七福神和食亭

營業中

休息中

陪完媽咪覆診，在佐敦一帶附近找餐廳醫肚，經過裕華隔離見到一間日式餐廳，看見樓下餐牌食物都很吸引，就入去試下👍餐牌上基本想食的都有😍價錢亦非常合理👍刺身拼盤-有油甘魚，三文魚腩，北寄貝，甘蝦等....刺身色澤紅潤新鮮，三文魚厚切啖啖肉非常鮮美。泡菜芝士雞翼-炸得金黃色，香噴噴熱辣辣，咬落泡菜酸酸地辣辣地好開胃鹽燒油甘魚鮫-份量比起平時食多成一倍，油甘魚外皮炸得炸卜卜，魚油適中，非常鮮甜香口👍石鍋香辣海鮮手打烏冬-職員棒來時候還滖著，海鮮份量舖滿了成個鍋，蝦肉大大隻非常爽口，帶子好厚肉，烏冬煙煙韌韌，微辣，惹味😋😋😋椰子雪芭-椰子味香濃，幼滑，必食貼品👍👍👍

今天同事生日，她又喜歡吃日式料理，所以帶她來七福神，讓七福神和我的錢包來為她送上祝福，哈哈~餐廳環境舒適，而服務態度非常良好，難怪吃飯時段的顧客越來越多。來吃日式當然不能少的是刺身，三文魚花紋有理，每一塊都很厚，能果腹口腔。海膽新鮮有鹹水味，有如豆腐般幼滑。平時帶子當刺身食比較多，這次嘗試燒煙肉包帶子，煙肉的鹹香和帶子的鮮甜，口感非常和諧。煙肉干身，帶子熟而多汁。關西風玉子燒，也就是用很多雞蛋做的，雖然表面很普通，但是卻有內涵。側切好像層層糕，而口感嫩滑香，有點清甜。廣島吉列炸蠔：外表穿著一層薄薄的金黃色的麵包糠，內裡多汁軟綿綿的，十分滑嫩可口。最後還送上驚喜，飯後甜品雪糕，為這餐生日飯畫上圓滿的句號。

與友人邊行邊傾已去到佐敦，見到前面有間日本料理就八掛望一望；豈料門口有位服務員熱情地招呼向我們推介，於是就上去試試。內裏裝修普通，但座位亦算闊落。飧牌上的食物都有很多選擇，而價錢亦算合理。荔枝青蘋果梳打荔枝雖然係用罐頭，但大大粒肉加埋青蘋果汁混入梳打水，甜甜酸酸開胃非常。牛油果鮮奶沙冰以牛油果做飲品都係初次品嚐。將果肉加上鲜奶 和冰攪勻，更顯幼滑清新。海老天婦羅薄薄的粉漿炸得金黃鬆脆，蝦肉新鮮爽口。燒肉帶子串帶子配上煙肉一齊燒，將清甜f和濃郁兩種極端味道混合；味蕾增加不少。鹽燒油甘魚鮫魚皮燒得香口惹味，肉質鮮甜嫩滑； 洒上檸檬汁可減肥膩，熱辣辣食到不停口。火炙三文魚腩壽司三文魚腩新鮮肥美，火炙後把豐富魚油迫出，魚脂甘香，肉質細嫩。神戶野菜炒與一般炒雜菜沒太分別，只是加了些日式醬油；沒有驚喜。菠蘿雪葩和山形香桃雪葩兩種甜品賣相趣緻。菠蘿仔和香桃中間刮空藏上各自味道雪葩，清甜中亦帶微酸，可中和之前肥膩感。

難得早收，同事推介的七福神和食亭，說是有大大件的質素，而且價錢可接受，所以想來試試，希望下次可和家人來吃，呵呵。三文魚腩切想不到師傅的刀功如此棒🤤！厚切到不行，我分享給家人看時，大家也紛紛讚好，當然嚕，也是很肥美。（一個人吃會有點膩🤫）蟹籽沙律只是細Size ，份量也很足，有大量青瓜絲和蟹柳蟹籽，也算很划算👍🏼只是店家的單點美食太大份了，我這小胃口的女生還是點飯餐較佳。呵呵，總括而言，這家店值得下次再來：）

之前係 openrice 見好多人大讚性價比高，所以特登搵左一晚過黎佐敦試下book 左位，所以一到就即有位入，我見樓下仲有好多人排緊隊心諗個名氣都幾勁秋秋咁兩個人，叫左成堆野，檯好細，擺到滿曬，要揸住個兜食野壽司既飯好實，暖暖地，海膽算鮮甜的。但魚生就非常一般，哈哈哈。壽司味道正常，無乜特別個柚子沙律都幾唔錯，麵包粒鬆脆，蝦都幾多隻，清新爽口幾好味天婦羅都幾好食，唔厚粉，食材都新鮮。免治雞肉棒味道都幾好，微甜既燒汁味。呢個半份既軍艦食得好辛苦，純粹係 pizza 既料但換成法包，而且凍冰冰，一般啦。全晚最驚喜就係個海膽炒飯，份量多，而且味道超好，乾濕度適中。海膽鮮甜

今晚難得和老公二人撐枱腳，這家七福神是我們的最愛，因為價錢相宜，份量又足，所以是常客呢：）說真的，在油尖旺這個租金地方,能夠有這家小店,繼續為香港人提供大件夾抵食的日式料理，難得！芝士焗天火蠔蠔很大隻呢，老公最喜歡就是吃蠔了，他表示好新鮮，加上芝士後簡直是冇得彈！而且$72有三隻，抵吃！關西風玉子燒作為女士，都有日式料理店必點的就是玉子了，最欣賞是這家店，玉子是新鮮燒起的，暖立立！而且中間有小流心，大讚！大壽司系列！前菜八爪魚，超大隻呢！七味軟殻蟹飯卷軟殻蟹很入味，而且不是只有炸粉味！也是我的心水之選！

想吃大眾化嘅日式料理， 我會想起《七福神和食亭》。無倫刺身，鍋物，串燒，拉麵都做得有水準， 價錢親民。蟹籽沙律(大) 真係畀佢嚇親， 成個盤咁大份嘅蟹子沙律。青瓜絲好乾身又爽脆做得唔錯， 蟹籽，沙律醬，蟹柳全部撈勻 超滿足。這杯『士多啤梨活乳酸』 清新開胃， 愈飲愈上癮。『蘋果汁梳打』 $26 濃郁嘅蘋果香味， 唔會太甜勁夠氣， 非常推介價錢又唔貴。『九州拉麵』， 湯底夠濃郁但唔會太鹹。 半生熟溏心蛋好滑溜， 蛋汁 流入拉麵湯底更添風味。『炸雞軟骨』 雞軟骨比較硬， 有點不像軟骨嘅部分。天氣太凍要咗一個熱嘅『蕎麥麵』， 味道唔錯，蕎麥麵冇因為熱汤浸淋。泡菜牛肉芝士燒飯 $68真係估唔到包住嘅飯 分量是那麼大。 加了芝士去炒嘅飯， 濕濕地仲好軟身， 味道帶少少泡菜嘅辣也有牛肉粒，豐富美味！角切魚生丼$88以三文魚為主， 還有三文魚子， 角切得嚟大大件，也不錯呀，壽司飯正正常常。赤貝壽司，北寄貝壽司赤貝肉厚又夠爽， 比北寄貝更鮮甜。芝麻八爪魚前菜八爪魚好大隻，又夠爽， 醬汁有點不像平時的味道。最後來一杯熱檸檬茶消消滯

這一家雖然是樓上店，但人流絕對不少！之前嘗試過walk-in，但因為太full失敗了，所以今次我們預先book了位。這家食店就好像是日本的居酒屋，有各種不同的日式食品，我當然不放過機會每一樣食品都order嘗試一下！挺喜歡這店的下單方式，讓客人自己把食品編號/名稱和數量寫在紙上，客人可以一邊下單一邊檢視自己order了甚麼。menu上有不少刺身拼盤，但因為我始終最終愛的刺身是三文魚和吞拿魚，所以還是散叫吧！刺身用冰鎮上枱，保持著新鮮度！火炙三文魚壽司是即叫即做旳，上枱時還是熱熱的，要襯熱吃喔！蟹籽壽司亦很爽口！這個絕對是抵食之選，軟殻蟹夠脆口，讚這個串燒挺特別的，用煙肉包著帶子，一口吃下去，既有肉味，亦有帶子的鮮味，不錯！芝士再加上一些洋蔥碎粒，這個焗天火蠔真係一試難忘，推介！墨魚咀唐揚的炸粉不會很厚，吃起來很脆口，配上他他醬，非常可口這個鐵板非常夠熱，上枱後需要不停將牛柳粒反轉，不然會燒焦的！最後仍order了一道飽肚的稻庭烏冬，很少吃冷食的烏冬，味道很不錯呢！總括來說，這家食店的食品性價比都挺高的，是日本菜的不二之選！

一向少有蹅足佐敦區，於中午食飯時段，既不想飲中茶也不想吃快餐，想起了久違的七福神和食亭，便立即向南京街口直奔。一樣的居酒居環境、一樣的親切服務及一樣的食物水準，滿意！蟹籽沙律 $50青瓜絲和蟹籽很新鮮，份量多得有點出乎意料。露筍牛肉串 $55 露筍新鮮，牛肉雖有點乾身，但有牛味。芝麻雞翼 $62東京風茄子煮 $36 每次看見木魚在食物上飛舞，心情都會有點兒興奮，茄子香軟，不會太油膩。鹽燒青唐豆腐煮 $38豆腐滑滑，配合湯汁，滿分！香川燒青魚 $58 青魚肉質結實，有魚香。冬菇串 $28 冬菇新鮮，菇味濃。檸檬菊花蜜 $20 檸檬清香，有菊花香味，又甜又滋潤。

朋友生日，諗住同佢食日本大餐慶祝一下，之前食過呢間七福神覺得唔錯，就再黎幫襯一下。板燒溫泉蛋煙肉粟米 50溫泉蛋流心狀好吸引，加上粒粒粟米口感唔錯，煙肉也增添鹹香。泡菜牛肉芝士燒飯 68芝味濃郁惹味，比我想像中冇咁辣，唔食得辣既朋友岩哂。魷魚鬚唐 55魷魚鬚外脆內煙韌，炸粉唔厚唔膩令人一食想繼續食。芝麻雞翼 62牛油焗帶子 78帶子向來係我既最愛，口感彈牙亦富鮮味。甘蝦刺身（5本）58甘蝦大大隻，味道重好鮮甜添。

帶埋屋企人去七福神食日本野，先前都黎過，覺得好食得黎又唔算貴。晏晝會有set menu 有丼飯壽司跟飲品甜品，夜晚黎就要單點。先黎一個蟹籽沙律，一份細嘅已經可以夠3-4人食，好大份。燒物叫左雞泡魚乾，牛油帆立貝，串燒拼盤，汁燒鐵板牛舌。驚喜係帆立貝有燒得外皮脆脆地既焦糖牛油。汁燒牛舌好特別，似中式炆牛腩咁淰淰地，第二度食唔到。刺身叫左個拼盤，幾款刺身同生蠔都幾新鮮同肥美，呢個價錢算幾抵食。仲有蟹膏甲羅燒配飯團佢跟左幾塊紫菜夾住食，蟹膏份量都不少，又夠鮮甜，好味道😋

朋友喜歡吃日本菜, 佐敦道的七福神是不二之選因為這裏的魚生出名新鮮, 但常常滿座要預早訂位. 好不容易約好朋友安排好位置擠進了坐滿人的食堂,食物品評如下;魚生拼盤(168)魚生拼盤份量足夠,食材非常新鮮有光澤, 魚片厚切有口感更加有一板馬糞海膽, 海膽鮮甜不在話下.炸蝦天婦羅(75)炸蝦天婦羅脆漿金黃色內裏鮮蝦熱辣辣, 難得的是粉漿夠薄, 不油膩不黐牙.蟹肉味噌甲羅燒(58)這裏的名菜,用蟹肉混上蟹膏再加上味噌一同放在蟹蓋再燒烤至蕉香, 非常和味! 這個價錢你一定畀得起!芝士焗天火生蠔 (50蚊一隻)芝士在外面烤熟字金黃色已經非常誘人, 用筷子夾起半溶芝士拉著出煙的生蠔,生蠔肉脆身,蠔殼內還剩滿了蠔汁, 飲下去有鮮甜海水味.大蒜牛油煎銀鱈魚(168元)牛油香味帶出銀鱈魚的油香嫩滑.人均消費才468元如此高質素的壽司實在超值而且地點方便, 是與朋友吃晚飯的首選地點.

今晚和友人在佐敦找了間日本餐廳懷念日本旅行的味道。再次光顧這家餐廳，味道更上一層樓。刺身拼盤有厚厚的油甘魚、三文魚、和北寄貝。份量適中而且鮮甜。每次來都一定會每人一個蟹肉味噌甲羅燒，配上白飯，啖啖蟹肉蟹膏大大的滿足。芝士燒天婦羅蟹腳卷都非常美味，大大塊的芝士微烤一下包裹住蟹腳卷非常香脆。雞軟骨粒和炸魷魚鬚配上醬料，中和熱氣感之餘非常可口。燒肉帶子串的設計，用燒肉包裹住帶子再淋上檸檬汁，咬上去的時候非常清新軟綿綿的。炙五味的五種食材的壽司炙燒一下的味道，三文魚腩入口即溶，鰻魚大大條的，還有配上鴨胸和甜蝦，簡直是最佳的五種食材配合。

每次黎呢區行完街，想食日本嘢都必然之選，今晚又黎啦好彩早到都仲有位，餐牌不時加入新菜式，保持新鮮感，秋冬來到，加入季節限定涮涮鍋蟹籽沙律 ($50/小) - 每次黎呢度都必叫"名物"，蟹籽毫不留手咁舖面，入口脆卜卜; 中及底層分別係爽口青瓜及生菜絲，撈埋沙律醬一齊食，甚為開胃!六品刺身盛合 ($218) - 六款刺身包括三文魚，鱆紅魚，吞拿魚，北寄貝，帶子及甘蝦各三件，顏色靚仔，擺盤吸引款式大路，計埋有成18件刺身，性價比都算高，而且魚生類係厚切，滿足口感!見到餐牌推介，被其中兩個字吸引住......................."芝士"就叫左個芝士燒天婦羅蟹腳卷 ($36)，三件飯卷包住天婦羅蟹腳，再披上燒香左嘅芝士戰衣，加多三粒三文魚籽，增加可愛度!經過火燒，入口微暖，先有芝士嘅軟滑咸香，之後到飯粒及蟹腳，一啖一件夠豪氣!脆皮煎餃子 ($45) - 見到層薄脆係餃子底部，用筷子介開時已經感到嘅脆度個餃子汁擔當重要角色，點左黎食超好味，餃子外皮帶香脆，餡料內仍然保持濕度，調教味道適中，兩啖一隻，正!刺身帶子覺得幾鮮甜，黎多個醬油北海道帶子燒 ($68)，原隻北海道帶子都好大隻下喎

呢晚約左朋友食飯，朋友話佐敦有間日本料理唔錯，地點又方便，所以決定黎呢到食飯聚下。呢晚我地大約7點令到上到去已經好多人，爆場咁濟，好彩都唔洗等位啫😛種類好多選擇，我地三個女人都揀左好耐🤣呢個海膽手卷好鮮甜，完全食到嗰陣海水味但又唔腥，唔錯👍🏻我地係三文魚腩既忠實粉絲，刺身好肥美，食落口嗰陣油甘味正到食完舊三文魚d油味仲係個口裡面好新鮮。火灸三文魚腩壽司燒完感覺個油甘仲香，而且呢到既三文魚腩好厚，口感好好。好少餐廳會有椒鹽蘑菇，所以見到都叫左個黎試下。平時既日本餐廳都會有牛油粟米，呢到個粟米特別地係溫泉蛋煙肉粟米，咁樣撈埋一齊都幾夾，食落口我覺得仲有陣carbonara既味道🤣鰻魚炒飯甜甜地幾好味，而個豬頸肉韓式炒麵就辣辣地，豬頸肉炒到好爽口，呢個炒麵下次再黎食既話我都會再叫👍🏻