上野鐵板燒專門店

營業中

休息中

談到吃日式鉄板燒定必聯想到非常昂貴的那類師傅在你面前燒烤的餐廳，落樓價大約一千多一位。位於旺角通菜街竟然也有間鉄板燒餐廳，雖然座位較窄，但勝在食物質素不錯，價錢也相當合理，所以人流很多。雖然餐廳也差不多滿座，但我認為坐吧枱才有氣氛，可看到師傅的刀功。最後等了差不多廿分鍾才有吧枱呢。我們一坐下就先點飲品乳酸果汁梳打 ($16) 和凍咖啡 ($16)，還真大杯。鉄板燒餐的選擇也有不少，最後我們當然叫了最豐富的大蝦套餐 ($608)。不但有蝦，還有魚生、三文魚和牛肉！一開始便是開胃的木魚絲蟹籽沙律，有新鮮爽口的沙律菜，上面更有脆卜卜的蟹籽。活蜆雜菇麵豉湯，有蜆肉的麵豉湯有驚喜。可惜一打開蓋子，湯只有碗的一半份量。刺身有港人最愛的三文魚和甜蝦，魚子厚切，鮮甜彈牙。吃了清淡的魚生就準備吃鉄板燒。魚類可選香草三文魚扒或龍脷柳。我就吃了三文魚扒了。燒得十分吸引的三文魚扒做到外脆內嫩，肉質厚身，味道鮮甜，質感滑漏，非常高質。然後又是清清口腔的時候，所以到燒翠肉瓜和冬菇岀場。吃著蔬菜時便看到師傅在我面前煮大蝦唷！看到燒老虎大蝦我已急不及待要放進口裡，大蝦是先脱殼才奉上，顯得餐廳的細心。蝦肉爽口彈牙，新鮮

假期前夕，同朋友出黎食好西，到了上野食鐵板燒，有師傅係面前燒的那種，好有氣勢。餐牌有數款二人餐，亦有單點可選，價錢按食材而定，就看你想食得幾豪啦。是晚選了大蝦套餐（$608），有十款野食，感覺最化算先來刺身，是三文魚同甜蝦，三文魚厚切肥美，蝦新鮮爽甜，好味。木魚絲蟹籽沙律，很清新，正好開開胃。活蜆雜菇麵豉湯，味濃不死鹹，好飲。香草三文魚扒可選三文魚或龍脷柳，我們選了三文魚。燒得外層香脆，內裏的肉還是半熟的，好嫩滑，三文魚一熟就會變得鞋口，呢個熟度剛剛好，仲有魚油的甘香添。鐵板配菜，有翠玉瓜，冬菇同蕃薯仔。老虎大蝦主角到了，遠遠已聞到香味啦，賣想相當吸引，急不及待要嚐嚐。蝦肉鮮甜彈牙，好正好正，火候掌握得很好嘛，完全沒有過老，好食到停唔到口。美國安格斯肉眼扒，要了六成熟，肉味濃加上肉嫩，咬落仲有肉汁㗎，正。煙肉黃金炒飯可選牛肉炒烏冬或炒飯，我們選了要炒飯。炒得超香口呀，有少少飯焦勁正。日式炒時菜吃了甘多肉來一份菜就啱啱好啦，很鮮味呀，是用了肥膩的脂肪爆香，迫出油份來炒的菜，勁正。甜品黃色的，一開始以為係芒果布甸，食落發覺原來係焦糖布丁，微甜又軟綿綿，味道同口感都好正。超滿足的一餐，好味好

剛剛逛完花墟，腳仔都行到軟曬 。 而天色已黑齊，街上人來人往;想搵地方吃晚飯其實不容易。 幸好呀妹對這區很熟悉， 搵食完全難不倒她。 於是隨著她帶領下便來到一間平民式的 鐵板燒店。 餐館內已座滿了客人，好彩有食客埋單我們才不需要久等 。 入座後妹妹提議叫一份大蝦鐵板餐 一齊享用， 貪佢夠多完化。 木魚絲蟹籽沙律 沙律菜是用西生菜切條，加上木魚絲、蟹籽和沙律醬;味道清新開胃。 雙色刺身 (三文魚和墨魚)三文魚肥美新鮮，墨魚爽口彈牙;可惜分量畧少。 老虎大蝦 肉汁鮮甜，咬感爽口;啖啖肉滿足哂。 美國安格斯肉眼扒 牛脂分佈均勻，入口鬆軟。可加上炸蒜一齊吃 味道可提升不少。 香草三文魚扒伴鐵板配菜 師傅將三文魚煎得恰到好處，魚皮香脆而肉身非常嫩滑毫不鞋口。 牛肉炒烏冬 牛肉唔韌而烏冬炒得很香口，味道唔錯。 日式炒時菜 活蜆雜菇麵豉湯 雞蛋布丁

臨近冬至相約友人提前慶祝，捨棄傳統的中式，選了日式鐵板燒。得知旺角花園街有間價錢合理，水準也不錯的。既然冬至大過年，一於豪一豪慰勞自己一年的辛勤。鐵板大蝦套餐二人只六百元多，份量是足夠呢！食鐵板燒前先來熱身小菜，木魚絲蟹子沙律，清清地打開胃口。刺身兩款，三文魚和北寄貝，質量不錯，甜美。話明大蝦套餐，當然要用上虎蝦。肉質爽脆彈牙，蝦頭部位爆膏好滋味。接著來是安格斯肉眼扒，要求的半成熟有點過了，但好彩都不影響肉質的腍滑感，充滿牛脂香味。香草龍脷柳煎得好滑，魚味濃郁，正！每次食鐡板燒，炒飯一定是我的至愛，配料多，炒得香口惹味，粒粒乾爽，無得頂！再來一碗熱騰騰蜆肉麵豉湯伴炒飯，己無所求了。甜品雞蛋布甸，滑溜的質感直入喉嚨，好味。

假期到喇，想帶另一半食餐好，但又唔想太破費就一定要嚟呢到。格價後都係覺得大蝦套餐 (每位$608) 最掋食，可惜唔包嘢飲。好在佢啲飲品都係十幾蚊杯，好有良心。木魚絲蟹籽沙律先到，啲蟹籽好有口感呀。跟住就係活蜆雜菇麵豉湯，真係有蜆肉係入面啵！刺身有鮮甜彈牙嘅三文魚同甜蝦。之後可以揀香草三文魚扒Or龍脷柳。我就鍾意食三文魚，真心燒得好靚，影咗好多相。三文魚啖啖肉又鮮味十足。中場有翠肉瓜同冬菇，之後就戲玉了！睇住師傅燒老虎大蝦我口水都流埋，大蝦真心高質，好彈牙好新鮮，我覺得自己食緊龍蝦呀。之後就係美國安格斯肉眼扒喇，仲玩到著埋火添。師傅知我哋想影相，仲會預先同我地講話就嚟著火喇，真係好鬼醒！肉汁豐富，牛果動，撈埋蒜粒更惹味。日式炒椰菜就無咩特别。食埋炒飯就一定飽喇，煙肉黃金炒飯好有鑊氣 (鉄板氣？) ，仲有脆卜卜蟹籽，食多碗都仲得。最後甜品仲可以揀芝麻雪糕或布甸，我就覺得芝麻雪糕好食啲，芝麻味好香。

今日行女人街，見到有間鎧板燒專門店。係可以睇住廚師燒隻。餐廳名叫“上野鐵板燒專門店”係門口睇吓餐牌，價錢又唔算貴。於是入去試試。當時6：30，人唔算多。所以唔洗等位。但我地想要求坐吧枱，唸住可以睇住廚師燒。點知比人book晒。冇得坐。不過唔緊要啦！餐廳目測大概有大概80人左右坐位。其中吧枱應該有20人左右。我地揀咗鐵板大蝦套餐二人前$608木魚絲蟹子沙律雙色刺身-三文魚三片，厚厚的，都幾大件。特大甜蝦，鮮甜鐵板配菜-2粒鮮冬菇，2粒蕃薯仔，2件蟹籽翠肉瓜老虎大蝦-2大隻，廚師好細心，將蝦剝売煎好再切粒。完成後再將大蝦切得好靚。而且蝦肉非常彈牙。又好蝦味。美國安格斯肉眼扒-廚師煎嘅時候會問客人要幾成熟。我地要5成。煎好之後切粒。再配上乾蒜，好野味，而且肉滑又唸香草三文魚扒-有2件，肉好厚，廚師控制好好。外面好香，裡面肉汁鎖住，肉又滑。只是味道略淡煙肉黃金炒飯-炒飯炒得好香又乾。D飯粒粒分明。日式炒時菜-係椰菜，好甜活蜆什菇麵豉湯-活蜆比較細粒，而且只有一粒。冇咩什菇。海藻就好多。最後甜品係芝麻雪糕

臨近聖誕 真係好多約會 成日都食好西 不過見下朋友都係開心嘅 聽到鐵板燒呢三隻字你一定係認為又貴又唔飽啦 今日我話畀你聽呢個概念係錯嘅 黎都女人街隔離嘅呢間上野鐵板燒 入到去兩位師傅前面都有枱 可以坐喺對面睇住師傅整嘢食 亦都有卡位啱晒三五知己 我哋兩個人叫咗個大蝦套餐 真係好鬼多嘢食 先會每人一個沙律 沙律size唔大 不過就好足料 跟住就有赤貝同埋三文魚刺身 都好新鮮 而且每樣有三片 配菜就有翠玉瓜同埋冬菇 兩樣都煎得好香 冇咗蔬菜嘅草青味 加少少鹽同胡椒就食得老虎大蝦隻隻都有成隻筷子咁長 而且好厚肉 師父仲細心將大蝦起咗肉 再切粒一啖一粒好滿足 蝦頭都畀埋你 入面有好多膏 蝦肉簡單調味已經好鮮味 安格斯肉眼扒 牛扒大大塊 師傅將佢切咗粒 亦都係一口size 油脂好充足 牛味好濃 伴碟加咗炸蒜 夾埋一齊食味道好夾 而且感覺上冇咁漏 香草三文魚扒 呢個真係要大讚 三文魚扒有成寸厚 仲要係一人一大舊 油脂好香 魚油超級多 都係加少少香草同埋鹽就食得 夠新鮮牛肉炒烏冬呢個都係大讚 烏冬炒得好乾身 而且吾油 仲要食得出係貴價嘅烏冬 唔係超級市場貨式 牛肉亦都唔吝嗇 夠曬多 加啲清酒落去一齊

今日約左朋友去旺角食飯，朋友係鐵板燒愛好者，唔洗問就帶左我去食上野鐵板燒。入到去環境都是是正正，設計有卡位或姐bar枱，我地就揀左bar枱坐，睇住師傳即叫即整即食超過癮！我地2個人叫左鐵板海鮮套餐$608，好抵食。豆腐沙律，幾fresh幾新鮮。活蜆雜菇麵豉湯，熱辣辣好濃味！鐵板配菜，有冬菇、翠肉瓜、紫薯仔，全部都燒到好入味，一啲都唔乾。老虎大蝦，真係好大隻！蝦肉非常爽口彈牙，好新鮮！仲有唔少蝦膏！北海道帶子皇，帶子燒完都仲好大隻，完全冇縮水，好鮮甜，好juicy!原隻魷魚筒，魷魚用鐵板燒到啱啱好，一啲都唔韌！海鮮炒烏冬，海鮮配菜都幾多，好足料！日式炒時菜，份糧都幾多，啲菜炒到啱啱好，唔會太老。我地甜品叫左紅豆雪糕同布甸。7百蚊有找食到咁多鐵板燒好野真係超抵，下次都要再帶朋友嚟試埋其他套餐！

晚餐朋友帶左我黎食上野鐵板燒，有得睇埋師傅料理，套餐價錢同食物質素都幾好！LEE個師傅幾風趣健談，成餐都食得好happy！嘢飲嗌左波子汽水！食熱騰騰ge鐵板燒配冰凍GE碳酸飲料好爽！先黎前菜，木魚絲蟹子沙律同麵豉湯！沙律新鮮爽脆，加埋沙律醬好開胃刺身有厚切GE三文魚同北寄貝，北寄貝味道幾鮮甜！師傅煮緊GE時候已經聞到好香好香，龍脷柳煎得岩岩好，外皮帶點微焦的香味，裡面魚肉非常嫩滑，好香香草味！師傅一道接一道幫客人料理，睇到我都目不暇給老虎大蝦 非常惹味，鐵板燒完全鎖住大蝦的肉汁，蝦肉入口爽甜彈牙，而家睇返相都好回味翠玉瓜&冬菇食極都仲有，LEE碟係美國安格斯肉眼朳，同樣鎖住左肉汁，非常有肉味好鐘意食鐵板燒GE炒飯，夠晒乾身鬆軟、炒至粒粒分明兼毫不油膩，好食鐵板炒時菜最後食埋甜品芝麻雪糕，捧腹而回！

女人街其實都好多好嘢食～今次就食咗間性價比高，服務又好好嘅鐵板燒！點咗個鉄板大蝦套餐（二人前）$608有成十樣嘢咁多！😆【木魚絲蟹子沙律】【雙色刺身】有甜蝦同三文魚刺身三文魚都幾厚身～【鉄板配菜】係冬菇同翠玉瓜冬菇𠝹咗十字，賣相都幾討好兩樣都燒得唔錯，無油膩感 😋喺呢度一樣可以坐吧枱睇住師傅燒～ 👍🏻【老虎大蝦】除咗剝咗殼，仲切好哂服務好到加零一 😂啲蝦好新鮮，非常彈牙！而且仲爆哂膏 🤤 【美國安格斯肉眼扒】店員問咗我哋食幾成熟之後，就叫我哋準備好拍片原來係有個噴火表演 🤣 餐廳仲會 dim 哂燈𠻹㗎啲火噴到好高，好精彩 👏🏻我哋叫咗五成熟，肉質好幼嫩～牛扒係無加過鬆肉粉處理，完全原汁原味！【香草龍脷柳】好大塊估唔到魚肉超級嫩滑，好好食！【烟肉黃金炒飯】炒得幾好飯粒有咬口，每粒都有蛋絲包圍加上煙肉同蔥花，簡簡單單但係香口好味【日式炒時菜】係芽菜炒椰菜，都炒得幾清爽【甜品】係雞蛋布甸 🍮飯後嚟個甜品真係 perfect～另外仲有個【活蜆雜菇麵豉湯】食足十道菜 😂 呢個價錢呢個質素真係好抵！服務仲好好𠻹，會主動加茶同換碟

自從上次去台北旅行時食鐵板燒後，都成年無食過，趁今日两公婆都咁啱早放工，決定去輕鬆食個鐵板燒回味下台北之旅😌老公話要去旺角換野，所以上openrice集中搵旺角有得食鐵板燒既餐廳。我地6點多d就來到啦，一入店就見到長吧台，前面就系師傅烹調食物既鐵板位套餐都有吾少選擇，我地揀左大蝦套餐😁🦐🦐好快店員就送上刺身，三文魚都算新鮮。緊接著系沙律沙律菜都新鮮好爽口，仲有粒粒卜卜脆蟹籽。仲有熱辣辣既麵豉湯。我揀左要三文魚外面煎得幾香脆，有鹽同黑椒調味，茄子同翠玉瓜煎得好味之後到主菜啦大蝦啊，蝦肉好彈牙爽口，平時吾食蝦頭既老公都食個蝦頭😆再來系安格斯肉眼扒開始煎啦，廚師落左少少酒，牛扒快速被燒起了，有得食又有得睇😆我地要5成熟，肉質啱啱好，夠嫩😋。食完個牛我俩已經飽飽了，仲有炒飯😆最後仲有個炒菜埋單6百幾蚊两個人，食鐵板燒來講呢個價錢幾抵，我俩食到捧住個肚走😝😂

前幾日同朋友去旺角食野，見到呢間鐵板燒menu幾吸引就諗住試下，結果真係好好食!性價比超高，極力推薦我地叫左個大蝦套餐，每人300蚊左右，但係真係超多野食，而且食材新鮮高質，非常抵食。首先個餐係包一個雙色刺身，當日就有北寄貝同三文魚，食落幾新鮮鮮美，相當唔錯。之後就有蟹子沙律同味噌湯，味噌湯飲得出好香嘅魚味，值得一讚。跟住就到鐵板燒三文魚排，睇出食物新鮮咁燒熟係別有一番風味，三文魚排生熟程度控制得剛剛好，唔會因為燒得太熟而覺得好鞋颯颯。翠玉瓜同冬菇亦都相當唔錯，食落有香濃係蒜香，非常香口。之後當然唔少得主角大蝦喇，師傅將蝦頭同蝦肉分開燒，見到蝦頭入面啲蝦膏我已經流晒口水喇😍蝦膏絕對係成隻蝦嘅精髓，分量非常多之餘仲非常鮮甜，真係諗起都覺得肚餓。蝦肉亦都值得一讚，火喉控制得剛剛好，蝦肉非常彈牙有口感，食落仲非常鮮美，好好食。安格斯牛排我地叫左5成熟，牛排食落嫩滑得黎又有牛肉味，油脂分佈平均，睇得出師傅火喉掌握得非常好。炒雜菜利用左牛排較肥嘅部分一齊抄，非常有鍋氣，加埋濃郁嘅蒜香，非常好食。肥牛烏冬亦都相當唔錯，醬汁分量掌握得剛剛好，食落有少少甜咁，幾好食。最後不得不讚一讚呢位幫我地燒野食嘅

通菜街個邊多平靚正野食就係人都知但我只係試過明洞express今次有緣行開呢頭 我朋友話帶我去食鐵板燒我以為好貴打算reject啦 點知個價錢又幾合理喎我地叫左個帶子2人set～首先有個刺身前菜 都幾新鮮架！然後有燒冬菇同蟹籽翠玉瓜！味道一流完全唔會燒完乾哂 入口勁juicy然後又有燒雜菜 份量勁多！唔洗擔心要同朋友爭食再黎左個小食 係燒魷魚！味道岩岩好！順帶一提 如果覺得太濃太淡味 可以即刻同師傅講架！到主角！帶子！！！雖然唔會話特別大隻但都好過好多餐廳 仲要燒得好好 入哂味！個餐仲有燒牛柳完全唔會un最後仲有個炒烏冬 入面有啲魚塊架！成個餐份量真係幾多 完全價廉物美！

又好想食 鐵板燒 ，旺角選擇唔多，於是再食上野今次食左鐵板海鮮套餐<二人前> $608套餐包括前菜沙津, 湯, 帶子, 蝦, 小菜, 魷魚, 烏冬, 菜, 雪糕魷魚係一定一定要食！一D都唔韌，平時出去食燒魷魚，好多都好韌，咬到牙都甩呢個新鮮再加上師傅燒得好好，岩岩好！唔會生，亦都唔韌帶子係第2樣必食的！真材實料，超大粒！燒到岩岩好，鮮甜！仲幫我地切埋一粒粒食，一啖一粒，好貼心！燒大蝦，好香蝦味，亦都好多蝦膏，蝦非常爽口，好新鮮，切粒上！ 記得連蝦頭都要食埋呀配菜有冬姑，翠肉瓜就算燒完都好JUICY 呀! GOODGOOD!另外，每個SET都食跟既炒烏冬同埋炒菜至於甜品就係個雪糕有芝麻味好開心呀 ~ 因為唔係個個地方都有呢款味其實仲有前菜沙津同湯湯仲好足料有蜆肉TIM呀!

因為另一半生日關係, 係openrice 搵到呢間餐廳, 地點方便, 完全冇想過旺角可以有這麼好的日本鐵板燒餐廳。由於電話訂枱時已說明, 想要求鐵板上寫"生日快樂"字句, 到餐廳時發現bar 枱因有客人關係, 未能坐正對住廚師位置, 因要保持神秘關係, 起初都想點同服務員溝通, 幸好服務員好好記性, 當有客人離座時, 立刻為我地調配, 整個進餐過程都很愉快, 同廚師有傾有講, 廚師亦有留心客人進食進度, 不會太急或太慢上菜, 食材非常新鮮, 每隔一段時間都會關心客人味道是否適合, 最欣賞廚師利用蛋黃在鐵板上寫上"生日快樂", 那種心思同技巧絕對值得稱讚, 到埋單一刻服務員都能記住客人既姓氏稱呼, 我想對於我這個生客黎講, 唔會有第二間餐廳都做到呢種服務, 真心向各位食客介紹去食!