七福神和食亭

營業中

休息中

呢間嘢食過幾次, 一直都知態度一般般, 但食物ok所以keep住嚟食今日openrice訂咗位7:30, 去到直接有得入樓下哥哥仔嗌咗咪, 但上到去無人帶位個個職員望到有人入咗門口, 但就扮睇唔到, 好似唔關佢地事咁終於有人帶位坐低咗開始點食物, 睇到張點餐紙講寫名稱, 之前幾次點菜都係寫名稱 今次寫好晒又話要寫number, 真係無奈今次點咗牛舌 - 一般, 味道唔夠, 牛舌亦有點太厚冷烏冬 - 麻麻地, 質感一般, 全靠醬汁吊命炸蠔 - 不錯,  算係今日點嘅最好食的菜式和牛sushi - 一啲鮮味都無, 都唔知食緊乜食品唔掂都算,態度更係差到不得了先講環境, 隔離枱有客人極大聲講嘢/唱歌, 滋擾到其他客人 好多客人都望住嗰枱人,  但店員無去叫佢地細聲啲反而係埋去同佢地越講越大聲, 嘈到街市咁 呢種並唔係一般食肆該有嘅聲量服務更加唔洗講1. 友人未食完個炸蠔就被收走唔會問吓仲需唔需要先拎走, 自把自為就拿走客人仲食緊嘅餐點2. 舉手向店員示意埋單, 店員行埋嚟一邊行一邊同該桌大聲喧嘩嘅客人傾計自顧自執枱, 執嘅時候掛住同人傾計 , 滴咗啲醬油落我鞋上面, 完全唔知, 當然無道歉事

今次去咗一間Open Rice有好多讚嘅七福神 食物有好多選擇 會提供點菜紙俾客人自行下單 另外上菜速度都非常之快.首先點咗樣喺其他餐廳較少見嘅🥑牛油果鮮奶沙冰($38)第一啖飲落去我真係一額汗 飲品係奶昔口感 並唔係有冰碎的那種 味道還可接受😶.🍣刺身拼盤($128) 三文魚好肥厚😋 活赤貝 帶子都頗新鮮 但北寄貝相對較乾身難咬 然後再菜的是🦀軟殻蟹手卷($52) 發揮正常 但上枱時發現紫菜已經變軟了.比較令小編滿足嘅會係芝士焗天火蠔($50) 生蠔好肥美 芝士同調味做得幾好 唔會搶走生蠔嘅鮮味 可以encore😚 再來就係份量好大既鰻魚炒飯 ($68).炸物方面點咗🐙墨魚嘴唐揚($48)未能炸到黃金色有點可惜 微脆唔夠熱 🐮鐵板牛柳粒燒($65) 牛肉鮮嫩多汁 鐵板中間有薯蓉配菜 以上兩個小食都稍欠調味 有改善空間😕 (小編唔算重口味之人😂) .🐡炭火燒河豚乾($36) 甜甜的 口感似豬肉乾 個人覺得點少少沙律醬幾夾.整體一般 說真的 用呢個價錢食呢個質素 一次就夠了 小編唔推大家去試 味道真係似普通放題😐

話說今日放工約咗朋友係佐敦行街，就諗起呢間七福神和食亭，今次已經係我第三次光顧呢間居酒屋，呢到嘅食物從未令我失望😆。今次照平時一樣，叫咗三文魚、帶子、北寄貝刺身，光係賣相已經好吸引，三文魚肥美可口，一d腥味都無，帶子味道鮮甜，仲有我最愛嘅北寄貝，甘甜有彈性。 另外，仲叫咗芝士焗天火蠔，蠔好新鮮，加埋芝士一齊焗，再加埋檸檬汁一齊食，味道真係好夾。炭火燒河豚乾， 口感好似肉乾咁，點上沙津醬，幾好味。墨魚咀唐揚，細細粒嘅墨魚咀，炸完之後，外脆內彈牙，又香口又有口感。見到有呢款飲品推介，牛油果鮮奶沙冰，飲落有好濃嘅牛油果味，口感軟滑🥰 鐘意牛油果嘅朋友可以試下。

現在星期六日想約朋友食飯, 會食LUNCH多食LUNCH既好處係平D, 其實都唔錯所以今日同朋友約左係佐敦七福神食LUNCH七福神平靚正出晒名, 次次都坐爆晒香辣海鮮湯烏東-LUNCH SET$66係用石鍋上, 保持熱度, 食物都要夠熱先好食的, 而料都幾多, 有蝦, 青口, 日式魚旦等等, 烏東幾煙靭, 而個湯底辣辣地, 幾開胃三文魚壽司-LUNCH SETLUNCH SET係包埋三文魚壽司, 睇個色澤都知唔錯, 食落都幾新鮮, 估唔到LUNCH SET包既野都唔錯蟹籽沙律(細)-$50完全估唔到細既都有咁大, 係一個超大既湯碗放滿晒, 蟹籽超多, 配合清新爽口既青瓜絲, 唔錯清酒煮蜆-$88蜆又多又大隻, 完全冇沙, 食得放心, 又夠鮮甜, 而且有勁重既清酒味, 我超鐘意, 值得一提係會放辣椒去煮, 原來係更能吊起個味道, 唔錯壽司我地叫左好多壽司SHARE黎食,火炙真係做得唔錯, 增加左唔少風味, 而刺身類壽司都食得出好新鮮, 好好味, 而值得一提係, 軍艦既紫菜係脆的, 小節見驚喜, 正青蘋果雲尼那味奶昔-$44 青蘋果味好重, 令口腔有清新既感覺, 好好飲甜品-送最後有送既雪

本身和朋友去佐敦吃其他食物，後來發現要排隊很久，我們無意中發現呢間日本料理，試完立刻驚訝左，深藏不露的一間舖我地首先叫左火炙三文魚和赤貝壽司，特別新鮮赤貝沒有腥味，上面有些蔥花，吃起來不會油膩。之後叫左甜蝦和鱆紅魚刺身，很鮮甜，口感也很彈牙，也一點兒都不腥。還有佢哋的串燒拼盤，有雞翅，豬頸肉，辣椒，冬菇，份量很足，又樣樣都有不同口感，特別正。還有兩杯蘇打飲料，也不會很甜膩，剛剛好還有點了魷魚鬚，我的最愛，炸的剛剛好 ，很脆口最後吃完我們還不夠飽，點了一份牛扒，本以為很普通，但吃起來不比外面牛扒差，超級嫩肉，吃完剛好飽，真是特別滿足

早前食過佐敦七福神和食亭, 正好同事們搞飯聚, 建議下今晚又再次去七福神食正野!餐廳環境唔算好大, 但乾淨企理。如果一大班朋友想暢所欲談, 可以預先Book位, 設有VIP房, 多少少私隱度。七福神和食亭當然主打日本料理, 刺身、壽司、炸物、丼飯、串燒等等...款式多多, 價錢亦很合理。寫no. Click紙仔點餐, 慢慢揀唔怕落錯單。【青蘋果雲妮拿奶昔】HK$44奶昔極為幼滑, 青蘋果跟雲妮拿味很平均, 奶味很重, 青蘋果果甜中帶微酸, 整體唔會太甜。【三文魚腩】HK$68超厚切三文魚腩, 極之慷慨, 魚油很澎湃, 超正! 【芥末八爪魚壽司】HK$22軍艦紫菜上檯即食還是脆的, 八爪魚碎粒份量不少, 配上芥末, 有少少攻鼻, 過癮又好食【油甘魚壽司】HK$32油甘魚頗為厚切, 油甘魚帶甘香【金龍蝦反卷】HK$46飯卷包住吉列蝦, 脆脆炸皮包住鮮甜爽口既蝦, 口感豐富【雞軟骨粒】HK$38外皮炸得乾身, 一d都唔油膩, 軟骨位爽脆, 口感一流~【海老天婦羅】HK$75炸皮很薄而且鬆脆, 入面隻蝦鮮甜爽口, 推介!【雞翼串】HK$38雞翼外皮有炭燒香味, 香脆可口, 內裡keep到些少肉

呢晚放工同姐姐嚟咗呢度食晚飯好耐冇去屋酒屋食飯，所以點咗好多嘢食火炙壽司五件都燒得好香口我最中意鰻魚同吞拿魚鰻魚柔軟得嚟又有d彈性，好食！芝麻雞翼雞翼充滿芝麻香，好香口惹味蛋包飯蛋做得好鬆軟充滿蛋香入面嘅珍珠米飯帶d濕潤但粒粒分明好飽滿整個蛋包飯嘅調味啱啱好唔會過咸加埋番茄醬食落更多開胃滋味 ！海膽炒飯上面放有鮮甜嘅生海膽同三文魚籽飯入面除咗熟咗嘅海膽粒、仲有蝦同魷魚等嘅海鮮配料、非常之豐富，充滿海鮮嘅咸香味。另外珍珠米炒得粒粒分明，非常香口焗蠔香滑忌廉加鮮甜厚肉嘅蠔，yummy!剌身拼盤全部都好新鮮生蠔好鮮甜，帶少少海水味！good!椰子雪糕好重椰子味，好香滑！好食！整體來講食物質素都好好，而且價錢又合理，都幾適合同一班朋友嚟食

久未見面的友人最近生日，而日理萬機的她晚上又太忙，唯有在她公司附近食好西去慶祝一下～～這間日式食店平常很多人，提前預約穩陣一點，何況我們是lunch時間去呢～先點了刺身拼盤，有北寄貝、海膽、三文魚、甘蝦，特別是海膽很鮮很甜，配搭脆紙菜必食！還有三文魚很厚口感很好！另補點了帆立貝刺身，夠冰凍真的昇華不少，這就是跟點壽司的分別～芝士焗天火蠔，這個有驚喜，芝士味濃郁之餘，蠔處於生熟之間，口感味道都非同凡響！蟹肉味噌甲羅燒，看照片已令人涶涎三尺，蟹肉加上蟹膏，再加少許飯糰恰到好處，不過最後有點飽，飯糰浪費了少許🥺蒲燒鰻魚，很大很大的一條，燒汁甜而不膩，唯獨是太大條，太飽肚了😆芝士天婦羅蟹腳卷，我發現我們都很喜歡芝士跟蟹，所以又點了這個混合體😂當然沒令我們失望啦😁點了這麼多，當然不會便宜，但滿足度真的爆燈了！友人也不會埋怨這餐生日飯吧☺️

聽朋友介紹去佐敦食左間日本餐廳，話性價比幾高，初時諗住佐敦啲餐廳會有啲難搵，原來只係係裕華國貨後面街，地點又幾方便喎。睇一睇餐牌,已經有好多野想食。叫左以下幾樣，都有d食唔晒。關西風玉子燒$56，新鮮制作，蛋層數夠多有口感。蝦雜錦天婦羅$65，上粉薄，哩個價錢竟然有3大隻蝦、茄子、木瓜、蕃薯、秋葵。魷魚鬚唐揚$55，即炸配上五味粉沙律醬，香脆野味。鹽燒青唐豆腐煮$38，用上日本豆腐，極滑豆味重。 露荀牛肉$55，配上燒汁，露荀爽口。特盛海鰻丼$130，鰻魚分量超多，鰻魚汁加上日本珍珠米，正。厚切牛舌$62、燒冬菇$28，牛舌特厚入味，冬菇唔乾仲係Juicy 。 海膽蟹肉茶碗蒸$42，蟹肉配蛋非常鮮味，蒸蛋既時間亦掌握得好好。

事原妹妹仔想我幫佢占卜算命,但又唔知俾幾多錢.....我話大家咁熟, 咪請我食番餐飯仔算囉!想食咩呀?日本菜囉! (因為近排少食日本菜!)咁....想去邊間呀?你請你話事啦!咁.... 佢就訂咗枱去七福神!七福神唔係第一次幫襯, 水準唔錯, 所以放心再幫襯.妹妹仔請, 所以由佢發辦, 蟹籽沙律 (大份量), 炸雞軟骨, 六品刺身盛兮, 蒲燒鰻魚, 九州拉麵.未講食品之前, 先講吓個廁所, 好乾淨! 讚!炸雞軟骨超正, 外表香脆之餘雞軟骨一D都唔硬, 而且極軟又極 Juicy, 爆分! \(^0^)/.六品刺身盛兮除咗有最愛三文魚, 重有帶子, 甘蝦, 北寄貝, 吞拿魚同鱆紅魚, 最深印象係帶子同甘蝦, 肉質極鮮甜, 我重留意到底部放上冰粒保持底溫, 夠貼心.蒲燒鰻魚魚身夠厚肉, 入口即溶而且味道唔會太甜啱啱好, 滿意.我自己少食九州拉麵, 眼前嘅叉燒份量比想像中多, 最重要入口即溶, 湯底亦濃郁, 拉麵彈牙之餘唔會過冧, 滿意x2.最驚訝係個大份量嘅蟹籽沙律! 竟然用個大大個湯碗裝大大份沙律上枱, 你話如果份沙律唔好食都可以放棄唔理佢, 衰在份沙律足料攪到好好味喎! 結果食完個沙律已經

去佐敦附近都好似新開左唔少美食，而呢間成日經過都會見到佢樓下需要排隊所以今日就提早黎book定位一於嚟試吓。蟹籽沙律（大）因為平時見出面嘅沙律份量都比較少，於是就叫左個大的，而呢間嘅沙律份量完全係超出預期，係平時的份量的3倍，適合6個人以上食。而入面的青瓜都非常爽脆。唯一有少許問題係沙律醬太多，所以好膩，建議大家可以叫少醬。芝麻雞翼一碟有四隻，全部都連埋雞翼尖而且係新鮮即炸，表面嘅調味功夫都做得十分之好。夠晒入味有少少鹹鹹地同埋香料嘅味道啱啱好，而且入面啱炸得啱好，仲有肉汁唔會太乾身又唔夠熟，所以呢個芝麻雞翼都叫得過。三文魚腩，一客有5塊，每塊都切得幾厚，係平時放題嘅厚度嘅兩至三倍到。所以食落非常之有口感，而且脂肪分布非常之好，所以非常之容易咬落去，而且唔會有其他唔新鮮的味或者唔夠凍嘅情況出現。石鍋燒香蒜牛肉飯，一上枱嗰陣已經聞到面頭大量蒜香嘅味道，而且石鍋非常之夠熱。所以一上枱之後要開始拌飯。如果唔係就會出現燒焦嘅情況，不過正正係因為夠熱所以成碗飯都會充滿着好香嘅牛肉同埋蒜香味道。十分之惹味。而且牛肉嘅份量都比得相當自大方，少少鹹鹹地嘅汁同埋蒜香食落非常之開胃。炸雞軟骨，上面嘅炸粉一

餐廳分開兩層，下層係接待，上層係用膳，有種更遠離繁囂同私隱嘅感覺。刺身拼盤餐廳提供左唔同嘅刺身拼盤選擇，可以自由配搭自己想食嘅刺身。嗌左一份有帶子、油甘魚、三文魚同北寄貝。芝士焗天火蠔焗蠔嘅大小絕對唔會令人失望，比想像中大隻。餐廳採用嘅芝士唔會太咸，亦唔會濃味，唔會蓋過蠔嘅鮮味。芝士燒天婦羅蟹腳卷天婦羅蟹腳係啱啱炸起，再包入飯卷，入邊依然香脆又夠熱。牛油果鮮奶沙冰估唔到成餐其中一個驚喜係呢杯牛油果鮮奶沙冰。飲落其實唔太重牛油果味，反而更似鮮奶，回味嗰下就會感覺到牛油果嘅味道，成杯野都好香滑。特盛海鰻丼叫得做特盛，份量都有返咁上下。成份鰻魚都係厚切咁。食落好有口感，加上鮮味嘅鰻魚汁，味道一流。墨魚咀唐揚食炸物，尤其係細件野最怕太厚粉。呢度落炸粉份量啱啱好，食落外脆而墨魚咀又好彈牙炙五味有五款火炙壽司，分別係鰻魚、鴨胸、、甜蝦、吞拿魚同三文魚。

佐敦橫巷裏有間舊式上樓的日本餐廳，價錢親民。未到7點已坐低，首先點左三文魚腩，吞拿魚，帶子刺身，帶子鮮甜，厚切三文魚腩好肥美，濃濃魚油香，食左2片已經投降。再來個海膽手卷，海膽唔會好腥，淡淡的味道，而且食到底都仲有海膽，正！食完冷盤就開始熱食，串燒點了牛舌，份量給嚇到了，厚切之餘仲要勁大塊，牛舌要燒到剛好，好考時間拿捏，師傅控制得好好，燒到好爽口，讚！有南瓜，番薯，軟殻蟹天婦羅，看了價錢後，必選軟殻蟹，我未見過如此親民的價錢，而且是大碼的軟殼蟹，加埋天婦羅炸醬，整體感覺係十級大份，抵食！點了鰻魚炒飯作主食，快速上台之餘，仲要有熱度，而且炒飯粒粒分明，配上鰻魚汁的香味，令我今晚食多左飯！總結，店舖係舊式日本餐廳的裝修，可想而知唔係食環境，而真係食品質，出品快靚正，價錢親民，絕對係物超所值！

星期六準備與朋友去佐敦行街街，在行街之前先吃個豐富的午餐 ~ 七褔神和食亭也是不錯的選擇。蟹籽沙律 ~ 超大的沙律，裝滿很多蟹柳，青瓜絲及蟹籽，非常抵食。關西風玉子燒 ~ 蛋煎非常嫩滑，而且味道亦不錯。石鍋燒香辣大蝦海鮮手打烏冬 ~ 有大大隻鮮蝦，青口，帶子等，非常豐富，湯底微辣而濃郁，還有嫩滑的手打烏冬，非常好味。紫芋金粟薯餅 - 紫芋很香甜，做這個甜品非常適合美味。椒鹽風味本菇 - 用粉醬炸的菌菇，味道不錯，內軟外脆，是最佳的小吃。

週未來到佐敦，一直久仰大名，就來試試這間日本料理。我們一口氣叫了不少食物！蟹肉味噌甲羅燒，滿口蟹肉咸香惹味，配合加了醋的飯團，實在是天衣無縫！芝士焗天火蠔一上菜就嗅到陣陣濃郁的芝士味，蠔肉肥美多汁，回味十足。芝士燒天婦羅蟹腳卷，蟹腳又脆又軟，層次豐富，加上芝士，真是絕配！燒牛柳粒也很出色！牛柳粒本身很大粒，燒得剛剛好，很軟腍，沒有渣，牛柳粒中間還見到鮮紅色，表示燒到大約7至8成熟，剛好鎖住肉汁的程度。中間還配有薯蓉，份量十足！菠菜玉子煮實在是意外驚喜！本人最討厭味精，這個菠菜玉子煮完完全全是天然的食材味道！玉子煮得非常滑，真是意想不到！值得一提的是這兒環境乾淨寬敞，侍應態度友善，很適合一家大小去用餐！