣點，環境開揚舒適，可為客人供應爐端燒。而招牌菜之一 “北極光海膽杯”除了面頭看到的海膽，裡面還有松葉蟹、蟹膏豆腐、海膽豆腐、海葡萄、黑魚子和紫薯等，七彩繽紛，海鮮的鮮味與紫薯的甜味互相輝映，多款食材為味蕾帶來不同的享受。個人覺得刺身鮮味之餘，爐端燒和炸物亦很不錯。大蔥燒黑豚肉個人很推薦。

有時收工行過見到有間日本餐，就打算去試下個午餐，去到門口有啲臭，企左幾分鐘先有人行岀黎，我就叫左一個角切魚生飯+面豉湯外賣，由於場內沒有客人，所以等左大約5分鐘就有了，我一攞左外賣之後，摸到盒飯係熱既，感覺怪怪地，到我返到去打開盒飯見到已經唔想食，另外我搵左成袋外賣都搵唔到豉油既物體，之後啲魚生一啲都唔新鮮，仲黑媽媽（應該加左豉油上面），到試啲飯既時候，一啲醋味都冇，應該係白飯黎，我食左1/3就冇再食，打算飲湯，點知個湯係湯包沖岀黎，好難飲，淡到不得了，咁就浪費左$78，一定冇下次🥵

見到佢不停有人嗌外賣 我只不過係食午飯嗰日只可以食熟食嘅我見到佢有一個 128蚊 嘅燒鰻魚飯out of curiosity 我真係叫咗嚟食 我真係唔明白點解咁貴但係食完之後就明白啦佢堅係攞去燒有barbecue嘅味道真心覺得好好味同埋個presentation真係好靚佢個餃子真係好好味皮薄餡靚份量都好足食完可以唔使食晚飯咁滯仲好貼心咁多咗一碟醬汁原來 日本嘢 熟食都可以咁正個鰻魚真係肥美服務真係堅好唔使講我梗係會返去食

一班同事同一個舊同事聚舊，我們一行成七、八個人，在星期五的官塘區有book 位都有等。同事建議食番上次食的丼灜，上次食沒有那麼多人。其實我哋前一天已經book咗位，今天入到去座無虛席，證明大家都食識搵好嘢食。呢度啲魚生夠大件、夠新鮮，同埋坐得舒服，我哋最鍾意坐外面因比較靜。坐下後，各人也點了魚生飯，好明顯今日人多所以出餐特別慢。後來經理竟然同我地講餐茶用的茶底都已經賣晒，我哋唯有揀汽水飲。整體來説，這裏已成我們另一個敍腳點。

係歐洲幾個月，最掛住就係香港啲日本野！好耐之前食過呢間餐廳既佐敦分店，念念不忘，今次就喺附近試一試觀塘分店，一樣咁有水準。A. 北海道四重奏爆丼$268牡丹蝦大隻鮮甜海膽新鮮！充滿鹹香～💖💖👍🏻三文魚子配上壽司飯，拌飯一流魚腩亦非常鮮甜～M. 劍魚腩拖羅爆丼$138劍魚油脂豐富、味道爽甜綿滑拖羅蓉配上香蔥～非常滋味食完丼飯～想食返少少熱食！估唔到餐廳嘅熱食一樣咁有水準！金菇牛肉卷$28看似簡單嘅一道小食，但卻甚有驚喜！牛肉油脂豐富，仲可以食到好香嘅牛油味！金菇分量十足，爽甜，增添口感。大蔥燒黑豚肉$26豚肉有嚼勁～配上香蔥，減少油膩感～餐廳每日都會有推介嘅食材，大家可以問吓餐廳有咩飛機貨或者有咩推介，再決定食乜～服務方面，員工服務殷勤，會經常為我地添熱茶～值得一讚！