丼瀛 (已搬遷) 新店位置

丼灜呢間係一間喺觀塘嘅隱世日本餐廳。今日放工嚟咗呢間朋友推介嘅日本餐廳，試吓佢嘅特色刺身同壽司。佢哋而家做緊推廣，送咗個沙律俾我哋食，個沙律係非一般沙律，佢哋加咗蘋果絲，食落去味道特別清甜，口感爽脆，朋友都話想學整嚟食。然後我哋叫咗個金菇牛肉卷，啲肉汁俾啲金菇吸晒，食嘅時候個口充滿着香濃肉汁，冇得彈。跟住個大蔥黑豚肉，燒得恰到好處。特別要讚嘅係佢嘅胡麻手羽，雞翼煮得十分香脆，色香味俱全！然後到今晚嘅主角，就係佢嘅壽司手寫，一見到上菜，已經覺得好興奮，成盤壽司同刺身真係整得好靚。咁多款刺身壽司，特別要讚嘅係佢嘅海膽、蝦、赤貝同埋鮑魚，都非常新鮮鮮甜！呢一餐係視覺同味覺加埋一齊嘅享受！

在觀塘工廠大廈中，有一間十分隱秘的日式料理餐廳🍴，草根姐妹還是經朋友推介才知道，店內位置不多，所以建議大家先訂枱吧。.📍極光海膽杯（$168）海膽杯一共有8層，置頂有鋪上2大匙海膽，再加黑松露，向下數有三文魚子、帶子、吞拿魚茸🐟、魷魚🦑、蟹肉絲🦀、蟹膏，最下面是海膽豆腐。全部食材都味道鮮甜，口感嫰滑，吃得出用料新鮮，不過價錢頗貴。.📍牛舌（$38）牛舌厚切彈牙，調味不錯，十分惹味。📍一口和牛（$38）🐂和牛粒軟腍入味，有口感，不俗！.📍胡麻雞翼（$48/2隻）芝麻雞翼外皮炸脆帶辣味🌶，雞肉嫰滑多汁，惹味不錯。.📍忌廉芝士鰻魚卷（$68/4件）忌廉芝士味濃郁🧀，口感厚重，是個壽司卷的主調。鰻魚亦不錯🐟，不過被忌廉芝士搶了風頭。.📍七味燒魚翅（$58）好似平時醃醃製過魷魚乾🦑，愈吃愈出味！.📍比目魚背壽司（$28）比目魚背口感軟滑，炙燒過將油份迫出🔥，十分好吃😋！.這間觀塘工廈的日本料理食物味道不錯，價格雖然不算特別便宜，但晚上七點開始已座無虛席，看來頗受歡迎呢！

又黎到觀塘區搵食 今晚同朋友上openrice book左哩間日本野餐廳地方不算很大 坐得有點迫夾 冷氣也不太夠我同朋友每人叫左一個烏冬 湯底濃郁 烏冬彈牙 配料亦足夠驚喜係哩間都有炸雞皮食芝士年糕夠熱 無油溢味 明太子雞翼有點太細隻

🐷🐷🐷▪️築地壽司杯 ($168)賣相好吸引🤩 一共有七個小杯，雖然睇落份量唔多，但其實每一隻杯都等同於兩件壽司既份量🤔 每杯可以兩個人share! 刺身新鮮，特別係海膽更加係鮮甜🥰 唯一可以挑剔嘅係，最左面嘅蟹柳卷，蟹柳份量可以再多啲！〰️〰️〰️〰️〰️〰️〰️5/5🐷〰️〰️〰️〰️〰️〰️〰️▪️刺身沙律 ($88)以咁嘅價錢來講，刺身份量比我想像中多🖖🏻 而且包含幾種唔同刺身，係好抵食嘅salad。〰️〰️〰️〰️〰️〰️〰4/5🐷〰️〰️〰️〰️〰️〰️〰️▪️大葱燒黑豚肉，牛舌 ($62)兩樣都係即叫即燒，熱辣辣上碟，調味料十足，絕對可以止到食肉獸既口癮🤪 不過覺得略貴，比起其他野性價比較低。〰️〰️〰〰️️〰️〰️〰️3/5🐷〰️〰️〰️〰〰️️〰️〰️▪️日式安格斯牛肉鍋 ($88)CP價超級高！大家可以見到鍋內有極多牛肉！湯底鮮而淡，入面有菜，豆腐，粉絲等等既配菜。既健康又唔會搶咗其他菜嘅風頭，作主食一流👀〰️〰️〰〰️️〰️〰️〰️5/5🐷〰️〰️〰️〰️〰〰️️〰️▪️焗雜菌 ($48)女生最愛，唔肥得黎又好飽肚，但又夠牛油香😋 特別就唔係好特別，但係每次見到焗雜菌就一定會叫！〰️〰️〰〰️️〰️〰️〰️5/5🐷〰️〰️〰️〰️〰〰️️〰️🔸Overall ($454+1)📍丼瀛 (觀塘)觀塘巧明街109號

收工要去apm買野行街，今次男友負責諗食咩，買完野佢帶我行去觀塘啲工業大廈上面，未到時心諗咁偏遠間野有無人幫襯嫁?一出lift門已經聽到勁熱鬧，入面好多人食緊，我地隔離枱仲要坐左兩個日本男人食緊串燒飲啤酒傾計，店內一陣陣魚生香味，其他食客食得好開心，暢飲啤酒同傾計，勁有氣氛，好似去左日本啲居酒屋咁，我見到出面有個露台位，有冷氣仲掛晒啲星星燈好靚，寫住可以包場，好想出去影相。呢排食左好多好野都好懶寫食評，呢間無論食物、員工態度同環境氣氛都好正，所以都要寫上黎讚一讚。築地壽司杯 $168丼瀛特選爆丼 $188五點刺身 $338汁燒魷魚筒 $78胡麻手羽 $48壽司杯，每樣刺身都好鮮味，啲飯有加少少蒜椒碎好香口，有海膽，黃金魷魚，甜蝦，三文魚，三文魚籽，吞拿魚蓉。吞拿魚蓉平時我怕腥唔食嫁，但佢整得好好食，我停唔到口。推薦大家食呢個特選爆丼，好好食!!入面有海膽(第一次食呢個價位既海膽係咁鮮味，好有膏味既感覺，同平時食到既係唔同層次既味道，份量都多)，劍魚腩(超肥美，好好食)，甜蝦，三文魚(好大片)，三文魚子，帶子，玉子燒(應該係自家製，好好食)五點刺身有帶子，三文魚腩，三文魚籽(好好食，估唔

同好友約食飯，方便佢工作地點觀塘區於是就去左榮昌工業大廈覓食📍丼瀛店面以日式簡約風格做設計店內有室內同室外座位，感覺好舒服果醋無花果羽衣甘藍沙律 $88份量好足料，羽衣甘藍配上果醋同無花果，帶dd甜甜酸味道，開胃又健康！鍋燒烏冬 $98熱辣辣一鍋上台，首先配料已經滿滿鋪面有蟹柳 炸蝦天婦羅 冬菇 炸雞非常豐富，湯底好濃郁豬骨湯味！亦唔會過份咸，重點係烏冬都好彈牙👍🏻左起: 雞軟骨，惹味爽口！鹽燒雞腎，一d都唔硬，好味道！牛舌，無腥味，入口快溶！大蔥燒黑豚肉，好香口，咸味剛好！築地壽司杯 $168設計好得意，用左d酒杯仔做一排迷你壽司set有厚厚三文鮮，大大隻赤蝦，黃金魷魚，吞拿魚，海膽....杯杯都滿滿，新鮮的，個人最愛黃金魷魚，非常鮮味，食到唔想停熱彊茶亦是不錯之選

前排睇到經openrice book位，有唔同優惠，作為觀塘友嘅我梗係要試下啦。我同朋友兩個嗌左二人set，都幾豐富架。玉子蟹肉沙律，個蛋一吉啲蛋黃就流晒出嚟，好澎湃，蟹肉份量都好多，成個配搭好夾好清新。刺身有海膽、三文魚、甜蝦、時令魚。海膽甘香，三文魚厚切，肥美。牛肉野菜鍋，牛肉份量都幾多，而且牛肉味入晒個湯度，個湯好好飲，而且有啲冬粉。燒物有蠔同蝦，芝士蠔點整都一定夾㗎啦，蝦都幾大隻，夠味。鰻魚飯係整條鰻魚，啖啖肉好滿足。兩個女仔嚟食一定係食唔晒，如果同男朋友嚟食就啱啱好啦

一搜「丼瀛」見到好評不少仲有兩間分店，原來係中環有名日本料理「S2 kitchen」旗下餐廳，老闆樂師傅曾係多間出名日式料理任職，入廚經驗豐富，有保證，難怪大受歡迎，而「丼瀛」就行親民啲既價錢路線，對日本野大有興趣既我當然不容錯過。環境觀塘分店位於工廠大廈入面，唔會話太難搵，地方都比較安靜。刺身沙律 $88都幾大兜，有好多三文魚粒，仲有蟹籽、粟米等等，加少少豉油，好開胃既前菜。黑松露火炙雜錦爆丼 $128有火炙三文魚、火炙蟹柳棒，仲有款白色既魚唔太肯定係咩，再加玉子、大量蟹籽以及黑松露，火炙刺身每款都有三件，燒得好香，三文魚燒至入口即化，丼飯撈一撈黑松露更香。丼瀛豐盛爆丼 $168呢個真係爆丼，勁多料，有大量三文魚、吞拿魚粒、帶子粒，仲有甜蝦、北寄貝，啲料多到瀉咁制，食極都仲有咁，撈勻再食，每啖都有刺身，不過粒裝既三文魚、吞拿魚色澤就冇原粒果啲咁靚，質素比較遜色少少，但勝在份量夠多，再加埋其他種類既刺身，好滿足。南瓜味薯餅 $26價錢為每件既價格，屬香港日本料理店既正常價格，外層薄脆，內裡南瓜蓉甜度自然而且蓉蓉口感夠實在，香口清甜。甘栗紫薯餅 $28入面係紫薯加放左栗子係入面，紫薯冇額

又係去工廈覓食既日子！前排食完放題對日本野念念不忘，又口痕想食日本菜，同事推介我食呢間丼瀛，話性價比不錯，就上嚟試下。餐廳內外食物選擇選擇十分多，由刺身、小吃、丼飯、燒物等等都好多款式，價錢唔會好貴，仲有好多時令廚師推介等等。青蘋果梳打 $32冬茹 $16叫左樣唔算特別既冬茹，加咗啲木魚係上面，燒到乾身，我就中意食濕潤口感啲。本茹牛肉卷 $30肥牛同茹向來都係最夾既組合，但呢到唔用肥牛加金茹，而係用上本茹，肥牛燒得幾香，但有少少乾，而用本茹，我覺得優點在於唔會好似金茹咁多渣易攝牙罅同咬極都咬唔斷咁，本茹幾清甜爽口。甘栗紫薯餅 $28食日本野又點少得食炸物，叫左個薯餅食下，栗子配紫薯餡，都ok，唔會太甜。刺身沙律 $88望個名，以為係原塊刺身加上沙律菜？錯啦，原來係切成粒裝既三文魚，仲有一款顏色偏白既魚，類似鯛魚，再加上粟米、沙律菜、蟹籽等等，配埋爽脆沙律菜，作為前菜都幾豐富。甜蝦角切魚生爆丼 $118有大大隻甜蝦、三文魚、北寄貝、帶子、飛魚籽及玉子。咁多款魚生，仲要生北寄貝都係賣$118，我覺得好抵食，甜蝦略為有少許腥，但其他刺身都好鮮甜，三文魚色澤紋路都飽滿，帶子嫩滑，飛魚籽鮮甜唔腥

估唔到工廠大廈裏面都有特色的日本料理餐廳。餐廳位置有D隱蔽，要從停車場客𨋢上去。餐廳門口的佈置很有日本風。裏面用木櫈木枱，牆上掛滿了日本錦旗和燈籠，有日本傳統風格。餐廳仲有室外環境，有私人空間，可以容納一班朋友聚餐，有居酒屋感覺。🧡松葉蟹肉蟹膏飯一黎到就好震撼，有爆多蟹膏。我將蟹籽、蟹膏、蟹肉、鵪鶉蛋與飯搞拌，勁滋味呀🤤🤤🤤啖啖都好滿足。仲有一些蟹膏放在蟹殻上，可以一羹一羹咁筆黎食，好邪惡呀🤭🤭🤭🧡日式安格是牛肉鍋牛肉分量十足，鍋內還有豆腐、金茹等。可惜安格斯牛沒有太多脂肪，所以放得來後會很un，大家要襯熱食。我覺得轉用肥牛會較好。🧡芝士雞翼和明太子雞翼雞翼炸得非常香脆🧡牛舌串3大片有厚度的牛舌，不但有勁濃炭燒味而且有咬口，勁爽勁彈牙🧡大蔥燒黑豚肉串一層肥一層瘦的黑豚腩肉，燒得勁野味🧡焗雜菌勁重牛油香味，即使烤焗後，金菇雜菌仍然非常juicy。🧡油甘魚牛油果海膽沙律呢碟顏色繽紛的沙律係最後先上，材料十足而且非常新鮮，食落有fresh的感覺。沙律有油甘魚刺身、牛油果、海膽、車厘茄、青瓜、沙律菜與酸酸的沙律汁搞拌後，非常開胃，每一啖都好滿足🤩🤩🤩

今次嚟到觀塘試吓非連鎖式日式居酒屋，裝修同食具都好日系！點了二人餐A，款式好多，份量亦夠。🍅『溫室蕃茄豆腐沙律』蕃茄好食喎，無草青味，甜美多汁。豆腐配埋蟹籽同酸酸的salad dressing, 係唔錯嘅開胃菜。🦐『赤蝦、三文魚、珍寶帆立貝』刺身刺身夠凍，無雪味又新鮮，有驚喜呀！赤蝦唔腥，蝦肉爽口彈牙。三文魚厚切肥美，帆立貝真係珍寶，好厚肉呀！🍶『清酒煮蜆』蜆肉大隻！加分！賣相唔錯，就是清酒味唔太明顯，可以再重口味多d! 🍆『野菜天婦羅』呢個好食！有冬菇、茄子、南瓜同蕃薯，表層粉漿非常薄脆，唔會食到成口炸粉，蔬菜唔乾，依然保留住水份，唔錯！🐮『一口和牛、免治雞肉棒』和牛粒串燒肉味鮮香，唔韌，好野味！🥢『冷製稻庭烏冬』賣相好吸引呀！被兩隻鵪春蛋搶洒鏡！撈埋食，令麵質好滑溜。而烏冬有大量碎冰，夠凍質地有咬口，無酸味！🍧『雪糕泡芺』入面係酸酸甜甜既士多啤梨味雪糕！呢個餐連飲品$398另加一，價錢算唔錯呢！Ps. 男店主服務很好，又會主動介紹食材👍🏻PPs. 隔離枱食客店了原條燒魚，聽到佢力讚，睇嚟都可以一試！

約了朋友食飯，就佢係觀塘食。大家都想試下新嘢，俾我地發現左一間日本餐廳，幾近apm。雖然係樓上鋪，但係上到去，都已經幾多台食緊。我地因為想各樣試下，所以點了個二人套餐。先上個沙律，已經有兩只蟹鉗，好鮮甜啊！菜的份量都好足。第二個上台就係刺身拼盤。好大隻牡丹蝦啊！海膽都有三層，清甜，食得出係新鮮野。時令魚就梗係爽甜。之後上左燒物，燒蠔同燒蝦。熱辣辣，好入味！只蝦剝完蝦殼後，肉都仲有濃濃的鹽燒味！真係好有衝動叫多只！燒蠔一貫就梗係睇個芝士啦！芝士夠多，味道無太鹹，無搶到蠔既鮮味。上左一個小吃，睇番menu先知原來係木魚花炸豆腐。木魚碎炸得啱啱好，好香，配埋豆腐一齊唔會油膩！好like呢個小吃啊！！最好上左個鰻魚飯，個名話八寸，我無量啦！上左台後，我同fd都急不及待咁分開一半！鰻魚燒得啱啱好之餘，竟然好滑好爽口！同平時食開既鰻魚質感唔同！大家食到shok shok聲。呢個嚐新真係正！小食俾到驚喜之餘，主食都好夠份量同質數！！

收工想同個朋友聚舊，就搵佢公司附近既餐廳。上網見到呢間日本野賣相幾精緻，啱曬我呢個愛打卡既朋友。油甘魚牛油果海膽沙律($98)首先黎個沙律開開胃先，朋友呢個海膽控即刻叫左呢個有海膽既沙律。油甘魚切粒，好驚喜上面有一塊塊網狀既蔬菜，問一問原來係蓮霧，好特別啊。個沙律預拌沙律醋既。築地壽司杯($168)打開餐牌第一頁已經見到呢個賣相好得既壽司杯，有六種食物咁多，一次過滿足六個願望！分別有海膽、甜蝦、三文魚、吞拿魚蓉、墨魚、蟹肉。最鍾意蟹肉杯啊，上面仲有一小粒蟹膏，食落又爽口又creamy，口感豐富。北海道海膽三文魚爆丼($128)第二頁就見到爆丼系列，朋友係個海膽控，所以又叫左個有海膽既。我就幾鍾意三文魚，所以叫左呢個海膽加三文魚既飯。黎到原來有玉子添。除左魚生，我地都想品嚐下呢度既爐端燒，就叫左一雞一牛一豬一蔬菜。焗雜菌($48)用錫紙包住，熱辣辣，飄來陣陣牛油香，食落都係啖啖既牛油味，啲菇吸曬啲牛油超好味。本菇牛肉卷($30)牛肉卷係我既最愛，呢個牛肉卷用左兩種菇，包括金針菇同蟹味菇（即係本菇），燒完之後牛油出曬黎，好好食啊！大蔥燒黑豚肉($24)、大蔥雞肉($18)落啲檸檬之後味道更

話說今個星期成日都係觀塘附近食嘢但係多數都食西餐牛扒嗰啲今日突然之間好想試吓日本野 醒起上次食過呢間唔錯所以今次又返轉頭再試啦 黎到日本餐廳冇理由唔試吓刺身嗰啲啦 我哋首先叫左一個北極海膽杯$168上面鋪左大大嚿嘅海膽同埋黑松露中間就有三文魚蓉同埋拖羅等等 中間仲有啲魷魚 上面一舊舊嘅海膽平時喺出邊自己買都一兩百起跳 呢個價錢食到幾款唔同嘅刺身其實都唔錯☺️☺️☺️食落去海膽幾鮮味黑松露亦都出味 中間嘅刺身亦都鮮甜 質素唔錯 個人幾推介！另外我哋叫咗一個特上蒲燒鰻魚爆丼 $98呢個價錢食到大大嚿嘅鰻魚 鰻魚質地好肥美底有少少脆 兩種層次 分量亦都幾多呢個價錢食到咁大舊鰻魚值回票價😆🍣牛舌$38一口和牛 $38呢兩樣食物都燒得啱啱好 牛肉味幾出 牛舌咬落去好爽口彈牙 個人幾鍾意呢度嘅牛舌🐂蟹肉蟹膏軍艦$58蟹迷最愛 🦀一啖咬落去全部都係蟹肉蟹膏唔使自己剝殼 我自己就會選擇唔加豉油直接食到蟹嘅鮮味 方便快捷好食☺️☺️另外我哋叫咗一杯青蘋果梳打同埋一杯颶風提子梳打送嘢食今次已經係我哋嚟呢度第三四次覺得質素仲保持到！味道唔錯 刺身保持鮮味 推薦大家嚟試吓

見openrice這𥚃有咁多好評，今晚決定一試。7點打去訂位，7點半到達，安排2人前座位。店內燈光很柔和。座下，待應介紹人氣食物推介，而且亦有空運日本魚可做刺身。因今天不太肚餓，先來一樽＂一酌一景＂日本清酒先。🍶＄168，味道ok跟住叫了人氣的海膽豆腐，原以為白色的豆腐上蓋上海膽，原來將海膽和豆腐混在一起，上面有帶子碎同黑松露，入囗先有黑松露味，再來就是濃濃的海膽，很特別來日本餐廳必吃剌生啦⋯⋯🐟叫了三文魚腩，北寄貝同帶子，沒有雪味，三文魚腩厚切，好味最後來埋軟殼蟹牛油果手卷同炸雞沙律美中不足是炸雞沙律，沙律🥗菜很多水，炸雞細細粒炸得過火，乾身變硬。如雞件大d，juicy d就完美🤗值得一提，服務很好，不用提醒就不停加熱茶。服務细心💕