七福神和食亭

營業中

休息中

這一間日式料理店舖 ，位於佐敦道，雖坐唔係在大街，但係撘車都好方便，店舖環境都好舒適，裝修擺設都好特別!坐落都好舒服，至於食物方面，尢其是鳗魚飯份量非常十足，味道一流，原條厚切，咬落口敢啖啖肉！非常之好味道！非常滿足!份量又多，食完之後已經覺得好飽的感覺!魚生又夠新鮮，每一件又夠厚度，十分之咬落去好有口感，真係唔錯之選，還有其它食物，至於天婦蘿炸虾，外層夠哂鬆脆，內層D虾又夠鮮甜，十分之好味道!正呀！還有其它炸雞軟骨，炸魷魚味道都唔錯！店舖其實還有好多特式食物！至於價錢方面又唔係好贵，大眾化適合大家，值得來試吓！

每當我想食日本菜嘅時候，總係會諗起呢間餐廳，因為呢間餐廳無論地點、食物質素、環境甚至服務都係超晒班，絕對值得我再次光顧。難得同好耐冇見嘅舊同事食飯，當然要食餐勁㗎啦，所以我哋都嗌咗好多嘢食。玉子燒每間日本餐廳都必定會有既玉子燒，但要做得出色絕對唔容易，上枱嘅時候熱辣辣，玉子好滑而且厚身，充滿蛋香味。清酒煮海蜆呢個真係極力推介，海蜆隻隻都脹卜卜大大隻，食落仲有海水味，又唔會蓋過清酒嘅淡淡香味。炸雞軟骨、雞翼串燒作為餐前小食，炸雞軟骨好香口，雞翼串燒亦都燒到外皮好脆口。蟹肉味噌甲羅燒上次食過之後令我食過返尋味，甲羅燒嘅蟹肉味好濃郁，而且蟹肉份量好多，絕對唔偷工減料。鰻魚飯、稻庭凍烏冬朋友食鰻魚飯，我就食凍烏冬。煮烏冬嘅時間拿捏得好準確，十分彈牙。

七福神和食亭這晚真係好想食日本嘢，疫情以來成日喺屋企，這晚就揀咗好接近地鐵站嘅七福。我一心想以最快的速度享用完便離開，侍應也十分配合我，因為食物上得很快。我點了一客北海道帶子，燒得來嫰滑，味道鮮甜，不愧為北海道帶子。另外蜆肉又是我最喜愛的，湯底很香，我差點想把湯也喝光。燒魚鮫是我其中一道很喜歡的燒物，因為魚的肥脂燒乾後咬起來真的很香脆，又沒有油膩的感覺，只要加少許鹽花就已經很美味了。燒蠔不用$80有三隻，質素也是很好，有芝士鋪在面然後燒，yummy!這兒的雜錦燒拼盤能滿足我樣樣都想食啲的需要，很喜歡💕由於吃的海鮮比較多，我想一定要吃少許碳水化合物，叫了這個三文魚🍣飯團，真沒有想過好入味好好味，要不是已經叫了很多其他食物，我真想多叫一個三文魚飯團。我叫的士多啤梨🍓乳酸好濃郁幼滑，朋友點了生啤，配燒物簡直一流。

相約一家人去佐敦飲早茶，點知瞓晏咗，唯有改食午餐，經過見到呢間日式店舖（七福神）睇見餐牌食物選擇多，十二點鍾人流未開始多，可以直接入座，就試試吧😌！內裏的裝修亦都好整潔，有點日式的感覺，坐位好濶落，十分舒適，餐牌亦圖文並茂，點餐冇難度😊！蟹籽沙律＄50（細）份量比想像中多，青瓜爽脆多汁，再配上蟹籽口感層次大增，開胃前菜👍🏻👍🏻！刺身拼盤＄118所有刺身都好新鮮，三文魚肥美，蝦鮮甜，北寄貝食落爽口😋😋！石鍋香辣海鮮手打烏冬＄88湯底微辣又可口 , 香辣湯底 ，香味濃郁 , 每一啖烏冬都吸收了湯汁，好好味😋，加上有大蝦，青口，帶子等等海鮮的材料，十分豐富👍🏻👍🏻👍🏻！大蝦雜錦天婦羅 ＄65（六件）炸蝦天婦羅，皮薄外脆內軟， 炸得剛剛好，好香口，肉質亦保持到水份😌！椰子雪芭＄48先試了一口，感受到濃厚的椰子甜味，再食多幾啖，綿綿的香滑感覺更有口感，好好味，食唔停口😅😅！

去開佐敦買髮型用品，想食日本野，但又唔想食放題，上OpenRice睇吓有咩推介，見到呢間七福神好似幾多好評，試吓係咪真係咁好食先蟹子沙律（大）$60首先份量可以用巨型來形容，豐富嘅蟹子同蟹柳絲，配以清新口感嘅青瓜絲，絕對係絕配。爽口嘅青瓜配以軟綿綿但有鮮味的蟹柳，食出兩種層次芝士焗天火蠔$72如熔岩的芝士，外層微微燒焦，帶鹹嘅香。芝士配以煙肉一同烤焗，份外惹味。主角天火蠔，脹卜卜咬落充滿蠔汁，感覺鮮甜廣島吉列炸蠔$58鍾意食蠔嘅我，點會放過呢個吉列炸蠔。同芝士焗蠔相比，因為原隻吉列烤炸，更加能食到啖啖原汁原味嘅鮮蠔味道軟殼蟹天婦羅$72薄薄嘅天婦羅炸漿，炸得夠香脆唔會有一種好重粉嘅感覺。採用嘅軟殼蟹，蟹肉夠厚身，用上天婦羅嘅煮法，更能夠鎖死蟹汁，每一啖都有好Juicy嘅感覺芝麻雞翼$62真的滿佈芝麻，賣相討好。外皮咬落去感覺卜卜趣，但雞肉嘅肉質仍然能夠保持鮮嫩，雞翼來講，已經屬於最高嘅美味境界關西風玉子燒$56鬆軟綿綿帶有蓬鬆感覺的玉子燒，甜甜的有蛋香石鍋燒香蒜牛肉飯$65本身諗住充飢用，殊不知呢個牛肉飯令到人食不停口。用上大量香蒜，令到飯底味道香濃。廚師更加用上雜菌來提鮮，更加能散發

再一次來到這家位於佐敦的日本料理 質素是不錯🤤去到的時間剛剛開門😆 選擇了向街道位置的於用餐餐廳播放著流行音樂 可以放鬆一下享受悠閒的午餐呢這裡落單方式以自助形式 先把想食的食物和數量寫下然後再交給店員等待送餐來就行 很快就開始送餐來了·刺身三文魚(HKD$62) 油甘魚(HKD$70) 吞拿魚 (HKD$55)每一份魚生也大約有四片 價錢不算太貴可以接受的😀魚生新鮮口感不錯 食材新鮮令到刺身肉質更佳挻好🤤·鰻魚飯 HKD$130原條鰻魚切件份量十足 鰻魚很厚身肉質/性價比不錯配上甜甜的鰻魚專用醬汁拌飯不錯 這個第二次點來食想再食其他食物 所以兩個人分享一碗鰻魚飯最好不過·唐揚魷魚鬚 HKD55 / 炸蝦天婦羅 HKD$70兩款食物即叫即做 所以上菜時熱辣辣要馬上食才行🤤天婦羅做到很酥脆口感不錯 一份大約4-5隻大蝦挻不錯這家店質素是不錯的 另外還有午市套餐等等多款選擇而且交通方便 與朋友來吃飯也是個不錯的選擇呢😆😆

有著一半日本胃的我，一星期總要吃幾頓日本菜，在OpenRice研究了一下，發現佐敦這家七福神和食亭有著八百多個好評，就和友人來試試。店裡環境乾淨整潔，很多卡位，不會太嘈吵。我們點選了不少主打的菜式。蟹肉味噌甲羅燒：如果你是「蟹癡」，就不能錯過蟹肉味噌甲羅燒，蟹蓋內放了滿滿的松葉蟹膏及蟹肉，配上紫菜飯團吃，咸香惹味！免治雞丸串：以新鮮雞肉製成免治雞丸，沾上涼快的蛋漿，一啖咬入口，汁多肉嫩，沒有油膩感，味道剛剛好！脆皮煎日式餃子：看得出師傅煎餃子的功架，煎得超級薄脆，把餃子做到外脆內軟，非常美味。紫芋金粟薯餅：炸得薄薄又鬆脆的外層，加上綿綿質感的紫芋金粟蓉，喜愛甜點的，一定要試這個質感和味道俱佳的小食。露笋牛肉：以簿片牛肉包裹露笋再燒烤，肉汁滲透在爽脆的新鮮露笋裏，口感層次非常豐富。除了以上推介美食，我們還點了沙律、燒牛舌、燒雞翼、芝士燒天婦羅蟹腳卷、牛油果沙冰等特色飲品和雪芭。總括來說，這裡的菜式美味又選擇多，除了供應時令刺身、壽司、串燒等，還有多款和食。菜式份量偏大，性價比高，真是非常豐富満足。

今日同老婆兩個去了佐敦食午餐。蟹子沙律：沙律要了大份，原來都真係好大份，建議兩個人大家可以先叫小份，清甜青瓜絲配搭上生菜絲，蛋王醬及蟹子，味道清爽。清酒煮蜆：蜆肉的鮮配搭清酒淡淡的酒香，兩者融合一起，蜆肉鮮甜又帶有酒香，蜆肉又無沙，非常乾淨。蒲燒鰻魚：鰻魚加了蜜汁燒至表面變香，肉質嫩滑，魚皮帶爽口。墨魚咀唐揚：墨魚咀已去掉骨，十分有咬口，不過較為油膩。自家製芝麻雞翼：雞翼就普普通通，不過係有雞翼控人士堅持要食。蘆筍牛肉：牛肉燒得很腍，中間蘆筍完全無渣。七味軟殼蟹卷：剩係小食都半飽，加埋這個炸得香脆的蟹卷，非常滿足。最後還加了杯士多啤梨乳酸，用益力多及新鮮果肉打成，酸酸甜甜又健康。

這間位於佐敦的七福神和食亭，以日本菜為主，有刺身、壽司、串燒等供應。三文魚刺身顔色亮麗，油脂均勻，入口有魚油甘香。日式炸蝦餅炸至金黃香脆，淡淡都是蝦膠，十分彈牙。燒肉帶子串帶子外層包著煙肉，帶子燒得剛熟還帶點刺身狀，煙肉燒至帶香。鹽燒油金魚魰油金魚燒至表皮金黃，魚油脂肪滲出，所以油份又不會好重，加上特製酸汁，正好中和油膩感，魚肉雪白嫩滑。海膽海鮮炒黃金飯炒飯用了珍珠米，每粒都沾上了海膽金黃，但海膽味並不突出，不過用了很多帶子仔、蜆肉等作配料，味道不俗。

今晚好想食日本野，本來target左幾間，但居然勁多人！亂打亂撞之下，係openrice搵到呢度，好多like就睇下有無位啦係openrice book枱仲有優惠，當時係街6點45，7點15就有得book，於是就決定book可能早，上到去唔算多人，但食到中途就開始好多人食物種類都算多，我哋就叫左以下幾樣叫左幾款壽司，八爪魚幾好食其他都不錯仲叫左碟炒麵，份量都ok，少少辣辣地呢碟炸雞好卜卜脆，但我就覺得唔夠入味，唔夠咸呢碟卷物都真係可以encore，好芝味芝士焗蠔都ok，欣賞佢隻碟成隻蟹咁😂之後都有再散叫左八爪魚同三文魚壽司之後男友話剔左金龍卷但無出到，本來以為未整，之後應該係睇漏，不過唔緊要，已經夠飽了有機會下次再來

約左朋友來佐敦食飯同行街朋友話想食日本野我地來左呢間因為之前食過覺得唔錯環境幾闊落仲有卡位tim食物有好多選擇柚子雞翼花好脆好好食蘆筍牛肉串juicy美味燒肉帶子串燒得好香關西風玉子燒蛋味香濃芝士泡菜薯條炸薯條加芝士本身已經好好味加埋泡菜辣辣地更惹味超正鰻魚炒飯材料多多d飯好有鑊氣好香炸魷魚鬚脆脆口感蒲燒鰻魚燒得好香口感綿滑菠蘿雪芭山型香桃雪芭d雪芭好香好好味極上魚生丼材料豐富非常fresh😄芝士燒天婦羅蟹腳卷天婦羅好香口面頭d芝士加埋更香八品刺身盛合材料好新鮮切得好厚口感肥美整體好滿意服務同食物都很好

海老天婦羅一客有六件 炸漿唔會炸得太厚肉質結實 性價比好高👍🏻👍🏻.牛油果鮮奶沙冰好大杯 好creamy 好似飲緊奶昔加雪糕咁🤣🤣🤣🤣.刺身方面我地點左油甘魚 三文魚 北寄貝同帶子切得好厚身 完全冇雪味 水準之上.串燒點左牛舌串 雞軟骨串同蘆筍牛肉串即點即燒 上枱嘅時候都熱辣辣牛舌好大舊 而且好爽脆蘆筍牛肉都相當之Juicy.秋日雙拼佢有四個組合最後我哋揀咗魷魚鬚唐揚金龍蝦反卷先係$75好抵呀👍🏻👍🏻👍🏻👍🏻👍🏻

今晚送愛給朋友，由於口罩有多了出來，便讓點給朋友約了在佐敦吃飯，於是行了去彌敦道的七福神禾食亭。座位很寬敞，沒有逼夾感，我們坐了近窗的雙卡座。食物價錢不貴，可以多點幾樣，哈哈！沙冰麒麟啤酒很特別，啤酒鋪上了沙冰，賣相超美，而且可以令到啤酒溫度保持冰凍，口感冰涼，一流。油甘魚刺身油甘魚厚切，不欺場，魚油甘香，鮮甜，知道它的刺身不錯，立即再點了另一盤刺身。刺身拼盤有北寄貝，活赤貝，三文魚，帶子。各種刺身都非常新鮮，特別是北寄貝，爽脆，甜，沾上芥辣，味蕾上更感覺到它的鮮。鐵板燒牛舌和廣島吉列炸蠔牛舌厚身，有咬勁，炸蠔蠔肉新鮮，炸得好脆。特別一提這裏服務員服務態度非常好，非常醒目，而且招呼周到，經常會同你換碟，超贊！在這一排人人不敢出街的夜晚，全場竟然滿座。

我之前已經食過七福神，覺得性價比高，起佐敦市區實屬少有，所以印象深刻。經過上次見到滿座嘅情況，今次就預先訂位， 所以好快就有得入座！同樣地今次都係坐滿客人！三文魚腩5切 $68三文魚腩厚切，有口感，咬落好有油香呢個價錢食到這個魚生厚度同油香，絕對滿意海膽魚籽丼$138雖然唔算好大碗，但係好足料，海膽同魚籽份量夠多鋪滿整個飯，份量足以撈飯食!芝士燒天婦羅蟹腳卷$36呢個係廚師推介，賣相幾吸引，所以就試下蟹腳炸粉適中，天婦羅脆的，加上芝士同沙律醬，幾滋味大阪風鐵板燒牛舌$78一向都喜歡食牛舌，見到有得食，即刻叫黎試下份量不錯，而且牛舌係厚切，咬落有口感，煮得夠入味！男友好快清曬，鐘意牛舌的人可以一試！脆炸柚子雞翼花$48開頭望見餐牌寫雞翼花，都無留意係咩意思見到實物就明白！原來係將雞翼𠝹幾刀，令到炸完之後變成花咁樣！幾特別，食落覺得咁樣炸更加脆，而且食得更方便芝士焗蠔$25/1隻好黃金色呀！隻蠔幾大隻，上面舖滿芝士，焗到好金黃，味道香濃碳火燒七味雞扒$58好香碳燒味，燒到有微焦，幾香脆份量足，肉質juicy 再一次光顧，同樣保持到質素，性價比依然高的。見到隔離枱叫了個沙律好大碗，真係好抵食

呢間餐廳我嘅回頭率極高，事關佢真係大件夾抵食，而且質素仲好高，一啲都唔馬虎。軟殼蟹手卷睇相都見到，超大隻軟殼蟹放入手卷度，而且仲要係啱啱炸好，脆卜卜！熱辣辣！八爪魚沙律八爪魚好新鮮，重點係有好多八爪魚片，仲配有芥末八爪魚粒，酸酸微微好開胃。串燒五品盛特別鍾意食佢嘅燒雞翼，剪開雞翼嚟燒令到口感好脆口，仲要係我最鍾意嘅鹽燒，如果配啤酒真係一流。蟹肉味噌甲羅燒配飯團特別欣賞呢個蟹肉甲羅燒，蟹肉味好出，配埋飯團食，真係好食到唔識形容。炭燒黑毛豬鞍扒價錢公道，豬鞍扒好大份，肉質腍身兼且好Juicy，超水準之作。鹽燒油甘魚鮫第一次食油甘魚鮫，原來真係可以咁好食，魚鮫充滿魚油，而且外皮燒得好香脆，我女朋友仲話脆過薯片添！