上野鐵板燒專門店

營業中

休息中

晚餐時間到旺角到處逛逛,途經餐廳門外有店員推銷,且被一日套餐吸引,88蚊有前菜到甜品我地兩人各一個一人套餐首先有個沙律,正正常常三文魚刺身(以下為兩人份量),厚切,都幾肥美,不過每人有四片會開心好多xd龍脷柳(每人應該半條,兩人所以有一條)肉質唔錯,味道都夠,而脆肉瓜係一人晚餐其中一道菜-鐵板配菜接住有炒時菜,肥牛薄燒,炒飯同甜品肥牛有少少生,如果怕生既朋友仔可以叫佢煮熟少少炒飯略嫌有少少鑊屎甜品不過不失整體黎講一般般,份量亦唔多,男士會唔夠食我見正面既食評大部分都係散叫/食貴少少既套餐可能會有不同水準,不過一人餐就可以skip環境唔算舒適,位置比較迫,不過有部分對住廚師用鐵板煮食既台氣氛應該更好,我見不時炒到火洪洪

今日約咗ling ling去食飯，決定食鐵板燒，因為我好耐無食過，而且同小ling ling食飯最好，就係佢除咗唔食魚之外，咩都食，亦都食得好開懷~~~今次我地就揀咗個二人大蝦餐前菜係好好味嘅豆腐沙律亦有我最鍾意嘅味噌湯，呢個湯非常香濃以兩個人嚟講啱啱好，有蝦、扇貝、大蝦、魷魚、烏冬、菜開始整喇，食鐵板燒最開心就係睇住佢整，絕對唔會悶燒扇貝 - 好看酒味，最緊要係燒到啱啱好，所以絕對唔會韌，又鮮美，最緊要係佢幫你切好一粒粒食，一啖一粒，唔駛一啖食晒，好似好空虛咁~燒冬菇、翠肉瓜 - 呢兩樣都有用醬油去燒，翠肉瓜要整得好其實都唔易，因為佢好易淋，太淋其實會無乜咬口，變咗唔好食，呢個就真係燒好好，好爽脆，冬菇都幾大個，亦都好好味魷魚筒 - 呢個魷魚筒真係一絕，一啲都唔韌，平時出去食燒魷魚，好多都非常韌，咬到牙都甩，呢個好淋，其實我都唔知應該係話佢新鮮所以唔韌定係因為佢真係燒得好好，其實我咁多樣，真係最欣賞呢個燒大蝦 - 到今晚主角，大蝦，呢個蝦非常大隻，好香蝦味，亦都好多蝦膏，我最鍾意食個蝦頭，因為非常多膏，而且隻蝦非常爽口，蝦爽口亦代表隻蝦好新鮮，最正係佢燒好就切粒，可以俾你一路傾計一路

日本鐵板燒一向都好貴 好多時餐廳最平嘅套餐都要千幾蚊一位，如果想食一啲價錢比較相宜嘅鐵板燒我覺得呢間上野鐵板燒都唔錯😊套餐嘅食物包括沙律刺身配菜，烏冬或者炒飯，面豉湯同埋甜品😛我地叫左鐵板大蝦套餐 for two $608，608食鐵板燒已經好抵 佢地既portion 仲大到我地覺得三個人食都得！😁首先黎既係麵豉湯同沙律 味道正常！之後既燒物同剌身先係重點😝剌身好新鮮 估唔到鐵板燒店既刺身質素都幾高👍🏻虎蝦蝦肉結實甜美，燒至金黃色剛剛剛好唔會老！而虎蝦同醬汁味道好夾😚香草魚柳肉質嫩滑！而且好厚身！香草味幾濃幾香😁個餐仲未完架！😝係咪以為求先個d已經係主菜呢！其實仲有個牛牛架！呢個美國安格斯肉眼扒好juicy 而且我地點左7成熟 師傅都整得剛剛好 有少少血水✋🏻食到呢到其實已經飽左，但仲有菜同甜品呢個餐真係超值！😁

爸爸生日，上年帶他吃西餐，他不太滿意，覺得西餐太花巧。話咁快又一年，今年真係要出盡腦汁諗清楚，最後決定帶他吃日式鐵板燒，所有食材均以鐵板炒熟，絕不花巧，他，應該喜歡！為了荷包著想，選了這家位於女人街的"上野"，價錢大眾化，老字號，品質有保證結果爸爸真的極為滿意，我自己亦覺得甚有驚喜~味道真的很不錯~我們一行4人，就選了兩個二位用的大蝦鐵板套餐($608/2位用)，我們被安排坐較舒服既卡位，但就無得近距離觀賞師傅表演了~木魚絲蟹子沙律 雙拼刺身八爪魚同三文魚，都好新鮮香草三文魚爸爸睇見已即刻心心眼，因為佢勁中意食魚，大大件三文魚扒啖啖肉就岩嗮佢~簡單以香草同調味料煎香，魚油豐富，肉質嫩滑，味道鮮~中途吃吃冬菇翠玉瓜解膩~老豆又再心心眼！4隻大虎蝦起肉炒香，好惹味，熟度剛剛好，鮮味彈牙~蝦頭位置仲有好多膏啊！美國安格斯肉眼扒圖中係二人份量，分左兩碟上~牛味濃濃的質地軟嫩，配炸蒜片吃好香口！雖然份量不少但都覺得唔夠喉煙肉黃金炒飯炒飯乾身帶焦香，煙肉油份溶到米飯中，味道好香~簡單既材料已經好好味~牛肉炒烏冬~已經好飽，最後還有炒什菜呢~仲有是日甜品雞蛋布丁！今餐好滿足！爸爸生日快樂~~

日式鐵板燒在我的美食排行榜中總佔一位，可謂百吃不厭。除左特意預訂人氣高企的店外，偶爾都會walkin食點較為親民的。第二次黎上野，又再幫襯佢的二人餐。六百幾蚊兩位實在好抵食。沙律爽口，芝麻醬開胃。刺身唔算十分高質，但套餐已包含，過下口癮都唔錯。燒帶子的醬汁好惹味。魷魚處理得十分好，火候適中，保留到應有的咬口。燒魚也有一點驚喜，表皮香香地但魚肉非常嫩滑。如果能夠做到零雪味就更佳。大蝦非常的大隻，仲有滿滿的蝦膏。佢的size差一點令人誤會是龍蝦。入口的口感彈牙，好新鮮。蝦肉的味道亦都非常鮮香。和牛粒做到Medium的效果，配上蒜香一流。伴碟的脆肉瓜同炒雜菜亦唔失色。食飽飽之際，原來仲有大大個海鮮炒烏冬，海鮮配料多，烏冬仲好入味添。最後店員仲要提我地食甜品。飽到實在要捧住肚皮走，二人餐的份量非常多，兩個女仔絕對食唔哂，好彩我同老公黎姐！食物質素算不上極上級，但實在唔錯，睇返價錢，性價比非常高！

呢晚同朋友嚟食鐵板燒！餐廳雖然唔系好大，但座位好舒適，仲有bar既位置可以欣賞到廚司整鐵板燒，啱哂同朋友一邊食一邊傾。叫左鐵板限定二人餐，菜式好豐富好吸引！蟹棒沙律簡單但夠哂清新，正好清清味蕾！麵鼓湯用左魚同豆腐去煮，飲落好有鮮味，仲唔少滑滑既豆腐同海帶。刺身質素都唔錯，全部都好新鮮，最鍾意北寄貝，爽脆又鮮味，朋友就鍾意三文魚，話好肥美！跟住就到期待已久既主菜啦！首先嚟到既系香草龍脷柳，大大塊既龍脷柳肉質好嫩滑，好厚肉食落更有質感，而且帶淡淡香草味，唔會太咸，原來龍脷柳都可以咁好食！黃金老虎大蝦蝦肉好爽口彈牙，唔會韌唔會梅，而且燒得好惹味，一流！美國頂級牛柳食落軟淋多汁，鮮味十足，帶少許黑椒香，唔錯！法國鵝肝以一小塊多士墊住，脆脆既多士加上軟滑香口既鵝肝，伴少少醋，香得嚟又唔會溜，恰到好處。燒翠肉瓜同燒冬菇依然多汁爽脆，清甜好食。牛肉黃金炒飯飯粒粒分明，炒得夠乾身，加少少芝麻，完美！最後嚟一碟炒雜菜清清腸胃就最好不過。甜品系雞蛋布丁，小小一個，淡淡蛋香，簡單但令人滿足。呢餐鐵板燒朋友同我都好滿意，價錢又相宜，絕對系我食鐵板燒既心水之選。

呢間店位於女人街頭，其實經過門口已經無限次不過都冇令我想停低幫襯嘅衝動，今次係老公提議黎呢間餐廳食飯，平常日子咁難得老公竟然帶我食好西，太感動😭，一定要試真啲！😍一睇餐牌嘅價錢更加滾動😭，大部份餐都過千，雖然話係A5和牛啫，但係係咁嘅環境食A5都冇乜mood啦，首先餐廳地方好窄，好殘舊，上菜係用茶餐廳用嘅膠碗碟，仲要係崩同裂嘅，心諗成千蚊一餐都冇理由用崩碗上菜比客人啫。最後我地點左鐵板限定套餐。頭盤蟹捧沙律 - 加左沙津醋酸酸甜甜都幾好味嘅，入面仲有甜蛋同蟹捧。活魚奶麵鼓湯 - 好足料，入面有菇、豆腐同蜆，比起平時飲開嘅麵鼓湯係多左少少鮮味嘅。雜錦刺身 - 中規中矩，尚算新鮮。鐵板鯖魚及配菜黃金老虎大蝦 - 賣相一般，切粒上容易食，都彈牙嘅。牛肉黃金炒飯 - 感覺好熱氣，過人覺得一般，好似用牛嘅頭頭尾尾炒咁。日本黑毛豬 - 唔算好食，仲有啲鞋添，早知㨂鵝肝啦。美國頂級牛柳 - 都係一般最後甜品連影相嘅衝動都冇，係布甸，食左一啖覺得好膠，根本食唔到落去。埋單$798加一。整體來說，環境唔得，食物唔係難食嘅，但絕對唔值8舊水，可能食佢嘅A5和牛會好食嘅，不過兩千銀係呢度食，我寧願飛返鄉下食

突然想食鐵板燒，既有得睇師傅用鐵板烹調食物的現場表演，又可以慢慢享受美食。但當日原來已經被人訂唒枱了，只好坐旁邊的四人座位，無得欣賞鐵板燒的過程，所以大家記住預訂位。我們選擇了鐵板大蝦二人餐 $608，除了大蝦，還有安格斯肉眼扒，很豐富。先上木魚絲蟹籽沙律，蟹籽用量頗多，拌勻沙律醬同食，實好味啦。也有木魚絲獨有的風味，生菜也很爽脆。雙色刺身有魚肉及白肉魚，三文魚肥美油潤，厚切得滿口肉；白肉身應該是油甘魚，同是飽滑肥滑。鐵板配菜是燒冬菇及脆肉瓜，冬菇燒過菇味特別突出，而且不會乾身。脆肉瓜超多汁，又有芝士香濃及蟹籽的咸鮮，味道升級了。香草三文魚，估唔到份量算多，原身魚肉剛剛熟，嫩滑不腥，魚油溶化的甘香特別吸引。不用醬汁已經好好味。主角出場啦，沙巴野生老虎蝦，超級大隻，仲長過手掌，廚師也細心地起出蝦肉切件鐵板燒熟，還用回原隻起了肉的蝦殻擺盤，有氣勢得來，客人又見到原隻大蝦的尺寸，真係未食先興奮。每口啖啖肉，好香鐵板燒的香味，蝦肉十分彈牙爽口，而且蝦味突出，超滿意。加上芝士及蟹籽帶來的香濃惹味及咸鮮味，滋味十足。不可錯過蝦頭，還有很多蝦膏，甘香濃郁，實在令人回味。另一主角就是美國頂級的安格斯肉

是日朋友介紹此間餐廳作為晚飯，未到過此店的我是頗有期望的麵鼓湯-一般般（不算特別）刺身三點-有三文魚/北寄貝/魷魚，也算新鮮的，味道就不多說。銀鱈魚-太油了，而且味道也是普通的調味，對我這種喜愛吃魚的人也覺得一般般龍蝦-師傅刀工不錯，龍蝦新鮮有鮮味厚燒牛肉-五成熟，牛肉有咬口亦有牛肉味牛肉炒飯-粒粒分明的炒飯，是不錯的👍龍蝦頭煮湯-湯頭也煮得不錯，龍蝦與湯融合在一起，每飲一口都是龍蝦味。總結-當晚只有一位師傅，相信師傅都繁忙，但食物略油真的要改善，而且一塊鐵板煮足一整晚所有客人的order也變得跟叫一人普通餐沒有分別。這點店家需注意。#職員禮貌有善也令餐廳加回一點分數。

數數手指真係好耐無食鐵板燒，係旺角周圍行緊睇下食咩好既時候，就係女人街發現哩間日本餐廳先飲麵豉湯，再來前菜～木魚絲蟹子沙律和雙色刺身！哩到都有多款鐵板套選可選，而我地就選擇大蝦套餐！出奇地龍脷柳比想像中好食，同以前食既龍脷柳有些小出入，哩到既師傅煎到外皮帶微脆，內裡肉質香軟！食落更加香口！坐係bar檯既好處就係可以邊食邊欣賞師傅烹調！師傅已為我們處理蝦殼！而老虎大蝦比手掌更大隻，蝦肉鮮甜彈牙！啖啖肉十分滋味！熊熊烈火！好壯觀啊！安格斯肉眼扒，肉汁鎖係裡面，食個陣將牛肉粒配炸蒜片食，對我而言係幾新鮮既食法，原來可以減低只食牛既膩感！同時令整體更加可口！其實食完安格斯牛，我同朋友已經好飽！但煙肉炒飯香噴噴都忍唔住食多幾啖先停口！最後食紅豆雪糕作總結！非常滿足既晚餐！

之前經過呢間板燒，見到有師傅直接喺度整俾你食，已經好想試，不過可惜約唔到朋友來，而且成日經過都冇位。湊巧我有個朋友今晚就係約我來呢度食飯，終於可以一試呢度嘅鐵板燒，而且早咗來去到仲有啲位。上一次食鐵板燒，好似係好多年前，香港啱啱興，當時的味道同感覺已經忘記了，但係對今次嘅晚餐好期待，個個朋友都去過日本食鐵板燒，都話好正，但莫講話日本，香港嘅鐵板燒我都無點食過。入到去見到有一男一女嘅大廚坐鎮，係佢哋看來係好認真咁樣煮緊嘢食！見到佢都幾多套餐揀，豐儉由人，我哋揀咗鐵板大蝦套餐。先上木魚絲蟹子沙律雙色刺身，原來係我最鍾意嘅三文魚同埋油金魚，厚薄幾好，雖然切魚的刀功唔似但係高級壽司店咁高水準，但係食落都幾夠鮮！平時覺得龍脷柳係一種普通嘅食材，冇想到鐵板燒之下，可以咁好味，調味亦都好好十分夠味，上面的香草令魚味更出，食落完全改變左我對龍脷柳嘅睇法。自己睇返張相，立眼望簡直係覺得似左一隻龍蝦喺度咁，上菜嘅時候大家都好驚喜，兩個蝦頭放得好型，佢哋幫我哋起咗啲肉，等我哋可以啖啖肉咁樣食隻蝦，蝦肉十分之彈牙，食到佢嘅鮮甜，大家對呢個菜式十分之讚賞，真係冇諗過食蝦都可以食得飽！用了安格斯牛肉(仲要係肉眼扒

位於旺角女人街，一間唔起眼嘅鋪頭，但每次經過都會比店內鐵板燒嘅香味迷一迷。長長嘅吧枱，倆位大廚功架十足地為人客炮製美食，一時仲會向鐵板灑酒玩玩噴火，製造氣氛可惜我影唔到，你們自己去感受吓坐底後侍應就會為人客準備menu同醬油，白色呢個蒜蓉油，香得黎唔咸，我幾like今晚點咗倆份二人燒大蝦餐，包括有蜆湯，蟹柳沙律新鮮刺身，三文魚相當厚切，而且魚脂豐富開始進入鐵板燒冬菇翠玉瓜可選三文魚/龍利柳，四人通過前者絶無後悔，煎到岩岩熟，吱上檸檬汁更能帶出魚香同表面香草，胡椒少許調味，毫不欺客嘩，大虎蝦好好好好味，蝦肉新鮮彈牙鮮味十足由奇蝦頭，大廚已將殼打開，去除頭內多餘嘅什物，但頭內仲留下部份蝦肉，同豐富蝦膏朋友大叫"無得輸"同事會先問牛肉要幾成熟，我們揀咗7成，配合煎香咗嘅蒜片，入口即溶，牛肉香又留在口裹炒飯烏冬，由於點咗倆份餐，所以飯同烏冬就各選一份可以試晒倆樣鐵板炒野菜，原本睇其他食評話份量多，差啲食唔晒要打包，自己唔太相信，但到自己落場，真係好飽，仲有餐飲同甜品，好掋食。而且速度控制得好好鐵板炒野菜

因為太久沒吃鐵板燒了，所以早前跟老公來到旺角通菜街的上野吃。 我們選了遠離鐵板位置的卡位。 提供了兩款醬汁，包括左邊用來沾肉用的蒜汁及右邊用來沾海鮮用的醬汁。我們點了鐵板大蝦套餐($608)，共有十道食品，其中一道是活蜆雜菇麵豉湯。第二道是木魚絲蟹子沙津，一人一碗，而且木魚絲、蟹子及蟹柳的份旦量亦算多。第三道是雙色刺身，片片厚身，而且夠新鮮。之後就來到今日的主菜了～第四道香草三文魚扒（或可選龍脷柳）大廚建議三文魚扒煮到半生熟，上菜的一刻已聞到三文魚扒的香味了。半生熟果然是很不錯呢～外層煎得香脆惹味，內層三文魚肉半熟，保留到大量的肉汁，有入口即溶的感覺。第五道是老虎大蝦，採用的是沙巴虎蝦，不禁令我想起早幾年到沙巴旅行時吃的大虎蝦。 每隻分都比手掌長呢～可以想像到有多大了吧！啖啖肉，而且虎蝦十分新鮮，肉質彈牙爽口。加上用了炸蒜去煮，更加惹味。 第六道是鐵板配菜 鮮冬菇及翠肉瓜都十分juicy～第七道是美國安格斯肉眼扒，份量有手掌之大。其實吃到這一道時，我們都開始飽了。juicy的肉眼扒粒配炸蒜片食用，每片蒜都切得非常薄，令炸蒜片更加可口。 第八道是牛肉炒烏冬 烏冬炒得非常入味第九道日式炒

平民鐵板燒 今晚去左一間位於旺角既老字號鐵板燒，由於食店喺女人街入面，所以都會比較難搵，多數都係老主顧先會去。 一齊黎睇睇今晚有咩食。 前菜有沙律同刺身。 香煎龍利柳，大大件，多汁肉嫩細滑，一啲都唔乾身，師傅技術一流，火候控制得幾好。唔需要太多調味，本身食材味道一流。 汁煮帶子，充滿磯燒風味，而且啖啖肉。 鐵板魷魚筒，原隻魷魚，夠晒大隻，只有咁大隻既魷魚先會有鮮甜既味道，肉質非常爽口。 老虎蝦，可以話成晚既主角，鎮店之寶，不得了，蝦味濃，膏又香又多，蝦身肉質彈牙爽口。 炒烏冬、炒飯同炒雜菜都好出息，烏冬彈牙，炒飯夠乾身，兩者味道濃，但唔會過濃。 總括黎講，餐廳優勝既地方喺調味方面唔非常之好，基本上無得輸。特別一提，餐廳提供左一款特別調製既醬料俾大家配合鐵板燒，不過我就賣下關子，等你地自己試下師傅用咩材料去整個醬。

香港大部分鐵板燒價錢都會偏貴, 今日行經旺角通菜街發現左一間鐵板燒, 而且多本飲食雜誌都有介紹過, 一看Menu, 套餐價相對亦唔算太貴, 於是同朋友就決定入去食返餐dinner~因為我地walk-in關係, 鐵板位早已被其他人book滿了, 所以我地只好坐另一邊檯。我地揀左個二人餐再加兩杯野飲:野飲我就揀左 青蘋果果汁梳打, 是餐廳所調配, 甜度剛剛好, 有汽果汁配鐵板燒原來都幾夾【鐵板大蝦套餐(二人前)】HK$608廚師係隔離即叫即整, 雖然無緣可以全程望著, 但陣陣既鐵板燒香味跟沙沙聲傳來...呢度既抽煙系統做得不錯, 完全沒有油煙既焗促感。檯面上有燒汁跟芝麻汁醬供客人點醬調調味先來一個沙律前菜同埋湯醒醒胃木魚絲蟹籽沙律 - 清新既配搭為晚餐開開胃活蜆雜菇麵豉湯 - 味道清甜, 麵豉味幾出, 唔會過鹹~ 而且入面更有一隻解甜蜆肉同雜菇增添口感雙色刺身 - 刺身沒有自選, 都是餐廳安排。刺身不過不失, 不過沒有雪味, 算是新鮮香草三文魚扒、鐵板配菜 出奇地三文魚扒肉質嫩滑, 而且無骨, 煎後還keep到三文魚本身肉汁, 配上表面既香草, 食落更為香口。更有茄子片同翠肉瓜片伴碟, 雖