丼瀛 (已搬遷) 新店位置

看完open rice d comment , 想住試下，點知中伏，壽司杯 味仲差過元氣，刺身先離譜 $4xx 蚊 以爲好豐富 好好味啦 點知 仲差過自己去超市買，AeOn 買刺身一定好味過呢間！最離譜係叫支sake 店員推介了一支話 好好，點知 呢支酒係我人生飲得最難飲的sake!

今天下班跟朋友飯聚，相約在她的公司附近晚餐，她在觀塘附近工作，我是羡慕不已的，因為交通方便，食店選擇又多元化，所以當我說想找家日式餐廳嚐嚐，她很快便說交給她，我當然放十二萬個心。 最後她帶我去了家叫丼瀛的日式餐館，位於工廈中，餐廳環境裝潢別樹一幟，坐位間還算寬敞，去到時顧客没有很多，但正因如此，十分適合我們談天說地。 我們點了松葉蟹肉甲羅燒蟹膏爆丼、安格斯牛肉壽喜燒、忌廉蟹肉薯餅、雙重芝士鰻魚卷、和三文魚腩刺身。 松葉蟹肉甲羅燒蟹膏爆丼，份量十足，果然是爆丼，蟹肉蟹膏，還有三文魚子，没有加上任何醬汁，入口已鮮甜萬分，推介給愛蟹的朋友。安格斯牛肉壽喜燒，壽喜燒味道鮮甜，半熟的安格斯牛肉，在湯裡涮了兩三下就可入口，鍋內的蔬菜豆腐同樣鮮甜美味，與濃郁的牛肉一起吃，回味無窮。 不過數到最有驚喜的，莫過於雙重芝士鰻魚卷，從前吃過的鰻魚卷，不是肉質過軟過硬，就是帶有骨刺，但這個芝士鰻魚卷卻洽到好處，最上方的芝士更是畫龍點睛般令到整個味道更豐富。 而忌廉蟹肉薯餅和三文魚腩刺身就相對地比下去了，味道還可以，但没有讓人喜出望外的感覺。期待下次的光顧，嚐嚐其他菜式。

觀塘有好多日本餐廳，呢日放假特別過黎搵舊同事食飯，佢帶左我黎自己成日去的呢間餐廳北海道海膽油甘魚爆丼 $118朋友叫左呢個魚生飯食，原來都幾豐富，一碗飯裡面有超多海鮮：油甘魚、蔥油甘魚、海膽、蟹籽。油甘魚油脂豐腴，加上每件都好厚，咬落去真係啖啖肉，一D都唔腥，蔥油甘魚配飯令到飯粒更香糯，不過我自己就鐘意佢有成格海膽，依然保持到海水感。大和牛肉 $78呢個便當份量都幾大，珍珠米好香米飯味，唔會太林，撈埋醃得好入味嘅牛肉食剛剛好，越食越開胃，牛肉醬汁帶少少甜味，洋蔥先係重點，加埋滑滑豆腐前菜同埋香脆爆汁嘅餃子，滿足曬唔同方面嘅要求！吉列廣島蠔 $18午市可以用優惠價點小食，我地叫左吉列廣島蠔，一人一隻剛剛好～外層鬆脆唔掛油，加上唔係好厚，所以裡面係大size的蠔，保留到蠔嘅鮮味唔會乾爭爭，唔點醬食都無問題～

約了朋友到觀塘吃晚飯，一直知道觀塘工廈有很多隱世高質食肆，於是在網上看了一些食評後，便選擇了這間「丼瀛」。餐廳提供的食物種類琳瑯滿目，在服務員細心講解後，便選擇了她向我們推介的晚市定食。丼瀛特色壽司杯：光是賣相已經很吸引！當中我最愛吃三文魚加海膽，海膽大大片，三文魚非常肥美！另外赤牡丹蝦都鮮甜爽口，而且刺身帶子十分肥厚！其實每個壽司杯的製作都是非常用心，刺身鮮甜十足，壽司飯醋香，每一杯飯內裏都加入了少許飯素，令人醒胃！雜錦天婦羅：天婦羅即叫即製，炸漿又簿又香，感覺完全不油膩！當中我最愛吃是天婦羅蝦和冬菇，食物經過炸煮後仍能保持水份！冷稻庭烏冬：看似平平無奇的烏冬也十分有驚喜，不僅消暑一流，而且烏冬咬落又甜又滑，難怪我和朋友把它完全吃光光！牛油焗金菇：金菇極之美味，牛油十分香濃！是永遠不會中伏的一道菜色！芝士年糕：烹調的火候控制得宜，內𥚃的芝士成拉絲的狀態，是芝士控的絕不能錯過呀！晚市定食的性價比的確很高，最後兩個人只是吃了四佰圓，已經非常飽足呢！

自從食過十層海膽杯後，得知佢地係觀塘開左呢間餐廳，當然又要去試下啦食物選擇由沙律，佐酒小食，串燒，主菜，爆丼，刺身，爐端燒，天婦羅及飲品，居酒屋格局原來想叫無花果沙律但無返貨，改為呢客刺身沙律 ($88)，份量都幾對眼爽口沙律菜配上幾款魚生粒，三文魚肥美，蟹籽脆卜卜，混合埋酸醋汁，清新開胃!再叫幾串串燒作為小食 :大蔥鷄肉 ($18) - 火候似乎勁左D，大蔥燒到外面焦左D，鷄肉就帶有嚼勁鹽燒鷄腎 ($18) - 味道唔會太咸，燒得夠乾身燒牛舌 ($38) - 有少少厚度夠口感，熱辣辣，食前唧少少檸檬汁調味，軟中帶少少嚼口，牛舌味幾濃!由A至Q咁多款生食爆丼，選擇呢客黃鮨吞拿魚海膽爆丼 ($158)，賣相顏色吸引望真D材料有吞拿魚，海膽，蔥拖羅及甜蛋海膽都唔細客，顏色靚仔，食落幾有海膽鮮甜味，加埋蔥拖羅及飯一啖放入口，鮮甜加少少油香係口中爆發吞拿魚無脂肪但幾軟身，食多件都唔怕肥另一個熟食爆丼係特上蒲燒鰻魚爆丼 ($98)，半條蒲燒鰻魚"横卧"係飯上，另有蛋絲及紫菜配襯鰻魚燒得皮脆及帶點焦香，蒲燒汁嘅香甜味好好送飯，唯汁再多D會仲好，食晒成客都大半飽!仲有甜品送，呢客3.6牛乳奶凍確係幾

今晚收工同朋友去食晚飯。餐廳叫丼瀛，係一間工廈樓上舖。裝修簡單，但有D日本老舖感覺。有個露台，適合需要呼吸空氣的朋友。餐廳雖然叫丼瀛，但近期推介係流水麵。豆腐沙律D豆律冰凉滑滑，消暑醒胃。天婦羅炸物脆浆不太厚，唔錯重頭戲係流水支麵。店員抬出一流水麵。好有型。成為全店焦點。把麵一小撮放在頂部，經冰水流下。好好玩。D麵好煙勒。好食好玩！三色魚生有带子，三文魚腩及油甘魚。友人叫左A餐。有全店招牌七色壽司杯。七色壽司杯有带子，蟹鉗，三文魚腩，芥辣墨魚，大頭虾等。沙律不過不失。甜品係紅豆春卷。有特色。

工廈裹臥虎藏龍私餐廳甚多。搵搵下搵到呢間有唔少好評既日本🇯🇵野。舖頭設計係日本家庭式小店感覺，燈光較暗，好適合三五知己小酌一番。一開始叫咗個沙律 🥗#油甘魚牛油果海膽沙律 $98海膽係加拿大海膽，鮮甜同好creamy夾埋落咗醋嘅沙律菜，味道好特別fresh得黎帶海膽嘅濃烈。btw我食唔到牛油果🥑😂但好值得一試。研究完餐牌之後，覺得晚市定食A最吸引，$298 有齊晒鍾意食嘅刺身整既壽司杯、雜錦天婦羅、冷稻庭烏冬。壽司杯一條上枱靚得黎好有霸氣，其他枱食客見到都讚靚。印象最深刻係：#海膽三文魚🍣海膽鮮甜，回甘味重，完全無腥味，三文魚係三文魚腩，厚身而且肥美，魚味重。#赤牡丹蝦超大隻！肉質清甜帶彈性！#二本爪蟹肉蟹膏好少食到蟹膏既壽司😍蟹膏好多夠拌個壽司飯。好正呀。其他嘅都好新鮮。#雜錦天婦羅 🍤薄薄一層脆粉漿，外脆內食到食材既原味道👍👍👍高質。#冷稻庭烏冬好鍾意食稻庭烏冬🤩但呢個烏冬入邊會有薑末，食落會有生薑味。我對薑味還好但唔鍾意食薑嘅朋友可能會唔鐘意。食食下因為附近有其他客人食緊串燒，瀰漫着串燒嘅香味。咁我地緊係要試埋佢啦！#雞腎 $18、#雞軟骨 $18、#牛舌 $38 同#黑豚肉 $

諗住同事生日請佢食日本野，用左OpenRice 訂位，準時到達，入到去，間鋪有陣味，好難形容，總之你唔會鐘意同長留服務可以的，食物選擇都多，價錢都唔算貴午餐的叫左個壽喜燒，同事叫左鰻魚飯同北海道刺身丼，滿心歡喜等食😌😌😌點知同事個鰻魚黎到，出事，個飯乾乾的，更不是珍珠米，鰻魚是堅韌的。同事話係佢鰻魚飯生涯中最難食的一次我的壽喜燒，正常無特別同事的刺身丼一般，無特別但唔會令人想返轉頭的沖動😖😖

提早1日慶祝母親節，為左想試北極光海膽柸而黎，所以Book左丼瀛食晚飯，好可惜佢唔推出了😭。場內勁full叫左個龍蝦刺身爆丼($218) ，um🤔好似同相片不太相符，連唐心蛋都冇左。味道都ok清酒煮蜆，好重酒味，蜆就正常siZe ，同勁多菜同昆布。再叫多個Set dinner($298)丼瀛特上壽司柸+什錦天婦羅+熱稻庭烏冬，個餐都算ok抵。有7個壽司柸，刺身都好新鮮，烏冬用左豬骨做湯底。另外見到既海膽雜錦刺身丼，其實係佢地落錯左，我地等左成大半鐘吹左幾次，佢地先知落錯單，即刻出番個Set dinner比我地🙈佢地都不停道歉，但餓屎我女女了😢

呢間工廈日本食店由apm行去都係5min，shopping完過左去食dinner。就係呢到我地以為份量好少，來到發覺每樣都好大碟花之戀$38，本人十分推介，性價比高，唔好睇買相，就兩件都係38蚊，一件有三塊厚厚既三文魚包住，同好新鮮，抵清酒煮大蜆$78係大蜆黎，仲好鮮甜，每件都有肉嫁，湯甜美味，有雜菜同粉絲，夠晒分量銀雪魚乾$38，香脆，小食上：厚燒玉子$24，可以一試，如果唔整太熟更好中：雞心$18，煙煙靭靭下：白膳$38滑蛋蒲燒鰻魚爆丼$98，我鐘意食濕濕地既飯，有滑蛋同鰻魚汁撈埋一齊食好可口呀，好多件鰻魚，真係爆丼，值得一試築地壽司杯$138，呢個有一個爆丼既分量，但可以試好多款唔同既刺身飯，新鮮好食唔可以睇少女人既食量呀，雖然叫左咁多，慢慢食唔浪費

這間丼瀛在觀塘工業區樓上，好抵食！環境整齊乾淨，以日本風格的設計，有大堂及獨立房間選擇，獨立房間可供一大班客人開party, 燈光閃閃裝飾華麗；今日肚子唔太舒服，唯有選擇唔食生野。原來這裡除了刺身、生蠔之外，更有好多款特色又豐富的熟食。多款串燒、卷物、丼飯等等，好正好吸引又美味的樣子，更有本月廚師推介添！1. 串燒-鹽燒雞翼好香脆外皮，雞翼肉軟香滑，咸咸香香；-大蔥雞肉大蔥有口感，雞肉多汁燒得香；-白鱔喜歡這個白鱔，多汁厚身、彈牙有口感，皮脆肉彈；-燒黑豚肉黑豚肉好香豬味濃-沙律燒巨虎蝦好大隻！推介這個虎蝦，沙律醬酸酸的好開胃，外皮燒得好香好靚，虎蝦爽口新鮮又肉彈，正呀2. 特上浦燒鰻魚爆丼鰻魚香又厚又多汁、日本飯多、更有豐富蛋絲3. 壽司新鮮軟滑厚肉帆立貝、外香內軟火炙帆立貝及火炙彈牙魷魚4. 牛油果加洲卷好靚又健康之選！推薦這個8件加洲卷，新鮮牛油果片配上爽脆爆口感蟹籽、中間夾上蟹柳、蛋，口感好正！5. 超推熱辣辣香口甜美甘栗子紫薯餅紫色好靚，外脆口內香滑軟滑，粒粒栗子碎，好香甜番薯味香滑！6. 飲品青蘋果乳酸特飲：清涼酸酸甜甜、乳酸好健康最後送上免費送的北海道36度奶凍，好滑又香

平時都唔會留評語 今次真係要留負評同女人街d日本餐廳質素差不多, CP值係0貴又唔知自己食左d咩 食物又唔新鮮好差既日本野，忍不住留負評裝修係街邊大排擋裝修 mk風味極濃 星期日夜晚都可以無咩人食就知啦壽喜燒無火熱住咁食 岩岩只食完壽喜燒仲無問過食完未即刻收走埋對筷子俾錢仲拎錯單拎左張千幾蚊既單俾我地簽好在有check單 咁既價錢又更多更好既選擇 食吉野家邊爐 元氣都無咁嬲 對食有少少要求都唔使去 依個價錢有更多選擇啦

其實係觀塘工廈真係有唔少不錯既餐廳，而今次介紹既就係另一間食日本菜 - 丼瀛。呢到有唔同款式既魚生飯，價錢仲要非常合理，如果唔想食魚生，呢到仲會有熟食，任君選擇。而我就叫左黑松露火灸雜錦爆丼，入面分別有三文魚、蟹柳、玉子，每款既份量都十足，而且非常新鮮，再配埋淡淡既黑松露，口感更豐富！呢到仲會有埋野飲送，真係好滿足呀！如果行開觀塘，又想食日本野，呢到確實係唔錯既選擇！

上星期有晚就由朋友仔帶左我上黎呢度開餐見到呢度門口有我至愛既麵包超人，小妹我已經私心咁為餐廳加分xppp朋友之前同佢愛人黎食過話覺得唔差，所以呢晚佢地就帶我黎食兼同我補食生日飯朋友叫我揸主意睇下食乜，我就睇中左個“晚市定食A”HKd$278 唔洗加一，而朋友兩公婆就要左個夏日限定既“流水麵套餐”HKd$298+10%先黎係流水麵套餐既豆腐沙律同三點刺身份量唔少兼好有派頭啵見佢地又食又玩，sweet到呢我個套餐既“丼瀛特上壽司杯”都唔輸蝕架一set有7杯壽司，每杯都有唔同配搭，岩曬成日心大心細，想試多幾款口味既小妹我我地兩個既set都有一份什錦天婦羅，炸粉貼薄，火喉處理得相當唔錯食埋呢碗跟餐既爽彈稻亭冷烏冬，一向唔算細食既我都飽到加零一我既晚市套餐加10蚊就可以有杯飲完令喉嚨好舒服既陳皮冰糖燉檸檬呢晚又要多謝朋友請我食左滿足既一餐啦

丼瀛有多間分店，每間都各有特色，觀塘工廈既依間除左可以室內食野，仲有露台空間可以比客人選擇係室外食S2築地壽司杯$138一杯杯排列得好靚，每杯都唔同口味，我個人鐘意食海膽杯厚切三文魚爆丼$138超厚既三文魚滿滿咁放係上面🤤睇都覺得好吸引香桃蟹籽沙律$78食個青瓜蟹籽沙律好開胃依到串燒好好食，1次過叫左幾款鹽燒雞腎$18好爽脆，而且有嚼勁牛舌$38 厚薄適中，咬落去肉汁爆哂出黎大蔥燒黑豚肉$24黑豚肉油脂感有入口溶化感覺，加上大蔥帶出鮮味厚燒玉子$24甜甜既玉子，口感香滑，蛋味濃郁本菇牛肉卷$30 金菇牛肉卷食得多，本菇牛肉卷第一次食，味道不錯，菇味更香濃