七福神和食亭

營業中

休息中

今日朋友帶我來到位於佐敦的七福神和食亭，十分方便，港鐵出口不到2分鐘的路程，在南京街路口已可以看到七福神的招牌宣傳。餐廳菜式選擇多樣，這裡的特色是自己寫點菜紙和壽司落單表。關西風玉子燒 $56玉子燒色澤金黃吸引，蛋香味濃，厚身實在。火炙三文魚腩壽司 $30輕火炙過的三文魚腩，油脂香突出，質感特別油潤柔軟。七味軟殼蟹卷 $58餐廳的招牌菜式之一，擺盤漂亮，份量足，軟殼蟹帶脆香惹味，很不錯。鐵板燒牛舌 $78牛舌大件且軟身，部位嫩腍，味道香濃。照燒雞和風潛艇半條 $40幾特別的配搭，法包香脆，餡料汁潤，很有飽足感。鹽燒油甘魚鮫 $78油甘魚鮫夠大件，皮脆肉嫩，蘸上點檸檬汁更能帶出鮮味。鰻魚飯 $130上面鋪滿鰻魚，厚身又嫩滑，鰻魚汁香誘人，愛鰻魚的我，十分滿足。煙肉免治串 $38用煙肉包著的免治串，咸香味濃，佐酒一流。醬油燒京蔥雞肉 $38雞肉厚身又大件，中間夾著京蔥更香。下次再試試其他菜色先。

想食日本野就喺openrice搵搵到呢間～質素又真係幾好，價錢又平又多選擇，唔怪得咁多好評😆自己寫食啲咩～芝士燒天婦羅蟹腳卷 $36/3pcs仲趣嘅天婦羅配上熱熔芝士 好邪惡好好食🥰三文魚腩壽司 $26/2pcs | 帶子壽司 $24/2pcs三文魚腩及帶子都好鮮甜好新鮮壽司飯仲有輕微溫度，暖暖地😆 壽司飯唔會太鬆亦唔會太實，好食👍🏻魷魚鬚唐揚 $55啱啱炸起～熱辣辣🔥 魷魚彈牙、爽口炸粉唔厚，鬆脆👍🏻 好食芝士焗天火蠔 $50/2pcs好多芝士🥰 好大隻蠔，一啖都食唔哂蠔好新鮮，加埋芝士同白汁好Match好好食😋大阪風鐵板燒牛舌 $78牛舌份量好多，見到牛舌都好厚😆汁燒好惹味好香，牛舌生熟度啱啱好，口感好好👍🏻—呢間野食價錢親民，性價比好高🤩交通亦方便，佐敦站A出就係～ 會再黎！

都臨近阿妹生日，而佢又一直話想食日本野，所以約佢黎食呢間餐廳，不過其實我都有私心嘅，就係我知道呢度有海膽魚子井，所以想試試😂除咗我叫嘅海膽魚子井，其他都係我妹揀嘅，包括有六品刺身盛、三文魚腩（佢真係好鍾意食三文魚）、煎餃子，同埋芒果花之戀，原本想試試和牛刺身，不過可惜賣曬，飲品就叫咗荔枝蘋果蘇打海膽魚子井其實算細細碗，但唔知點解鏡頭下竟然睇落好大碗😂海膽味道鮮，口感綿，連本身有d怕食海膽嘅妹，試咗啖之後都話唔錯。今次魚子我覺得味道恰到好處，唔會太鹹，亦唔會腥，我基本上冇乜落醬油，撈好之後就可以食，飯原本以為係凍，原黎係微溫刺身方面，我最喜歡蝦同埋三文魚腩，我本身都鍾意食蝦刺身，今次嘅都唔錯，口感糯糯嘅，蝦頭味濃，而三文魚腩味道真係好出，一咬落去，除咗滿滿嘅油香，仲有好濃郁嘅魚肉味。（之前食過有d雪過龍嘅三文魚，除咗雪味，乜都冇）今次嘅好滿意，鍾意食三文魚嘅唔可以錯過，另外由於三文魚腩相當厚切，一舊塞入口，香味係填滿成個口腔👍另一道與三文魚有關嘅，就係芒果花之戀，芒果味中和咗油膩感，就算之前食咗好多刺身，食埋花之戀都唔會覺得膩。上面嘅青瓜絲超多...成座塔咁搭係上面，令到呢份花之戀多幾分

朋友冇得去日本，情緒低落，今日約她到一間日本食店大吃一餐。建議訂位呀! 餐廳當晚是滿座~~食物種類和款式多，有刺身、壽司、卷物，磯燒、串燒等。落單簡單，將號碼寫在點菜紙便可，我們亦很快點了8樣食品。【七味軟殼蟹卷】軟殼蟹炸得夠脆，卷物外邊有沙律醬和飛魚籽。【醬油燒京蔥雞肉】雞肉嫩滑，京蔥很香，醬汁甜。【免治雞肉串】兩串$55超抵食，雞肉串外面都冇燒得過燶，裏邊有一粒粒的軟骨，有咬口，必要點雞蛋汁，質地濃又美味。【海膽魚籽丼】每一口吃到豐富多汁兼有鹹香味的魚籽和海膽，十分滿足。【清酒煮海蜆】酒味甚濃，蜆都頗大隻。【芝士肉醬燒茄子】芝士和肉醬比例剛好，醬料沒蓋過茄子的味道。【鹽燒油甘魚鮫】魚肉很厚，肉質卻很滑，魚亦有淡淡的鹹味。【芝士焗天火蠔】最面佈滿芝士下面隱藏一隻熱辣辣的蠔和牛油香味。食物份量足，價錢公道，食得痛快！

海膽無味都算，口感仲滑潺潺，好似食鼻涕咁，從未食過咁樣口感嘅海膽，勁難入口。其他食物亦唔好食炸油魚唔脆，真係油淋淋，仲衰過旺角街邊檔 好失望牛舌好厚，睇到好清楚d 舌胎，賣相十分恐怖請我都唔會再食

日本菜價錢一般都偏貴一點點，最近花了很多洗費在抗疫物資上，想吃日本野又想經濟一點，我想起了七福神和食亭！食物種類超多而且質素好，重點是價錢非常合理！人流都幾多！證明有實力！現在有雙拼優惠，食物都好吸引！我們點了刺身、壽司和一些燒物！這裡的上菜速度都幾快！帶子刺身厚肉又鮮甜，沒有雪味！壽司我們點了海膽、三文魚子、赤貝、鰻魚、炙燒三文魚。價錢是一碟兩件的，所以我覺得好抵食！我最鍾意三文魚子，充滿鹹鮮味，咬落卜卜聲！鰻魚也很高質素，好軟好稔，燒得幾香！壽司米也很好，飯粒不鬆散！軟硬適中！赤貝也帶驚喜，鮮甜又爽口！軟殻蟹手卷這個我幾乎是每次必點的，這個是兩件的價錢，好大份，軟殼蟹炸得超級脆，加上沙律醬，好好食！清酒煮蜆蜆肉非常肥美！肉質好鮮甜，而且份量都不少！免治雞丸串未食過這樣大的雞棒，吃到雞軟骨粒粒，很有口感，加上醬油和滑滑的鮮雞蛋，美味！大阪風鐵板燒牛舌牛舌煮得好稔，不會又硬又有筋，味道甜甜地，好惹味！

七福神和食亭喺佐敦近廟街夜巿嗰邊，門面其貌不揚，但上到去見到已經差不多滿座，喺疫情期間嘅周六中午都有咁嘅入座率都幾難得。而家我哋知道點解啦，因為佢哋嘅食物質素同份量並重，好抵食。【蝦天婦羅】共六件蝦天婦羅，即炸，出到嚟熱辣辣。【燒雞翼】惹味燒雞翼，燒到脆皮，入面依然肉嫩juicy。【芝士焗天火蠔(兩隻)】焗出嚟嘅半溶芝士，香濃又軟滑，入面嘅蠔都新鮮大隻。【芝士燒天婦羅蟹腳卷】軟綿壽司飯入面係鬆脆天婦羅蟹腳，上面仲有my favorite嘅芝士。【清酒煮海蜆】份量多，十幾粒，粒粒都又大又肥美，酒味適中再加少少辣，相當唔錯。【蟹肉味噌甲羅燒配雙目珍珠飯糰】甲羅燒啖啖蟹肉，上面有香蔥同蟹籽，啱晒我。仲有脆紫菜+飯糰。【照燒雞和風潛艇(半條)】法包勁鬆脆，入面係芝士照燒雞肉+青椒、紅椒等等。我哋叫咗半條，但食落差不多有半個pizza咁多。【北海道鍋燒蠔仔粥】蠔仔粥有蛋花、香蔥同菇菌、紅蘿蔔等等。食落更香滑好味。【椰子雪葩】【蜜桃雪葩】用真嘅生果做容器，好精緻。兩款都係凍冰冰濃濃果味，涼透心～

今日來到佐敦食「七福神和食亭」，平日晚上都幾多人！打開Menu 都花多眼亂，樣樣都想食！「士多啤梨煙三文魚果醋沙律」酸酸甜甜都好好食，是開胃既首選！「炸雞軟骨」岩岩炸起，份量好夠。脆脆的，如果配上一杯啤酒就好了！食日本野當然要食壽司同刺身，今次簡左「三文魚壽司」、「鰻魚壽司」，仲有七福神手卷、軟殼蟹手卷。當中「軟殼蟹手卷」比起其他日式餐廳出色好多，新鮮炸起 熱辣辣的，加上惹味的沙律醬，我一個人食晒2枝！刺身是厚厚的一片一片，是新鮮的，不錯的說！最後上的就是紫蕃薯鮮奶昔，唔食太甜，味道適中。當埋做甜品都得呀！店內坐得好是舒適，店員都好勤快加水，是不錯得晚餐聚點！

疫情下大家心情都一般， 但飯總要吃的 ，所以今天決定和好友吃一頓豐富的晚餐。我們六時入座，坐下我們細看餐牌 ，看見種類繁多的食物，令人眼花繚亂 。我們點了很多食物 ，先說說炸魷魚鬚吧！這個菜色看似普通 ，但吃起來要外脆內嫩 實在不容易 ，但這裏的魷魚鬚 十分好吃呢!另外 點了我至愛的鹽燒魚鮫 ，果然沒有令我失望， 魚肉很嫩滑 ，實在物超所值 。不得不提的是那個牛扒， 外面微燶，封鎖了肉汁， 內裏紅色看似5成熟，但沒有血水， 吃起來非常嫩口，是全晚我最喜愛的一道菜。喜歡吃鰻魚的一定不能錯過這兒的鰻魚飯， 貨真價實， 鰻魚份量非常多，一定能令你感到滿足。 我們眼闊肚窄， 還叫了一個金龍蝦飯卷， 蝦的外層炸得脆脆的， 蝦肉鮮甜 ，同樣叫人難忘，還有那個芝麻雞翼 ，維持高水準，絕對沒有令大家失望 。整體而言 ，不用六百元便吃了這麼出色的菜式，實在物超所值哦 !

之前朋友黎過七福神食野話好食, 所以帶左我黎呢到事實上, 呢到真係平民價, 但質素好好因想同朋友慢慢傾計慢慢食 所以都嗌左幾多野食 而且Lunchtime呢到都算幾旺場柚子雞翼花香脆Juicy 炸粉又唔會太厚 點埋柚子醬食好開胃清酒煮海蜆湯底超鮮甜帶點辣味同酒味 蜆肉大隻又新鮮 所以Encore左一次鹽燒油甘魚交食落似炸的 應不是燒 但都Juicy啖啖肉 皮夠脆夠香口蟹肉味噌甲羅燒超多蟹肉仲配埋紫菜飯團 抵食墨魚咀唐揚新鮮炸起都唔會覺太油 而且炸粉唔厚抵得一醒冬菇串燒 & 雞翼串燒冬菇同雞翼燒完都Juicy 唔會ovecook芝士泡菜薯條薯條係新鮮炸起粗薯好正 配埋芝士同泡菜 呢個配搭都係第1次食 幾好菠蘿雪芭原隻小菠蘿雪芭 果汁唔會化學味 食都好飽好完美的一餐 無一樣野食係覺得唔好味 全部都above average 真心推介

餐廳裝修樸實、雅緻， 木傢俬為主， 充滿日本居酒屋風情， 座位寬敞舒適。三文魚腩五件$68新鮮三文魚腩， 用碎冰墊底，保持新鮮， 厚切大件， 色澤鮮明，充滿光澤， 賣相垂涎 ， 魚腩入口滑溜 ， 魚油豐盛， 十分鮮味 。秋日雙拼: 魷魚鬚唐揚+ 金龍蝦 反捲$75魷魚鬚新鮮炸起，熱辣辣， 香噴噴，薄粉漿包裹著， 十分脆口、 嚼勁 ，我的摯愛。反捲上鋪滿脆卜卜、鮮味的蟹子， 炸得金黃酥脆炸蝦， 被包在飯裏面， 十分滋味， 令人一吃再吃。鹽燒三文魚頭$48整整原隻三文魚頭， 夠份量， 上枱時，熱呼呼， 外皮燒到金黃色 ，魚香四溢， 魚皮香脆可口， 魚肉保持嫩滑， 唧上檸檬汁， 鮮味更加提升， 亦可減膩，送酒一流。特盛海鰻魚$130足一條鰻魚份量， 份量十足， 切件盛上， 用炭火燒烤， 散發陣陣焦香， 香氣四溢， 配上甜甜的燒汁 ，大口咬下去，肥美無骨 ，香甜嫩滑， 配埋軟硬適中珍珠米 ，每口飯口感豐富， 津津回味。芝士天火蠔兩隻$50蠔身完全被滿滿半溶芝士蓋著， 令人垂涎，蠔身十分肥美，咬下去蠔汁在口中爆開， 嫩滑和鮮味， 混合埋半溶芝士一起吃， 邪惡又滋味。 大阪風鐵板燒牛舌$78厚切牛

阿女今晚請食飯，訂了她的至愛七福神和食亭。我們準時七點來到，已見近一半入座。坐下後，我們點了八品刺身盛盒、芝士焗天火蠔、墨魚咀唐揚、黑松露海膽茶碗蒸，及蟹肉味噌甲羅燒。八品刺身盛盒簡直一絕，食材矜貴新鮮，份量十足，海膽超鮮味，魚生非常厚切有質感，款式多，任君選擇海膽夾著紫菜食，更能夠帶出海膽的鮮味芝士焗蠔更是非常有驚喜，焗溶了的芝士香濃無比，簡直昇華了蠔的鮮甜天火蠔大大隻，非常肥美，正到無朋友吖墨魚咀唐揚炸得恰到好處，皮薄墨魚咀彈牙，非常甘香蟹肉味噌甲羅燒的蟹肉惹味，食落很有口感，配埋飯團一齊食好有大滿足的感覺茶碗蒸蛋味極濃，原來加埋海膽一齊蒸更加味濃，值得一試

媽媽係永安百貨嘅粉絲，應承咗新年後送對英國皮鞋俾佢，放工有時間陪佢去揀鞋順便食個晚飯，盡量俾啲時間陪下父母。一早講咗話想去七福神，因為近近地而且佢之前食過話食物款式有好多選擇，openrice 訂位又有九折!果然上到去竟然係滿座，好彩有預先訂位我哋可以坐卡位舒舒服服又唔使驚同隔離嘅食客太過親近。《炸魷魚鬚》一坐低店員奉上熱茶，我哋叫咗款小食開下胃先，魷魚鬚炸得香噴噴，入口非常酥脆，彈牙有咬口。《刺身拼盤》我係為咗海膽半版而叫嘅，雖然三文魚、北寄貝，甜蝦也不錯。海膽入口即溶且豐腴肥美，令人甘香回味。甜蝦鮮甜爽口結實、三文魚脂肪分布平均，全部都新鮮好味道。《燒肉帶子串》煙肉帶子非常鬆軟，帶子大大粒厚身多汁，充滿帶子鮮味，口感有層次。《柚子咖喱豬扒飯》最近天氣悶熱，想食啲清新嘅食物開胃一下，日本柚子系列最適合不過。每一啖都感受到甜美的柚子芳香，豬扒肉厚多汁，飯粒飽滿沾滿咖喱汁，咖喱小小辣夠晒惹味。《壽司》這裏的壽司味道也不錯，價錢又夠經濟實惠，蟹籽壽司值得一試，味道一流。赤貝壽司、芥辣八爪魚壽司《加州反卷》最簡單的也是最經典的加州反卷，媽咪吃得好滋味。《燒雞翼》燒起熱辣辣，口感不俗，皮脆肉滑

已經係第二次嚟七福神食物依舊大件夾抵食😜😜因為食物嘅價錢唔高 我哋當佢好似放題咁食首先我哋叫咗個蟹子沙律沙律份量好大 我哋叫咗個細嘅蟹子沙律已經足夠三至四個人食三文魚腩肥美新鮮見到餐廳有秋日雙拼好抵食！我哋叫咗魷魚鬚唐揚加金龍蝦飯卷價錢只係$75估唔到咁龍蝦飯卷有六件呢個價錢真係幾抵食牛油焗帶子每隻帶子都好肥美 牛油味好出加埋檸檬汁 令到食咗帶子冇咁肥膩串燒方面我哋叫咗牛舌，雞翼， 大蔥雞 ， 豬頸肉厚切牛舌好彈牙 值得推介大蔥雞嘅雞肉亦都好嫩滑甲羅燒蟹膏好豐富 要黎餸飯一流最後我哋都叫多兩個甜品柚子雪糕同菠蘿雪葩 裏面充滿果肉正👍🏻👍🏻

趁假期最啱相约好友齊齊去品嚐美食，佐敦呢度係一個美食集中地，是日又去咗呢度開飯，今期又去日式料理店品嚐一餐美食，算係我其中一個喜愛嘅飯堂之一當然有佢吸引之處，係餐牌上有多款不同日式料理，先來點串燒有煙肉帶子串，煙肉燒得香脆可口陣陣油香，同時食到彈牙爽口帶子正，另一款係炸墨魚咀，鬆脆又惹味最啱襯返杯啤酒一邊食，接住係廚師推介大阪風鐵板燒牛舌香味十足，食到肉質香嫩牛舌，加上風味醬汁同洋蔥口感一流，接住有玉子料理，點咗呢款波菜玉子煮，入口比較特別滑溜之餘，蛋味濃厚又食到波菜條，難得食日本料理最鍾意吃到呢款特盛海鰻丼，望見份量十足海鰻真係超滿足，而且又食到啖啖豐厚飽滿嘅海鰻肉夠晒滋味，還有呢個柚子焗咖喱豬扒飯，軟熟嫩滑嘅豬扒上放滿了香甜嘅柚子醬，加埋香濃嘅日式咖喱，十分醒胃，喜歡日式柚子味道同咖喱嘅朋友都係推介選擇，食完一輪美食之後，食埋壓軸出場嘅山型香桃雪葩，濃郁嘅桃味，入口夠晒香滑，咁至完美。