上野鐵板燒專門店

營業中

休息中

小妹第一次打食評，有話直說。話說琴晚個餐真係永世難忘。廢話少講，即刻列舉三大重點，如果你仲想食我真係要叫你一聲勇者👏🏿1）要乜無乜叫軟殼蟹反卷無軟殻蟹；叫鰻魚炒飯無鰻魚；叫芒果牛肉反卷無芒果。我唔明乜都無的情況下點開舖⋯可能無乜人食所以唔入太多貨？2）難食到世界盡頭先上一個牛肉鍋⋯mmmmmm吉野家邊爐高汁好多。牛肉老、湯係類似沖粉麵豉湯（頹廢版）、烏冬煮到入口即融。然後煙肉炒飯、鐵板魷魚筒、鐵板牛⋯嘩，一樣味架！一樣有鑊撈味架！唯有點佢一開始就放向枱焗你比錢的麻醬變變d味。點解我要食得禁委屈。重點來了。最後叫多個炸蝦反卷。嘩一咬落去，我以為自己食緊糭！d飯 一pat 野咁痴埋，仲係暖笠笠，然後求戀其撻塊三文魚上去。喂阿哥，唔係是是但但將日本菜食材堆埋一齊就叫日本菜架。我明香港有好多家庭式偽日本菜，但都唔係煮到禁難食！簡直浪費食物！3）性價比低三個人食左$556⋯人均$18x⋯呢個價真係有好多選擇。我食爆丼屋、別天神、京一⋯我唔可以話佢地係香港好食的日本菜，但最起碼我食緊正常野，就算唔及日本食日本菜，都有日本味覺向到。見到禁多正評我心諗你比左幾多錢人做打手？如果真係比錢人做打手，點解唔

質比價高！超抵食鐵板燒午市定食！今日同老公齊齊放假！勖高興更係出城撐台腳啦！旺角喎…周圍都人多車多..去邊食咩都要等位..就係睇到個人龍.都冇胃口食lu…我地食去女人街呢邊屬於大街小巷..相對比較少人行入黎食野..唔洗排隊！我地街左幾間之後見到佢地門口個餐牌價錢勁低！$60有交易！就係咁！就揀左上野鐵板燒專門店食喇！佢地午市定食有飯同拉麵選擇！我同老公都係飲筒無飯不歡！更係食飯啦！我揀左羊肉片！老公揀左豬肉生薑燒！定食包飯、主菜、沙律同餐飲或麵豉湯！落單之後廚師就會係bar台果邊炒！我地邊睇邊等！又幾過癮！對我黎講覺得睇住佢炒.最少可以確保衛生！好多時唔知廚房係邊架ma…又唔知佢有冇加料..即炒即就最正！沙律有菜同粟米份量適中！羊肉片切碎左食得方便好多！味道唔羶！岩哂我口味！爸爸個豬肉生薑燒仲正！豬肉大大舊！非常入味！個麵豉湯好味到爸爸想再叫多碗添！ 總括黎講！食物好味！環境衛生良好！店員服務態度良好！一定再黎！

今日又係媽媽節，我本來無打算出街食，原本想留喺屋企煮比媽媽。點知佢要求出街食。所以，急於揾好嘢食就諗到 “鐵板燒“。一揾就覺得 “上野鐵板燒專門店“ 啲嘢食都幾好，所以即刻 book 位，又好彩今晚有位。叫咗個母親節套餐應一應節日。三個人食，咪叫咗個 $988 二人套餐，要求安人頭砌夠三人份量。首先，剌身唔錯，銀雪魚同老虎大蝦好好味，廚師整得好看同啱啱好。8安士澳洲和牛 “七成熟“ 啲味道出晒嚟，生熟度啱啱好，師傅好嘢。再加上支 “熟成の上善如水“，成功完成母親節晚餐。

這間店都開左勁耐但幫襯次數勁少，今日難得男友話想食就去，因為十點鐘關係？只有二桌差不多吃完的客，我地最後決定係食大蝦餐$658，整體黎講食品質素的確比心目中好，牛扒和蝦都大隻新鮮，湯咸左少少，沙律吾錯，刺身普通，炒飯就濕左少少，而待應姐姐都幾好禮貌但煮野食果個堅失望，我地由決定到整晒所有野20分鐘內完成，之前去其他地方都冇可能快到咁，由我地諗食咩佢就玩手機，煮到中間又玩手機，係正前面連背一背我地都吾會，就好似係客面前咁做吾係咁好羅，始終我地每人三百多元都吾係十分好平，如果改善到更加好。

心血來潮想食鉄板燒，食過港島區的，價位不少要人均近千令我卻步。早前，同事帶了我去食位於旺角通菜街的超出名的日式鉄板燒餐廳﹣﹣上野。是次的旺角鉄板燒點了以下套餐：大蝦套餐。座位有點窄，不過能夠坐在BAR台，近距離欣賞師傅的刀功是物超所值的。大蝦套餐：包括沙巴大虎蝦、魚生、三文魚和牛扒等。前菜：木魚絲蟹籽沙律沙律菜好新鮮，漲卜卜的蟹籽配上清甜的青蘋果絲好醒胃。日式餐湯有活蜆雜菇麵豉湯，味道清甜。刺身拼盤有三文魚和大赤蝦，刺身的肉質新鮮爽彈。個人喜歡食前自行挑走大赤蝦的蝦腸。魚類鉄板燒可選香草三文魚扒或龍脷柳。師傅推薦了香草三文魚扒。三文魚扒雖然頗大件厚身，簡單的食材最考到師傅的功架。靠師傳精湛的廚藝令扒身的外層微微焦脆，裡層肉嫩多汁，令人一試難忘。燒翠玉瓜和大冬菇，味道清新。沙巴大虎蝦鉄板燒超巨型的沙巴大虎蝦活像隻小龍蝦！蝦頭多蝦膏多汁，識食一定要食埋蝦頭。蝦球肉超級爽口、彈牙、清甜！美國安格斯肉眼扒鉄板燒師傅先灑酒在美國安格斯肉眼扒上，一點火，肉眼扒即燒、即熟、即上碟！滿腔脂香四溢，火喉十足！蔬菜有日式炒椰菜，清新口感。煙肉黃金炒飯飯底炒得夠乾身，粒粒金黃香口。甜品有凍布甸，味道微甜軟滑

朋友推介之下，就去到旺角搵吓有邊間鐵板燒好食，見到兩邊攤檔嘅地舖，有一間叫做《上野鐵板燒專門店》，即刻入去試吓。套餐包括以下幾種食物，非常豐富。木魚絲蟹子沙律一人一碗份量都比較多蔬菜，驟眼望落去好新鮮，呈現翠綠色，蟹柳絲鋪滿面頭，食落去好醒胃。三色刺身包括有赤貝同埋三文魚刺身，顏色光澤好光鮮，食落去味道好新鮮。香草龍利柳龍利柳好大塊，而且煎得好香，魚嘅上面仲有黑椒粒，咬落去魚肉鬆軟。老虎大蝦賣相非常吸引，仲有蝦頭擺喺碟上面，原隻新鮮烹調，蒜蓉味遠處都已經聞到，蝦肉非常彈牙，好好食。美國安格斯肉眼扒牛扒七成熟，好快就有得食，食落去牛肉味道好重。煙肉黃金炒飯炒飯炒得好有鑊氣好香口，入面仲有煙肉、蔥粒等等嘅配料，非常足料啊。日式炒時菜食咗咁多肉類，當然要叫啲蔬菜清清腸胃先，蔬菜好入味，炒得好香，仲食到雜菌菇添。活蜆雜菇麵豉湯味道好濃郁，入面仲有一隻隻嘅蜆肉同埋雜菇。甜品係芒果布甸，仲有花奶係布甸上面，食落去更加絲滑。

旺角一向好多美食聚集，今次去到一間老字號鐵板燒，位於大街窄巷入面嘅地舖，門面以紅黑色為主。入到去全場幾乎滿座，左手邊係吧枱，有廚師親自示範煮食物，而右手邊就是卡位。餐牌內有好多鐵板燒套餐選擇，我哋最後選擇左鐵板大蝦套餐二人前。前菜就係木魚絲蟹子沙律同埋三色刺身。三文魚刺身非常新鮮，一份有六片，點小小Wasabi豉油一齊食，更加滋味。活蜆雜菇麵豉湯味道非常香濃，而且入面真係有一隻隻嘅蜆肉。主菜方面就有香草龍利柳、老虎大蝦同埋美國安格斯肉眼扒。三款食物都炒得好有鑊氣，即叫即整，熱辣辣的。特別係老虎大蝦，蝦肉爽口彈牙，而且味道新鮮，配料更有蔥粒同埋蒜蓉，食落去更加滋味。最後仲有煙肉黃金炒飯同埋日式炒時菜。蔬菜好新鮮，而且蔬菜有不同種類，咬落去口感爽口，而且好入味。最後仲有甜品贈送，呢一餐真係非常滿足，而且食物質素高，樣樣都好有鑊氣，果然係大廚級之作。

旺角女人街一帶食肆林立，款式眾多，可滿足不同人的口味。這次來到位於通菜街的上野鐵板燒，是一間日式的鐵板燒店。店內有三種座位，分別是一枱四座的木台，卡位及bar 枱。若要看到師傳們如何制作美食，坐在bar枱會是一個不錯選擇。此店以牛肉及海鮮聞名，用料甚為新鮮，而且坐在bar枱可以即制即食，除了極盡視聽之餘外，更可品嘗美食，感覺一流！海鮮方面，以海膽最值得試，試一下將一排排海膽倒入口中，那種感覺和滿足感真的難以形容，絕對值得一試﹗若然閣下是不吃牛，只要在預訂時說明，廚師會另外準備豬肉菜式，甚為細心。整體而言，在美味食品和貼心服務之下，我們一行近廿人渡過了一個十分愉快的晚上﹗

中伏，中伏，中伏，中伏，中伏，中伏，中伏，中伏，中伏，真係非常中伏！！！食材唔新鮮，味道好一般，所有食物都係搵牛油落底再加啲嘢亂咁炒，炒到好多獲路，食物質素不合格，環境非常污糟，響我哋食嘅過程中竟然有隻曱甴走出嚟枱面，你可想而知佢啲嘢地方同食具係幾污糟。佢哋應該係諗住target一啲行緊女人街嘅游客，標價好高（all set over $700 for two,      some even close to $2000 for two) ，但係食物卖相和質素非常之差，廁所亦非常污糟，唔明如何得咁好的好評，千祈唔好去！

之前行街經過見鐵板燒已經心思思，不過見人頭湧湧未能試。星期五難得早下班，距離晚飯時間早，餐廳有空位，今晚就選擇鐵板燒去慰勞自己辛苦五天工作小獎勵 大蝦套餐$608圖片與實物相附，老虎大蝦比我想像中大隻！以$608 價錢十分抵食！ 木魚絲蟹子沙律加入麻醬，好開胃，好fresh 活蜆雜茹麵豉湯多蛽肉，不會太咸 雙色刺身甜蝦、三文魚都新鮮 三文魚扒、翠肉瓜、冬菇三文魚扒煎到剛剛好，不會太熟，肉汁鮮味嫩滑，魚皮煎得好香脆 老虎大蝦大大隻，煎得好香口，啖啖肉，蝦頭多膏，十分鮮明味。朋友本身不嗜海鮮，都食得律律有味 美國安格斯肉眼扒師傅先KYC客人想幾成熟，隨即火光一閃，一碟香噴噴安格斯肉眼扒送上。入口牛肉味香濃，而且加有少許蒜香味 牛肉炒烏冬牛肉足料，烏冬入味，這碟炒烏冬不得了，食到不能停口！ 甜品；雞蛋布丁香滑有香蛋味，不會太甜，這美味甜品為晚餐畫上完美句號

女人街出曬名咩？唔係多女人，而係多美食。今次我哋嚟到位於鬧市中的上野鐵板燒。舖內環境舒服寧靜，同三五知已一齊暢談一翻就岩曬。店員先為我地介紹唔同特色既美食，而我地就揀咗鐵板大蝦套餐(二人前)首先為我地送上既刺身，蟹棒沙律，面豉湯等。而為我地個肚熱下身。大蝦登埸，將大蝦蝦肉起曬出黎，岩囇中意食蝦但唔中意剝殼既人。。蝦肉爽口新鮮彈牙，唔錯喎！再配上牛扒及龍利樓，最後以炒飯及甜品作為總結。兩個字可以形容，滿足

鐵板燒專過去都是較貴的日式料理之一，因為客人都可以看著廚師在自己面前親自烹煮，然後熱騰騰的送到客人面前，所以一直都吸引不少捧場客，這晚我們就走進上野鐵板燒專門店，見廚師跟客人有說有笑，原來鐵板燒可以拉近客人和廚師的距離⋯開業多年，環境傳統，bar枱位同時有2位廚師招呼面前的客人，而且不時發出現火焰，令等食的客人發出歡呼聲，非常有氣氛⋯這晚我們點了鐵板大蝦套餐(二人前)木魚絲蟹子沙律非常Fresh，而且混入木魚絲的喊香⋯雙色刺身包括三文魚和甜蝦刺身⋯活蜆雜菇麵豉湯有鮮味⋯老虎大蝦Size真的很大，啖啖肉⋯香草三文魚扒煎得非常香口⋯美國安格斯肉眼扒肉質軟腍，肉汁甘香⋯日式炒雜菜也很有傳統風味⋯牛肉炒烏冬味道上有點像上海粗炒⋯最後甜品是雞蛋布甸⋯整個套餐沒有華麗的裝飾，反添幾份住家的風味，食客與厨師打成一片，吃進肚子的，除了是傳統日式鐵板燒風味外，還有濃濃的人情味呢﹗

鐡板燒-一種起源於日本的飲食文化，把不同的食材於鐡板上烤熟，並以開放式的廚房讓客人一邊用餐，一邊觀賞到廚師整個烹調過程，是非一般的享受。自從於數月前到訪神戶，品嚐到沒有預期好的神戶牛後，一直有點遺憾，今晚有機會與大食好友來到這裡，素聞此處的鐡板燒質素不錯，我亦帶著期待的心情來訪。餐廳一眼看盡，一邊是卡座，一邊是與開放式廚房連接的吧枱；如人不多，我倒建議坐於吧枱上，藉以欣賞廚師烹調食物的技藝，我們二人當然亦毫不猶豫地要求坐於其上。是晚有兩位廚師坐鎮於店內，而餐廳幾乎滿席，看來兩對手是疲於奔命了。廚師各人都佔用一邊鐡板，鐡板附近都放有不同的調味料，油，醬汁等，方便他們煮食之用。餐牌上有幾款套餐選擇，大部份是二人前，也有些是四人前，選哪款套餐便按各人偏好的食物而定；如不夠，店方亦提供散件的食物可點，自由度大。我們商議過後，決定點鐡板大蝦套餐($608)。點餐後，內部的廚房會預備食材，店員會從廚窗把食材拿給廚師烹調。因等候需時，先來活蜆雜菇麵豉湯和木魚絲蟹子沙律墊墊肚子。相比起平日喝到的麵豉湯，這碗味道不會太鹹，但我還是不太習慣喝太重味道的湯，故只喝兩口淺嚐；沙律亦算新鮮爽脆，沒有太特別之處。

日本料理中以鐵板燒最為經典不但可近距離欣賞到廚師舞刀弄火也可品嚐到鐵板烹調的美味是日選了二人的鐵板大蝦套餐頭盤是木魚絲蟹籽沙律隨後有雙色刺身及麵豉湯刺身有甜蝦及三文魚各三件感覺新鮮麵豉湯稍淡但勝在夠熱主菜有兩隻大虎蝦蝦身先被起肉切粒與蝦頭放鐵板上煎香肉質彈牙及蝦頭超多膏緊接其後有美國安格斯肉眼排師傅將其切粒奉上牛肉味香濃肉質也軟腍香草三文魚厚切煎得香口牛肉炒烏冬炒得出色還有日式炒時蔬及均是水準之作甜品有雞蛋布丁食感似大菜糕飲品要了青蘋果梳打是清新之選今夜眼界大開之餘也吃得滿足

為左避開人群同避免”被劏”，決定同朋友提早慶聖誕，而且仲要揀食西餐以外既野。結果揀左呢間一年前食過覺得性價比高既小店，果然仍然保持到水準~食鐵板燒，識揀就一定揀坐BAR枱，一邊享受食物，一邊欣賞師傅既表演，我地係早一個月前BOOK枱架其實小店有唔少熟客仔黎過再返兜，我坐左係度近2個鐘，有七八成都係熟客希望之後出名左唔好太難BOOK枱啦臨近聖誕，小店推出左聖誕MENU，不過我地都覺得食開果個套餐抵食又岩口味，所以照舊叫左個----鐵板限定套餐(二人前) $798+1蟹捧沙律呢個沙律係用醋做醬汁，非常醒胃，係一個唔錯既前菜活魚奶麵鼓湯由於我一向都討厭飲呢款湯，所以無試到但見到入面有唔少材料，有豆腐、海帶、蜆肉，而且蜆肉SIZE都唔細架~雜錦刺身 (三文魚、甜蝦、八爪魚、北寄貝)雖然三文魚同甜蝦未叫鮮甜，但可接受；反而平時我唔中意食既八爪魚同北寄貝就幾爽口同有海鮮味鐵板配菜及蒲燒鰻魚鰻魚色澤非常靚!! 閃閃發光~ 鰻魚無骨且肥美，魚油同醬油香混合一齊 正~唯一缺點係醬多左D，鹹左少少翠肉瓜同冬菇都好好味，又嫩又多汁日本黑毛豬我記得上一次食呢個黑毛豬係超驚喜，因為第一次食粉紅色既豬而且仲要好J