上野鐵板燒專門店

營業中

休息中

今日有事要同朋友去旺角，行街買野買到8點，食飯既黃金時間，間間餐廳排晒隊，於是個朋友話之前食過呢間，有個2人餐幾抵，不過服務麻麻，但係心諗一餐半餐無所謂啦，因為真係唔想等位。係門口準備行入去，個職員(後來發現原來係老闆)見到我地唔招呼，行到舖頭最入，企左1分鐘先有人理，坐左係3張2人枱最入個張，坐低即刻落單，2個一人餐，再加一份豬頸肉，個老闆即刻問埋餐飲，我話想等一等諗下先，點知個老闆即刻噴左一口氣，張大個口做個"吓"既口型，呆望左我一陣跟住大大力收走份餐牌。由於減肥我已經好多年無食飯，我突然醒起個餐有炒飯，為免浪費所以好心同老闆講其中一個餐唔使要炒飯，點知個老闆態度勁差咁話"唉!是但啦，黎左唔食咪由佢囉!"跟住就黑面走左，好快黎左2碗出晒水既沙律，跟住足足乾等左30分鐘(因為突然有對情侶點左一個貴D既套餐，所以煮晒比佢地先)，一次過將個餐D野扔晒係同一隻碟都算，個老闆仲大大力咁求其扔係第3張枱(距離我地最遠個張)就算跟住唔夠2分鐘仲要即刻扔低2個跟餐甜品係隔離，我地估個豬頸肉佢應該漏左，同埋真係好嬲，所以拿拿聲食完就叫埋單，果然個豬頸肉佢落漏左單，雖然無服務都照有加一服務費仲無啦啦要

今日同家人提早做節，因哥哥兩公婆要飛去英國過年，訂坐6位7點，入到來黎環境好好，感覺很溫馨。講幾道菜黃金老虎大虎，彈牙，鮮甜，美國安格斯牛要7成熟，很濃的牛肉味，同蒜一起食超正 ，刺身都做得出色，好新鮮，又靚又正，侍應會主動介紹野食法，幫我哋換碟及加茶，服務一流呀，會介紹朋友來食

因媽媽聖誕節要去美國同爸爸過，所以提前慶祝，星期三訂了2位Bar位7點半，今晚我哋選了單點，活聖子皇，黃金老虎大蝦，鵝肝，安格斯薄燒等。聖子皇師傅幫我哋用黑松露炒好好食。好鮮甜，黃金老虎大蝦不用提都知道好食，係這里招牌菜。鵝肝就無突破，味道ok，安格斯薄燒師傅用了香蒜及青葱包入邊，好滑好香口。這餐飯食2小時好開心，下次再來

每次食晚飯，最難既就係諗食咩！求其行入間餐廳，抱住伏都係伏一次既心態去試食鐵板燒當然要坐bar枱，睇廚師既手藝！邊睇、邊食、邊傾，就兩個半鐘。講下重點：肥廚師哥哥！見佢好似工作得好開心，首先，就係佢每扭一次黑楜椒瓶、每換一次手上煮食工具都會使出渾身解數，好似耍雜技咁，太有趣！第二點，佢同所有唔同既食客都可以傾計，男女老少都完全同佢有講有笑，因為廚師哥哥既外向、樂觀製造好和諧既氣氛，帶動所有陌生既食客都一齊有講有笑，令到我好投入呢餐晚飯，第一次短短既時間可以同隔離素未謀面既食客有咁多互動，好warm，廚師哥哥好掂呀！第三就係佢同大家互動之間，又不忘煮食物，好堅！第四就係廚師哥哥既火技嘆為觀止介紹下食物，叫咗個2人set $56x +10%三文魚+翠玉瓜、茄子虎蝦

一個好重要既朋友，一直都話好想試日式鐵板燒，甘我當然想幫佢圓夢架啦但睇親都起碼四位數字...心諗係米要轉食其他之際比我見到呢間鐵板燒，評價正面，價錢吸引，即刻BOOK枱其實可以唔駛BOOK枱，因為根本唔多人其實入得黎食，我地都係為左睇住個師傳係面前燒比自己食但呢度雖然有三個爐，但師傳得兩個....雖然我坐Bar枱，但係前面果個爐無開，攪到要望住隔離爐個師傳燒兩個人叫左個-鐵板防定套餐(二人前)首先送上刺身、湯同凍檸茶(加$8)雜錦刺身有四款海鮮，三文魚望落OK，但唔夠實，一夾就散..蝦夠爽口，但我都係中意食甜蝦多D活魚奶面豉湯湯入面有一隻蜆、海帶同豆腐粒，料都算豐富蟹捧沙律我同朋友果碗既料唔一樣，佢多左粟米同車厘茄。UM..師傳佢都整得幾隨心不過味道一般，一直對佢都無期望挪威鯖魚本身想食鰻魚多，點知佢改左鱈魚。結果揀左鯖魚肉質夠實，魚皮都煎到卜卜脆，係魚腩位置比較多骨，其他都無乜骨鐵板配菜翠肉瓜配鮮冬菇，好多汁，YUMMY黃金老虎大蝦呢個係我期待已久，見幾乎每個食評都會講佢。如果唔係親身見到，都唔會知佢有幾大隻!!望住師傅拆蝦殼、煎、撈醬汁，加埋個蝦味，已經流哂口水送到上枱，真係迫不及

8月18日星期四來上野食飯，見到影星王合喜坐我地隔離，佢地食得好開心，廚師同佢影相，有講有笑，佢好Nice。今晚因我同女朋友不是太肚餓，只是掛住來這裏食大蝦及牛。叫了大蝦2隻及1件近江和牛A4，已經好飽了,講返食物大蝦鮮甜，爽口彈牙，超正近江和牛，要了5成熟，剛剛好入面還有血水，入感溶化，有牛肉味，配香蒜一齊食好正，侍應送了2個自制布甸，好香滑，好滿足的一餐，謝謝！

之前來吃左幾次，味道同賣相都吾錯，今次再返來，完全變嗮樣！太失望啦以前既鐵板廚師吾見嗮，煮左個黑面豆腐我嘆樓面店員單手飛碟式傳菜，另一隻手按緊電話以後都唔會再返來啦

星期三女朋友生日，安排咗來呢度晚飯，訂了7點，一入到去已經有半埸客人了，我叫了有鮑魚的二人套餐，有沙律清清地，都幾好。三文魚刺身，厚厚的有六片。活鮑魚，師傅切垃口感一流，好鮮味。銀雪魚食得出好新鮮，香滑。安格斯牛薄燒要咗5成，幸好剛剛好，裡面包香蒜及蔥，好香口，而且有牛肉味。炒菜我中意食銀芽，所以好食。炒飯師傅知我女朋友生日所以寫了生日快樂哈哈，女朋友就好興奮，這餐飯食了2小時有多，每樣味道都幾好，而且師傅同侍應都好服務，自動幫客人換碟及加茶，會再來，女朋友話好難忘，環境算ok，樓底好高，抽氣唔錯，食完冇油煙味

6月9日端午節，睇完爬龍舟，同老婆出旺角行街，見到有鐵板燒就入去試下，約7點左右，一入餐廳左邊係鐵板燒，可坐十幾二十人左右，另一邊係卡位，我地選了坐鐵板燒。經理給了餐牌2人餐由2百幾至仟幾不等。我地選了一個中間價鐵板限定套餐$798。首先來了沙律及雜錦刺身，尚算新鮮，師傅切得幾厚之後到鐵板燒，講幾樣，黃金老虎大蝦，好大隻，蝦肉好鮮味，爽口，好有驚喜老婆至愛。燒鰻魚就ok啦，算係大大件。法國肥鵝肝好大件，味道唔錯，入口即溶。美國頂級牛柳，我地怕食生所以要了全熟，雖不是入口即溶，但夠香口，牛肉味也濃。侍應方面，跟得幾足，不時幫我地收碟加茶，面上有笑容。這餐廳抽氣唔錯食完無一身油煙味，一定會再來

因爸爸父親節前要去美國做野，所以提前早慶祝，星期五訂了3位Bar位7點，這店已是爸爸常來的，去到已經很多廚房及侍應打招呼，全場已經差不多坐滿了客人，好彩有訂位，哈哈，今晚我地叫人二人前鐵板限定套餐$788。加活大鮑魚$428及 支清酒，講幾道食物吧。黃金老虎大蝦，師傅首先將蝦去殼，去腸，然後切粒，味道剛剛好，爽口，鮮甜正 。美國頂級牛柳。要了3成熟，師傅會點一點火，燒一燒面香口，然後切粒加蒜，師傅控制火候唔錯，還有血水，牛肉味好香，配蒜一起食 。活大鮑魚師傅問要選擇切片定切粒，爸爸今次話試下切片，活生生的鮑魚，多番卷來卷去，之後師傅將鮑魚切片，味道好鮮，帶海水味 總括這裏食物新鮮，環境就一般，比較細，服務就一流，師傅還同我有講有笑。還一起飲酒。這餐飯我地食得開心，難怪爸爸經常來啦

見Openrice食評幾好，6月1日藉著生日，來食這間鐵板燒，主要想試下這家黃金蝦，鮑魚，鵝肝，牛肉等。我地2位就點了這4道菜再加-條池魚刺身，點完菜之後約5分鐘首先來池魚刺身。之後師傅見我地食刺身，開始上鐵板燒了，首先問我地食唔食蔥蒜等，真係好細心，鮑魚師傅切粒吾韌剛剛好，黃金蝦好彈牙，爽，加咗蛋黃及芝士，所以好香，期待已久的鵝肝好好味，入面好嫩，正，食牛肉時已有點飽了，要了8成熟，好有牛味，見師傅炒飯時，叫寫生日快樂總括這服務員熊度很好，細心有禮，會再來，坐在我地隔離還有外國人，可見這餐廳口碑應該唔錯

週末同老公出旺角買電話，初時不知食乜，經過女人街，見到鐵板燒，就入來試下，我們選擇了坐Bar枱，坐下經理送上餐牌，推介了一個中間價大蝦餐5xx二人前，就這個吧，再加一隻北海道活帶子皇128。套餐有：蟹籽沙律，刺身，配菜，老虎大蝦，龍利或青魚，安格斯肉眼扒，炒飯或鳥冬等。講幾樣野：刺身材料尚算新鮮。師傅做菜非常認真，一有時間先會同我們傾幾句，老虎大蝦相當大隻，師傅起蝦手勢純熟，口感彈牙，鮮甜，味道非常香。到牛肉老公要求了5成熟，剛剛好咬落還有血水，牛味濃郁，和蒜混合食，好味。活帶子皇入口超級鮮甜，值得-讚！總括而言這餐廳價錢合理，食物新鮮，服務尚算可以，下次會再來

5月13日星期五補祝母親節飯，今年媽媽話想試食鐵板燒，所以去了上野食鐵板燒，訂了4位7點，所以不用等，阿媽喜歡食海鮮我他叫了一個4人前套餐，加2只鮑魚，套餐有前菜，沙律，炒飯，炒菜。主菜有刺身，老虎大蝦，銀雪魚，日本魷魚，羊架及安格斯牛扒。師傅好好人，一路介紹食物，味道需要鹹得淡口啲，好喜歡食大蝦，話夠大只及彈牙，新鮮，銀雪魚好滑，安格斯牛扒，媽媽要了7成熟，師傅燒牛肉會點火，火光四起，搞到阿媽鬼咁開心，7成熟牛肉，好香口，有肉味，鮑魚師傅選擇切粒，口感一流。服務員有禮，不停為我哋加茶及換碟，值得一讚！環境算ok，抽氣唔錯，樓低好高。最後到甜品，又係阿媽最愛，自制雞蛋布甸加芝麻雪糕，陣陣蛋香，雪糕好香

5月19好朋友生日，因為訂咗位所以不用等，今次我哋食豪啲，叫了一個近江和牛2人前，頭盆有日式小食，幾開胃，有什錦刺身，幾新鮮，師傅切得夠厚身。主菜出埸，首先係老虎巨蝦，蝦身彈牙，鮮甜，正。再黎日本帶子皇，又係好鮮甜。主角近江和牛出場，我哋要了5，果然入口即溶，好有牛肉香味，配蒜-起食正食完主菜，最後炒飯及菜，師傅知有人生日，在鐵板寫了生日快樂，朋友好開心，話會介紹人來食

簡單講幾句: 老細幽默,服務員有Heart,招呼週到 ; 揮<剷>自如,最緊要係夜晚鐵板燒一人前(套餐)$88加一係抵食又夠飽既, 特別係三文魚刺身足料夠哂厚,龍利柳又入哂味。唔錯唔錯p.s. 附上鐵板雙妹之一特照一張(另外加插眾員工&老細)